SANLAM-PENSIOENFONDS (KANTOORPERSONEEL)

SANLAM-PENSIOENFONDS
(KANTOORPERSONEEL)
Jaarverslag aan lede en pensioentrekkers
vir die tydperk 1 April 2008 tot 31 Maart 2009

Daar is voortdurend nuwe verwikkelinge in die
aftreefondsbedryf. Dit is belangrik dat u as lid van
die Fonds op hoogte moet bly van u fondsvoordele
en wysigings in die bedryf wat ’n impak op u
fondsvoordele mag hê.
Dit mag soms vir u nodig wees om u finansiële
beplanning vir aftrede te hersien in lyn met nuwe
praktyke ten opsigte van belasting, gewysigde
wetgewing, ens.
In hierdie verslag verduidelik ons onder meer
die uitwerking van wysigings aan belasting op
aftreefondsvoordele. Ons gee ook terugvoer oor
die fonds se surplusverdelingsoefening en verskaf
inligting oor die nuwe webblad wat spesiaal vir
pensioentrekkers geskep is.
By huwelik, egskeiding, sterfte van ’n gade en
geboorte van ’n kind het lede die keuse om
hul dekkingsvlakke te verhoog. Ons kry egter
gereeld lede wat nie die keuses betyds, binne
twee (2) maande na die gebeurtenis, by Menslike
Hulpbronne indien nie. In daardie geval verval die
keuse en kan dit nie geïmplementeer word nie.

Inhoud
Raad van Trustees 4
Webblad vir pensioentrekkers 5
Surpluswetgewing 5
Verwikkelinge in die fonds gedurende die tydperk 1 April 2008 tot 31 Maart 2009 8
– Ledestatistiek 8
– Pensioenverhogings 8
– Beleggings 9
– Reëlwysigings 10
– Tariewe vir sterfte-, trauma- en ongeskiktheidsvoordele 11
– Gadedekking – Wysiging/Uitbreiding van definisie van huwelik 12
Belasting op uitdienstredingsvoordele 13
Boedelbelasting op fondsvoordele 13
Bewys van gesondheid vir risikovoordele 13
Trustees se diskresie by verdeling van sterftevoordele 14
Voordele van lede wat ’n arbeidsongeskikte-inkomste ontvang 15
Fondsinligting en ander navrae 16

Raad van Trustees
Deur die lede en pensioentrekkers verkies:
Trustees Sekundusse
WALTER SCHEFFLER
MARIUS SAAYMAN JOHAN BESTER ANTON GILDENHUYS
FRANCOIS MARIAS
Deur die werkgewer aangewys:
4
Tel: 021 976 3255 Tel: 021 913 2360
E-pos: walter@scheffler.co.za E-pos: kabeljou@gmail.com
Tel: 021 913 2933 Tel: 021 947 2457
E-pos: andriesfmarais@gmail.com E-pos: fred.broeze@sanlam.co.za
Tel: 021 947 6962 Tel: 021 947 5629
E-pos: anton.gildenhuys@sanlam.co.za E-pos: gerrit.stander@sanlam.co.za
Trustees Sekundusse
JOUBERT FERREIRA
Tel: 021 947 3082 Tel: 021 947 3401
E-pos: johan.bester@sanlam.co.za E-pos: anton.swanepoel@sanlam.co.za
Tel: 021 947 2113 Tel: 021 947 2908
E-pos: marius.saayman@sanlam.co.za E-pos: robert.goff@sanlam.co.za
Tel: 021 947 3495 Tel: 021 947 4910
AT NEETHLING
ROBERT GOFF ANTON SWANEPOEL GERRIT STANDER
FRED BROEZE
E-pos: joubert.ferreira@sanlam.co.za E-pos: barry.laggar@sanlam.co.za
BARRY LAGGAR
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009

Webblad vir pensioentrekkers
Op Sanlam se Internet by https//www.sanlam.co.za/pensioners is daar nou spesiaal voorsiening gemaak vir inligting
aan Sanlam Pensioentrekkers.
Ons sal graag hierdie nuwe ontwikkeling wil uitbou en verbeter, en ons nooi dus alle pensioentrekkers uit om vir die
trustees insette te gee oor spesifieke behoeftes wat hulle mag hê. Die inligting op die webblad is ongelukkig oop vir die
publiek en daarom moet ons dit beperk tot inligting wat nie vertroulik of persoonlik is nie. Die volgende inligting is reeds
beskikbaar:
Fondsreëls
Dokumentasie oor die bestuur
van die fonds
Besonderhede van die trustees
Pensioenverhogingsgeskiedenis
Pensioenverhogingsbeleid
Reëls oor dekking na aftrede
Benoemingsvorms vir
groeplewensversekering
Jaarverslag
Surpluswetgewing
Inleiding
Die Tweede Wysigingswet op Pensioenfondse, 2001 (die Wet), vereis dat alle pensioenfondse ’n toedeling van surplus
moet maak op ’n basis en datum soos in die Wet voorgeskryf. Die surplustoedelingsdatum van die Fonds is 1 April 2003.
Die Raad van Trustees het nou in samewerking met hul raadgewers die surplustoedelingskema voltooi en goedgekeur.
Belanghebbers
Die volgende partye word as belanghebbers beskou ten opsigte van die Wet en is ingesluit by die surplustoedelingskema
soos op 1 April 2003:
Voormalige lede van die Pensioenfonds: Dit is alle lede wie se lidmaatskap van die Pensioenfonds tussen
1 Januarie 1980 (soos gespesifiseer in die Wet) en 31 Maart 2003 beëindig is. Dit sluit in alle uitdienstredes,
aftredes en ook die persone wat oorgeplaas is na die Aftreefonds.
Aktiewe lede: Dit is al die lede wat op 31 Maart 2003 aan die Pensioenfonds behoort het. Enige van hierdie lede
wat ná 1 April 2003 uitdiens getree, afgetree of te sterwe gekom het, word steeds as aktiewe lede beskou.
Arbeidsonbevoegde lede: Dit is al die lede wat op 31 Maart 2003 aan die Pensioenfonds behoort het, maar nie
meer aktief in diens was nie en ’n ongeskiktheidsinkomste ontvang het.
Pensioentrekkers: Dit is al die persone wat op 31 Maart 2003 ’n pensioeninkomste vanuit die Pensioenfonds
ontvang het.
Die Werkgewer
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009 5

Partye wat nie belanghebbers is nie
Die volgende partye word regtens nie as belanghebbers beskou nie en word dus uitgesluit by die
surplustoedelingskema van die Pensioenfonds:
6
Alle voormalige lede wat voor of op 31 Maart 2003 te sterwe gekom het
Alle pensioentrekkers wat voor of op 31 Maart 2003 te sterwe gekom het.
Verteenwoordiger vir voormalige lede
Die Trustees het mnr Des Rabe in Mei 2003 as Verteenwoordiger vir Voormalige Lede aangestel om die belange van die
voormalige lede te verteenwoordig in die besprekings oor die surplustoedelingskema. Mnr Rabe is ’n voormalige lid van
die Pensioenfonds en praktiseer tans as ’n prokureur.
Geskiedenis van die Pensioenfonds
Die Sanlam-Pensioenfonds (Kantoorpersoneel) is ’n vastevoordeelfonds wat op 1 Oktober 1927 opgerig is. Die Fonds is
sedert 1 April 1997 geslote vir nuwe toetredes.
Surplus beskikbaar vir toedeling
Volgens die Wet is die surplus wat op die toedelingsdatum beskikbaar is vir toedeling aan belanghebbers gelyk aan:
die surplus soos bepaal deur die Aktuaris; plus
die waarde van enige sogenaamde onbehoorlike aanwending; minus
die waarde van enige goed gemotiveerde gebeurlikheidsreserwes.
Die Pensioenfonds beskik oor ’n toedeelbare surplus soos op 1 April 2003.
Toedeling van surplus
Die Wet bepaal dat voormalige lede en pensioentrekkers eerste aanspraak op die toedeelbare surplus het, maar slegs
indien die voordele wat reeds aan hulle betaal is (soos bepaal deur die Reëls van die Pensioenfonds) minder is as
die voorgeskrewe minimumvoordeel (soos bepaal deur die Wet). Daarna word alle belanghebbers gelyk behandel wat
betref die toedeling van oorblywende surplus (indien enige).
Minimumvoordele aan pensioentrekkers
Die pensioene wat aan pensioentrekkers betaal word en die verhogings wat toegestaan is, voldoen aan die
minimumvoordeelvereistes, soos uiteengesit in die Wet. Geen verdere aanvulling is dus nodig nie.
Minimumvoordele aan voormalige lede
Die voordele wat aan sommige voormalige lede (hoofsaaklik uitdienstredes) betaal is voldoen nie aan die
minimumvoordeelvereistes van die Wet nie. Hierdie voormalige lede kwalifiseer vir ’n aanvulling vanuit die
toedeelbare surplus. Die totale bedrag benodig om al hierdie voordele tot die voorgeskrewe minimum vlak aan
te vul is egter meer as die beskikbare toedeelbare surplus.
In dié gevalle bepaal die Wet dat die berekende aanvulling proporsioneel afwaarts aangepas moet word.
Oorblywende surplus
Die volle beskibare toedeelbare surplus word aangewend vir die proporsionele aanvulling tot minimumvoordele
aan kwalifiserende voormalige lede. Daar is dus geen oorblywende surplus vir verdere toedeling aan ander
belanghebbendes nie.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009

Opsommend
Die Trustees en die Verteenwoordiger vir Voormalige Lede is tevrede dat die surplustoedelingskema
voldoen aan die vereistes van die Wet en dat dit ’n regverdige toedeling van die surplus is.
Persone wat tussen 1 Januarie 1980 en 31 Maart 2003 vir Sanlam gewerk het en gedurende hierdie
tydperk Sanlam se diens verlaat het (anders as pensioentrekkers), mag moontlik kwalifiseer vir ’n
toedeling van surplus kragtens Artikel 15B van die Wet. Hulle moet met die Pensioenfonds in verbinding
te tree en registreer as voormalige lede.
Die finale surplustoedelingskema sal teen 30 November 2009 by die Registrateur ingedien word. Die
surplustoedelingskema kan eers na goedkeuring deur die Registrateur geïmplementeer word.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009 7

Verwikkelinge in die fonds gedurende die tydperk 1 April 2008 tot 31 Maart 2009
Ledestatistiek
8
1 April 2008 1 April 2009
Aktiewe lede 236 223
Arbeidsonbevoegde lede 25 24
Pensioentrekkers 709 698
Pensioenverhogings
Pensioentrekkers se pensioene is op 1 Januarie 2009 met 5% verhoog. Diegene wat gedurende 2008 afgetree het, het
’n pro rata verhoging ontvang.
Die trustees se teiken is om jaarliks verhogings toe te staan wat gelyk is aan 80% van pensioentrekkerinflasie, mits die
Fonds dit kan bekostig.
As gevolg van die groot dalings in die finansiële markte gedurende 2008 en die gepaardgaande drastiese styging in
inflasie, was dit ongelukkig nie moontlik om op 1 Januarie 2009 aan hierdie teiken te voldoen nie.
Die geskiedenis van die pensioenverhogings vir die laaste 5 jaar is as volg:
Verhogingsdatum
Pensioentrekker-
inflasie*
Teiken
verhoging
Werklike
verhoging
% van
inflasie
1 Januarie 2005 2.8% 2.2% 4.0% 143%
1 Januarie 2006 4.4% 3.5% 8.0% 184%
1 Januarie 2007 5.1% 4.1% 5.0% 98%
1 Januarie 2008 7.2% 5.8% 9.0% 125%
1 Januarie 2009 13.8% 11.0% 5.0% 36%
Gemiddeld oor laaste 3 jaar 8.7% 6.9% 6.3% 73%
Gemiddeld oor laaste 5 jaar 6.6% 5.3% 6.2% 94%
*Pensioentrekkerinflasie tot 31 Augustus elke jaar word geneem as maatstaf, om die Fonds genoeg tyd te gee om die verhoging op 1 Januarie te
implementeer.
In tye van onstabiele finansiële markte is dit nodig om pensioenverhogings op lang termyn te beoordeel. Soos u kan
sien, het die Fonds steeds daarin geslaag om oor die afgelope vyf jaar gemiddeld groter verhogings as die 80% inflasieteiken
toe te staan.
Pensioenverhogings word grootliks beïnvloed deur die beleggingsopbrengs wat die Fonds op die pensioentrekkers
se bates verdien. Op 1 Januarie 2008 is ’n uitsonderlike goeie verhoging, op grond van volgehoue hoë
beleggingsopbrengs, toegestaan. Die trustees het toe gewaarsku dat daardie vlak van verhogings nie volgehou sal kan
word in tye van laer beleggingsopbrengs nie, wat ongelukkig toe vanjaar ’n werklikheid geword het.
Die onlangse beleggingsprestasie en die uitwerking van die wêreldwye finansiële krisis word verder op bladsy 9 bespreek.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009

Beleggings
Totale bates van die fonds soos op 31 Maart 2009
Portefeuje Markwaarde 2008 Markwaarde 2009
Aktiewe lede R479 404 642 R404 697 218
Pensioentrekkers
Absolute opbrengsportefeulje R281 631 609 R253 629 887
Versekerde jaargeld (aktuariële waarde in hakies) R216 997 213
(R214 040 338)
R242 667 402
(R230 495 220)
Beleggingsprestasie van die fonds se bates vir die tydperk 1 April van die vorige jaar tot 31 Maart van die
betrokke jaar soos aangedui
AKTIEWE LEDE PORTEFEULJE
Sektor
Gewig
%
2007 2008 2009
Opbrengs
% per jaar
Gewig
%
Opbrengs
% per jaar
Gewig
%
Opbrengs
%per jaar
Aandele 67.0 36.5 68.6 -0.23 63.7 -28.28
Rentebeleggings 7.6 6.6 5.3 0.20 6.6 13.32
Kontant 12.2 8.4 12.2 10.26 15.0 13.45
Internasionale bates 13.2 30.8 13.9 15.03 14.7 -17.15
Totaal 100 28.9 100 3.18 100 -17.86
PENSIOENTREKKERS – ABSOLUTE OPBRENGS PORTEFEULJE
Sektor
Gewig
%
2007 2008 2009
Opbrengs
% per jaar
Gewig
%
Opbrengs
% per jaar
Gewig
%
Opbrengs
%per jaar
Aandele 40.9 22.5 33.4 0.07 24.0 -32.23
Rentebeleggings 10.9 9.7 11.5 8.03 12.0 12.70
Kontant 36.2 8.1 41.4 10.13 47.3 13.91
Internasionale bates 12.0 30.6 13.7 15.39 16.7 -10.93
Totaal 100 17.4 100 7.00 100 -1.30
Die laaste jaar of twee het die wêreld sy grootste finansiële krisis sedert die depressiejare van die 1930’s beleef. Ons finansiële
markte het nie ongeskonde gebly nie en die Algehele Indeks van die Johannesburgse Effektebeurs het byvoorbeeld met 32%
gedaal in die jaar tot einde Maart 2009. Hierdie daling word gereflekteer in die opbrengssyfers hierbo.
Die trustees wil egter al sy lede gerus stel dat, ten spyte van die negatiewe beleggingsomstandighede, die Fonds
steeds in ’n gesonde finansiële posisie verkeer en ten volle befonds is.
Met die bates van die pensioentrekkers word ’n omsigtige beleggingsbeleid gevolg. Die bestaande pensioene word met
’n gewaarborgde jaargeldbelegging by Sanlam befonds. Die balans van die pensioentrekkerbates, wat vir toekomstige
verhogings moet voorsien, is in ’n absolute opbrengsportefeulje belê. Die portefeulje het die laaste twee jaar goed vertoon
in vergelyking met gebalanseerde portefeuljes – soos ook uit die syfers hierbo blyk.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009 9

10
Wat die bates van aktiewe lede betref, het die bulmark van 2003 tot middel 2008 bygedra om ’n
gesonde buffer te skep. Verder het die trustees ook ’n gedeelte van die aandeleblootstelling verskans,
wat die verliese sedert middel 2008 ietwat beperk het.
Gegewe die moeilike beleggingsomstandighede is die trustees baie tevrede met die beleggingsprestasie
die afgelope tyd en met die huidige finansiële posisie van die Fonds.
Reëlwysigings
Die Fonds is in die jaar deur die Raad op Finansiele Dienste geoudit en het ’n baie gunstige verslag
ontvang. Die volgende wysigings tot die Fonds se reëls is gedurende die fondsjaar geregistreer, onder
meer na aanleiding van die oudit:
Trustees: ’n Aktiewe lid wat ’n trustee is kan na aftrede aanbly as ’n trustee.
Verantwoordelikhede van beleggingskomitee: Die Raad van Trustees moet deurlopend die
beleggingskomitee se verantwoordelikhede hersien en aanpas.
Definisie van werkgewer: Lede wat oorgeplaas word na ’n ander werkgewer, ingevolge Artikel
197 van die Wet op Arbeidsverhoudinge mag vir ’n maksimum tydperk van 24 maande lid van
die fonds bly. Dit sal die nuwe werkgewer genoegsame tyd gun om aftreevoorsiening vir sulke lede in
plek te sit.
Trusteevergaderings: ’n Minimum van twee trusteevergaderings moet per jaar gehou word.
Aanstelling van ’n deskundige: Wanneer ’n meerderheidsbesluit nie bereik kan word ten opsigte
van die aanstelling van ’n deskundige nie, moet die aanstelling deur die voorsitter van die
Balieraad gedoen word.
Ondertekening van dokumente: Dié Raad van Trustees kan die Hoofbeampte magtig om
nie-statutêre dokumente te onderteken in ooreenstemming met besluite van die Raad.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009

Tariewe vir sterfte-, trauma- en ongeskiktheidsvoordele
Die tariewe vir die sterfte-, ongeskiktheid en traumavoordele wat deur die fondse en groeplewensversekering
voorsien word, word jaarliks deur Sanlam hersien. Indien nodig, word dit aangepas na aanleiding van die eiseondervinding.
Die volgende maandelikse tariewe geld vanaf 1 April 2009:
Pensioenfonds: Die koste van sterftevoordele is onveranderd gehou op 2.15% van pensioengewende
vergoeding.
InkomsteSorgversekering: Die koste van die inkomste-ongeskiktheidsvoordele bly onveranderd op 1.00% van
gewaarborgde pakket.
Groeplewensversekering: Die tariewe vir groeplewensversekering (enkelbedragongeskiktheids- en
sterftevoordele) bly onveranderd op 27c per R1 000 dekking.
Traumaversekering: Die tariewe vir die traumaversekering is verhoog van 20c na 22c per R1 000 dekking.
Gesinsversekering: Die tariewe en die voordele van die gesinsversekering bly onveranderd.
Die tariewe is:
Premie vir hooflid, gade en kinders R7.00 per maand
Premie vir ouers R22.50 per ouer per maand
Premies vir addisionele gades R 3.20 per gade per maand
Die sterftevoordele wat deur die versekering voorsien word is soos volg:
Voordeel
Hooflid R15 000
Kwalifiserende gade en addisionele gades R15 000
Kwalifiserende kinders 14 jaar en ouer R15 000
Kwalifiserende kinders 6 jaar en ouer, maar jonger as 14 jaar R 8 250
Kwalifiserende kinders onder 6 jaar, insluitend doodgebore babas R 5 500
Ouers (wat verseker is) R 5 500
Verhaling van premies: Die koste vir die sterftevoordele wat deur die Fonds voorsien word, en
die ongeskiktheidsvoordele kragtens die InkomsteSorgversekering, word verhaal van die lid se
werkgewerbydraes.
Die koste van die Groeplewens- en Gesinsversekering is ’n na-belaste aftrekking van die lid se vergoeding
en die werklike premie wat elke werknemer betaal word op sy/haar betaalstaat aangedui. Omdat die
premies met na-belaste geld betaal word, is die voordele betaalbaar kragtens die huidige wetgewing
belastingvry.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009
11

12
Gadedekking – Wysiging/Uitbreiding van definisie van huwelik
Dit is belangrik dat werknemers wat getroud is volgens Suid-Afrikaanse Gewoontereg en wat gadedekking
geniet, kennis moet neem van die volgende:
Wysiging/Uitbreiding van Definisie van Huwelik
Die definisie van “Huwelik” in die Groepversekeringspolis is uitgebrei om te vereis dat huwelike volgens
Suid-Afrikaanse Gewoontereg geregistreer moet word kragtens Artikel 4 van die Wet op Erkenning van
Gebruiklike Huwelike, No. 120 van 1998, by die Departement van Binnelandse Sake.
Implikasies van wysiging/uitbreiding
In die geval van sterfte van ’n gade na 1 Julie 2009, wie se lewe kragtens die groeplewensversekering
verseker was, sal een van die volgende huweliksertifikate/dokumente vereis word voordat die betaling
van die sterfte-eis goedgekeur kan word:
’n Huweliksertifikaat ten opsigte van huwelike gesluit kragtens die Huwelikswet, 1961; of
die Civil Union Act, 2006; of
die Wet op Erkenning van Gebruiklike Huwelike, 1998; of
die leerstellings van ’n godsdiens.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009

BELANGRIK
Aksies verlang van lede
Belasting op uitdienstredingsvoordele
Vanaf 1 Maart 2009 is die belasting wat gehef word op uitdienstredingsvoordele gewysig. Voorheen was slegs die eerste
R1 800 van ’n uitdienstredingsvoordeel, wat in kontant betaal word, belastingvry.
Vanaf 1 Maart 2009 is die bedrag verhoog na R22 500. Alle fondsvoordele wat aan ’n lid betaal is sedert 1 Maart 2009
word in die berekening in ag geneem.
Voorbeeld: ’n Lid ontvang ’n voordeel van R70 000 op 1 April 2009. R22 500 van hierdie bedrag sal belastingvry wees.
Twee jaar later ontvang dieselfde lid weer ’n voordeel van R20 000. Hierdie lid het klaar sy/haar belastingvrye voordeel
van R22 500 geniet en daarom is die volle R20 000 belasbaar.
BELANGRIK: By aftrede is ’n enkelbedrag van R300 000 belastingvry. Alle kontantbetalings, ongeag of dit
belastingvry was of nie en wat ontvang is sedert 1 Maart 2009, sal vanaf die R300 000 belastingvrye perk
afgetrek word. Dit is dus baie belangrik dat lede die advies van ’n kundige finansiële adviseur inwin voordat hul
besluit om hulle voordeel by diensbeëindiging in kontant te neem.
Boedelbelasting op fondsvoordele
Vanaf 1 Januarie 2009 is enige enkelbedragbetaling van fondsvoordele by die dood van ’n lid (wat na 1 Januarie 2009
sterf) vrygestel van boedelbelasting. Voorheen was alle enkelbedragbetalings deur ’n fonds by sterfte as ’n bate geag vir
die berekening van boedelbelasting. Slegs bedrae aangewend vir verpligte lyfrentes was vrygestel.
Bewys van gesondheid vir risikovoordele
Die sterfte- en ongeskiktheidsvoordele wat deur die Fonds en relevante versekering toegestaan word, word bereken op
grond van die uitslag van ’n lid se mediese evaluering by aanstelling.
Totdat die volledige mediese evaluering afgehandel is en alle uitslae in die besit van die maatskappy is;
OF
Alle lede wat volgens Suid-Afrikaanse Gewoontereg getroud is en dekking op hul gades se lewe het,
moet hul verbintenis registreer kragtens Artikel 4 van die Wet op Erkenning van Gebruiklike Huwelike,
No. 120 van 1998, by die Departement van Binnelandse Sake.
In geval van ’n verbintenis soos bedoel in die Civil Union Act, moet die verbintenis ingevolge hierdie wet
geregistreer word.
By sterfte van ’n gade moet die vereiste bewys van huwelik soos hierbo beskryf aan die Menslike
Hulpbronne Dienssentrum gelewer word.
Indien ’n lid by aanstelling verkies om nie te gaan vir ’n mediese ondersoek nie;
sal die volgende voordele betaalbaar wees:
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009 13

14
In geval van dood/ongeskiktheid as gevolg van natuurlike oorsake
– Sterfte- en ongeskiktheidsvoordele deur die groeplewensversekering
Die kleinste van:
– R180 000; of
– Een (1) of twee (2) keer die lid se pensioengewende vergoeding, volgens sy/haar keuse by
aanstelling.
– Ongeskiktheidsvoordele deur InkomsteSorgversekering
– ’n Ongeskiktheidsinkomste voordeel van R24 000 per jaar.
In geval van dood/ongeskiktheid as gevolg van onnatuurlike oorsake
(Hierdie voordele is ook van toepassing op lede aan wie by aanstelling beperkte dekking of geen dekking
toegestaan is.)
– Sterftevoordele: Die volle sterftedekking voorsien deur die fonds en groeplewensversekering waarvoor
die lid kwalifiseer volgens sy/haar ouderdom of keuse sal betaal word.
– Ongeskiktheidsvoordele: Die volle enkelbedrag-ongeskiktheidsvoordeel, volgens die lid se keuse vir
Groeplewensversekering, is betaalbaar.
Wanneer lede se dekkingsvlakke die volgende perke oorskry sal hulle weer mediese bewys van gesondheid moet lewer:
Lewensdekking: R40 miljoen
Inkomste-ongeskiktheid: Indien 75% van gewaarborgde pakket > 150 000 per maand
Trustees se diskresie by verdeling van sterftevoordele
Een van die belangrike pligte van ’n Raad van Trustees is die verdeling van sterftevoordele by die dood van ’n lid.
Volgens Artikel 37C van die Wet op Pensioenfondse moet die Raad die afhanklikes en benoemde begunstigdes van
oorlede lede identifiseer en die verdeling van die voordele hanteer.
Die Wet omskryf ’n afhanklike as enige persoon:
teenoor wie die lid regstens aanspreeklik was vir onderhoud;
vir wie die lid nie regstens aanspreeklik was om te onderhou nie, indien so ’n persoon:
– na die Raad se oordeel by die lid se dood in werklikheid van die lid afhanklik was vir onderhoud;
– die gade van ’n lid is, insluitend ’n party tot ’n gewoonte- of godsdienstige verbintenis;
– die kind van ’n lid is, insluitend ’n postume kind, ’n aangenome kind en ’n buite-egtelike kind; of
ten opsigte van wie die lid regtens aanspreeklik sou geword het vir onderhoud indien die lid nie gesterf het nie.
Om te verseker dat die Raad van Trustees ’n lid se wens in ag neem by die verdeling van sterftevoordele, kan lede hul
begunstigdes benoem deur benoemingsvorms in te vul. Benoemingsvorms is beskikbaar op die Intranet by: My zone>
Remuneration>Funds & other insurance>Pension Fund communication & documentation. Die Raad word nie deur so
’n benoeming gebind nie, maar sal die toewysing volgens die benoemingsvorm as ’n riglyn gebruik.
’n Persoon word as ’n afhanklike beskou indien hy/sy op die lid staatgemaak het vir lewensmiddele, soos voedsel,
verblyf, mediese sorg en opvoeding.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009

Sodra die Raad alle afhanklikes opgespoor het, word die voordele aan die afhanklikes en benoemdes
toegeken soos wat die Raad as billik beskou.
Ter wille van billikheid oorweeg die Raad van Trustees faktore soos die volgende:
Die wens van die oorledene (benoemingsvorm)
Die ouderdom van die partye
Verwantskap met die oorledene
Die mate van afhanklikheid, indien van toepassing
Die finansiële omstandighede van die afhanklikes/benoemdes
Toekomstige verdienvermoë en vooruitsigte van die afhanklikes/ benoemdes.
Die Raad van Trustees moet seker maak dat daar so ver moontlik voorsiening gemaak is vir afhanklikes.
Sterftevoordele maak net deel uit van ’n lid se boedel indien ’n lid geen afhanklikes en/of benoemdes
het nie. ’n Lid se vryheid om in ’n testament oor sy/haar fondsvoordele te beskik, word beperk deur die
Wet, omdat die oogmerk van die Wet primêr is om voorsiening te maak vir afhanklikes.
Die sterftevoordele protokol van die fonds, wat volledig verduidelik hoe sterftevoordele hanteer word, is op
die Intranet beskikbaar by My Zone>Remuneration>Funds & other insurance>Pension Fund.
Voordele van lede wat ’n arbeidsongeskikte-inkomste ontvang
In die geval van ’n lid wat totaal en permanent arbeidsongeskik verklaar word, geld die volgende voordele:
Lid- en werkgewerbydraes tot die fonds
Geen werkgewerbydraes word afgetrek van die inkomste van lede wat arbeidsongeskik verklaar
is nie.
Vir die eerste twaalf maande nadat die lid arbeidsongeskik verklaar is word lidbydraes van sy/
haar inkomste afgetrek. Daarna word die lid- sowels as werkgewerbydraes tot die fonds deur
Sanlam, as versekeraar, betaal.
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009 15

16
Lidmaatskap van die fonds
Lede wat arbeidsongeskik verklaar word bly lede van die fonds. By sterfte of aftrede (wat ook al eerste gebeur)
word die lid se sterfte- of aftreevoordele betaal ooreenkomstig die reglement van die fonds.
Sterftedekking op lid se eie lewe
Sterftedekking (indien van toepassing) onder die groeplewensversekering gaan voort tot datum van aftrede of
sterfte, wat ook al eerste gebeur.
Die dekkingsbedrag soos op datum van ongeskiktheid word konstant gehou en geen premies is deur die lid
betaalbaar nie.
Trauma
Lede wat traumadekking geniet se traumadekking gaan voort tot:
– datum van sterfte;
– erkenning van ’n trauma-eis; of
– datum van aftrede,
wat ook al eerste gebeur.
Die dekkingsbedrag vir traumaversekering soos op datum van ongeskiktheid word konstant gehou en geen
premies is deur die lid betaalbaar nie.
Gadeversekering
Lede wat arbeidsongeskik verklaar word en gadedekking geniet het kan die dekking op hul gade se lewe
behou. Die dekkingsbedrag wat gegeld het op datum van arbeidsongeskiktheid word konstant gehou. Die lid
is verantwoordelik vir die betaling van die volle premie wat jaarliks hersien word. Lede het ook die opsie om die
dekking te kanselleer indien hulle verkies.
Gesinsversekering
’n Arbeidsongeskikte lid se gesinsversekeringsvoordeel word in stand gehou sonder betaling van verdere premies.
Die dekkingsvlak bly konstant volgens die dekkingsbedrae wat gegeld het op datum van ongeskiktheid.
Fondsinligting en ander navrae
Addisionele fondsinligting is vir aktiewe lede beskikbaar op die Intranet by My zone>Remuneration>Funds &
other insurance>Pension Fund communication & documentation.
Enige navrae oor fondsinligting of voordele kan gerig word aan Chrisna Swart of Natasha Martin by:
E-pos: chrisna.swart@sanlam.co.za of natasha.martin@sanlam.co.za
Posadres: Posbus 1260, Sanlamhof 7532
SANLAM-PENSIOENFONDS (KANTOORPERSONEEL)
Jaarverslag aan lede en pensioentrekkers vir die tydperk 1 April 2008 tot 31 Maart 2009