Kortkursus in Swart en Wit fotografie en Digitale ... - Forrest Photo

Taak 1:
i. Lees bl. (360/1) in MOP, hoe om ’n Swart & Wit film te ontwikkel.
ii. Lees bl.( 272/3) in MOP, hoe om portretstudies in die buitelug te neem.
iii. Neem ’n reeks foto’s van net een onderwerp in die sonlig en skaduwee met jou digitale kamera wat op
elk van die volgende “white balance” verstellings gestel is:
a. Auto, b. Incadescent (Gloeilampie), c. Fluorescent, d. Direct Sunlight, e. Flash, f. Cloudy, g. Shade, h.
Choose Color Temperature, en i. White Balance Preset.
Druk elke foto af op gewone skryf papier met jou drukker by die huis en bring dit na die volgende klas toe vir
bespreking.
iv. Fotografeer VIER foto’s om diepte van veld te illustreer soos in die klas bespreek. Druk VIER x A5 kleur
afdrukke af. (Hierdie is twee tegniese take wat jy baie seker moet wees jy goed
verstaan en kan toepas.)
Week 2:
Prakties: Neem ’n reeks foto’s van ’n blanke person met ’n swart & wit film:
a. Gedeeltelik teen die son.
Wanneer gedeeltelik teen die son geneem word, moet die lens van jou kamera verkieslik in die skaduwee
wees. Sou lig op die kameralens val word die skerpte op die afdruk beïnvloed. Ongewensde ligkolle kom dan
ook soms voor aan die kante van die afdruk. Plaas die persoon op ’n stoeltjie met sy/haar rug gedeeltelik na
die son toe. Verkry ’n vertikale kop en skouer beeld van die persoon in die kamera se beeldsoeker. Neem ’n
liglesing van die person se gesig en neem die eerste foto. Sê die lesing is 1/125; f16. Neem nog drie foto’s
van die persoon, maar maak elke keer net een stop oop wat beteken jy gee met elke beligting EEN stop meer
lig. i. 1/125; f16
ii. 1/125; f11 (EEN stop meer lig)
iii. 1/125; f8 (TWEE stops meer lig)
iv. 1/125; f5,6 (DRIE stops meer lig)
b. Teen die son
Herhaal dieselfde prosedure soos gedeeltelik teen die son, maar begin met TWEE stops meer.
i. 1/125; f8
ii. 1/125; f5,6
iii. 1/125; f4
iv. 1/125; f2,8
Gebruik die laaste vier beligtings vir eie keuse.
Kamera formate:
i. 35 mm formaat kamera, (bl. 12-23) in MOP.
ii. Medium formaat kamera, (bl. 24-25) in MOP.
iii. Spesiale tipe kamera, (bl. 26-35) in MOP
Standaard- en spesiale kamera lense, (bl. 38-61) in MOP
Wat is die sonesisteem? Hoe word die sonesisteem effektief en korrek gebruik?
Aanmaak van chemikalieë vir die ontwikkeling van S/W films.
Hoe om ’n S/W film te ontwikkel.
Hoe om korrek beligte-, oorbeligte-, en onderbeligte negatiewe te identifiseer.
Taak 2:
i. Lees (bl. 362-369), hoe om ’n swart-en-wit afdruk te maak in MOP.
ii. Voltooi iii. en iv van Taak 1 indien dit nog nie klaar is nie.
Week 3:
Prakties: Neem ’n reeks van ses portretstudies, kop en skouer, halflyf, driekwartlyf, en vollengte in oop skadu.
Die laaste ses beligtings kan as vrye keuse gebruik word.
Druk TWEE A5 S/W afdrukke af uit klas 2&3 se prakties se opdrag van jou portretstudies.
Aanmaak van chemikalieë vir S/W afdrukke.
Hoe om afdrukke te maak.
Spesiale donkerkamer tegnieke en effekte: i. Inbrand tegniek, ii. Afskermings tegniek.
2