Intimiteit met God - Kanaan Ministries

Die vlak van jou intimiteit met iemand kan
altyd gemeet word aan die vlak van jou
verhouding met daardie persoon.
Hoe nader jou hart aan iemand is, hoe meer intiem
ken jy daardie persoon en hoe veiliger voel jy in
daardie intimiteit en om te deel met daardie
persoon.
Wanneer jy jou innerlike/geheime wêreld
met iemand deel, sal dit iemand wees by wie
jy:
• Veilig voel en vertrou.
• Hou daarvan om daar te wees – jy wil
daar wees.
• Gemaklik voel om van jouself te gee.
• Oop is om te luister na daardie
persoon.
• Maklik daardie persoon se raad en
bydrae in jou lewe kan ontvang.
• ‘n Groeiende passie ervaar om daardie
persoon te dien.
Hoe is jou spesiale tye met God?
(Ons praat nie hier bloot van Bybellees en gebed =
stiltetye nie).
• Vertrou jy Hom?
• Is dit vir jou lekker om alleen met Hom te
wees? Wil jy GRAAG by Hom wees?
2

• Praat jy maklik?
• Is jy oop om na Hom te luister?
• Hoor jy Hom?
• Ontvang jy Sy advies/bydrae in jou
lewe?
• Het jy ‘n passie om Hom te dien?
• En ander te dien?
Dikwels kom ons na Hom as ‘n priester, profeet,
pastoor, intersessor, evangelis, dienaar of
administrateur, maar ten einde intimiteit te kan
ervaar, kan ons nie bloot ‘n amp vervul nie.
Weereens het ons nodig om ons priesterlike
bediening en priesterlike hart te herontdek.
Indien jy Hom nie ken as een van Sy
geheiligde priesters nie, sal dit onmoontlik
wees om Sy aangesig te soek in enige van die
ander ampte.
Eksodus 19:5-6:
5” As julle dan nou terdeë na my stem luister en
my verbond hou, sal julle my eiendom uit al die
volke wees, want die hele aarde is myne.
6 En júlle sal vir My ’n koninkryk van priesters
en ’n heilige nasie wees. Dit is die woorde wat jy
aan die kinders van Israel moet meedeel.”
3
Dit is hierdie selfde passie waarvan Petrus praat in
1 Petrus 2:9:
9 ”Maar julle is ’n uitverkore geslag, ’n
koninklike priesterdom, ’n heilige volk, ’n volk
as eiendom verkry, om te verkondig die deugde
van Hom wat julle uit die duisternis geroep het tot
sy wonderbare lig,...”
Hierdie koninklike, heilige priesterdom is tot
ons beskikking deur Christus Jesus.
Beskikbaar gestel – maar dit moet tot ons kom
deur Heilige Gees openbaring!
Tot ons God – sal ons ‘n heilige priesterdom wees
– tot Hom alleen.
Onthou:
• Ons is teen ‘n prys gekoop.
• Almal van ons behoort aan Hom, aan
Christus.
• Elke deeltjie van jou wese is reeds voor
betaal.
4

Daarom:
Moet ons in ons eie aansien herstel word as
God se eie priester.
Sonder visie sal ons sterwe ...
Selfs die woord “priesterskap” bring ‘n reaksie in
ons van, “Dit is Ou Testamenties”, so asof dit ons
roep tot iets soos Roomse Katolisisme.
Ons voel gemakliker om onsself te sien as
enigiets en alles, behalwe ‘n priester:
• Ons sien onsself as God se kinders – ‘n seun
of dogter van God.
• Ons sien onsself as gelowiges, profete,
evangeliste, predikers, leraars, intersessors
...
• Enigiets behalwe ‘n priester.
Daar is ‘n wanopvatting dat die priesterskap slegs
vir die Ou Testament is. As gevolg hiervan,
verwerp ons in ons gees om priester te wees,
MAAR ...
Ons wonderlike Messias sit en heers as ‘n
Priester!
5
Sagaria 6:11-15
11 ”...neem dan aan silwer en goud, en maak ’n
kroon en sit dit op die hoof van Josua, die seun van
Jósadak, die hoëpriester,
12 en sê vir hom dít: So spreek die HERE van die
leërskare: Kyk, daar kom ’n Man wie se Naam is
Spruit, en Hy sal uit sy plek uitspruit, en Hy sal die
tempel van die HERE bou.
13 Ja, Hý sal die tempel van die HERE bou, en Hý
sal majesteit verkry en sit en heers op sy troon;
ook sal Hy ’n priester wees op sy troon, en
die raad van vrede sal tussen hulle twee
bestaan.”
Onderwerping en outoriteit!
• Selfs Paulus het homself gesien as ‘n
priester (Rom 15:15)
• Dawid het homself gesien as ‘n priester –
deur van die voedsel in die tempel te neem
wat aan die priesters toegesê was.
• Jesus was ‘n Priester volgens die Orde van
Melgisedek (Heb 6:19-20; 7:20-21).
Ons is almal geroep tot hierdie wonderlike
amp van priesterskap – 1 Pet 2:9
Wat was die passie van God se priesters (soos
gesien in die Ou Testament?)
6

• Die priesters is slegs twee weke per
jaar in die allerheiligste toegelaat – om
God te bedien.
• Die hele jaar deur, regdeur hul lewe,
het gesentreer rondom bediening van
die Here gedurende hierdie twee
weke.
Wat het plaasgevind tydens daardie soort
priesterlike diens? (Heb 9).
• Slegs die hoëpriester was een keer per
jaar toegelaat in die Allerheiligste, tydens
Joom Kippoer, d.w.s. gedurende Sept/Okt.
• Die Ark van die Verbond was daar binne –
hy alleen kon in God se Heilige
Teenwoordigheid ingaan.
• Slegs priesters was binne die
Binne/Heilige voorhof toegelaat ; hulle
was uitsluitlik manlik.
• Voorhof: Slegs mans van die res van die
stamme en die Leviete jonger as 30,
was daar toegelaat.
• Hof van die heidene: Daar kon die
vroue en kinders inkom.
MAAR toe is die voorhangsel geskeur – Heb 9
– ‘n weg is gebaan deur die tweede voorhangsel.
7
Daar is vir ons ‘n plek gemaak in die Allerheiligste
deur ‘n voorhangsel van:
• 60 voet hoog
• 60 voet breed
• 5 voet dik!
• 30 000 pond
• Jy hoef nie meer gebore te wees uit ‘n
priesterlike bloedlyn nie.
• Jy hoef nie langer eksklusief te behoort
aan een deel van God se volk nie.
• Jy kan beweeg vanaf die voorhof na die
binnehof.
• Dit was nie langer eksklusief vir die
manlike bevolking nie, hallelujah!!
Sien God se hartklop vir die binnehof:
• In Esegiël 44:15-18 word die woord “My” 10
keer deur Hom gebruik!
• God is besitlik oor Sy priesterskap.
• God hou daarvan wanneer Sy priesters
bloot vreugde daaruit put om HOM te
bedien.
• Dit is die priesterlike passie – hul hele jaar
is daaraan gewy om uit te sien en hul harte
voor te berei vir daardie tyd van binnehofbediening,
wanneer hulle moes fokus en
Hom alleen moes bedien.
8

Is dit jou passie?
Jou grootste vreugde? OF
Soek jy vir ‘n tintelende sensasie?
‘n Antwoord op ‘n groot gebed?
Om onder die salwing te kom is God se genade
aan ons, maar om onder die salwing te bly, is ons
intieme ontvangs en teruggee van Sy liefde en
genade.
Jy kan dit vergelyk met die realiteit van die
huwelik: Jy bly nie voortdurend in die plek van
fisieke intimiteit nie, maar indien jul harte verenig
is en julle eenders dink, kan julle bly binne die
atmosfeer van sekuriteit van volgehoue intimiteit
van verhouding – altyd. Dit is die verskil tussen
“getroud te wees” of “’n huwelik te hê”. Iemand
het gesê: “Hu-we-lik = Hier wil ek wees.”)
Ons het ons priesterlike passie om die Here
ons God lief te hê met ons hele hart, ons hele
siel en al ons krag, verloor. Ons het dit wel
verloor, maar God is besig om dit te herstel –
hallelujah!
In die Binnehof:
• Daar is hulle geklee in linneklere (‘n
teken van geregtigheid).
• Geen wol nie – andersins sou hulle
sweet (teken van die vlees).
9
• Hy het bedoel dat hul mees gemaklike
posisie sou wees om die Here te dien
(geen selfpoging, maar rus in Sy
Teenwoordigheid).
• Daar dien jy slegs die Here.
• Jy is weg van mense en hul behoeftes,
hul goedkeuring, openbare diens.
In die Ou Verbond: As hulle uitgegaan het na
die volk toe, het hulle hul klere neergelê om
nie heiligheid oor te dra deur hul
kledingstukke nie.
In die Nuwe Verbond: Sê Hy ons moet nooit
ons kledingstukke aflê nie – “nou”, sê God,
“dra My Heiligheid oor”. Ons kan nie heiligheid
gee nie, maar deur Sy Heilige Teenwoordigheid oor
te dra deur in Hom te WEES, kan ons die vrees van
die Here oordra!!!! Om terug te kom.
Daar is ‘n verskil tussen Voorhof-bediening
en Binnehof-bediening. God begeer om die
Binnehof-Bediening te restoureer.
Baie van dit wat op die oomblik binne die
Liggaam plaasvind, is Voorhof Bediening!!!
Die voorhof is deel van God se huis – ‘n
nodige en Godgegewe deel, MAAR baie
dikwels is ons passie en missie gebore daar
waar die behoeftes van die mense is, i.p.v.
om gelei en openbaar te word deur die Here.
10

Daar in die voorhof, word dié wie die mense
dien, uitgebrand! Die maklikste weg uit, is om
terug te keer na die Here - weg van die
mense!
NB: In plaas van die Here te bedien, bedien
ons die mense. Wanneer dit gebeur, val
gesinne uitmekaar, kinders is rebels, ens.
Is jy moeg?
• Vra jouself – hoe lyk jou tyd met die Here?
• As ons eers hierdie priesterlike passie
verloor het, word alle ander dinge
nutteloos, omdat ons nie God se salwing
daarop het nie.
Ons DOEN dinge i.p.v. om soos HY te
WORD!!!
Die lieflikheid van die binnehof is dat ons meer
soos Jesus word.
Wat ‘n groot verskil vanaf dinge DOEN vir Hom,
(voorhof) na dinge DOEN in Hom (binnehof.)
Die VOORHOF is gebaseer op doen = ons
klem vandag is om dinge te doen in die
bediening.
11
“Wat is jou bediening?” Mense wil weet. Wat
hulle eintlik wil weet, is – wat doen jy daar in die
voorhof waar die mense is?
Hul siening van bediening is gebaseer in
terme van Voorhof denke:
• Wat doen jy in terme van Christelike diens?
• Dit is waaraan ons gemeet en geweeg
word.
• NB: Daar is gewoonlik baie min salwing
daarop – hulle mag dalk baie goed doen,
maar die grootste vyand van God se
maksimum is altyd iets wat baie goed
lyk.
Oswald Chambers sê, God se konsep van
diens is nooit in wat ons doen nie, maar in
wat ons word!!!
Daar is so baie mense wat dinge doen ... daar is
niks daarmee verkeerd om dinge te doen nie,
maar ons het ons intimiteit verloor!
Intimiteit is ‘n plek IN Hom waar jy WORD
wat jy alreeds in Hom is.
12

Wanneer priesterskap eers werklik herstel is
en ons terugkom in die volle passie as God se
priester, dan doen God dít wat te doene is,
deur ons!
En daar is ‘n groot verskil tussen ‘wanneer
ons dinge doen’, en ‘wanneer God dit deur
ons doen’.
Handelinge 1:8
8”... maar julle sal krag ontvang wanneer die Heilige
Gees oor julle kom, en julle sal my getuies wees in
Jerusalem sowel as in die hele Judéa en Samaría
en tot aan die uiterste van die aarde.”
Jesus het nie “doen” as eerste prioriteit
geplaas nie, maar om te WEES!!!
Die enigste ding wat groter is as om reg te doen, is
om reg te wees!!!
Ons is vasgevang in doen ... MAAR
Dikwels wil God nie hê dat ons iets anders moet
doen as om te lees en te bid en nader aan Hom te
kom nie! Dit dan, is om alles te doen! En vanuit
daardie plek word God se bestemming dan vir
ons gebore.
Die hele Koninkryk is algeheel priesterlik en God is
besig om Sy priesters tot Homself te keer – jy is
een van Sy priesters!!!
13
God beveel Sy seën op Sy priesters.
Volgens die Bybel is die mees betekenisvolle
verteenwoordiging van olie, priesterskap:
• Hulle moes olie meng met alles wat
hulle gedoen het.
• Dit was die salfolie van Ps 133
• Die olie is op God se priester
uitgegooi.
• Dit is waar die seën neerdaal.
Hoe meer ons verenig word met Christus,
hoe meer kom die seën! Ons kyk dikwels na
die “seëning”, terwyl dit al die tyd in die
Vader se hande is!
In die gelykenis van die tien maagde is dit wat
die meeste op die voorgrond is, die olie:
• Dit spreek van God se priesterskap.
• Elke maagd wat bloedgewas is, het ‘n
geleentheid om daardie priesterskap te
beoefen.
• Ons redding in Jesus is die toegang na God
se Koninklike verbond.
Ons moet daardie wonderlike redding uitwerk wat
God ingewerk het.
Fillippense 2:12 – “...werk julle eie heil uit met
vrees en bewing;”
14

Miga 6:8
8 ”Hy het jou bekend gemaak, o mens, wat goed is;
en wat vra die HERE van jou anders as om reg te
doen en liefde te betrag en ootmoedig te
wandel met jou God?”
Dit is uiters noodsaaklik dat ons dit verstaan.
Vyf wyse maagde
• Vyf van hierdie maagde was so
verstandig en versigtig.
• Hulle was geoefen in hul priesterskap.
• Hulle het beweeg vanaf die
eenvoudige menigte wat Jesus gevolg
het, tot gedissiplineerde en radikale
liefhebbers van Hom.
Daar is ‘n groot skeiding tussen die menigte wat
Jesus volg, en Sy dissipels.
Daar is allerhande soorte maagde in die menigte
wat Jesus volg:
• Mense wat die Here opreg liefhet, maar
hul lewens is nie gedissiplineerd nie,
TERWYL ...
• Sy dissipels diegene is wie Hy gedurig
na Homself roep en met wie Hy praat,
omdat hulle ‘n oor het om te hoor.
15
Hoe meer gedissiplineerd ons is in die dinge
van die Gees, hoe meer sal ons onsself begin
beklee in priesterlike klere. Ons begin sien
wat die vreugde in die priesterlike erfenis is.
Alle gewilde leringe in die Liggaam vandag is
priesterlik, bv.:
• Intersessie en gebed is die brand van die
reukoffer.
• Persoonlike aanbidding van die Here.
• Lofprysing en Aanbidding.
• Dra die Ark van God se Teenwoordigheid.
Alles wat ons vandag ontvang, is priesterlik, maar
ons het nie die priesterlike openbaring nie!
In plaas daarvan, word ons só meegevoer met net
een deel van die priesterskap. God wil hê dat ons
‘n openbaring ontvang van die héle prentjie:
• Oor persoonlike bediening aan die Here.
• Die ‘staan in die gaping’ vir die verlorenes,
selfs vir die kerk.
• Dit is om uit te kom by ‘n plek van identiteit
– net soos Jesus gedoen het.
• Dit beteken die binnegaan met lofprysing en
aanbidding.
• Om jouself te gee en om God lief te hê in
daardie dimensie.
• Dit beteken om die Verbond van Sy
Teenwoordigheid oral saam met jou te
neem.
16

• Die sensitiwiteit om nie Sy Heilige Gees te
bedroef nie, ens.
Vyf dwase maagde
• Vyf van die maagde was dwaas.
• Hulle het nie genoeg olie gehad nie.
• Dit is interessant dat die verstandige
maagde aan hulle gesê het, “ons kan dit
nie vir julle gee nie ... julle moet
teruggaan na die handelaar ...”
Geliefdes, nie ek of enigiemand anders kan
aan jou priesterskap gee nie – dit is God se
eie besitting ... jy moet teruggaan na die
Vader, die Seun en die Heilige Gees – want
dit is waar dit vandaan kom ... HY is die
Handelaar.
GEEN mens kan aan jou priesterskap gee nie
– dit is God se eie, goedbewaarde besitting!
LET WEL: Sommige sal die Huweliksfees van die
Lam in hierdie millenium mis, alhoewel hulle nie hul
redding sal verloor nie.
Kyk in die Skrif na die gelykenis van die
Huweliksfees ... Wat is die rede dat sommige die
fees gemis het? Mat 22:11-13 – dit wat hulle
gediskwalifiseer het, was hul klere!
17
Deur Sy wonderlike genade, gaan God
diegene verander wat in geregtigheid
gewandel het – Hy gaan hul priesterlike klere
verander na die Bruidskleed, diegene wie
priesterlike “houers” is, diegene met ‘n
herstelde, priesterlike passie.
• God het Sy Seun so lief.
• Hy gaan seker maak dat Sy Bruid Hom
waardig is.
• Hierdie Bruid gaan God so liefhê soos
Jesus!
• Hierdie Bruid sal so ‘n passie hê om die
Vader te bedien, om met die Vader te praat,
in te tree, die Ark van Sy Teenwoordigheid
oral saam te dra.
• En omdat sy Hom so liefhet, sal sy die
Bruid wees wat waardig is om met Sy
Seun te trou!
God wil hê dat ons wys moet wees in ware
priesterlike diens.
• Die restourasie van ons diens as heilige
priesterskap, is baie belangrik vir hierdie
uur waarin ons ons tans bevind.
18

• Hierdie is eindtye en die meeste mense is
besig om uit te werk hoe hulle kan oorleef
of hulself kan verbeter op baie gebiede in
hul lewens, maar min mense is radikaal
besig met dit wat werklik vir God saak
maak, nl ‘n priesterlike diens wat vir
Hom aanneemlik is, sodat ons deel mag
wees van daardie Bruid, waardig vir Sy
Seun!
STOP en WEES EERLIK:
• Waar staan jy in jou lewe, motiewe en
doen en late?
• Is Hy besig om Sy wil en weg in en
deur jou uit te werk?
• Of is jy besig om dinge uit te werk
volgens jou wil en jou begrip van wat
Sy wil vir jou lewe is?
• Is jy eerlik besig om jou vaardighede en
kragte te gebruik om Hom te dien?
• Of beroep jy jou op jou eie kragte om jou
deur te sien?
19
NB:
• Hoe gouer ons eerlik is met onsself,
hoe gouer kan ons gaan en ons lampe
vul met olie – slegs in die Vader, Seun en
Heilige Gees – terwyl daar nog kans is om
Hom te soek en te vind.
• Binnekort sal die uur aanbreek wanneer
baie sal sê: “Here, Here, het ons dan nie
...” En Hy sal sê: “Gaan weg, Ek het jou
nooit geken nie” of Hy mag dalk sê: “Maak
toe die deur, want die Bruilofsfees van die
Lam gaan begin”.
Is jou hart op ‘n plek in God waar Hy jou wolklere
kan verander na ‘n priesterlike, linnekleed? En
soos ons wandel in opregtheid en
geregtigheid, sal Hy daardie kleed verander
na ‘n Bruilofskleed – geskik vir die Bruilofsfees
van die Lam, ons Wonderlike Bruidegom.
Johannes 12:23-26
“...en as iemand My dien, sal die Vader hom eer”.
MAAR ...Sommige dinge MOET STERF voordat
ons die Here kan dien.
Lukas 10:38-42 (Martha en Maria) – Vers 42 –
42”... maar een ding is nodig;... Maria het die goeie
deel uitgekies...” ; om naby Hom te sit en na
Sy stem TE LUISTER.
20

Dit toon so duidelik die toestand van die Kerk –
diegene wie so naby IN HOM is, en diegene wie
VIR Hom werk.
Marta (vers 38)
• Sy het Jesus in haar huis verwelkom.
• Sy was baie besig om Jesus te bedien
asook om die behoeftes van die mense
te vervul.
• Haar naam simboliseer haar karakter en
haar funksie. Marta beteken
“minnares”.
‘n Minnares = het baie intimiteit met die
Meester, maar besit nie die Bruid se posisie
nie ...
Maria (vers 39)
• Die beskrywing van Maria is dat “sy
luister!”
• Sy het ‘n oor om te hoor;
geoefen/gedissiplineerd daarin om Hom te
hoor.
• Sy wil die Here hoor – sy luister al die tyd.
• Sy is in
afwagting/verwagting/gedissiplineerd om in
Hom te doen wat Hy begeer.
21
In ons fisiese liggaam:
• Slegs een been bly presies dieselfde vanaf
geboorte tot sterfte – die binneoor/oordrom.
• Die heel laaste sintuig wat die liggaam
verlaat, is die gehoor.
• Dit is ook die heel eerste sintuig wat
lewend word in ‘n baba – ongebore babas
kan van binne hul moeders reeds hoor!
Die Bybel sê herhaaldelik, hy wat ‘n oor het om
te hoor, laat hom hoor.
• Jesus het gesê dat ons versigtig moet wees
hoe ons luister.
• Dit is belangrik dat ons ‘n oor het om te
hoor, omdat God baie het om aan ons te sê!
• So ook mense! Wees versigtig wie jou
gehoor beinvloed.
• Die vyand het ook baie te sê! Hy kan jou
vernietig deur jou gehoor.
• “Soos ‘n man dink, so is hy”.
Johannes 10:27
27” My skape luister na my stem, en Ek ken hulle, en
hulle volg My.”
22

1 Konings 3:9 – Salomo het na God uitgeroep vir
‘n horende hart, sodat hy kon weet hoe om hierdie
groot en verskriklike volk van die Here te onderskei
en te rig.
Jesaja 50:4-5
“Hy wek my oor om te hoor soos die leerlinge.
5 Die Here HERE het my oor geopen, en Ek was nie
wederstrewig nie;”
Jesus het geweet dat Hy altyd die Vader moes kon
hoor.
Jesus het van tyd tot tyd ‘n hele nag in gebed
deurgebring – daarna het Hy Sy dissipels gekies –
gewag om 12 goeie luisteraars te kies?
As jy eers die Here gehoor het, dan sal jy iets
te sê hê.
• Maria kon beide Sy seëninge en vermanings
hoor, omdat elke woord van Jesus
persoonlik was.
• Sy was intiem met Jesus se Woord.
• Sy het gesit in ‘n plek van rus.
• Haar algehele troos was om by Sy voete te
sit – sonder bekommernisse of agendas,
onrus of ander gedagtes wat die verstand
kon besig hou.
• Sy was in ‘n plek van algehele tevredenheid
– genoegdoening – het net gesit en luister
na die woorde van Jesus.
23
Is dit jou gerieflike plek van rus? Die plek
waar Hy deur jou kan werk?
In teenstelling: vers 40 – prentjie van Marta:
• Ons kry ‘n beskrywing van Marta se
innerlike onrus.
• Sy was afgetrokke deur al haar
voorbereidings.
• Sy is weggetrek deur haar pligte; met haar
werk; met haar skedule; met haar
bediening.
NB: Wanneer dit ONS of MY bediening is, sal
daar innerlike onrus wees!!!
Vra jouself daagliks: Met wie se bediening is ek
besig?
Marta het baie dinge VIR die Here gedoen,
i.p.v. om dit IN Hom te doen ... groot verskil!
Sy het heel moontlik goeie werk gedoen, ‘n baie
nodige werk, ‘n regverdige bediening ... iemand
moet tog iets doen ...?!
24

Interessant: Betanië beteken “huis van
armoede”.
• Jesus word aangetrek na armoede in huise.
• Indien jy en ek arm van gees is
onthou,Jesus is aangetrokke daartoe.
• Indien ons nie dink ons is iets spesiaal nie –
behalwe vir die feit dat Jesus in ons is – is
Hy aangetrokke tot ons.
• Marta voel verwyder van wat binne
aangaan ... terwyl sy so besig buite is ...
• Marta is vervreemd, sy is alleen ...
• Sy is lewend vir haar bediening – maar
nie vir die behoefte van haar innerlike
hart nie.
“...as ‘n koringkorrel nie in die grond val en
sterf nie ... bly dit enkel ...”
Ons moet dood wees vir ons bediening – dan
leef God.
• En sterfte aan die self vind in die
Binnehof plaas ...
• ...wanneer ons by Jesus se voete sit.
• Sterfte aan die self kom wanneer ons
soos Hy word ...
• ... want dan word Hy meer en ons
minder.
Voel jy soms soos Marta?
25
Let nou op haar gesindheid (en ons s’n
wanneer ons wegdwaal op ons eie sending):
• Sy probeer aandag kry – Jesus s’n, of
enigiemand s’n.
• Onthou, sy dien die Here, terwyl hierdie
mense niks doen nie. “Ek is die enigste
een wat iets doen ... al die ander doen
niks ...”
• Nou bars die vulkaan, want ... van
binne kom die jaloesie, veragting,
bitterheid, frustrasie en leegheid ...
meeste van die tyd teenoor ons
susters en ons broers ...
• En die hare waai ...
Wanneer ek dinge doen in my eie krag, ontvang ek
baie min erkenning. Die Meester kyk nie na my nie
– daar is geen salwing en geen Goddelike
besoeking nie. Dit is slegs “gelukkige” EK, besig
om MY eie bediening te seën; geen dieper sin van
vervulling nie. Dit is dood, omdat dit werke is!
Wanneer jy reageer vanuit hierdie plek van
vervreemding en selfaangedrewe pogings,
gee jy nie om wat enigiemand dink nie ...
NB: Toe sê sy: “Here, gee U nie om nie ...?”
26

Het jy dit al ooit gevra?
NB:
• Here, gee U nie om nie?
• Sien U nie wat ek deurmaak nie?
• Sien U nie hoe moeilik dit op die oomblik is
nie?
• Sien U my dan nie, Jesus?
• Wanneer ookal ons vrae soos hierdie begin
vra, is daar iets in ons lewens wat
Voorhof-bediening is ...
• Daar is iets in ons lewens wat opgeneem
word met diens VIR die Here ... i.p.v. IN
Hom.
• Dit beteken dat ons nog nie ‘n openbaring
gehad het van die priesterskap van God nie,
omdat ‘n priester besef dat GOD ALTYD
OMGEE ...
ALTYD ALTYD ALTYD
ALTYD ALTYD ALTYD
ALTYD ALTYD ALTYD
ALTYD ALTYD ALTYD
Die priester van God weet dat maak nie saak
wat, God gee altyd om ...
Marta het die woord Adoni gebruik toe sy gevra
het “Here, gee U nie om nie?” Dit is ‘n
respekvolle aanspreekvorm. Dit is soos om te sê,
“verskoon my Meneer”.
27
Marta het geen openbaring van Adonai gehad nie.
Adoni = respek vir ‘n mens; Adonai = aanbidding
van die Meester. Omdat hierdie Marta se eie
bediening was, was haar behoeftes belangriker
as die ander s’n.
Haar eerste prioriteit was ek en my bediening! As
dit is hoe jy voel, skenk jy geen gedagte aan
iemand anders se behoeftes nie! Jy gee nie om vir
enigiemand anders se behoeftes totdat joue eers
bevredig is nie!
Dit is nie die hart van God se priesterskap nie
• God se priesterskap verheug hom daarin om
te sien hoe ander se behoeftes vervul word
– selfs al word hul eie nie vervul nie.
• Hulle juig saam met iemand wanneer hulle
sien hoedat God daardie persoon oorvloedig
seën en niks daarvan in hul eie lewe sien
nie.
Omdat:
• Dit was haar eie bediening, sy is
vervreemd.
• Dit was alles uit haar eie krag, sy was
gefrustreerd.
Onthou:
Wat ons in ons eie krag doen, moet ons in ons eie
krag onderhou
28

MAAR
Wat ons in God se krag doen, onderhou Hy.
Soos Marta, is die vrug van ons dade in eie
krag as volg:
• Ons word moeg om aan te hou in eie krag!
• Ons begin ons suster/broer blameer omdat
hulle ons nie bystaan met die hulp wat
ons nodig het nie.
• En hier kom die sonde van verwaandheid =
“Here, sê haar dat sy my moet kom
help”.
• Sy is nou besig om HOM te beveel!
Terwyl ons in eie krag opereer, neem ons
dikwels aan dat God met ons is ...
In Marta se begrip het sy aangeneem dat:
• God besig was om haar te seën en te salf;
dat Hy aan haar kant was; dat Hy met haar
was,
en
• Vanuit daardie veronderstelling het sy ‘n
bevel gegee aan die Allerhoogste God!
Ons moet NOOIT, OOIT AAN GOD ‘N BEVEL
GEE NIE.
• Ons moet Hom altyd aanspreek met die
gesindheid van ‘n kind.
29
• Ons kan Hom herinner aan wat Hy gesê
het, of wat Hy geskryf het in Sy Woord,
maar ons kan Hom nooit, ooit voorskryf om
dit of dat te doen nie.
• Ons moet bloot vra soos ‘n kind.
Wat nog meer skokkend is, is ons hantering
van die “Martas” rondom ons, in vergelyking
met ons Messias se manier van doen:
• Wanneer iemand iets aan ons doen of iets
teen ons sê, het ons drie keuses van
optrede:
•
1. Ons kan hulle verwerp.
2. Ons kan reageer op hulle.
3. Ons kan gehoor gee aan hulle en
antwoord.
• Ons doen altyd een van hierdie drie dinge
...
• Bv., wanneer iemand my op die wang slaan,
kan ek die ander een draai, of ...
In die woord verantwoordelikheid, is die
vermoë om te reageer, ingebou. Dit is wat
Jesus aan ons gegee het!
Ons het die VERANTWOORDELIKHEID OM TE
REAGEER!
30

Jesus sal nooit diens wat vir Hom is, verwerp
nie – ons doen dit!!! Maar Hy sal ‘n kans soek
om ons te bemoedig met:
• Daar is ‘n beter ding, ‘n beter manier.
• God is lief vir diens en Hy sal ons nooit, ooit
verwerp omdat ons koffie-koppies uitpak of
al hierdie klein, maar nodige takies doen
nie, omdat Hy selfs gehou het van dit wat
Marta daar gedoen het.
• Die kwessie was dat Marta nie die
openbaring van die groter deel gehad het
nie – dit was die toestand van haar
hart wat openbaring kortgekom het.
• Sy het nie die openbaring van die
Binnehof gehad nie.
• Haar hele bediening was Voorhof
gerig.
Haar hele begrip van redding het behels wat
sy vir mense gedoen het, omdat sy aangeneem het
dat as sy dit vir mense doen, dit was asof sy dit vir
die Here doen!
• Dit is verkeerd om.
• Ons moet eers word en dan kan God
Almagtig dit deur ons doen!
• In ‘n geval soos Marta s’n, rig God al Sy
aandag op haar en sê, “Marta, Marta ...”
• Dit sou baie radikaal gewees het in die Kerk
soos ons dit ken vandag!!
31
• Ons sou verkies om liewer nie vandag
“Martas” in ons kerklike liggaam te sien
ontplof uit selfbejammering en frustrasie
nie.
• Maar Jesus fokus altyd Sy aandag op waar
die behoefte die grootste is.
• Maar ons hou daarvan om tyd te spandeer
met mense wat Jesus liefhet en die gloed
van ‘n passie vir Jesus in hulle het; dit is
opwindend om saam met hulle te wees.
• Maar Jesus fokus Sy aandag op die een
met die meeste pyn ... Jesus gaan na die
mees verlatene!
Sien en hoor en pas aan by Sy manier van
doen:
1. Hy roep haar en toe Hy haar aandag
het, roep Hy haar weer, hierdie keer om
haar gees te trek, sodat sy die
openbaring om Hom te hoor, kan
aangryp!
Wanneer Hy my gees trek en Gees
tot gees spreek, is daar
lewensverandering – “deep calls
unto deep”.
2. Sy het voor Hom gesmelt – soos klei in
Sy Hande geword.
32

3. Toe het Hy gesê: “Jy bekommer jou en
is angstig oor baie dinge, maar slegs
een ding is nodig en Maria het daardie
deel gekies.”
Dit wat ons en ander rondom ons dikwels
die meeste nodig het, is om bloot terug te
keer na ‘n plek van algehele aanvaarding
en algehele liefde. Jesus wil ons ontmoet
... nie waar ons moet wees of
veronderstel is om te wees nie, maar daar
waar ons nou is.
Sou dit nie wonderlik wees indien ons so
verander kon word en so sensitief kan
word a.g.v. die tyd wat ons in die
Binnehof spandeer, dat ons in staat sal
wees om elke ander persoon presies só te
ontmoet nie?
Markus 3:31-35 Dikwels is die Here se
‘gesin’ buite – en roep Hom daarvandaan!
Dikwels is ‘n deel van die Liggaam buite, en
roep ...
• En Hy sê vir diegene wat by Sy voete
sit, diegene wie Hom hoor en doen wat
Hy deur hulle wil doen, hulle is Sy broers
en susters, hulle is Sy familie.
33
Die Woord van God daag ons altyd –
• Indien dit nie so is nie, is ons buite,
roepende ...
• “Nou is die tyd”, sê die Here. Hy wil weer
ons verhouding met die Binnehof herstel.
• Ons kan aangaan vir lang tye, welwetende
wat reg is, maar ons doen dit nie ... dit is
sonde – sonde deurdat ons nie word in Sy
Teenwoordigheid nie.
• Indien jy en ek nie daagliks by Hom sit
onder Sy salwing en oortuiging nie, sal
ons vervreemd raak (buitestaanders),
en dan doen ons werke vanuit ‘n
selfaangedrewe poging.
• More gaan ons dieselfde besige skedule
hê wat ons vandag van Hom weghou.
• Ek benodig ‘n belydende hart om weg te
draai van my skedule en my hart te rig
op GOD se skedule.
Daar is geen kortpad na ware en
betekenisvolle verhouding nie. Daar is geen
plaasvervanger vir Hom nie. ‘n
Verbondsverhouding neem tyd en sal ons
altyd ons lewens kos.
34