Geagte gebedsvriende
Geagte gebedsvriende
Geagte gebedsvriende
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Geagte</strong> <strong>gebedsvriende</strong><br />
BIBLIA HAWESENDING<br />
Posbus 47 Port Elizabeth<br />
TEL no 041 5855483 Sel no 083 4697138<br />
E-Pos seafarers @iburst.co.za<br />
REIK OP VIR DIE UITREIK<br />
AUGUSTUS 2011<br />
EEN skip, ‘n verlore Chinese seeman, ‘n oliepyp wat gebars het – en ‘n<br />
almagtige God. . .<br />
Die pad wat die Here met mense loop, slaan soms jou asem weg!<br />
Zhang Danfeng het ernstige brandwonde aan sy gesig opgedoen toe ‘n<br />
oliepyp van die stoomketel aan boord van sy skip gebars het. Hy is in<br />
‘n hospitaal in Port Elizabeth opgeneem. Terwyl hy daar gelê het,<br />
toegewoel in verbande sodat net sy oë, neus en mond sigbaar was, was<br />
die prognose nie baie goed nie: hy sou waarskynlik lelik geskend<br />
wees.<br />
Op dieselfde skip het Fang, ‘n ander Chinese seeman, vir Martin gesê<br />
hoewel hy ‘n Christen is, was hy baie lanklaas in ‘n kerk. Hy het<br />
iemand nodig om hom geestelik te begelei. Weens die taalprobleem<br />
het Martin ‘n baie opgewonde Fang in aanraking gebring met ‘n<br />
Chinese sendeling wat in P.E. werk en hierdie sendeling het ook die<br />
baie siek Zang Danfeng in die hospitaal gaan besoek.<br />
Daar, in die hospitaal, het Zang Dangfeng die Here aangeneem en hy<br />
wil nou gedoop word. Die wonderlike ingryping van God in hierdie<br />
man se lewe het sigbaar geword toe Zang Dangfeng se verbande<br />
afgehaal is. Selfs die dokters was verstom: nie alleen het sy gesig<br />
gestraal van vreugde nie, maar daar was geen teken van ernstige letsels<br />
aan sy gesig nie! Zhang Dangfeng kon nie wag om die wonder-nuus te<br />
gaan oordra aan sy ma in China, wat ‘n Christen is en deur die jare vir<br />
hom gebid het.<br />
Ook in die selfde tyd in die hospitaal was ‘n Filippynse seeman met<br />
kopbeserings, twee gebreekte bene en gebreekte ribbes as gevolg van<br />
`n fratsgolf van 10 meter hoog wat sy skip getref het. Toe Martin hom<br />
besoek, het hy ook vir hom ‘n telefoonkaart geneem sodat hy sy familie<br />
in die Filippyne kon bel. Die suster aan diens het Martin net 5 minute<br />
besoektyd gegee, maar die man het hom gesmeek om langer te bly,<br />
omdat hy nog geen besoekers gekry het nie en baie eensaam in ‘n<br />
vreemde land was. Later kon Martin die evangelie met hom deel. Toe<br />
die man die eerste keer weer kon loop, het hy vir Martin gebel om<br />
dankie te sê vir die besoeke en gebede.<br />
So word daar gereeld in die lief en leed van hierdie mense gedeel. Wat<br />
`n wonderlike voorreg om dit hand-aan-hand met die verspreiding van<br />
die Blye Boodskap te kan ervaar.<br />
Simon Tikiau, ‘n seevaarder van Kiribati (‘n eiland in die Stille<br />
Oseaan), het in ‘n e-pos aan Biblia geskryf: “Greetings to you, my<br />
brother in Jesus Name. I like to thank you for your kind assistance<br />
during my visit to your mission a few weeks ago. Thank you for your<br />
kind hospitality. May Almighty God bless you all.” Op nog ‘n skip<br />
kon die evangelie ook met 5 ander Filippyne gedeel word.<br />
‘n Seeman wat Martin raad gevra het oor sy huweliksprobleme, het ‘n<br />
paar weke later, toe sy skip weer in die hawe was, kom dankie sê vir<br />
die goeie raad; sy huweliksbootjie is weer in rustige waters. Nog ‘n<br />
seeman, van die Filippyne, het uit sy nate gebars van blydskap oor sy<br />
baba se geboorte – veral toe hy via die internet ‘n foto van die baba kon<br />
sien!
Biblia wil dankie sê vir almal se gebede. Die rekenaarstelsel is<br />
opgegradeer. Ons moes ook 3 kwotasies vir ‘n (dringend<br />
noodsaaklike!) bussie na ITF stuur. Bid asseblief daarvoor. Ons het<br />
die Tagalog-Bybels gekry.Daar is n moontlikheid dat ons n heffing vir<br />
Skeepsbesoekke kan kry van die agente - wat nog steeds gebed nodig<br />
het.<br />
GEBEDSVERSOEKE:<br />
Bid vir Zhang Danfeng, wat na sy wonderbaarlike herstel met<br />
‘n stralende gesig en met die Here in sy hart huis toe gaan;<br />
Bid vir Fang, dat hy aan God sal bly vashou en meer<br />
geleentheid kry om met Christene kontak te maak;<br />
Bid vir Gerando, Glen, Rudy en Aldrin van die Filippyne, dat<br />
die evangelie wat Martin met hulle gedeel het, in hul harte sal<br />
groei;<br />
‘n Ertsdraer met ‘n Chinese bemanning is deur Martin en<br />
Benjamin Ho, ‘n Chinese sendeling, besoek. Bid vir die<br />
bemanning. Vyftien DVD’s en 45 traktaatjies in die Chinese<br />
taal is aan hulle gegee. Bid dat die Here elkeen sal ontmoet.<br />
Bid vir die beskerming van seevaarders wanneer hulle verby die<br />
kus van Somalië vaar. Dit lyk of die wêreld magteloos teen die<br />
euwel van seerowery staan.<br />
Bid ook vir die beskerming van seemanne in ‘n stormsee.<br />
Bid asseblief ernstig dat die Here deure vir Biblia by die Coegahawe<br />
sal oopmaak. Daar is nog baie struikelblokke in die pad,<br />
en dit raak al hoe dringender om ook daar geriewe te kry om die<br />
seevaarders te bedien.<br />
Hoewel dit nie altyd so voel nie, is 2011 ook al amper op sy<br />
rug. Kersfees is om die draai. Biblia gaan weer, soos in die<br />
verlede, die Christus-boodskap tasbaar aan seemanne uitdra wat<br />
die hawe in die feestyd besoek. Elke bemanningslid kry dan ‘n<br />
klein geskenkie. Daarvoor het ons ongeveer R4 500.00 nodig.<br />
Bid asseblief dat die Here sal voorsien.<br />
Ons kan nie anders nie as om te jubel en te juig oor die lieflike,<br />
welkome reën wat ons in die Ooskaap ontvang het. Ons is die Here<br />
opreg dankbaar daarvoor.<br />
Dit bly ‘n voorreg om by Biblia betrokke te wees. Die een dag is<br />
nooit dieselfde as die vorige een nie. As ‘n mens so intens by die<br />
lief en leed van die seemanne betrokke raak en later terugvoering<br />
kry oor wat dit vir hulle beteken het, doen dit iets aan jou gees.<br />
Ons dank die Here vir elke geleentheid.<br />
Nog steeds gaan Biblia voort met die Bybels-vir-Seevaardersprojek.<br />
Enigeen wat die projek wil ondersteun, kan bydraes in ons<br />
rekening by Absa inbetaal. Die besonderhede is: Biblia –<br />
rekeningnommer 4060566177. Merk die inbetaalstrokie asseblief:<br />
Bybels vir Seevaarders.<br />
Die Here seën u.<br />
Martin en Sus (Biblia) en Keith (Mission to Seafarers).
Zhang Dangfeng in die hospitaal, nog met ernstige brandwonde<br />
aan sy gesig.<br />
Zhang Dangfeng nadat die Here hom aangeraak het. Die vreugde van<br />
die Here straal uit hom uit.