Jaarverslag 2008/2009 - NG Welsyn Noordwes

Ds Anton Mocke
NG WELSYN NOORDWES EN GAUTENG
• Die NG Kerk se maatskaplike welsynsdienste in die Noordwes Provinsie asook die Vaal en Wes-
Rand streke van Gauteng – ‘n diens vanuit die NG Kerk aan alle mense in nood, ongeag ras of
kerkverband.
• Geregistreerde welsynsorganisasie (SKDB Wes-Transvaal)
• Artikel 21 Maatskappy (NG Welsyn Noordwes en Gauteng, 95 08030/08)
• Organisasie sonder Winsoogmerk (NPO 002-059)
Visie : Die optimale maatskaplike funksionering van die individu, familie en gemeenskap tot eer van God.
Missie: NG Welsyn is daartoe verbind om 'n omvattende professionele maatskaplike welsynsdiens te lewer.
BOODSKAP VAN DIE BESTURENDE DIREKTEUR
Om na ander se welsyn om te sien, dit is ons werk. Dit is ons roeping!
Daar is soveel seer en pyn in hierdie wêreld van ons, ja ook in ons land en onder ons mense. Soms voel ons om soos Job te
sê: "Ek sit my hand op my mond. Ek het niks om te sê nie – ek bly liewer stil.”
Die honger van mense sonder kos en sonder werk. Die pyn van siek mense. Die verlatenheid van mense sonder huis of bed
of skuiling. Die seer van kinders en vroue wat mishandel word. Die eensaamheid en verwaarlosing van oudword. Die
alleenwees van kinders tussen ander, sonder 'n eie huis of gesin. Die wag op iemand wat ook vir my lief sal wees. Alles
dreig soms om net te veel te raak.
Robert Browning sê in 'n gedig:
I give the fight up: let there be an end.
A privacy, an obscure nook for me.
I want to be forgotten even by God.
Soms voel sommige net om weg te hardloop. Ander mense maak asof die seer en die pyn nie bestaan nie. Sommige leef so
ver daarvandaan dat dit nie vir hulle 'n werklikheid is nie. Baie wil dit nie sien nie, wil nie kyk nie en wil nie daarvan weet nie.
Maar van die werklikheid van hierdie stukkende wêreld kom nie een van ons los nie. In die een of ander stadium word ons
met die seer gekonfronteer en moet ons dit hanteer.
JAARVERSLAG 2008/2009
JAARVERSLAG 2008/2009 1

Gelukkig en geseënd is ons, want daar is mense wat daadwerklik iets doen om die seer van ander draagliker te maak. Daar
is mense wat hoop bring waar alles gaan stilstaan het en wêrelde uitmekaar gebreek is.
Daar is mense wat gaan stilstaan en wat raaksien wat in ander se lewens aangaan. Daar is mense wat die hande uitsteek en
die nood aanraak, wat nie net praat en beplan nie, maar werklik iets doen.
Dit is waar NG Welsyn werk. Ons mense loop en werk en dien daar waar die kind sonder huis en gesin verleë rondstaan,
waar die vrou geslaan word en ouer mense versorg moet word.
Ons het mense wat die armoede in die huise gaan aanspreek en die werklose se hand vat om hulp te verleen. Ons het
mense wat kos in die hand sit van die een wat honger het, wat 'n verwaarloosde kind vasdruk en na veiligheid bring. Ons
het mense wat 'n gebroke kind se lewe help heelmaak en rigting gee. Ons het mense wat by ander stilsit en verstaan as die
groot wêreld klein geword het en die klein dinge groot bedreigings word. Ons het mense wat pille aangee en die kombers
vasdruk vir die eensame.
Ons is werklik geseënd.
Ons het ook mense wat sorg dat die versorgers versorg is. Wat weer diegene wat die werk doen, help om met hul werk te
kan aangaan. Ons is bevoorreg om bestuurders te hê wat omsien na personeel wat op die grond werk. Hulle wat sorg dat
die middele daar is om die werk te doen. Agter die bestuurders het ons vrywilligers en die ondersteuners en die borge en
die kerke en die gemeentes en die lidmate en so kan ons voortgaan met opnoem.
Hoe wonderlik is die genade van ons Hemelse Vader wat op soveel maniere sorg en versorg.
Dit gaan met ons goed. Ons word op soveel maniere en deur soveel mense geseën. Ons kan nie anders nie as om met 'n
loflied op ons lippe voor ons Hemelse Vader te kom buig in dankbaarheid vir soveel wat omgee en bydra om die nood van
die mense in ons eie omgewing te verlig.
Ds Anton Mocke
Besturende Direkteur
2
JAARVERSLAG 2008/2009

BESTUUR
Direksie
Die Direksie het 7 keer gedurende die afgelope boekjaar in Potchefstroom vergader, en bestaan uit die volgende persone:
Ds Coenraad Smit (Voorsitter), ds Fanie du Plooy (Ondervoorsitter en Potch-Koshstreek), ds Andries van Rooyen (Wes-
Rand), ds Ben Botha (Platteland) en ds Bok van Rensburg (Vaal). Benoemde lede is ds Nico van Rensburg (Predikant:
Sinodale Bedieninge) en mnr Gé Vermeulen (finansiële kundige). Ds Anton Mocke is ex officio as Predikant in Sinodale
Diens vir die Diens van Barmhartigheid die Besturende Direkteur van NG Welsyn. Me Shirley Theron (welsynsbestuurder:
NG Welsyn) en mnr Anderton Smith (finansiële bestuurder: NG Welsyn) dien in adviserende hoedanigheid in die Direksie.
Dit is met leedwese dat ons Adv. (ds) Henk Fourie se heengaan gedurende Desembermaand 2008 meld. Hy was as
regskundige benoem in die Direksie van NG Welsyn.
Vlnr: ds Fanie du Plooy (ondervoorsitter),
ds Anton Mocke (Besturende Direkteur)
en ds Coenraad Smit (voorsitter).
JAARVERSLAG 2008/2009 3

Adviesrade
Die verskillende takke van die diens is plaaslik bestuur met die hulp van
gemeenskapsadviesrade bestaande uit verteenwoordigers van gemeentes, die
breë gemeenskap, kundiges, vrywilligers, personeel en ander medewerkers.
Personeel
Die bestuurspan van NG Welsyn bestaan
ook uit twee provinsiale bestuurders vir die
welsynskantore-, vir Noordwes en Gauteng
onderskeidelik, sowel as 'n gemeenskapswerkbestuurder.
Daarby het elk van die agt
tehuise vir bejaardes en 2 kinderhuise 'n eie
bestuurder.
By die welsynskantore is 50 maatskaplike
werkers (19 in Noordwes en 31 in Gauteng)
in diens van die organisasie, sowel as drie
maatskaplike hulpwerkers en 16
administratiewe beamptes. Een van hierdie
maatskaplike werkers, sowel as twee
hulpwerkers, word uitsluitlik vir
gemeenskapswerk aangewend. Daar is ook sewe kinderversorgers in diens van die gemeenskapswerkafdeling.
Die tehuise vir bejaardes het gesamentlik 69 verpleegkundiges, 50 verpleeghulpe, 264 huishoudelike personeellede, 12
administratiewe personeellede en een van die tehuise het 'n maatskaplike werker in diens. Die kinderhuise het gesamentlik
3 maatskaplike werkers, 24 kinderversorgers, 8 administratiewe personeellede en 57 huishoudelike personeellede in
diens.
4
JAARVERSLAG 2008/2009
Hoofkantoor personeel:
Vlnr voor: Anette Degenaar (skakelbeampte), ds Anton Mocke (Besturende Direkteur) en
Stella Beukes (administratiewe beampte)
Agter: Shirley Theron (welsynsbestuurder), Anderton Smith (finansiële bestuurder) en
Chantal Labuschagne (rekenmeester).

DIENSTE
GESINSORGDIENSTE (welsynskantore)
In die 2008/2009-boekjaar is 'n totaal van 16 088 mense deur professionele maatskaplike werkers by 16 gesinsorgkantore
van NG Welsyn bereik - 2 984 is reeds met aanmelding suksesvol afgehandel. Hiervan was 21% NG Kerk-lidmate. Hierdie
dienste sluit onder andere die volgende in:
• Berading en beveiliging van getraumatiseerde kinders
• Gesinsterapie
• Verwysing na toepaslike hulpbronne
Die belangrikste maatskaplike probleme waarop gefokus is, was die volgende: kinderverwaarlosing en –molestering, swak
gesinsverhoudinge, gedragsprobleme, drank- en dwelmmisbruik en materiële nood.
Die volgende tabel weerspieël die bevolkingsprofiel van persone wat deur die welsynskantore bedien is:
2008/2009
Blankes Kleurlinge Swartes Asiërs
8886 646 6527 29
16088
Die totale aantal kinders wat deur middel van kinderhofverrigtinge beveilig is, is 405.
In die 2008/2009-boekjaar is toesigdienste by 1 918 pleeggesinne gelewer. 'n Totaal van 2 782 kinders was betrokke.
Gesinsherenigingsdienste is aan 705 gesinne (1060 individue / ouers) gelewer. Hierdie diens word aan ouers gelewer wie
se kinders deur middel van 'n bevel van die Kinderhof uit hulle sorg verwyder is. Die doel van die diens is om hulle
uiteindelik in staat te stel om hulle funksionering sodanig te verbeter dat hul kinders in hulle sorg herstel kan word.
Gedurende die afgelope jaar het die gesinsorgkantore minstens 9 382 kospakkies uitgedeel. Ongeveer 2 073 mense is
eenmalig van 'n ete voorsien en 584 mense het klere ontvang.
JAARVERSLAG 2008/2009 5

Januarie 2009 word Randfontein ook vanuit hierdie eenheid bedien. In Vanderbjilpark en Vereeniging is ook maatskaplike
hulpwerkers wat spesialiseer in gemeenskapswerk en –ontwikkeling.
Gemeenskapswerkdienslewering geskied deur middel van die volgende programme:
• Mentorskapprogramme
NG Welsyn het die afgelope boekjaar 'n verskeidenheid gemeenskapsinisiatiewe ondersteun, byvoorbeeld informele
dagsorgsentrums, met die doel om volhoubaarheid en die gehalte van dienslewering te verhoog. Leiding en bemagtiging
is veral gemik op bestuursvaardighede. Hulp is ook aan gemeentes verleen wat ontwikkelingsgerigte projekte van stapel
wou stuur. Met hierdie program is gemeenskappe ook begelei om oorvleueling of duplisering van projekte te beperk.
• Armoedeverligtingsprogram
Kos, klere en komberse is onder die armstes van die armes via gemeenskapskomitees versprei. In Roodepoort is
daar ook 'n inkomstegenererende projek met groentetonnels.
Praktiese hulp is ook verleen met byvoorbeeld die verkryging van identiteitsdokumente – om sodoende
kindertoelaes en ouderdomspensioene te bekom, in diens geneem te kan word of by die Departement Arbeid as
werknemer geregistreer te kan word.
• Kinderbeskermingsprogram
NG Welsyn het verskillende hulpbronne in gemeenskappe ontwikkel om verwaarloosde kinders en weeskinders
te help versorg en te beskerm. Dit sluit die verskillende dagsorgsentrums in ontwikkelende gemeenskappe en
informele nedersettings in, byvoorbeeld Polokong (Vanderbijlpark) en Soul City (Krugersdorp).
In veral landelike gebiede is gefokus op die opleiding van dagmoeders om na voorskoolse kinders in hulle
onmiddellike omgewing om te sien. In Vereeniging is ook begin met die ontwikkeling van 'n biblioteek waar
opvoedkundige hulpmiddele en speelgoed aan hierdie dagmoeders beskikbaar gestel kan word.
By die Utlwanang Community Care Centre in Christiana is daar ook smiddags na 85 skoolgaande kinders
omgesien. Ons hoop om meer invalsentrums vir skoolgaande kinders in die komende jaar te vestig.
• MIV en Vigsprogram
NG Welsyn is verteenwoordig in die Nasionale Vigsforum van die groter NG Kerk-familie. In NG Welsyn se
werksgebied funksioneer die Christen MIV/Vigs- Aksiegroep met die doel om gemeentes te mobiliseer om
betrokke te raak by hierdie nasionale probleem. Kinders wat geïnfekteer is met of geaffekteer is deur MIV en Vigs
JAARVERSLAG 2008/2009 7

word ook in die kinderbeskermingsprogram opgeneem. Dit is dan ook met leedwese dat ons verslag doen dat ons reeds
verskeie kinders en vrywilligers by dagsorgsentrums weens vigsverwante siektes aan die dood moes afstaan.
MIV- en Vigs-voorligting vorm deurlopend deel van alle projekte wat geloods word. Inligting word ook aan die gemeenskap
deurgegee oor hoe die Christen werkgewer sy werknemer wat vermoedelik MIV-positief is, moet hanteer. Die doel
daarmee is om empatie by werkgewers te kweek, en ook om hulle te bemagtig om uit te reik na werknemers wat MIVpositief
is.
KINDERHUISE
Kinders sonder heenkome of wat uit hul ouerhuise verwyder word, word deur 'n bevel van die Kinderhof in
kinderhuise opgeneem indien 'n plasing by 'n pleeggesin nie moontlik is nie.
Die Abraham Kriel Kinderhuis, Potchefstroom, het in 2008/2009 'n gemiddeld van 231 kinders versorg, van wie
54 nuwe opnames was. Van die 42 kinders wat in die betrokke jaar die kinderhuis verlaat het, het 33 by hul
families gaan woon, 2 jong kinders is in pleegsorg geplaas en 7 kinders is in die gemeenskap uitgeplaas. In
Januarie 2009 is 40 nuwe kinders opgeneem - die grootste enkele inname met een slag in die geskiedenis van
dié kinderhuis.
Die Duitse regering stel sedert 2008 studente beskikbaar om vir 'n jaar dienswerk in Suid-Afrika te kom verrig.
Dit kos geen organisasie geld nie en hul verblyf word jaarliks deur die Duitse regering betaal. Abraham Kriel
Kinderhuis in Potchefstroom, onder leiding van Catharien Saayman, hanteer die plasings vir NG Welsyn.
Gedurende die afgelope jaar het nege studente by die kinderhuis gewerk.
Die Catherine Robson Kinderhuis in Vereeniging akkommodeer gemiddeld 70 kinders uit die provinsie Gauteng,
waarvan 10-12 kleuters tussen die ouderdomme 4 en 8 jaar in 'n afsonderlike kleuterhuis versorg word.
'n Totaal van 361 kinders is in die boekjaar 2008/2009 in dié twee kinderhuise versorg en 196 vrywilligers was
by die 2 kinderhuise betrokke.
Die gemiddelde eenheidskoste per kind by NG Welsyn se twee kinderhuise beloop sowat R2 523 per maand,
teenoor die gemiddelde staatsubsidie van R1 535 per maand. Die tekort word deur middel van fondswerwing
aangevul, onder andere die Borg-'n-Kind projek en Beeld Kinderfonds. Beide kinderhuise het in die vorige
boekjaar elk 'n bedrag van R91 278.66 van Beeld Kinderfonds ontvang.
8
JAARVERSLAG 2008/2009

BEJAARDESORG
Hoewel dit ideaal is dat bejaardes so lank as moontlik
selfversorgend in hul eie huise bly woon, word dié ideaal beperk
deur verskillende faktore soos die veiligheidsituasie en hul fisieke
agteruitgang. Die tehuise van NG Welsyn bied 'n bekostigbare
heenkome vir bejaardes wie se versorging nie meer deur hul
gesinne of versorgers behartig kan word nie, asook vir volwasse
gestremdes. Sommige tehuise bied ook woonfasiliteite vir
afgetredenes wat nog selfversorgend is.
Die gemiddelde eenheidskoste beloop sowat R3 536 per maand.
'n Totaal van 823 persone word in die 8 tuistes vir bejaardes
versorg; 378 was finansieel vermoënd en 445 was behoeftig. Die
getal sub-ekonomiese bejaardes het met 3% toegeneem. 'n Totaal
van 56 gestremdes is versorg. Daar was 26 inwoners van ander
bevolkingsgroepe.
Verpleegdienste in die tehuise vir bejaardes verkeer onder druk, aangesien daar 'n ernstige
tekort is aan opgeleide verpleegpersoneel.
Benewens die inwoners van tuistes vir bejaardes is woonplek ook aan 553 persone in
aftree-eenhede verskaf.
Die tuistes vir bejaardes het ook deur middel van 26 projekte 'n totaal van 1 600 mense
buite die tehuise in die gemeenskap bereik. Van hierdie1 600 mense was 359 wit, 311
gekleurd en 930 swart.
'n Totaal van 353 vrywilligers was by die werksaamhede van die tuistes vir bejaardes
betrokke.
JAARVERSLAG 2008/2009 9

FONDSWERWING
NG Welsyn is deur die Departement Maatskaplike Ontwikkeling sowel as die Sinode van Wes-
Transvaal befonds. Dit is egter nie voldoende nie. NG Welsyn se takke het deur die jaar
verskeie fondsinsamelingsfunksies aangebied, ten einde die begrotings te laat klop. 'n Totaal
van R644 787 is gedurende 2008/2009 deur die welsynskantore ingesamel. Dit is 'n groot
verantwoordelikheid op die skouers van maatskaplike werkers wat reeds onder groot
gevalleladings gebuk gaan en dit is ook besonder tydrowend.
Die tehuise en kinderhuise loods ook verskeie fondsinsamelings deur die jaar, byvoorbeeld
die basaars by Japie Kritzinger, Bloemhof, Silwerjare en Schweizer-Reneke asook Abraham
Kriel Kinderhuis se Baasdag, wat ywerig deur die plaaslike gemeenskappe ondersteun word.
NG Welsyn geniet ook finansiële ondersteuning van korporatiewe instansies, wat SEB punte
verdien en wel op grond van ons inisiatiewe t.ov. sosio-ekonomiese ontwikkeling of
ondernemingsontwikkeling. Artikel 18A-sertifikate vir belastingkorting is ook op aanvraag
uitgereik vir donasies wat aan NG Welsyn se hoofkantoor, gesinsorgkantore of kinderhuise
gemaak is.
10
JAARVERSLAG 2008/2009

ERKENNING: Baie dankie aan:
• Elke gemeente van die NG Kerk in Wes-Transvaal wat deur finansiële bydraes, ondersteuning en betrokkenheid
hierdie diens bevorder.
• Elke gemeentelid, medewerker en donateur wat deur deelname, vrywillige diens of donasies die las van die
personeel verlig.
• Die Departement Maatskaplike Ontwikkeling vir hul finansiële ondersteuning
• Die uiters toegewyde, lojale en bekwame personeel in al die vertakkinge van NG Welsyn Noordwes wat op so 'n
onbaatsugtige wyse hoop en lig bring daar waar dit ontbreek.
SOLI DEO GLORIA
Hoofkantoor:
Peter Mokabalaan 104, Potchefstroom.
Tel: 018 297 3928
E-pos: ngwelsyn@iafrica.com
Webtuiste: www.ngwelsyn.co.za
Bankbesonderhede:
NG Welsyn Noordwes
ABSA - Rek: 01009700249
JAARVERSLAG 2008/2009 11

KONTAKBESONDERHEDE
NG WELSYN-TAKKE
GESINSORGKANTORE
NG Welsyn Bloemhof 053 433 1353
NG Welsyn Carletonville 018 787 4038/9
Fochville Maatskaplike Dienste 018 771 2871
NG Welsyn Klerksdorp 018 462 9887/8
NG Welsyn Krugersdorp 011 660 3183/4
NG Welsyn Lichtenburg 018 632 4347
NG Welsyn Meyerton 016 362 0864
NG Welsyn Potchefstroom 018 297 7347
NG Welsyn Randfontein 011 412 1035
NG Welsyn Roodepoort 011 763 5644/5
NG Welsyn Schweizer-Reneke 053 963 1156
NG Welsyn Vanderbijlpark 016 981 1044
NG Welsyn Vereeniging 016 421 4044/5
Ver-Wes Maatskaplike Dienste Wolmaransstad 018 596 1318
NG Welsyn Zeerust 018 642 1312
Satellietkantoor: NG Welsyn Koster 014 543 4035
INRIGTINGS
TEHUISE VIR BEJAARDES
Huis Meyerton 016 362 0045
Japie Kritzinger Tuiste vir Bejaardes, Bloemhof 053 433 1403
Jeugland Tuiste vir Bejaardes, Vanderbijlpark 016 933 3995
Klerksdorp Tuiste vir Bejaardes 018 464 1822
Koster Tuiste vir Bejaardes 014 543 2052/3
Luipaardsvlei Tuiste vir Bejaardes,
Krugersdorp 011 955 2108/9
Silwerjare Tuiste vir Bejaardes,
Schweizer-Reneke 053 963 1330
Wolmaransstad Tuiste vir Bejaardes 018 596 1159
12
JAARVERSLAG 2008/2009
DIENSSENTRUMS VIR BEJAARDES
Schweizer-Reneke 053 963 2472
Jeugland, Vanderbijlpark 016 933 3995
KINDERHUISE
Abraham Kriel Kinderhuis, Potchefstroom 018 294 5347
Catherine Robson Kinderhuis, Vereeniging 016 455 1733
GEMEENSKAPSORGSENTRUMS
Emanang Nokeng Wes-Rand 011 664 7931
Gembou Dagsorgsentrum, Roodepoort 083 268 3660
Ontwikkelende gemeenskapsorgsentrums
in Polokong, Utlwanang,
Magaliesburg, Princess (Roodepoort)
en NG Welsyn Soul City 082 451 7684