Verbruikersgids - Dedea

Verbruikersgids
Jou Verantwoordelikhede en
Regte kragtens die Wet op
Verbruikersbeskerming,
Nr. 68 van 2008

Inl e i d i n g
Die Wet op Verbruikersbeskerming is verorden ten
einde die ekonomiese welvaart van verbruikers in Suid-
Afrika te ondersteun en te bevorder. Die Wet bereik dit
deur die regte van verbruikers te beskerm, maar ook
deur ‘n kultuur van verbruikersverantwoordelikheid
aan te moedig.
Hierdie Verbruikersgids beoog, so ver moontlik, om
die volgende te verduidelik:
• Op wie en waarop die Wet van toepassing is
• Wat nie deur die Wet gedek word nie
• Jou verantwoordelikhede as ‘n verbruiker
• Jou regte ingevolge die Wet op
Verbruikersbeskerming
• Hoe jy jou regte kan verwesenlik en beskerm
• Die rol van Nasionale
Verbruikersbeskerminginstellings
Hierdie Verbruikersgids mag vir die opleiding van
verbruikers gebruik word ten einde hulle in staat te
stel om ingeligte en verantwoordelike keuses te maak.
© Hierdie Verbruikersgids is namens die Oos-Kaapse Departement van Ekonomiese
Ontwikkeling, Omgewingsake en Toerisme deur Professor Vivienne Lawack-Davids,
Uitvoerende Dekaan van die Regsfakulteit aan die Nelson Mandela Metropolitaanse
Universiteit opgestel.

Op wie en waarop is die Wet
van toepassing?
Die Wet op Verbruikersbeskerming (WVB) is van
toepassing op:
• Elke transaksie binne die Republiek van Suid-Afrika
(RSA), behalwe waar dit deur die Wet vrygestel
word
• Die bevordering van enige goedere of dienste, of
van die verskaffer van enige goedere of dienste
binne die RSA, tensy die goedere of dienste nie
redelikerwys die onderwerp van ‘n transaksie
kragtens die Wet kan wees nie, of tensy die
bevordering van sodanige goedere en dienste
vrygestel is
• Goedere of dienste wat ingevolge ‘n transaksie
waarop die Wet van toepassing is, gelewer word
(dit maak nie saak of die goedere of dienste saam
met ander goedere of dienste, of apart aangebied
of gelewer word nie)
• Goedere ingevolge ‘n vrygestelde transaksie
gelewer, maar waar die goedere en die invoerder,
verspreider en kleinhandelaar van sodanige
goedere steeds aan sekere artikels van die Wet
onderworpe is

Is ek ‘n “verbruiker”?
Jy is ‘n verbruiker indien:
• Goedere en dienste aan jou bemark word
• Jy ‘n transaksie met ‘n verskaffer aangegaan het
(tensy vrygestel)
• Jy ‘n gebruiker of ontvanger of begunstigde van
goedere of dienste is, selfs al is jy nie ‘n party by
die transaksie nie
• Jy ‘n konsessie gekoop het.
Wat is hierdie “goedere” en
“dienste” waarvan jy praat?
Goedere is:
• Enigiets wat vir menslike verbruik bemark word
(wat jy kan eet of gebruik)
• Enigiets tasbaars (wat jy kan sien, voel, ens.)
insluitende enige medium waarop of waarin dit
geskryf of geënkodeer mag wees
• Enige literatuur (boeke, ens.), musiek, foto’s, films,
speletjies, inligting, data, sagteware, kodes of
ontasbare produkte (enigiets waaraan jy nie kan
raak nie, of wat jy nie kan sien nie, ens.) of ‘n lisensie
om enige tasbare produk (bv. ‘n sagteware-lisensie)
te gebruik
• ‘n Regsbelang in grond of enige ander onroerende
eiendom
• Gas, water en elektrisiteit.

‘n Paar voorbeelde:

Wat is ‘n “diens”?
‘n “Diens” sluit in:
• Enige werk of onderneming deur een persoon verrig vir
die regstreekse of onregstreekse voordeel van iemand
anders
• Die voorsiening van onderwys, inligting, raad of
konsultasie, behalwe raad ingevolge die Wet op
Finansiële Advies en Tussengangerdienste (FAIS-Wet)
• Enige bankdienste of verwante finansiële dienste of die
onderneming, onderskrywing of aanvaarding van risiko
deur een persoon namens ‘n ander, behalwe as dit raad
of tussengangerdienste ingevolge die FAIS-Wet is, of
as die bankdiens ingevolge die Wet op Langtermyn-of
Korttermynversekering gereguleer word
• Vervoer van ‘n individu of vervoer van goedere
• Verskaffing van
Enige akkommodasie of lewensmiddele (bv.
bed-en-ontbyt, ens.)
Enige vermaak of soortgelyke ontasbare produk
of toegang tot enige sodanige vermaak of
ontasbare produk
Toegang tot enige elektroniese kommunikasie-
infrastruktuur (bv. Internet, ens.)
Toegang, of ‘n reg tot toegang, tot ‘n gebeurtenis
of tot enige perseel, aktiwiteit of fasiliteit
Toegang tot, of gebruik van, enige perseel of
ander eiendom ingevolge ‘n verhuring (dit sluit
nie ‘n huurkontrak ingevolge die WVB in nie)
• Reg van okkupasie van, of bevoegdheid of voorreg
in verband met enige grond of onroerende eiendom,
anders as ingevolge ‘n verhuring
• Regte van ‘n konsessie-houer ingevolge ‘n konsessieooreenkoms
Ongeag of die persoon wat die diens bevorder, aanbied of
voorsien regstreeks of onregstreeks aan die diens deelneem,
daaroor toesig hou of daarby betrokke is

Voorbeelde sluit in:
• John bou Mary se huis
• Sipho lei vissermanne en plaasarbeiders op
• Bheki wil ‘n spaarrekening open (let wel dat alle
bankdienste onder die WVB val; dit is alle dienste wat
deur banke gelewer word, behalwe indien sodanige
dienste onder die FAIS-wet val of indien dit deur
die Wet op Langtermyn- of Korttermynversekering
gereguleer word)
• Nico het ‘n taxi en vervoer mense daagliks werk toe
en terug
• Matapelo gebruik haar huis as ‘n bed-en-ontbyt
• Jacqui en Marvin is deel van ‘n jazz musiekgroep
en speel by funksies soos troues, 21ste
verjaardagpartytjies, kantoorfunksies, en “goue
oues”
• ComTel verskaf toegang tot die Internet en tot
selfone
• Claudia is ‘n student en huur ‘n woonstel op die
strandfront saam met twee ander studente (maar
onthou, ‘n huurooreenkoms vir ‘n kar val onder die
Nasionale Kredietwet, en nie onder die WVB nie)
• Victor koop ‘n “Chicken King” konsessie

Gee die Wet meer duidelikheid oor wat
dit as transaksies tussen ‘n verskaffer
en ‘n verbruiker beskou?
Ja, die Wet doen dit.
Die volgende reëlings moet as ‘n
transaksie tussen ‘n verskaffer en
verbruiker beskou word:
Die verskaffing van enige goedere of dienste in die
gewone loop van sake aan enige van sy lede deur ‘n klub,
vakbond, assosiasie, vereniging, genootskap of ander
kollektief, hetsy ingelyf of oningelyf, van persone
vrywillig vir ‘n algemene doeleinde of doeleindes
geassosieer en georganiseer, hetsy vir billike waarde
of teenprestasie, al dan nie, ongeag of ‘n heffing of
ekonomiese bydrae vereis of verwag word ten einde ‘n
lid te word of te bly.
Let Wel: Dit beteken dat selfs ‘n stokvel of
besparingsklub of ‘n kerkbasaar ingesluit sal wees,
solank as wat “goedere of dienste” aan sy lede verskaf
word!

Wat van die “Chicken King”
konsessie wat ek wil koop?
Sal dit ingesluit wees?
Ja, dit sal.
Die WVB meld dat die volgende
aksies met betrekking tot konsessieooreenkomste
sal beteken dat die
transaksie ‘n “transaksie” tussen ‘n
“verskaffer” en ‘n “verbruiker” is:
• Uitnodiging vir aanbiedinge om ‘n konsessieooreenkoms
aan te gaan
• ‘n Aanbod deur ‘n potensiële konsessie of (persoon
wat die konsessie verkoop) om ‘n konsessieooreenkoms
aan te gaan
• ‘n Konsessie-ooreenkoms of ‘n ooreenkoms
aanvullend tot ‘n konsessie-ooreenkoms
• Die verskaffing van enige goedere en dienste aan ‘n
konsessie ingevolge ‘n konsessie-ooreenkoms
Let Wel: die WVB is van toepassing, ongeag of die verskaffer:
• In die RSA woon of ‘n hoofkantoor in die RSA het
• Sy sake met winsoogmerk of andersins bedryf
• ‘n Individu, juristiese persoon (regspersoon), vennootskap, trust,
staatsorgaan, ‘n entiteit deur ‘n staatsorgaan besit of bestuur, ‘n persoon
deur ‘n staatsorgaan gekontrakteer of gelisensieer om enige goedere of
dienste aan te bied of te verskaf, of ‘n openbare-private vennootskap is
• Ingevolge enige openbare regulasie vereis of gelisensieer word om
die verskaffing van die bepaalde goedere of dienste aan die hele of ‘n
gedeelte van die publiek beskikbaar te stel

Wat word nie deur die
WVB gedek nie?
Die WVB is nie van toepassing op enige transaksie:
• Ingevolge waarvan die verbruiker ‘n regspersoon is
wie se jaarlikse omset gelyk is aan of meer is as die
drempelwaarde deur die Minister bepaal nie
• Indien die transaksie binne die vrystellings deur die
Minister verleen, val nie
• Wat ingevolge die Nasionale Kredietwet ‘n
kredietooreenkoms is nie (Let wel: goedere
en dienste wat die onderwerp van die
kredietooreenkoms is, val binne die WVB)
• Betreffende dienste wat kragtens ‘n dienskontrak
verskaf sal word nie
• Wat uitvoering gee aan ‘n kollektiewe
bedingingsooreenkoms kragtens die Wet op
Arbeidsverhoudinge nie
• Wat uitvoering gee aan ‘n kollektiewe ooreenkoms
kragtens die Wet op Arbeidsverhoudinge nie
Wat is my verantwoordelikhede
as ‘n verbruiker?
Die Wet beoog om verbruikersverantwoordelikheid te
verbeter. Hier is ‘n paar nuttige wenke om verbruikers
in staat te stel om ingeligte keuses te maak:
• Begroot vir jou onkostes - basiese behoeftes eerste,
daarna dinge wat jy wil hê indien jy die geld daarvoor
het
• Betaal verpligte rekeninge/vaste verpligtinge
eerste en diens jou kontraktuele verpligtinge (soos
‘n huisverband, verhuring, staats- en stadsbelasting,
versekering, ens.)
• Onthou om kwaliteit, bekostigbaarheid en
duursaamheid in ag te neem wanneer jy meubels of
toestelle aankoop

Regte
Wat is my regte kragtens
die WVB?
Sjoe, ek het gehoor
dat alle verbruikers 8
verskillende regte het
Ja, daar is 8 regte. Hierdie verbruikersregte is:
• Reg op gelykheid
• Reg op privaatheid
• Reg om te kies
• Reg op blootlegging en inligting
• Reg op regverdige en verantwoordelike bemarking
• Reg op billike en eerlike verhandeling
• Reg op regverdige, billike en redelike bepalinge en
voorwaardes
• Reg op billike waarde, gehalte en veiligheid

Kom ons bespreek
elkeen van hulle:
1. Reg op gelykheid in die
verbruikersmark
‘n Verbruiker word soos volg teen diskriminerende
bemarking beskerm:
Behoudens die Wet (artikel 9), moet ‘n verskaffer van
goedere of dienste nie op onbillike wyse:
• Enige persoon of kategorie persone van toegang
tot enige goedere of dienste deur die verskaffer
aangebied, uitsluit nie
• Eksklusiewe toegang tot goedere of dienste aan
enige persoon of kategorie persone verleen nie
• Voorkeur van verskaffing van goedere of dienste
deur die verskaffer aangebied aan enige persoon of
kategorie persone verleen nie
• Goedere of dienste van ‘n ander gehalte aan enige
persoon of kategorie persone verskaf nie
• Verskillende pryse hef vir enige goedere of dienste
aan enige persone of kategorie persone verskaf nie
• Bepaalde gemeenskappe, distrikte, bevolkings- of
marksegmente teiken vir eksklusiewe, prioriteits- of
voorkeurverskaffing van enige goedere of dienste
deur die verskaffer aangebied nie.
Op die basis van een of meer gronde van onbillike diskriminasie
in die Grondwet (artikel 9) of Hoofstuk 2 van die Wet op die
Bevordering van Gelykheid en Voorkoming van Onregverdige
Diskriminasie beoog.

‘n Verskaffer mag ook NIE enige persoon regstreeks of onregstreeks
anders as ‘n ander behandel op ‘n wyse wat neerkom op onregverdige
diskriminasie op een of meer gronde in die Grondwet (artikel 9) of
Hoofstuk 2 van die Wet op Bevordering van Gelykheid en Voorkoming
van Onregverdige Diskriminasie uiteengesit nie, wanneer:
• Die persoon se vermoë om die koste te betaal of
die verpligtinge van ‘n voorgenome transaksie of
ooreenkoms na te kom, beoordeel word
• Besluit word of ‘n transaksie of ooreenkoms
aangegaan moet word
• Enige aspek van die koste van ‘n transaksie bepaal
word
• By die verskaffer se plek van besigheid of in die
loop van die uitstal of demonstrering van enige
goedere, toetsing of installering van enige goedere
met die verbruiker in gesprek getree word of die
bepalings van ‘n ooreenkoms onderhandel word
• Enige goedere vir die verbruiker gekies, voorberei,
verpak of afgelewer word
• Die bepalings van ‘n ooreenkoms voorgestel of
ooreengekom word
• Die persoon se voldoening aan die bepalings van
die ooreenkoms beoordeel of vereis word
• Enige reg van die verskaffer kragtens ‘n transaksie
of ooreenkoms ingevolge die Wet of enige
provinsiale verbruikerswetgewing uitgeoefen
word
• Bepaal word of ‘n transaksie of ooreenkoms
voortgesit, afgedwing, beëindig of ‘n hofbevel ten
opsigte daarvan aangevra moet word
• Bepaal word of enige persoonlike inligting van
sodanige persoon aangemeld moet word, of by
aanmelding daarvan

Voorbeelde van diskriminerende bemarking:
• Meubelwinkel X besluit om meubels verkieslik “slegs aan kleurlinge”
te verkoop en, indien dit aan ander etniese groepe verkoop word,
verskil die prys, afhangende van die verbruiker se etniese groep.
• Bed-en-ontbyt eienaars, Pete en Sipho, besluit om alle heteroseksuele
mense van die gebruik van hulle onderneming uit te sluit.
Die WVB maak egter onder spesifieke omstandighede voorsiening vir
redelike gronde vir gedifferensieerde behandeling:
n Verskaffer oortree nie die Wet indien sodanige verskaffer:
• Weier om goedere of dienste of toegang daartoe aan
ongeëmansipeerde minderjariges te verskaf nie
• Op redelike gronde weier om ‘n ooreenkoms met ‘n minderjarige
aan te gaan, tensy die verskaffer rede het om te glo dat sodanige
minderjarige geëmansipeer is nie
• Enige fasiliteit of diens redelikerwys vir minderjariges in die
algemeen, vir minderjariges bo of onder ‘n spesifieke ouderdom of
ouderdomme of vir volwassenes van 60 jaar of ouer aanwys nie
• Afsonderlike, maar wesenlik ekwivalente fasiliteite vir die uitsluitlike
gebruik van persone van elke geslag redelikerwys voorsien en aanwys
(bv. openbare badkamerfasiliteite) nie
• Aanbied om ‘n fasiliteit of toegang daartoe eksklusief vir persone
van een geslag te verskaf of te voorsien nie (bv.”mansklubs”)
• Aan ‘n spesifieke groep bemark indien die besondere goedere of
dienste redelikerwys bedoel of ontwerp is om enige spesifieke
behoefte of belangstelling wat algemeen of uniek aan daardie
spesifieke groep kliënte is, te bevredig nie

Voorbeelde:
• Met ander woorde, dit is aanvaarbaar
om onder sekere omstandighede nie
aan minderjariges te verkoop nie en dit
is ook in die haak om spesiale pryse
aan minderjariges of sogenaamde
“pensioenarispryse” aan te bied.
• Mansklubs word toegelaat!
Die sleutelwoord hier is BILLIKHEID.
Let Wel: Die hof het die outoriteit om die redelikheid van enige
gedrag te beoordeel en te bepaal of enige gedrag onregverdige
diskriminasie uitmaak. Die hof mag ook bepaal of enige gedrag onder
die omstandighede van ‘n spesifieke transaksie of die bemarking van
enige goedere of dienste billik was. Die hof wat regsbevoegdheid het
oor hierdie deel van die WVB, is die Gelykheidshof.

2. Reg op Privaatheid
Hierdie reg sluit die reg in om:
• Te weier om enige toenadering of kommunikasie
vir die doel van regstreekse bemarking (soms ook
“spam” genoem) te aanvaar
• Van enige persoon te eis om sodanige toenadering of
kommunikasie stop te sit
• Enige sodanige toenadering of kommunikasie
voorkomend te blokkeer
Wat kan ek doen indien ek
regstreekse bemarking ontvang?
• Jy mag binne ‘n billike tyd nadat jy die regstreekse
bemarking ontvang het, eis dat die verantwoordelike
persoon ophou om enige verdere kommunikasie aan
jou te stuur
• Die Verbruikerskommissie mag ‘n REGISTER
waarin enige persoon ‘n voorkomende blokkering
in die algemeen, of om spesifieke doeleindes mag
registreer, instel of as gesaghebbend erken
• Enige persoon wat enige regstreekse bemarking
magtig, beheer of uitvoer, moet gepaste prosedures
implementeer om die ontvangs van eise te fasiliteer
en mag geen persoon beveel of toelaat om enige
regstreekse bemarking aan ‘n persoon wat ‘n
voorkomende blokkering teen sodanige verskaffer
geëis of geregistreer het, te lei nie

Let Wel: Indien jy ‘n voorkomende blokkering geëis
of geregistreer het, mag daar nie ‘n verbruikersfooi
van jou gehef word vir die indiening van die eis of die
registrasie van die voorkomende blokkering nie!
• ‘n Verskaffer mag nie tydens ‘n verbode tydperk
(wat deur die Minister bepaal sal word) regstreekse
bemarking lei, tensy jy as verbruiker dit uitdruklik
of implisiet versoek het of daartoe ingestem het
nie
Wees versigtig vir selfoon teksboodskappe
(SMS) waarin jy gevra word om te bevestig dat ‘n
regstreekse bemarker jou mag skakel. Indien jy per
SMS instem, het jy uitdruklik toestemming gegee
dat die regstreekse bemarker jou mag kontak, selfs
al is dit tydens ‘n verbode tydperk!
3. Die reg om te kies
Hierdie reg sluit die volgende in:
• As ‘n verbruiker het jy die reg om jou verskaffer te
kies
• Jy het sekere regte by die verval en met die
hernuwing van vaste termynkontrakte en sekere
kostes mag nie deur verskaffers gehef word nie

• Verskaffers en diensverskaffers mag nie sekere
kostes ten opsigte van vooraf-magtiging van
herstel- en onderhoudsdienste van ‘n verbruiker
vorder tensy die verskaffer of diensverskaffer ‘n
kosteberaming verskaf het en die verbruiker die
werk gemagtig het OF die verbruiker die aanbod
van ‘n kosteberaming teen ‘n vooraf-gemagtigde
heffing tot ‘n gespesifiseerde maksimum skriftelik
van die hand gewys het nie
• Jy het ‘n afkoelreg bykomstig tot enige ander
afkoelreg kragtens enige ander wetgewing
• Jy het die reg om ‘n voorafbespreking, -
plekbespreking of -bestelling te kanselleer, maar
die verskaffer mag vooruitbetaling van ‘n billike
deposito vereis of ‘n billike kansellasiefooi hef,
behalwe in die geval van die dood of hospitalisering
van die persoon vir wie of tot wie se voordeel die
voorafbespreking, -plekbespreking of -bestelling
gedoen is
• Jy het die reg om goedere te kies of te ondersoek.
Dit beteken dat:
Jy in die geval van oop voorraad, die reg
het om te kies
Indien ‘n monster verskaf is en jy die goedere
alleenlik op die grondslag van ‘n beskrywing
of monster gekoop het, moet die goedere
in alle wesenlike opsigte en karaktertrekke
ooreenstem met dít wat ‘n gewone, waaksame
verbruiker op grond van die gegewe
beskrywing of monster sou verwag het
• ‘n Verbruiker het regte ten opsigte van lewering
van goedere of dienste of die verskaffing van
diens:
Tensy die teendeel ooreengekom is, is dit ‘n
versweë bepaling van die ooreenkoms dat

die verskaffer verantwoordelik is vir lewering op die
ooreengekome datum, of binne ‘n billike tydperk, by
die ooreengekome plek van lewering of verrigting,
teen die VERSKAFFER se ONKOSTE.
Let Wel: Die ooreengekome plek van lewering is die
verskaffer se plek van besigheid of sy woonplek
indien die verskaffer nie ‘n plek van besigheid het nie
EN die goedere wat gelewer moet word, bly teen die
verskaffer se risiko totdat die verbruiker lewering
daarvan aanvaar het
Wees versigtig - onder seker omstandighede hoef
jy nie lewering te aanvaar nie
• Jy het die reg om goedere terug te gee
• Jy het sekere regte ten opsigte van ongevraagde goedere
en dienste
Benodig jy meer besonderhede
oor enige van die bogenoemde?
Die reg om jou verskaffer te kies
• Dit beteken dat ‘n verskaffer nie as ‘n voorwaarde
vir die aanbied of verskaffing, of as ‘n voorwaarde
vir die ooreenkoms mag eis dat jy ‘n bykomstige
ooreenkoms met dieselfde verskaffer of ‘n
aangewese derde party moet aangaan of dat jy
moet toestem om enige bepaalde goedere of
dienste van ‘n aangewese derde party te koop nie,
tensy die verskaffer:
Kan aantoon dat die gerief aan jou swaarder
weeg as die beperking van jou reg om te kies
Kan aantoon dat die saambondeling jou
kostes bespaar
Saamgebondelde goedere en dienste afson-
derlik en teen individuele pryse aanbied

Reg op afkoeltydperk ná regstreekse bemarking
• Jy mag die ooreenkoms binne vyf (5) besigheidsdae
ná die laatste van die datum waarop die
ooreenkoms aangegaan of die goedere ontvang is,
deur middel van skriftelike kennisgewing of ander
aangetekende wyse en vorm, sonder rede of boete
terugtrek (kanselleer)
• Die verskaffer moet enige betaling wat vanaf die
verbruiker ontvang is binne 15 besigheidsdae ná
ontvangs van die kennisgewing van terugtrekking
of ontvangs van die goedere teruggee
• Die verskaffer mag nie poog om enige betaling te
vorder nie, behalwe onder sekere omstandighede,
bv. indien die goedere in hul oorspronklike
verpakking en toestand is, mag ‘n billike bedrag vir
gebruik en enige verbruik gehef word
Wat doen ek indien ek ongegevraagde
goedere ontvang?
• Jy mag die goedere behou of die goedere teen
die verskaffer of afleweraar se risiko aan die
verskaffer of afleweraar terugbesorg
• Indien jy die goedere onwettig behou, word jy,
behoudens die reg of geldige eis van ‘n onbetrokke
derde party, die eienaar
• Die verskaffer of afleweraar van die goedere is
teenoor enige ander persoon aanspreeklik ten
opsigte van enige reg of geldige eis betreffende
die goedere

• Jy is onder geen verpligting om vir die aflewering van ongevraagde goedere te
betaal nie
• ‘n Verskaffer mag nie enige betaling vanaf die verbruiker eis, sodanige reg tot
betaling aanvoer, of poog om sodanige betaling in te vorder, tensy die verskaffer
die verbruiker binne 10 dae vanaf aflewering ingelig het dat die goedere
verkeerdelik afgelewer is nie
4. Reg op blootlegging en inligting
Hierdie reg behels dat:
• Jy ‘n reg het tot inligting in gewone en verstaanbare taal - die WVB lê vereistes
neer en die Verbruikerskommissie mag riglyne neerlê vir hoe daar beoordeel
word of ‘n kennisgewing, dokument of visuele voorstelling aan hierdie vereistes
voldoen.
• ‘n Kleinhandelaar geen goedere of dienste te koop mag uitstal sonder om die
prys aan te dui, tensy dit oorwegend as ‘n vorm van advertensie uitgestal word
nie.
Let wel: Kleinhandelaars moet kennis neem van die spesifieke bepalings met
betrekking tot die uitstal van pryse en die implikasies ingevolge die WVB
• Die etikettering van produkte en handelsbeskrywings nie misleidend mag wees
of gewysig, geskend, bedek, verwyder of belemmer mag word op ‘n wyse wat
verbruikers mislei nie (kleinhandelaars, let wel)
• Daar ‘n opvallende kennisgewing aan opgeknapte of grysmark goedere aangebring
moet word wat dit duidelik stel dat dit opgeknap, herbou of hervervaardig is
• ‘n Verbruiker geregtig is op ‘n verkoopsrekord op die wyse deur die WVB
voorgeskryf
• ‘n Tussenpersoon (behalwe ‘n eksekuteur, likwidateur of trustee) voorgeskrewe

inligting bekend moet maak en voorgeskrewe rekords van alle verhoudings en
transaksies moet hou. Let wel: Die Minister mag inligting en die wyse waarop die
inligting en rekords gehou moet word, voorskryf.
5. Reg op billike en verantwoordelike
bemarking
Hierdie reg behels dat:
• Die WVB algemene standaarde vir bemarking van goedere en dienste het,
naamlik dat ‘n vervaardiger, verspreider, kleinhandelaar of diensverskaffer geen
goedere mag bemark op ‘n wyse wat redelikerwys moontlik ‘n vals of misleidende
voorstelling sal impliseer op ‘n wyse wat op enige manier misleidend, bedrieglik
of oneerlik is nie
• Lokaas-bemarking - ‘n Verskaffer mag die beskikbaarheid van goedere of
dienste nie adverteer op ‘n wyse wat verbruikers ten opsigte van die ware
beskikbaarheid van daardie goedere en dienste teen die geadverteerde prys
mag mislei of bedrieg nie EN die verskaffer moet die goedere en dienste tot die
omvang van die uitdruklike beperkings teen die geadverteerde prys beskikbaar
stel
• Geen negatiewe opsie bemarking word toegelaat nie - dit beteken dat ‘n
verskaffer nie goedere of dienste mag bevorder of aanbied of mag teweeg
bring dat ‘n persoon goedere of dienste aanvaar op die grondslag dat sodanige
goedere en dienste verskaf sal word of dat die ooreenkoms outomaties in
werking sal tree tensy die verbruiker die aanbod of lokmiddel van die hand wys
nie - sodanige ooreenkoms is ONGELDIG
• In die geval van regstreekse bemarking, moet die verbruiker van die reg op ‘n
afkoeltydperk ingelig word
• In die geval van katalogusbemarking, maak die WVB voorsiening vir sekere
inligting wat ingesluit moet word, bv. die verskaffer se naam en lisensie- of
registrasienommer, adres, geldeenheid, kansellasiebeleid, ens.

• Die WVB bevat baie streng vereistes vir borge of verskaffers van
handelskoeponss, verbruikerslojaliteitsprogramme, promosionele kompetisies
en alternatiewe werkskemas
• Met betrekking tot verkoping deur verwysing, maak die WVB daarvoor
voorsiening dat ‘n persoon geen goedere of dienste mag verskaf of instem om
dit te doen, goedere of dienste mag aanbied of ‘n verbruiker mag oorhaal om
enige goedere of dienste te aanvaar op die voorstelling dat die verbruiker ‘n
terugbetaling, kommissie of ander voordeel sal ontvang indien die verbruiker
name van verbruikers aan die verskaffer gee of die verskaffer andersins
bystaan om goedere en dienste aan ander verbruikers te verskaf EN sodanige
terugbetaling, kommissie of ander voordeel afhanklik is van ‘n gebeurtenis wat
plaasvind nadat die verbruiker tot die transaksie toegestem het nie
• Enige ooreenkoms met ‘n handelingsonbevoegde persoon (bv. ‘n persoon wat
verstandelik ongeskik is) is ongeldig
• ‘n Ooreenkoms met ‘n minderjarige is vernietigbaar indien die minderjarige ten
tye van die ooreenkoms ‘n ongeëmansipeerde minderjarige was, die ooreenkoms
sonder die toestemming van ‘n volwassene wat vir daardie minderjarige
verantwoordelik is, aangegaan is en die ooreenkoms nie ten volle deur sodanige
volwassene of die verbruiker (minderjarige) bekragtig is nadat die minderjarige
geëmansipeer is of volwassenheid bereik het nie
6. Reg op billike en eerlike
verhandeling
• Die WVB verbied gewetenlose gedrag deur ‘n verskaffer of agent - ‘n verskaffer
of agent van die verskaffer mag nie fisieke geweld, dwang, onbehoorlike
beïnvloeding, druk, vryheidsberowing of teistering, onbillike taktieke of
enige ander soortgelyke gedrag in verband met enige bemarking, verskaffing,
onderhandeling, aangaan, uitvoering of afdwinging van ‘n ooreenkoms, eis vir,
invordering van betaling vir goedere of dienste, of terugneem van goedere of
dienste teen ‘n verbruiker gebruik nie

• Dit is gewetenloos vir ‘n verskaffer om wetend misbruik te maak van die feit
dat ‘n verbruiker weens fisiese of geestelike gestremdheid, ongeletterdheid,
onkunde, onvermoë om die taal van die ooreenkoms te verstaan, of enige ander
soortgelyke faktor wesenlik nie daartoe in staat is om die verbruiker se eie
belange te beskerm nie
• Die bepalings met betrekking tot gewetenlose gedrag is ook op hofverrigtinge
van toepassing
• Die WVB bevat streng bepalings met betrekking tot vals, misleidende of
bedrieglike voorstellings waarvan verskaffers van goedere of dienste moet
kennis neem
• Die WVB verbied bedrieglike skemas en aanbiedinge, en piramied- en verwante
skemas
• Die verbruiker het ‘n reg om aan te neem dat ‘n verskaffer wettig gemagtig is
om goedere te verkoop, en, indien die reg of eis van ‘n derde party as gevolg
van enige transaksie of ooreenkoms geskend of in gevaar gestel word, is die
verskaffer tot die omvang van die skending of in gevaar stelling van die persoon
se regte tot die derde party aanspreeklik, tensy die verbruiker saamgesweer het
om die derde party te bedrieg
• Die WVB het ook spesifieke bepalings met betrekking tot veilings, kostes,
oorhouding en kwytskeldings en vervanging van goedere, en met betrekking tot
oorbespreking en oorverkoping
7. Reg op regverdige, billike en redelike bepalings
en voorwaardes
• ‘n Verskaffer mag nie:
Aanbied om enige goedere of dienste te verskaf of ‘n ooreenkoms aangaan
om enige goedere of dienste te verskaf teen ‘n prys wat onbillik is of op
terme wat onregverdig, onredelik of onbillik is nie
Enige goedere of dienste bemark of ‘n transaksie vir die

verskaffing van goedere of dienste onderhandel, aangaan of
bestuur op ‘n wyse wat onregverdig, onredelik of onbillik is nie
Vereis dat ‘n verbruiker afstand doen van enige regte, enige verpligting
aanvaar, of die verskaffer kwytskeld van enige aanspreeklikheid op terme
wat onregverdig, onredelik of onbillik is nie
sodanige terme as ‘n voorwaarde vir die aangaan van ‘n transaksie oplê nie
• Die WVB verskaf voorbeelde van sodanige onregverdige, onredelike of onbillike
gedrag
• Die WVB vereis dat die verbruiker sekere kennisgewings en bepalings en
voorwaardes onder die verbruiker se aandag moet bring vóór die vroegste
van die tydstip waarop die verbruiker die transaksie of ooreenkoms aangaan,
die aktiwiteit begin beoefen of die fasiliteit betree of toegang daartoe verkry
OF wanneer daar van die verbruiker vereis of verwag word om betaling vir die
transaksie of ooreenkoms aan te bied
• ‘n Bepaling, kennisgewing of voorwaarde moet opvallend wees en in gewone taal
geskryf word
• Die Minister mag voorskryf dat sekere ooreenkomste op skrif moet wees
• Die WVB verbied sekere transaksies, ooreenkomste, bepalings of voorwaardes
• Die hof beskik oor seker bevoegdhede ten einde regverdige en billike gedrag,
bepalings en voorwaardes te verseker (artikel 52)

8. Reg op billike waarde, goeie gehalte
en veiligheid
(a) Reg op gehaltediens
• ‘n Verbruiker het ‘n reg om op goeie gehalte diens aan te dring:
Wanneer ‘n verskaffer onderneem om enige diens vir, en namens ‘n verbruiker te
verrig, het die verbruiker ‘n reg op:
Die tydige verrigting en voltooiing van daardie dienste en tydige
kennisgewing van enige onvermydelike vertraging in die verrigting
Die verrigting van die dienste op ‘n wyse en van ‘n gehalte wat mense in die
algemeen geregtig is om te verwag
Die gebruik, lewering of installering van goedere sonder defek en wat van
‘n gehalte is wat mense in die algemeen geregtig is om te verwag indien
enige sodanige goedere vir die verrigting van die dienste vereis word
Die teruggee van enige eiendom of beheer oor eiendom van die verbruiker
in ten minste dieselfde toestand as waarin dit was toe die verbruiker dit
aan die verskaffer beskikbaar gemaak het met die doel om sodanige
dienste te verrig
Met inagneming van die omstandighede van die verskaffing en enige
spesifieke kriteria of voorwaardes vóór of tydens die verrigting
van sodanige dienste tussen die verskaffer en die verbruiker
ooreengekom
• Indien ‘n verskaffer versuim om ‘n diens op hierdie standaarde te lewer, mag
verbruikers van die verskaffer vereis om enige defek in die gehalte van dienste
verrig of goedere verskaf, reg te stel of om die verbruiker te vergoed vir ‘n billike
gedeelte van die prys wat vir die verrigte diens of verskafte goedere betaal is,
met inagneming van die omvang van die versuim.
(b) Reg op veilige, gehalte goedere
• Elke verbruiker het ‘n reg om goedere te ontvang wat:
Van goeie gehalte, in goeie werkende toestand en vry van defekte is;
Vir ‘n billike tydperk bruikbaar en duursaam sal wees, met inagneming van
die gebruik waartoe dit gewoonlik onderwerp sal word en aan al die

omstandighede rondom die verskaffing daarvan
Aan enige toepaslike standaarde wat kragtens die Wet op Standaarde,
1993, vasgestel is, voldoen.
• Indien ‘n verbruiker die verskaffer spesifiek in kennis gestel het van ‘n bepaalde
doeleinde waarvoor die verbruiker die goedere wil aanskaf of die gebruik
waarvoor die verbruiker beoog om daardie goedere aan te wend en die verskaffer
gewoonlik aanbied om sodanige goedere te verskaf of op ‘n wyse optree wat
bestaanbaar is met kundigheid rakende die gebruik van daardie goedere, het
die verbruiker die reg om te verwag dat die goedere redelikerwys geskik is vir
daardie spesifieke doeleinde
• Versweë waarborg - daar is ‘n versweë bepaling dat die vervaardiger of invoerder,
die verspreider en die kleinhandelaar ELK waarborg dat die goedere voldoen aan
die vereistes en standaarde (van veilige en gehalte goedere), behalwe tot die
omvang waartoe daardie goedere strydig met die instruksies gewysig is, of nadat
dit die beheer van die vervaardiger, invoerder, verspreider of kleinhandelaar
verlaat het, na gelang van die geval
• Die verbruiker mag die goedere binne ses (6) maande ná lewering sonder boete
en op die verskaffer se risiko en onkoste aan die verskaffer terug besorg indien
die goedere nie aan die vereistes en standaarde van die WVB voldoen nie en die
verskaffer moet die gebrekkige, onveilige of defektiewe goedere op lasgewing
van die verbruiker òf herstel òf vervang òf die prys wat die verbruiker vir die
goedere betaal het, terugbetaal
• Indien die verskaffer die goedere herstel en die gebrek, defek of onveilige
kenmerk nie reggestel is nie, of ‘n verdere gebrek, defek of onveilige kenmerk
aan die lig kom, moet die verskaffer die goedere vervang of die prys wat die
verbruiker vir die goedere betaal het, terugbetaal
• Die versweë waarborg en reg om goedere terug te gee, is bykomstig tot enige
versweë waarborg deur die gemene reg opgelê of enige uitdruklike waarborg of
voorwaarde deur die vervaardiger of invoerder, verspreider of kleinhandelaar
gestipuleer
• ‘n Diensverskaffer waarborg elke nuwe of herboude onderdeel wat tydens
enige herstel- of onderhoudswerk geïnstalleer word, asook die arbeid wat
vereis word om dit te installeer, vir ‘n tydperk van drie (3) maande ná die datum
van installering of sodanige langer tydperk wat die verskaffer skriftelik mag
spesifiseer

• Hierdie waarborg:
Geld samelopend met enige ander erkende, uitdruklike of versweë
waarborg
Is ongeldig indien die verbruiker die onderdeel van die goedere of eiendom
waarin dit geïnstalleer is, aan wangebruik of misbruik onderwerp het
Is, met inagneming van die omstandighede waaronder goedere gewoonlik
gebruik word, nie op gewone slytasie van toepassing nie
• Waarskuwing ten opsigte van feite en aard van veiligheid:
Verbruikers moet gewaarsku word oor die feit, aard en potensiële
uitwerking van die risiko met betrekking tot die goedere of dienste
‘n Persoon wat enige gevaarlike of onveilige goedere verpak, moet ‘n
kennisgewing tot daardie strekking wat aan die vereistes van die WVB
voldoen, op of binne die verpakking aanbring
• Terugkryging van en veilige wegdoening van aangewese produkte en
komponente
• Indien enige nasionale wetgewing die wegdoening of storting van enige
bepaalde goedere of komponente, oorblyfsels of verpakking van goedere in
‘n gemeenskaplike afvalversamelingstelsel verbied, moet die verskaffer of
vervaardiger, invoerder of verspreider wat sodanige goedere in die gewone
verloop van sake verskaf, produseer, versprei of invoer, die teruggawe van
sodanige goedere sonder enige koste aan die verbruiker, aanvaar
• Indien enige regulasie van bedryfsafvalbestuursplan deur enige ander wetgewing
vir die bestuur van ‘n spesifieke soort afval goedgekeur, van toepassing is, mag
die verbruiker die goedere by ‘n versamelingspunt waarvoor daar in die regulasie
of bedryfsafvalbestuursplan voorsiening gemaak word, stort of daarmee
wegdoen
• Die Kommissie moet die ontwikkeling, aanvaarding en toepassing van
bedryfswye praktykkodes ten opsigte van veiligheid en monitering van goedere
en herroeping van onveilige goedere bevorder
• Die WVB maak voorsiening vir aanspreeklikheid vir skade wat onder sekere
omstandighede deur goedere aangerig word
• Die WVB maak voorsiening vir die verskaffer se verantwoordbaarheid teenoor
verbruikers

Hoe word my regte deur die Wet op
Verbruikersbeskerming beskerm?
• Indien jy opstaan vir enige van jou regte kragtens
die WVB of in ‘n ooreenkoms met ‘n verskaffer, of
sodanige regte uitoefen of wil verdedig, mag die
verskaffer nie in reaksie:
Regstreeks of onregstreeks teen die
verbruiker diskrimineer in vergelyking met
die verskaffer se behandeling van enige
ander verbruiker wat nie opgestaan het vir
sodanige regte of sodanige regte uitgeoefen
of verdedig het nie
Die verbruiker penaliseer nie
Die bepalings en voorwaardes van ‘n
transaksie of ooreenkoms met die
verbruiker tot die verbruiker se nadeel
wysig of voorstel om dit te doen nie
Enige aksie neem om ‘n ooreenkoms met
die verbruiker te versnel, af te dwing, op
te skort of te beëindig nie
• Indien enige ooreenkoms of enige bepaling van ‘n
ooreenkoms ingevolge die bepalings van die WVB
ongeldig verklaar word, of uit die ooreenkoms
weggelaat word, mag die verskaffer wat ‘n party
by die ooreenkoms is, nie in reaksie op daardie
besluit:
Die ander party by die ooreenkoms
regstreeks of onregstreeks penaliseer nie
Die bepalings en voorwaardes van enige
ander transaksie of ooreenkoms met ‘n
ander party by die ongeldige of weggelate
ooreenkoms wysig, behalwe tot die omvang
wat nodig is om ‘n soortgelyke onwettige
bepaling reg te stel nie
Enige aksie neem om ‘n ander ooreenkoms
met ‘n ander party by die ongeldige of
weggelate ooreenkoms te versnel, af te
dwing, op te skort of te beëindig nie

Verwys na
alternatiewe
geskilbeslegting
Hoe kan ek my regte
kragtens die WVB afdwing?
Jou opsies:
Verwys
aangeleentheid
regstreeks na
Tribunaal
OF
OF
Verwys
Verwys na
aangeleent-
gepaste
heid na
industrie-
OF
Verbruikershof
in provinsie
OF
ombud (indien
verskaffer
OF
(met regs-
aan ombud
bevoegdheid) onderworpe is)
Indien jy al jou opsies
ingevolge nasionale
wetgewing uitgeput het,
nader ‘n hof met
regsbevoegdheid oor die
aangeleentheid
Verwys na ombud
(met regsbevoegdheid)
Dien ‘n
klagte by die
Kommissie in

Wat gebeur as ek die aangeleentheid
na ‘n Alternatiewe Geskilbeslegting
(AGB) verwys?
Alternatiewe Geskilbeslegting
• ‘n AGB-agent mag:
‘n Ombud met regsbevoegdheid wees, indien die
verskaffer aan die regsbevoegdheid van sodanige
ombud onderworpe is
‘n Bedryfsombud wees wat op die Kommissie se
aanbeveling deur die Minister geakkrediteer is
‘n Persoon of entiteit buiten ‘n ombud met
regsbevoegdheid of ‘n geakkrediteerde
bedryfsombud wees wat versoening, bemiddeling- of
verbruikersdienste verskaf ten einde met die
beslegting van verbruikersgeskille te help
By die verbruikershof in die provinsie met
regsbevoegdheid oor die aangeleentheid aansoek
doen indien daar so ‘n verbruikershof is, behoudens
die wet wat die stigting van daardie verbruikershof
ingestel het of reguleer
• Indien ‘n AGB-agent tot die slotsom kom dat daar geen
redelike waarskynlikheid is dat die partye hul geskil
deur middel van die prosesse waarvoor daar voorsiening
gemaak word, sal besleg nie, kan die agent die proses deur
middel van kennisgewing aan die partye beëindig waarna
die party wat die aangeleentheid na die agent verwys het
‘n klagte by die Kommissie kan lê
• Indien ‘n AGB-agent hul geskil besleg het of partye gehelp
het om hul geskil te besleg, kan die agent:
Die beslegting van daardie geskil in die vorm van ‘n
bevel aanteken
Indien die partye by die geskil instem tot daardie
bevel, die bevel tot die Tribunaal of die Hoër Hof
indien om ingevolge sy reëls na ‘n
toestemmingsbevel verander te word
• ‘n Bevestigde toestemmingsbevel mag, met ‘n klaer se
toestemming, ‘n toekenning van skadevergoeding aan
daardie klaer insluit

Hoe lê ek ‘n klagte by die
Kommissie?
• Lê ‘n klagte op die voorgeskrewe wyse en op
die voorgeskrewe vorm by die Kommissie
• Voer aan dat ‘n persoon strydig met die WVB
opgetree het
Wat is die res van die proses?
Die Kommissie stel ondersoek in en mag:
• ‘n Kennisgewing van nie-verwysing aan die
klaer uitreik indien die klagte beuselagtig of
kwelsiek blyk te wees, geen feite aanvoer wat,
indien waar, gronde sal uitmaak vir ‘n remedie
kragtens die WVB nie, of verwysing na die
Tribunaal verhoed word (indien meer as drie
(3) jaar ná die voorval verloop het of indien
die person reeds ‘n respondent in ‘n wesenlik
soortgelyke klagte kragtens die WVB is)
• Na ‘n AGB-agent verwys
• Na ‘n provinsiale
verbruikersbeskermingsowerheid of
verbruikershof (tensy voorheen onsuksesvol
beslis) verwys
• Na ‘n ander regulerende owerheid met
regsbevoegdheid verwys
• ‘n Inspekteur opdrag gee om die klagte so gou
as moontlik te ondersoek

Uitkoms van ‘n ondersoek
Nadat ‘n ondersoek afgehandel is, mag die Kommissie:
• ‘n Kennisgewing van nie-verwysing in die voorgeskrewe vorm uitreik
• Die aangeleentheid na die Nasionale Vervolgingsgesag verwys
• Indien die Kommissie glo dat ‘n persoon op ‘n verbode wyse opgetree het:
Die aangeleentheid na die Gelykheidshof verwys indien dit die moontlike
skending van ‘n verbruiker se reg tot gelykheid behels
‘n Konsep-toestemmingsbevel voorstel
‘n Verwysing tot die verbruikershof van ‘n provinsie maak indien die
Kommissie glo dat die aangeleentheid ten volle en vinnig deur sodanige
verwysing afgehandel kan word
Die aangeleentheid na die Tribunaal verwys
Let wel:
Indien die aangeleentheid na ‘n provinsiale Verbruikershof verwys is,
mag enige party by daardie verwysing in die voorgeskrewe vorm en op die
voorgeskrewe wyse by die Tribunaal aansoek doen
Die Tribunaal mag beveel dat die aangeleentheid na hom in plaas van
die Verbruikershof verwys word, indien die oorwig van gerief of belang van
geregtigheid dit vereis
‘n Bevel van die Verbruikershof oor ‘n aangeleentheid na hom verwys, het
dieselfde waarde asof dit deur die Tribunaal gemaak is
Indien ‘n aangeleentheid deur die Kommissie ondersoek is en die
Kommissie en die respondent saamstem oor die voorgestelde bepalings
van ‘n geskikte bevel, mag die Tribunaal of ‘n hof, sonder om die getuienis
aan te hoor, daardie ooreenkoms as ‘n toestemmingsbevel bevestig
Ná die aanhoor van ‘n mosie vir ‘n toestemmingsbevel, moet die
Kommissie, soos ooreengestem, ‘n bevel maak; enige wysigings wat aan
die konsepbevel aangebring moet word, aandui; of die Kommissie mag
weier om die bevel te maak. Die toestemmingsbevel mag, met die klaer se
toestemming, ‘n toekenning van skadevergoeding aan die klaer insluit

Verwysing na die Tribunaal:
• Indien die Kommissie ‘n kennisgewing van nie-verwysing uitreik in antwoord op
‘n eis behalwe op die gronde waarvoor ‘n nie-verwysing uitgereik mag word, mag
die klaer die aangeleentheid regstreeks verwys na:
Die verbruikershof binne die provinsie met regsbevoegdheid, indien
daar een is, behoudens provinsiale wetgewing wat die werking van daardie
verbruikershof beheer
Die Tribunaal, met die Tribunaal se verlof
• Indien ‘n aangeleentheid regstreeks na die provinsiale verbruikershof verwys
word, mag die respondent by die Tribunaal aansoek doen
• Alle verwysings na of aansoeke by die Tribunaal moet in die voorgeskrewe vorm
wees en op die voorgeskrewe wyse geskied
• Die Tribunaal moet die aangeleentheid ooreenkomstig die WVB en toepaslike
bepalings van die Nasionale Kredietwet aanhoor
• Die Tribunaal mag ‘n toepaslike bevel kragtens die WVB of kragtens die
toepaslike bepalings van die Nasionale Kredietwet maak
• Die Voorsitter van die Tribunaal mag sekere aangeleenthede opdra om deur ‘n
enkele lid van die Tribunaal aangehoor te word, bv. wanneer ‘n aangeleentheid
na die verbruikershof verwys is en die respondent by die Tribunaal aansoek
doen, of waar daar aangevoer word dat die inligting vertroulik is, ens.
Hof se bevoegdhede om Verbruikersregte af te dwing:
• Bykomstig tot enige ander bevel kragtens die WVB of enige ander wet, mag die
hof:
‘n Verskaffer beveel om enige gedrag wat onbestaanbaar met die WVB is,
te wysig of te staak
Enige bevel spesifiek deur die WVB beoog, maak
Skadevergoeding vir kollektiewe skade aan alle of ‘n klas verbruikers in
die algemeen teen ‘n verskaffer toeken, wat op enige bepalings en
voorwaardes wat die hof as regverdig en billik en gepas ag ten einde die
oogmerke van die Wet te vervul, betaalbaar is
• Die WVB verminder nie die verbruiker of die verskaffer se reg om rente of
spesiale skadevergoeding te verhaal in enige geval waar rente of spesiale
skadevergoeding kragtens die wet verhaalbaar mag wees, of om geld te verhaal
indien die teenprestasie vir die betaling daarvan misluk het (bv. die tjek is deur
die bank geweier) nie.

Wat is die rol van die Nasionale
Verbruikerskommissie?
Die Wet stel ‘n Nasionale Verbruikerskommissie in
(hierin “die Kommissie” genoem) en maak voorsiening
vir provinsiale verbruikersbeskermingsowerhede wat
oor regsbevoegdheid binne sy provinsie beskik.
• Die Kommissie is ‘n staatsorgaan en moet die
funksies kragtens die Wet deur die Minister
aan hom toegeken, verrig en moet sy funksies
ooreenkomstig die waardes van die Grondwet en
enige ander nasionale wetgewing verrig. Bykomstig
tot sy algemene bevoegdhede betreffende sy
funksies
• Mag die Kommissie die vrywillige gebruik van
praktykkodes ontwikkel en bevorder
• Moet die Kommissie enige nasionale en provinsiale
wetgewing of ander openbare regulasie wat die
welsyn van verbruikers raak en onbestaanbaar is
met die WVB, identifiseer
• Moet die Kommissie enige relevante provinsiale
verbruikersbeskermingsowerhede, staatsorgane,
verbruikersbeskermingsgroepe, AGB-agente
en verskaffers raadpleeg ten opsigte van
geïdentifiseerde wetgewing met die oogmerk om
voorstelle vir hervorming van daardie wetgewing
te ontwikkel
• Moet die Kommissie van tyd tot tyd voorstelle vir
die bereiking van progressiewe wetshervorming
aan die Minister inlewer
• Moet die Kommissie relevante provinsiale
verbruikersbeskermingsowerhede en staatsorgane
binne die nasionale regeringsfeer,
regulerende owerhede,

verbruikersbeskermingsgroepe en ombuds raadpleeg
met die oogmerk om enige praktyke te identifiseer wat
onbestaanbaar is met die Wet en voorstelle vir die
hervorming van sodanige praktyke te ontwikkel
• Moet die Kommissie die doeltreffendheid van hierdie
entiteite monitor ten einde inligting te verskaf wat benodig
word vir verslagdoening en rapportering aan die Minister
• Is die Kommissie verantwoordelik daarvoor om kennis
en openbare bewustheid van verbruikersbeskermingaangeleenthede
te verhoog
• Is die Kommissie verantwoordelik daarvoor om die Minister
oor verbruikersbeskerming-aangeleenthede te adviseer
• Maak die Kommissie aan die Minister aanbevelings oor
veranderinge
• Rapporteer die Kommissie jaarliks oor markpraktyke
• Doen die Kommissie navraag en rapporteer hy aan die
Minister ten opsigte van enige aangeleentheid rakende die
oogmerke van die Wet
• Adviseer die Kommissie die Minister ten opsigte van enige
aangeleentheid deur die Minister na hom verwys
• Pas die Kommissie die WVB in ooreenstemming met die Wet
toe

Wat is die Kommissie se
afdwingingsbevoegdhede?
Die Kommissie dwing die Wet af deur:
• Informele beslegting van enige geskil tussen ‘n
verbruiker en ‘n verskaffer te bevorder, maar dit is
nie verantwoordelik daarvoor om in te gryp of die
geskil regstreeks te bereg nie
• Klagtes betreffende beweerde verbode gedrag of
oortredings te ontvang en te hanteer
• Die verbruikersmark en die doeltreffendheid van
geakkrediteerde verbruikersgroepe, bedryfskodes,
AGB-skemas, dienslewering aan verbruikers deur
staatsorgane en enige regulerende owerheid met
regsbevoegdheid oor verbruikersaangeleenthede
binne ‘n besondere bedryf, te monitor
• Nakomingskennisgewings uit te reik en af te dwing
• Toestemmingsbevele en ondernemings te onderhandel
en aan te gaan
• Enige besorgdhede ten opsigte van markaandeel
en teen-mededingende optrede en gedrag wat
ingevolge die Wet verbied mag word, na die
Mededingingskommissie te verwys
• Aangeleenthede na die Tribunaal te verwys en, soos
deur die WVB toegelaat of vereis, voor die Tribunaal
te verskyn
• Beweerde oortredings ingevolge die WVB na die
Nasionale Vervolgingsgesag te verwys

Wat is die rol van die provinsiale
verbruikersbeskermingsowerhede?
‘n Provinsiale verbruikersbeskermingsowerheid beskik
oor regsbevoegdheid binne sy provinsie om:
• Nakomingskennisgewings namens die Kommissie
uit te reik aan enige persoon wat eksklusief binne
daardie provinsie sake verrig
• Die bemiddeling of versoening van ‘n geskil te
fasiliteer wat ingevolge die Wet ontstaan tussen
persone wat in daardie provinsie woonagtig is, of
wat eksklusief binne daardie provinsie sake verrig
• Die geskil na die provinsiale verbruikershof binne
die provinsie te verwys, indien daar een is
• Die Kommissie te versoek om ‘n klagte ten
opsigte van enige klaarblyklike verbode gedrag of
oortreding ingevolge die WVB wat binne daardie
provinsie plaasvind, in te stel

Wenke:
• Oefen jou magte as ‘n verbruiker kragtens die WVB
uit
• Verwys na die voorskrifboek van toevlug- en
regsteldienste op die Departement van Ekonomiese
Ontwikkeling, Omgewingsake en Toerisme se
webwerf
• Wees versigtig vir swak sakepraktyke
• Vermy die onthulling van persoonlike inligting soos
identiteitsnommers, bankkaarte, ens.

Departement van Ekonomiese Ontwikkeling, Omgewingsake
en Toerisme Hoofkantoor en Streekkantore
• Beacon Hillkantoor - Tel: (043) 605 7171
Hockeystraat, King William’s Town
• Amathole Streekkantoor - Tel: (043) 707 4000
Alderwood House, Palm Square Sakepark, Beaconbaai, Oos-Londen
• Cacadu Streekkantoor - Tel: (041) 508 5808/ 508 5800
p/a Belmont Terrace & Castle Hill, Sentraal, Port Elizabeth
• Chris Hani Streekkantoor - Tel: (045) 808 4000
Ou Royal Hotelgebou, Cathcartstraat, Queenstown
• O.R. Tambo Streekkantoor - Tel: (047) 531 1191
h/v Owen- & Leedsstraat, Botha Sigcaugebou, 5de Verdieping, Mthatha
• Joe Gqabi Streekkantoor - Tel: (051) 633 2901
Smitstraat 10, Aliwal-Noord
• Alfred Nzo Streekkantoor - Tel: (039) 256 0230
Erf Nr. 2 Maluti Onderwyskollege, Maluti
www.dedea.gov.za