22. Konsepsie tot borsvoeding - By Jesus se Voete

22. GENESING VAN PYN BY KONSEPSIE, SWANGERSKAP, GEBOORTE EN BORSVOEDING.
Hierdie lesing is meer effektief as ‘n wedergebore vriendin, of wedergebore vroulike familielid (m.a.w.
‘n mamma-figuur), dit biddend onder die salwing van Heilige Gees vir jou (of ‘n groep, mans en vroue,
in die geval van kinders - neem eers die mamma deur die geboorte-genesing en laat sy dan by haar
kind wees tydens hierdie genesingsessie en laat ouers hul toestemming eers vooraf gee) voorlees met
sagte rustige instrumentale “Gospel”- musiek in die agtergrond. Die gevoel van om in die baarmoeder
te wees kan meer realisties gemaak word deur op ‘n sagte matrassie te lê en jouself toe te gooi met ‘n
laken of kombersie en die ligte te dompel of te versag.
Aangesien ons gewoonlik bitter min oor ons eie geboortes weet, is dit veral in hierdie lesing nog meer
nodig om baie sterk op Heilige Gees te leun. As julle verhouding dit toe laat, en dit nie te sensitief is
nie, kan jy voor die tyd vir jou biologiese ma oor jou geboorte en haar swangerskap met jou uitvra.
Het daar enigiets traumaties met mamma gebeur tydens haar swangerskap met jou en op hoeveel
weke? Vra ook vrae soos:
Was ek beplan?
Het ek ‘n moeilike geboorte gehad?
Is ek met die naelstring om my nek gebore?
Is ek met die helm gebore?
Was ek ‘n brugbaba?
Is ek met behulp van tange en instrumente gebore?
Is ek te vroeg gebore en op hoeveel maande of weke? (Heilige Gees neem jou in hierdie sessie deur ‘n
volterm swangerskap van 9 maande, maar jy kan dalk ‘n bietjie angstig voel op die tydperk toe jy te
vroeg gebore is.)
Is ek met behulp van ‘n keisersnit gebore? (Jy gaan vandag deur ‘n ‘normale’ geboorte).
Was jy amper dood by geboorte of tydens mamma se swangerskap met jou?
Is jou mamma amper dood met jou geboorte of kort daarna baie siek?
Is jy direk na geboorte weggeneem van mamma af, ongeag die oorsaak daarvan soos spesiale
mediese aandag wat jy of sy nodig gehad het, met geelsug onder ligte gelê, ‘n bloubabba, aanneming,
ens?
Was jou pappa by met jou geboorte?
Het mamma jou geborsvoed en vir hoe lank?
Bid en vertrou Vader om indien daar enige traumatiese gebeure was vanaf jou konsepsie, deur
mamma se swangerskap, tydens die geboorte en direk daarna, om dit self deur Sy Gees aan jou te
openbaar en selfs al beleef jy dit nie bewustelik nie, dat Hy dit sal genees.
‘n Waarskuwing
Ons wil vooraf waarsku dat as jou mamma by okkultiese bedrywighede betrokke was tydens haar
swangerskap met jou, of as sy nie met jou swanger wou wees nie, of dalk probeer het om jou te
aborteer, kan hierdie lesing baie traumaties vir jou wees wanneer jy dit vir genesingdoeleindes
gebruik. (Die blote lees daarvan behoort nie jou te affekteer nie, maar sal waarskynlik ook nie
genesing bring nie, omdat dit nodig is om te deel met wat jy as ongebore baba ervaar het.) Dit is
dus belangrik om ‘n wedergebore, Heilige Gees vervulde helper tydens die genesingsproses by jou
te hê om bevryding op jou te kan doen indien dit nodig sou wees. Dit is egter die uitsondering dat
daar manifestasies is. Manifestasies is gewoonlik in die vorm van ‘n benoude gevoel, beklemming
1

of vrees. Laat jou helper indien jy so-iets ervaar, jou help om as ongebore baba te bely wat jy voel
of as jy weet wat gebeur het in daardie tydperk van swangerskap, vergewe (mamma, pappa of wie
Heilige Gees ookal wys), spreekvry en bid saam vir jou genesing en bevryding.
Wortels
Hier volg ‘n paar knel areas in ‘n mens se lewe waarvan die wortels moontik in hierdie tydperk vanaf
konsepsie tot peuterjare kan lê. Trauma in hierdie periode van jou lewe kan moontlik 'n rede wees vir
goed soos: hoogtevrees, engtevrees, vrees vir die donker, onnatuurlike ma vas wees veral in
kleuterjare (skeidings-angs), om gedryf te word deur prestasie en vrees vir mislukking, benoud word
tussen baie mense, gevoel van alleenheid en ‘ek hoort nie’ - selfs tussen 'n klomp bekende mense, ‘n
gevoel van ek is in die pad, homoseksualisme, vrees vir dokters/tandaartse en mediese instrumente
soos spuitnaalde, angstigheid, bang vir iets spesifieks of sommer vir alles, maklik stik, wakker skrik
met die gevoel dat jy val, drome van water wat jou oorweldig, depressie, verslawings, rook, woede en
aggressie, verwerping en minderwaardigheid.
Dit wat die ongebore baba ervaar het, het boodskappies aan hom of haar oorgedra. Die positiewe
boodskappies was wonderlik opbouend maar die negatiewe boodskappies het seergemaak en skade
gedoen en kan tot vandag nog ‘n effek op jou lewe hê. Hierdie negatiewe boodskappies is leuens of
halwe waarhede van die vyand, wat jy as gevolg van wat jy ervaar het, glo. Hy gebruik dit wat jy glo,
om te steel slag en te verwoes in jou lewe. Vra vir jou Hemelse Vader om elke leuen wat in hierdie
tydperk in gekom het, te ontbloot en te vervang met Sy Waarheid. Konsentreer dus tydens hierdie
sessie op die leuen-boodskappies wat jy ontvang het wat oor jou gebreek moet word en jy genesing
voor moet kry.
Heilige Gees kan jou onder gebed weer laat voel en beleef wat jy ervaar het toe jy baie, baie klein
was. Dalk het jy in mamma se baarmoeder geoordeel en innerlike geloftes gemaak. Heilige Gees gaan
saam met jou hierdeur en daarom hoef jy nie die keer bang te wees om vir 'n rukkie weer baie klein te
voel nie. Hy is God en sal deel met dit waarmee Hy wil deel. Hy ken jou hart se verwagtinge en weet
wat jy nodig het. Wees asseblief ontspanne en stel jou gees oop vir jou Hemelse Vader se werking.
Laat Heilige Gees toe om die werk in jou te doen. Indien jy niks tydens die sessie ervaar nie, is dit ook
reg. Jy vloei net rustig saam met dit wat Hy in jou wil doen. Jy kry steeds die toerusting om indien Hy
op 'n later stadium met iets wil deel, sal jy weet wat om te doen. Maak net seker dat jy nie aan die
slaap raak en ontneem word van genesing nie.
In die agtste maand gaan die aanbieder vir jou vra om na “onder te draai.” Dit is die tydperk toe jy in
mamma se baarmoeder met jou koppie na onder gedraai het om gereed te maak om gebore te word.
Jy kan simbolies fisies draai met jou kop in die rigting na waar jou voete was en in die middel van jou
matrassie opkrul in ‘n fetus posisie sodat daar ‘n gedeelte van die matras oop is vir jou “geboorte”.
Jesus wag die keer vir jou aan die anderkant van die geboorte kanaal. Hy kan nie wag dat jy gebore
moet word nie. Dit gaan Hy wees wat jou in liefde verlos. Daarom gaan dit in die gees heel anders
wees as wat dit in die fisiese was. Werk net saam tydens ‘geboorte’ onder leiding van die Heilige
Gees.
Moenie haastig wees om na die aanbieding op te staan nie maar laat die Heilige Gees toe om jou te
bedien totdat Hy klaar is.
2

Lê gemaklik op jou matrassie en maak jou toe met jou laken of kombersie. Gaan in die
teenwoordigheid van jou Hemelse Vader in:
Die aanbieder gaan nou in die eerste persoon bid asof dit jy is wat bid en jy kan hierdie gebed net
saggies in jou hart beaam. Ons roep in die Naam van Jesus jou Verlosser, jou gees navore soos wat dit
was van voor konsepsie tot en met op 18 maande om Heilige Gees te ervaar.
Gebed:
Liefste Pappa, Vader, in die Naam van Jesus Christus, kom loof en prys ons U vir U goedheid en
grootheid. Daar is niemand soos U nie. Dankie dat U 'n afspraak met my, U kindjie het. Vader, U het
hierdie tyd in my lewe bepaal om 'n groot stuk genesingswerk in my te doen. U Woord sê dat deur die
wonde van Jesus het daar vir my genesing gekom. Dankie dat hierdie genesing vir my gees, siel en
liggaam is. Dankie dat U alles in my gees geplaas het wat ek nodig het om te lewe, te groei en saam
met U te kan werk in hierdie genesingssessie.
Ek vra U om my te beskerm. Maak my toe met U liefde. Ek plaas my onder die bloed van U Seun, Jesus
Christus. Heilige Gees, ek nooi U om my te lei op hierdie genesingspad. My gees is oop en ontvangklik
vir dit wat U in my wil doen. Ek kom vra en gee U toestemming om na die oppervlakte te bring dit wat
ek beleef en gevoel het, toe ek nog baie klein was. Wys my as daar in hierdie tydperk wortels van my
seerkry en sondes lê. Genees my en maak my asseblief vry van dit wat so seergemaak het. Heilige
Gees kom bid in en deur my sodat My Vader en Jesus Christus saam met U die werk in my kan doen
wat ek so nodig het.
3

Genesing Gebed Vir Seerkry by Konsepsie
Dankie Vader, dat ek nie net toevallig in die wereld gekom het nie. U het my gees reeds voor die
grondlegging van die aarde geskep en gereedgemaak. Ek was by U en kon U in U Heiligheid ervaar. Ek
weet dat ongeag van die omstandighede waaronder ek verwek is, dat U my beplan het. My koms was
nie vir U 'n verrassing nie, al wou U dalk beter omstandighede vir my gehad het. U sê in Gen 17:20
Ook wat Ismael aangaan, het Ek jou verhoor. Kyk, Ek seën hom en maak hom vrugbaar en vermeerder
hom buitengewoon. Twaalf vorste sal hy verwek, en Ek sal hom ‘n groot nasie maak. My Vader, as die
seun van 'n slavin vir U so belangrik was, dan weet ek, dat ek ook vir U belangrik is
U het U asem geblaas sodat my gesie kon bestaan. U het gespreek LEWE en ek was daar. My lewe as
mensie het by konsepsie begin. Daarna het die hele groeiproses van my liggaam en siel ook
plaasgevind.
Vader, die ideale omstandighede waaronder ek verwek moes word, sou wees binne 'n liefdevolle
gesonde huwelik, waar pappa en mamma my vir daardie tyd beplan het. Die boodskappie wat ek dan
sou kry, is dat ek welkom is. Ek sou weet dat hulle my sal aanvaar en liefhe. Wat 'n vreugde!
Ongelukkig was die omstandighede waaronder ek verwek is, dalk alles behalwe positief. As saadjie
kon my gees alreeds alles om my waarneem en die uiters negatiewe boodskappe wat ek gekry het
onthou. Dit kon veroorsaak dat ek aanstoot neem, oordele en innerlike geloftes gemaak het. Dit kon
my vir die res van my lewe beinvloed, soos:
-Dit was ‘n skok en trauma vir my gees om vanuit ‘n heilige rein staat by U in my moeder se
baarmoeder verplaas te word en verenig te word met die besoedeling van erfsonde vanaf my
voorgeslagte.
- Indien ek buite die eg verwek is, het ek die leuen-boodskap gekry dat ek nie hier behoort te wees
nie. Daarom voel ek tot vandag nog dat ek nie deel is van my gesin of geliefdes nie. Ek voel alewig,
dat al wanneer ek aanspraak op liefde kan maak, is as ek dit eers verdien het. My vader, ek bely dat ek
sukkel met skaamte en 'n diepgevoel van verwerping.
- As ek onbeplan was, dan het ek die leuen geglo dat ek nie welkom is nie en ek ontydig is. Daarom
voel ek vandag nog dat ek ander pla met my teenwoordigheid. Ek is in die pad. My behoeftes is vir
ander ‘n las. Ek word verwerp!
- Indien pappa hom seksueel met geweld op mamma afgedwing het, het ek geglo en voel ek vandag
steeds soos 'n indringer. Ek sukkel met woede, die seksuele, skaamte en verwerping.
- Vader, in die Naam van Jesus Christus, vra ek U Heilige Gees, om indien daar enige ander negatiewe
boodskappe was, wat ek rondom my konsepsie ervaar het, dat U dit nou aan my sal openbaar.
Genees my asseblief daarvan.
As klein saadjie vergewe ek vir pappa en mamma vir enige negatiewe boodskappies wat ek gekry het.
Ek spreek albei vry. Vergewe my asseblief waar ek U kwalik geneem het vir die trauma wat ek beleef
het en die leuens wat ek geglo het dat U nie meer vir my lief is nie en my verlaat het. (GEE TYD!)
In die Naam van Jesus, bely, gekanselleer en breek ek elke leuen-boodskappie en die oordele wat ek
as gevolg daarvan by konsepsie gemaak het. Soos dat ek nie welkom was nie. Dat ek nie behoort nie.
'n Indringer is. Liefde moet verdien en enige ander boodskappe wat U aan my uitgewys het. Ek beveel
my gees, siel en liggaam om nie verder daarop te reageer nie, maar volgens U Woord sal handel.
4

Dankie Pappa Vader, dat U my die versekering gee, dat U my liefhet, dat U my wou gehad het, dat U
verstaan waarom ek so getraumatiseerd gevoel het en dat U nie vir my kwaad is daaroor nie. U het
alreeds in die Generasielyn Gebed (Nr 8) wat ek gebid het my gereinig van alle bloedlyn besoedeling.
Dankie dat ek die Naam van Jesus Christus, soos salf in hierdie wonde kan inroep. Ek dank U, dat U
my nou ten volle genees in hierdie areas van my lewe.
ONS kom seën en spreek nou in elke menssaadjie en klein, klein embriotjie se gees Jes 43:1 So sê die
HERE, my Skepper...., en my Formeerde...., Wees nie bevrees nie, want Ek het jou verlos; Ek het jou by
jou naam geroep; jy is myne! In die Naam van Jesus Christus, kom roep ons in jou gees: Maak kontak
met jou Hemelse Pappa Vader, wat jou gemaak het, se Gees. Soek Hom en vind Hom, dwarsdeur deur
jou lewe. Laat toe dat die Heilige Gees jou as klein saadjie bedien. Ons seën jou met die keur van jou
Pappa Vader se seën. Jy is welkom liefstetjie. Jou bestaan bring vreugde vir jou Hemelse Pappa
Vader.
Genesing Gebed vir seerkry tydens Swangerskap
My Vader, in die Naam van Jesus, bring ek voor U, die tyd wat mamma met my swanger was. Mamma
se liggaam het in al die stowwe voorsien, sodat ek as embriotjie, en later as fetussie, nodig gehad het
om fisies te kon ontwikkel. My gees het ook ontwikkel. Ek was een met mamma en haar emosies. Sy
moes daagliks liefdevol met my gepraat en vir my gesing het. Pappa moes ook gereeld liefdevol met
my gepraat het. Hulle moes in my gees ingebou het dat Abba Vader my liefhet, dat ek welkom is en
die reg het om hier te wees. Die atmosfeer tuis moes gespreek het van liefde en vrede. Mamma moes
genoeg gesonde kossies en rus ingekry het, sodat ek goed kon ontwikkel.
Maar Vader, dit was ongelukkig nie noodwendig so nie. Mamma se negatiewe emosies, was ook my
emosies, want wanneer sy ontsteld was, het sy ‘n chemiese stowwe af geskei wat vir my hierdie
boodskappies oorgedra het. Dankie Heilige Gees dat U hierby my is wanneer ek weer daardie
emosies, in mamma se magie, ervaar. Daar was soveel verskillende belewenisse. Party was vir my baie
erg gewees.
Heilige Gees, in die Naam van Jesus, deursoek en deurgrond my vir enige pyn in die typerk van my
eerste 4 wekies. Indien ek gedurende hierdie tyd, enigiets negatiefs tydens mamma se swangerskap
met my beleef het, bring ek dit nou voor U. Ek bring elke negatiewe gedagte en gevoel wat mamma
ervaar het. Moontlik het sy gevrees om swanger te wees met my. (Want sy het toe nog nie met
sekerheid geweet sy is swanger nie.) Ek vergewe mamma, as klein embriotjie, daarvoor en spreek
haar vry. Vader, in die naam van Jesus Christus, genees my gees en liggaam van enige pyn, verwerping
en verlatentheid, wat ek gedurende hierdie tydperk, ervaar het. Dankie dat U Heilige Gees nou
genesing bewerk. Selfs van die dinge wat my skade aangedoen het waarvan ek nie bewus is nie. Ek
bely enige oordele wat ek in hierdie tydperk gemaak het, soos: dat mamma my nie wil hê nie, en dat
ek verwerplik is. Ek kanselleer hierdie leuens in Jesus se Naam, oor my lewe.
ONS kom seën jou embriotjie, in die Naam van jou, Pappa Vader, met die vaste wete dat Hy jou
beplan het en jou in die lewe geroep het. Jy hoef niks te vrees nie. Hy is met jou. Hy sal jou nooit
begewe of verlaat nie.
5

Ek bring weke 5 tot 8 na U toe. Pappa Vader, dit was die tyd waarin mamma besef het dat sy is
swanger. Ek vergewe haar as sy onverskillig teenoor my was omdat sy nie werklik swanger wou wees
nie maar ter wille van pappa wel swanger geword het. Dit het vir my die leuen-boodskappie gegee dat
ek nie werklik die reg het om hier te wees nie en dat niemand vir my omgee nie.
Ek vergewe vir pappa indien hy my kwalik geneem het en nie die swangerskap verwelkom het nie
omdat mamma as gevolg van oggendsiekte te naar en siek was om haar huishoudelike take, waaraan
hy gewoond was, nie kon verrig nie, of waar hy baie op haar hulp gesteun het en sy nou nie meer vir
hom beskikbaar was nie. Of as sy vir die bevaling weg moes gaan na die stad en hom alleen moes
agterlaat as hulle op ‘n onherbergsame plek gebly het. Ek het in my gees van sy antagonisme geweet,
al het hy dit nie in woorde uitgespreek nie. Dit het my van my pa vervreem.
Ek vergewe my pa indien hy woedend was omdat mamma met my swanger was en daaroor met haar
russie gemaak het. Sy verwerping het my die leuen laat glo dat my Hemelse Vader my ook verwerp. Ek
het verwerplik en onrein gevoel, dit het my gees geknak. My gees het na binne gekeer en kon nie
verder ontwikkel nie. Dit het my skuldig laat voel en gemaak dat ek tot vandag toe nie vir God kan
ervaar om in Sy teenwoordigheid in te gaan nie, al begeer ek dit en al het ek vir Jesus as my
persoonlike Saligmaker opgrond van Woordkennis aangeneem.
Ek vergewe vir mamma as sy ontsteld was of nie kans gesien het vir hierdie swangerskap nie. Indien
sy selfs net daaraan gedink het om my te aborteer en dood te maak, het ek dit geweet. Waar sy
probeer het om my af te bring, maar deur U genade nie daarin geslaag het nie, was ek baie angstig en
bang gewees. Ek was in doodsvrees vir daardie vyandige stemme en die vreemde voorwerpe. Ek wou
wegkruip maar daar was nerens om heen te vlug nie. Ek het so siek gevoel van die goed wat sy
gedrink het. Dit was so vreeslik warm met al die baddens wat sy gevat het. Ek kon voel hoe donker
magte mamma aanhits om 'n einde aan my te maak. “Moenie my doodmaak nie mamma!” Help my
Jesus, ek is so bang! Dankie dat U, U lig laat inskyn in hierdie situasie sodat U waarheid my kan
vrymaak. Ek weet nou dat dit U wil is dat ek sal lewe. U het my bewaar en beskerm. Ek vergewe vir
mamma omdat sy my nie wou gehad het nie en ook waar sy my wou doodmaak. (GEE TYD!)
In Jesus se Naam, kanselleer ek die leuen-boodskappies oor my, wat gesê het dat ek ongewens,
onrein en verwerplik is, en nie die reg het om te lewe nie. Ek gee aan U my gevoelens van vrees,
verwerping, en waardeloosheid, haat, selfhaat, woede en depressie.
Embriotjie, Fetussie, ons erken die pyn wat jy in jou gees en liggaam ervaar het. Ons kanselleer die
woorde van verwerping van jou aardse pa en bid nou Goddelike genesing in. Jou Hemelse Vader sien
jou liefdevol anders en stem nie saam met jou aardse pa of ma se uitlatings nie. Hy reinig jou en
herstel jou vervreemding van Hom as jou Hemelse Vader tot Sy lieflingskind. Jou priesterskap is voor
God herstel!
Ons kom roep in elke embriotjie en fetussie se gees: Lewe! Hemelse Vader, dit is U wat hom/haar
gemaak het, Ps 139:13 sê: Want U het my niere gevorm, my in my moeder se skoot geweef. Ons kom
seën jou kleinstetjie met God se beskerming en liefde. Hy wil jou hê. Hy het ‘n wonderlike doel met
jou lewe. Niemand kan jou uit Sy hand ruk nie. Hy gee Sy engele opdrag aangaande jou om jou te
beskerm. Hy het jou gesien spartel en geroep lewe, ja, lewe kleintjie. Voel Vader se seën oor jou. Hy
beplan goeie dinge vir jou. Jy hoef nie te vrees nie. Jy is nie alleen nie. Hy is by jou. Hy skep vir jou ‘n
6

veilige plekkie waarin jy kan groei. Jy is veilig.
Vader, in die Naam van Jesus, breek ons elke vloek van tyd wat die vyand oor spesifieke tye van
hierdie mensie(s) se lewe(ns) laat kom het. Ons bely verwerping en vervloeking as sonde en vra U
vergifnis. Ons bring voor die U die tye van die jaar of spesifieke ouderdomme waarin daar finansiële
verliese, ontneming, oppressie, gesondheid-, verhoudings probleme, emosionele terugval, geestes
wantoestande soos depressie in siklusse voorgekom het. Ons plaas hierdie mensekinders onder die
bloed van Jesus en reinig en heilig hul tyd en plaas dit onder U Goddelike beskerming. Ons kom seën
elke dag, elke uur, elke minuut van elke lewensjaar van hierdie mensekinders met U Goddelike guns
en seën.
Ek bring weke 9 tot 12 voor U. Heilige Gees, deurgrond en deursoek my as fetussie, vir enigiets wat
gedurende hierdie tydperk van my bestaan, my bedreig of besoedel het.
Ek bring eerstens voor U waar pappa/mamma eerder 'n seun wou gehad het, en toe is ek 'n
dogtertjie. Of eerder 'n dogtertjie wou gehad het, en toe is ek 'n seuntjie. Ek het geglo dat ek van die
begin af verkeerd is. Ek was skaam dat pappa en mamma sou sien dat ek verkeerd is. Daar is saadjies
in my as dogtertjie gesaai, dat ek, om aanvaar te word en liefde te kry, sou moes probeer om 'n
seuntjie te wees. Ek het later jare 'n ‘tomboy’ geword om dit te probeer uitleef. As seuntjie, is die
saadjies gesaai, dat ek net aanvaarding sal kry as ek soos 'n dogtertjie is. Ek besef dat die vyand
daardie leuens gesaai het. Dit kon my daartoe aanspoor om later my geslags-identeit te verwerp.
Onder die verkeerde omstandighede, kon dit my verlei om homoseksuel of lesbies te word.
Ek vergewe vir pappa en mamma en spreek hulle vry, waar hulle wou gehad het, dat ek van die ander
geslag moes wees. Ek kanselleer die leuen-boodskap oor my lewe, dat ek van die verkeerde geslag is
en daarom van die begin af verkeerd is. My Hemelse Vader het my die regte geslag gemaak. Ek is
presies soos wat Hy my beplan het om te wees. In die Naam van Jesus bely en breek ek ook die
innerlike gelofte wat ek geneem het, om my pa se seun te wees, al was ek 'n dogter. Of om my ouers
se dogter te probeer wees, al was ek 'n seun. Dankie Heilige Gees, dat U hierdie leuen oor my lewe
breek en die seer daarvan genees. U giet die Naam van Jesus soos die balsem van Gilead, in hierdie
wonde en verwyder die verwarring oor wie ek is. By U is ons gees nie man of vrou nie. U het my
gemaak na U beeld daarom het U in my beide manlike en vroulike eienskappe geplaas soos wat U is
en dit is goed. Daarom ontvang ek in my gees dat U my presies volgens U plan gemaak het. U is
tevrede met my liggaamlike geslag en U verheug U oor wie U my gemaak het. Ek is kosbaar vir U soos
wat ek is. Daar staan in Ps 139:15,16 My gebeente was vir U nie verborge toe ek in die geheim
gemaak is nie, kunstig geweef in die dieptes van die aarde. U oë het my ongevormde klomp gesien; en
in u boek is hulle almal op-geskrywe: dae dat alles bepaal was, toe nog geeneen van hulle daar was
nie. (GEE TYD!)
Wees geseënd kleinstetjie, jy is waardevol. Jou Pappa Vader, het elkeen van jou 23 paar chromosome
en meer as 10 000 gene uitgekies en saamgestel om ‘n unieke klein, jy te maak. Daar is niemand wat
net soos jy is nie. Hy het nie ‘n fout met jou gemaak nie. Seuntjie babatjie, jy is gemaak vir manwees.
Ons bevestig en roep oor jou uit: Word ‘n man! Dogtertjie babatje, jy is gemaak vir vrouwees. Ons
bevestig en roep oor jou uit: Word ‘n vrou! Ervaar Sy goedkeuring en aanvaarding oor wie Hy jou
gemaak het. Hy verheug hom oor jou, Hy jubel oor jou met blydskap.
Vader, hier is my 13 tot 16de weke. Dankie dat U saam met my in hierdie tydperk is. Deursoek en
7

deurgrond my, sodat ek rein en heel kan word voor U. Indien mamma baie siek geword het, tydens
haar swangerskap met my, sou ek dalk die verantwoordelikheid daarvoor geneem het, dat ek die
oorsaak daarvan was. Ek het gedink dis my skuld. Ek het toe die innerlike gelofte gemaak dat ek na
mamma moes omsien en verantwoordelikheid vir haar geneem. Ek kom bely en kanselleer nou
daardie leuen-boodskappie. Dit het gemaak dat ek aan haar rokspante vasgeklou het. In my kinderjare
wou ek nooit weg van haar af wees nie. Deur hierdie verantwoordelikheid vir haar te neem, het ek dit
my taak gemaak, om haar gelukkig te hou. Dit het gemaak dat ons later rolle omgeruil het. Ek het al
hoe meer soos 'n mamma of die versorger opgetree. Ek kon nie werklik kind wees nie. Dit het ook
later in my eie huwelik ingemeng, deurdat ek my ouers se wense en versorging, bo die van my
huweliksmaat en eie gesin gestel het. Dit het gemaak dat ek hulle elke dag moes sien of bel. Ek breek
nou, in die Naam van Jesus Christus, daardie negatiewe innerlike gelofte oor my lewe, van om
verantwoordelikheid te neem vir my ouers se geluk.
Kindjie, ontvang in jou gees, die seën van jou Hemelse Vader: Hy dra jou laste. Hy maak jou vry van
enige skuldgevoel. Moenie vrees nie, kleinstetjie. Hy sal na mamma omsien en haar bystaan. Jy hoef
dit nie te doen nie. Hy is reeds daar vir haar. (GEE TYD!)
Weke 17 tot 20 - Heilige Gees, bring aan die lig enigiets wat in hierdie tydperk van my lewe gebeur
het, of ervarings wat my skade kon aandoen. Waar mamma gerook of alkohol of dwelms gebruik het,
het ek die leuen-boodskappies gekry dat sy my stadig wil doodmaak. Daarom moet ek myself
beskerm. Selfs wanneer sy net aan 'n sigaret gedink het, het ek al benoud begin voel. Die gevoel van
alkhol en/of dwelms, in my lyfie, het my siek en baie benoud en bang gemaak. Ek vergewe vir mamma
dat sy my hieraan blootgestel het, sowel as vir die skade wat dit aan my gedoen het. Ek spreek haar
ook vry vir die swakheid wat sy in my gedeponeer het, wat my ook laat neig na verslawings. Ek
kanselleer oor my lewe, die leuen-boodskappe, dat ek nie my geliefdes kan vertrou om my te beskerm
nie. En dat ek myself teen hulle moet beskerm. Ek kanselleer en vernietig die leuens dat ek
hulpmiddels nodig het, om stande te bly, soos pille, alkohol of sigarette om my te kalmeer. My
Verlosser, Jesus Christus, kom genees my asseblief van enige skade in my siel en liggaam, wat ek hier
gekry het. In die Naam van Jesus, breek ek nou die swakheid van verslawing oor my lewe! (GEE TYD!)
Ons seën jou klein fetussie met jou, Hemelse Pappa Vader, se liefde en koestering. Ons verklaar in jou
gesie dat jy tot alles in staat is deur Christus wat jou krag gee. Fil 4:13.
Weke 21 tot 24 - Vader, laat U lig van Waarheid, skyn in hierdie tydperk van mamma se swangerskap
met my. Openbaar alle leuens wat ek geglo het, oordele of innerlike geloftes wat ek kon gemaak het.
Genees en bevry my asseblief daarvan, in die Naam van Jesus.
Daar was tye wat pappa en mamma baie baklei het. Hulle het in harde stemme geraas en rusie
gemaak. Partykeer kon ek voel hoe pappa vir mamma rond ruk of klap. Dit het my baie ontstel.
Wanneer mamma bang of gespanne was, het sy 'n chemiese stof afgeskei, wat my hartjie ekstra
vinnig laat klop het. Ek was saam met haar baie bang. Dan het ek woes binne-in mamma geskop en
angstige bewegings gemaak, sodat sy net weer van my bewus moes word. Ek het gedink dat ek die
rede vir hulle bakleiery was. Ek was baie bang, want ek kon die donker magte sien wat my wou
seermaak, as hulle so baklei het. Die donker goed het hier by my kom nesmaak. Ek was baie kwaad,
magteloos en beangs.
8

Ek vergewe vir pappa as hy gedurende hierdie 9 maande ontrou was aan mamma en by ander
vrouens geslaap het. Of as hy homself onsensitief seksueel op mamma afgedwing het. Ek breek in die
naam van Jesus, die belewenis van besoedeling en onreinheid. Ook waar dit my later, in my getroude
lewe 'n vrees of afsku kon gee aan die seksuele of ook laat neig tot ontrouheid. Ek breek die gevoel
van verwerping van mamma, wat na my toe oorgedra is, as gevolg van pappa se ontrouheid aan haar.
Indien pappa gedurende mamma se swangerskap met my, die huis verlaat het, het ek die boodskap
gekry, en leuen geglo dat dit my skuld is dat hy weggegaan het. Dit kon maak dat diep gevoelens van
skuld, woede en selfhaat in my kom sit het.
Ek vergewe vandag vir pappa en mamma vir elke konflik en rusie gedurende daardie tyd. Indien pappa
die huis verlaat het, kom vergewe ek hom ook daarvoor. Ek spreek hulle vry. Ek bely en breek nou in
die Naam van Jesus, die leuen-boodskappies dat: Ek die oorsaak of die rede vir die bakleiery of
weggaan was. Sowel as die oordele wat ek gemaak het, dat ek skuldig en verantwoordelik was. Heilige
Gees, kom genees nou die groot seer hier binne my. Maak my vry van al daardie negatiewe emosies.
(GEE TYD!)
Ons seën jou gees met die vrede en beskerming van jou, Hemelse Abba Vader. Onder Sy vleuels sal jy
skuil. Hy sal jou toemaak met Sy liefde.
Op Weke 25 tot 28 was ek groot genoeg dat as mamma nou geboorte aan my sou gee, ek met baie
spesiale sorg, sou kon oorlewe. Ek kon ook nou baie duideliker waarneem en onthou. Vader, ek bring
mamma se bekommernis oor finansies en armoede. Ek het daardeur die leuen-boodskappies gekry,
dat ek 'n las is. Hulle kry reeds swaar en nou moet hulle vir my ook sorg. Ek bely en breek in die Naam
van Jesus, die oordele wat ek gemaak het, dat daar nooit genoeg vir my sal wees nie. Dit het gemaak
dat ek later in my volwassenheid, alles in my vermoë sou doen om finansieel onafhanklik en welaf te
wees. Dit maak ook dat ek altyd meer en meer bymekaar wil maak. Ek is geneig om my sekuriteit in
finansiele welvaart te plaas en nie in U as my Voorsiener nie. Vader, maar dit kon aan die ander kant
ook maak dat ek 'n sukkellaars-mentaliteit ontwikkel het en ek self vandag in armoede vasgevang is.
Ek voel dat ander vir my moet sorg. Die wereld is dit aan my verskuldig om na my om te sien. Ek bely
dit, my Vader. Ek erken dat U my bron is en niks of niemand anders nie. U is die een wat my ryk
maak, en oorvloed gee, vir elke goeie werk wat U vir my het. Ek vergewe vir mamma vir haar
bekommernis oor finansies en die invloed wat dit op my gehad het. (GEE TYD!)
Ons seën jou kleintjie, jou Pappa Vader, weet wat jy nodig het. Hy is jou bron. Jy hoef nie te vrees nie.
Hy gee vir Sy geliefdes in hul slaap.
Weke 29 tot 32 - Dankie Heilige Gees, dat U in hierdie weke saam met my is. Openbaar en genees my
asseblief waar dit nodig is. As mamma met my swanger geword het nadat sy 'n miskraam gehad het,
of 'n ander kind aan die dood afgestaan het, kon ek die boodskappie gekry het dat ek 'n vervangstuk
vir daardie enetjie is. Ek sou dan moes opmaak vir haar verlies en nie net myself kon wees nie. Indien
ek een van 'n tweeling was, en my boetie of sussie binne mamma se baarmoeder dood is, sou ek reg
deur my lewe 'n gemis na hom/haar ervaar het. Depressie en doodsgedagtes kon my dikwels pla.
Indien mamma tydens haar swangerskap met my, 'n geliefde aan die dood afgestaan het, soos haar
ma, of iemand wat vir haar baie kosbaar was, dan vergewe ek nou vir mamma dat haar fokus
weggeskuif het van my af, na haar rou en smart. Ek het dit beleef as dat mamma nie meer daar is vir
my nie en en die leuen geglo dat ek vir myself sal moet sorg. Ek bely en breek in die Naam van Jesus
9

daardie oordeel oor my lewe wat ek gemaak het dat ek vir myself moet sorg om in my emosionele
behoeftes te voorsien. Dit het gemaak dat ek selfgesentreerd geraak het. My fokus was op my eie
behoeftes, in plaas van op díe van my geliefdes. Dit het gemaak dat ek manipuleer om te verkry wat
ek wil hê. Maar al kry ek dit, kan ek dit nie ten volle ervaar of geniet nie. Dankie Heilige Gees, dat U
daardie diep verlatentheid binne my gees kom genees en aanraak. U herstel maak dat ek van nou af
die liefde en emosionele warmte van my geliefdes af sal kan ervaar. (GEE TYD!)
Ons seën jou fetussie, die Here, jou God, is by jou. Hy is ‘n dapper held wat verlossing skenk. Jy is nie
alleen nie. Roep Hom aan en vra na Sy Heilige Gees. Kan jy voel dat die Heilige Gees hier by jou is? Jy
is ‘n geliefde kind, die appel van Sy oog.
Op Weke 33 tot 36 het mamma al erg ongemaklik begin raak met my wat so groot binne in haar groei.
Die spasie in haar, het vir my te klein geraak. Wanneer my bewegings haar seergemaak of geïrriteer
het, het ek die boodskappie gekry dat ek haar pla. Dit het my spotaniteit van beweging geinhibeer. Dit
het gemaak dat ek tot vandag toe nog sukkel met spontaniteit in Lof en Aanbidding, soos om my
hande op te hef, en in oorgawe te dans wanneer ek U, my God, loof en prys. Vader, in die Naam van
Jesus, kom breek ek nou daardie oordeel en leuen dat ek pla as ek spontaan beweeg. Ek breek ook die
neiging om passief te wees wat daarmee saamgaan.
Indien ek te vroeg gebore is bring ek die angstigheid, wat ek nou begin ervaar, na U toe. Dankie Jesus,
dat U my nou terughou in my mamma se baarmoeder, sodat ek vandag as 'n volterm baba, na 9
maande se swangerskap, gebore kan word. (GEE TYD!)
Ons kom seën jou, kleinstetjie met jou Pappa, Vader, se volmaakte tyd. Ons kom seën jou, dat jou
doen en late, na jou geboorte, altyd binne God, die Vader, se perfekte tyd sal wees. Sodat jy
geleenthede sal raaksien en in die regte seisoen sal doen, sodat jy die maksimum voorspoed kan
beleef.
Weke 37 tot 40 In hierdie laaste wekies het ek met my koppie na onder gedraai, om gereed te maak
vir my geboorte. (LAAT HULLE DRAAI – GEE TYD)
In die Naam van Jesus, bid ek genesing oor enige onaangename ervarings wat in die draaiproses kon
plaasvind, soos verstrengeling in die naelstring, pynlike drukking of vrees.
Indien Mamma uitermate bang was vir die bevalling, sou sy haar vrees na my toe oorgedra het. Ek sou
ook uitermate bang gewees het om gebore te word, veral indien ek baie negatiewe boodskappe gekry
het gedurende hierdie 9 maande. Ek sou eerder wou wegkruip as om die wrede wereld, wat ek buite
mamma verwag het, te moet binnegaan. Daarom vra ek U, Jesus, om my nou te help. Saam met U,
kies ek lewe en om weer gebore te word. Die keer is dit wonderlik anders, ek het die vaste wete dat U
my liefhet en my aanvaar net soos wat ek is. Dit is U, Jesus, wat aan die ander kant van die
geboortekanaal vir my wag. (GEE TYD!)
Genesing Gebed vir Seerkry tydens Geboorte
U sê in Joh 16:21 ‘n Vrou het droefheid wanneer sy baar, omdat haar uur gekom het; maar wanneer
die kindjie gebore is, dink sy nie meer aan haar benoudheid nie, om die blydskap dat ‘n mens in die
wêreld gebore is. My Vader, ek het as babatjie in my geboorte-uur ook benoudheid beleef:
10

My geboorte kon baie traumaties en pynlik gewees het, deur die geweldige drukking van mamma se
geboortepyne. Ek voel nog die drukking van die sametrekkings van mamma se baarmoeder. Dit het
eers ongereeld gebeur en was nogal 'n lekker gevoel. Maar toe het dit al hoe hewiger en meer intens
geraak. Ek is in die geboortekanaal af geforseer. Ek bring die pyn en die skrik van hierdie ervarings, na
U toe. Dankie dat U my nou genees van enige vrees wat ek hier opgedoen het.
Ek het geskrik toe mamma se water breek. (HELPER PLUK LAKENS VAN ‘DIE BABAS’ AF–GEE KANS)
Dankie Jesus, dat U met my is en U my nou genees van daardie skrik, sodat ek nie meer sal droom ek
val, of 'n vrees het dat ek sal val nie. U genees ook al my vrees vir hoogtes.
Dit het vir my gevoel of ek ure in die geboortekanaal vassit en nie kan uitkom nie. Die geweldige
drukking op my kop en lyfie was baie seer en ek was baie benoud. Dankie dat U my nou genees van
alle kloustrofobia, die vrees vir nou plekke.
Kom kleintjie kom beur saam met Heilige Gees deur die geboortekanaal, al was jy dalk 'n
keisergeboorte, vat Jesus jou vandag deur 'n normale geboorte. Hy herstel jou velkontak, seksualiteit
en vermoë om druk te kan hanteer volkome. (GEE TYD!)
Voel die nuwe vlaag drukking. Dit is nou die ergste op jou koppie. As jy met instrumente in die wereld
gebring is, het hulle jou baie seergemaak. Verlossingstange is om jou koppie geklamp. Jy is teen 'n
trekkrag van tot 20kg uit mamma se liggaam te trek. Dankie Jesus, dat U alle pyn en skade aan die
koppie, en die res van baba se lyfie genees, sowel as die skok en vrees van 'n instrumentverlossing.
Genees aseblief nou ook die vrees dokters en tandaarte, vir naalde en instrumente wat seermaak.
U neem ook my nou deur 'n normale beboorte.
Kom kleinding, beur saam met die drukking. Beur nog. Beur, beur vorentoe! Daarsy! Jou koppie is
deur. Dankie Jesus, U genees nou en hierdie kleintjie(s) van die skok van die helder ligte van die
teater, harde stemme en geluide. (GEE TYD!)
Jy is amper klaar gebore, kleintjie. Dit is nog net jou lyfie. Werk saam. Voel weer die sametrekkings.
Beur deur. Jy is gebore! Vader, in die Naam van Jesus, genees asseblief vir baba van enige vrees, angs
of verwerping wat ervaar is deur die koue temperatuur buite mamma, die vreemde mense wat aan
hom/haar druk en trek, die onderstebo in die lug hou, die raps op die boudjies. Die pynlike eerstekeer
se intrek van suurstof in die longetjies.
Herstel aseblief die skok waar baba van mamma weggeneem is, om gebad te word en in 'n vreemde
bababedjie tussen 'n klomp ander babas neergelê te word. Genees ook die isolasie van om in 'n
broeikas te wees of alleen onder die ligte te lê as gevolg van geelsug. (GEE TYD!)
My Vader, in die Naam van Jesus Christus, kom kanselleer ons die volgende leuen-boodskappies wat
moontlik gekry is. Ek bely en breek die oordele en innerlike geloftes wat gemaak is as gevolg van:
● ‘n Induksie, die ervaring om op onnatuurlike wyse in die geboorte situasie in gedwing te word.
Sowel as die negatiewe effek wat die indusiemiddels op my lyfie gehad het. Dit kon gemaak
het dat ek voel dat ek tot vandag toe nog in situasies geforseer word waarin ek nie wil wees
nie.
● ‘n Moeilike geboorte – Ek wou nie gebore word in hierdie vyandige wereld in nie. Veral as ek
11

verwerp gevoel het deur mamma en ervaar het dat sy my nie regtig wou hê nie. Ek was bang
en kruip vandag nog weg en stel take uit as dinge moeilik word.
● ‘n Koord om die nek – Ek was so bang, so vreeslik benoud. Ek het gedink dat ek sal doodgaan.
Dit het in my lewe bly manifesteer deur ‘n gesukkel met keel en sluk probleme en dat ek
maklik stik. Dankie dat U my nou daarvan genees. Ek breek in die naam van Jesus Christus die
aanslae van die vyand op my lewe om premature dood te veroorsaak.
● ‘n Brugbaba – Ek het verkeerd in mamma gedraai sodat ek met geboorte met my ruggie eerste
wou uitgekom. Dit het gelei tot vassit in die geboortekanaal. Daar was die erge pyn van die
geboorte self. Die dokter moes my tydens die geboorte draai om uit so 'n onnatuurlike
geboorte-posisie kom. Dit het my en mamma se lewe ingevaar gestel. Dankie Jesus, dat U my
van daardie truama genees. U herstel ook waar ek moontlik later gesukkel het met
leerprobleme
● Waar ek broeikas toe is, of nie dadelik na geboorte vir ten minste 30 minute op mamma se
bors neergele is nie, of alleen onder ligte moes lê a.g.v. geelsug – het ek beleef dat ek verlaat
en alleengelaat is. Ek kon daarom nie emosioneel met met mamma bind na my geboorte nie.
Ek het verwerp gevoel. Daarom het ek vir mamma verwerp. Dit was ‘n gesukkel met
borsvoeding. Ek wou nie aan haar drink nie, want ek het gedink dat sy my verwerp het.
Moontlik is daar vandag nog 'n emosionele skeiding tussen ons.
● Indien ek ‘n operasie of siekte kort na my geboorte gehad het – dan was daar die belewenis
dat ek seergemaak word. Daar is niemand wat vir my gaan help nie. Ek is magteloos om
myself te help. Ek kan vandag nog nie vir myself veg of deurdruk met 'n moeilike taak nie.
● Indien ek met die ‘helm’ gebore is, (dit is waar die vlies van die vrugwatersak by geboorte oor
my koppie was), breek ek die okkultiese konnektasie van ‘n waarsêers gees wat in my kan
funksioneer.
Vader in die Naam van Jesus Christus vergewe ek, as klein pasgebore babatjie, vir mamma vir enige
van hierdie situasies, veral waar ek nie direk na geboorte by haar kon wees nie. Ek vergewe ook die
dokter, verpleegsters en vroedvrou wat my seergemaak, verkeerd hanteer, of weggeneem het van my
mamma af. Ek vergewe vir pappa as hyt nie daar was nie toe ek gebore is nie. Ek het hom so gemis. Ek
spreek hulle almal vry. Vergewe my asseblief vir die leuen wat ek geglo het oor U Jesus, waar ek
gevoel het dat U nie by my was nie. Ek het verkeerdelik gedink dat U my ook verlaat het. Ek vergewe
myself vir elke verkeerde afleiding wat ek gemaak het, my reaksie daarop, en die negatiewe gevolge
wat dit vir my in my lewe veroorsaak het. (GEE TYD!)
In die Naam van Jesus Christus sny ons nou die naelstring af tussen jou (my) en mamma. Ons (Ek) sny
alle ongesonde beheer van mamma en pappa oor jou (my) af. Ons (Ek) seën jou (my) met die
begeerte, afhanklikheid van en behoort aan jou (my) Hemelse Vader. Daarmee saam sny ons (ek) elke
generasie vloek van jou (my) voorgeslagte aan beide pappa en mamma se kant af sodat dit geen
invloed op jou (my) of jou (my) nageslag sal hê nie. Ons (Ek) seën jou (my) met kindskap, guns, vrede
en liefde van jou (my) Hemelse Pappa Vader. Ons (Ek) bid vir jou (my) vir geopende gees oë en – ore
om Sy stem en wil vir jou (my) lewe te ken.
Heilige Gees, dankie dat U 'n volmaakte genesingswerk in hierdie babatjies doen. Ons kom spreek U
genesende, vrymakende Woord in, in die gees en sielsareas, sowel as die liggaampies van hierdie
babatjies, rondom die geboorte situasies – Luister met jou gees, kleinding. Ons seën jou met:
Psa 22:10, 11 Ja, U is dit wat my uit die moederskoot uitgetrek het, wat my veilig laat rus het aan my
12

moeder se bors. Aan U is ek oorgegee van die geboorte af; van die skoot van my moeder af is U my
God.
Psa 71:6 Op U het ek gesteun van die geboorte af, van die moederskoot af is U my Bevryder; oor U is
my lof altyddeur.
Jes 46:3 Luister na My,(sê die Here)... julle wat deur My gedra is van die moederskoot af, opgeneem is
van die geboorte af;
Jes 49:1 Die HERE het My geroep van die moederskoot af, van my geboorte af het Hy my naam
genoem.
Dankie Vader, vir U liefde vir my, waar ek dalk die situasie beleef het dat my ouers my nie wou hê nie,
het U, U oor my ontferm. Dankie dat U my genees van verwerping. U gee my die wil om te lewe, al het
ek gevoel soos Esegiel gekryf het in Eseg 16:4,5,6 En wat jou geboorte aangaan—die dag toe jy
gebore is, is jou nawelstring nie afgesny nie; en jy is nie met water gewas om jou te reinig nie; ook is jy
nie met sout ingevrywe of in doeke toegedraai nie. Geen oog het medelyde met jou gehad om vir jou
een van hierdie dinge te doen, om vir jou jammer te wees nie; maar jy is op die oop veld gegooi uit
afsku vir jou lewe, die dag toe jy gebore is. En Ek het by jou verbygegaan en jou sien spartel in jou
bloed; toe het Ek vir jou gesê in jou bloed: Leef! Ja, Ek het vir jou gesê in jou bloed: Leef! Waarlik U is
lief vir my.
U sorg vir my. My gees ontvang Psa 27:10 Want my vader en my moeder het my verlaat, maar die
HERE sal my aanneem. Jy behoort aan Hom. Ons seen jou met God se Gees van Aanneming, sodat jy
altyd kan weet dat jy aan Hom behoort. Jou bestaan is die resultaat van Sy beplanning. Hy is Lief vir
jou. Hy is tevrede met jou. Jy is Syne!
(LAAT GENOEG TYD TOE VIR GEBOORTE BEDIENING VOOR JY OOR GAAN NA BORSVOEDING)
Genesing van Ontneming van Borsvoeding
Vader, in die Naam van my Verlosser, Jesus Christus, vergewe ek vir mamma waar ek ontneem is, en
skade gely het, in die tyd wat sy my borsvoeding moes gegee het. Dit was vir my ‘n verlies indien sy
my nie vir tenminste 18 maande geborsvoed het nie, maar op 'n bottel gesit het. Ek het nie die
omstandighede verstaan nie. Ek het beleef dat ek ontneem word van binding met haar. Ek het nodig
gehad om teen haar bors te lê en so haar emosionele warmte, liefde, aanvaarding en versorging te
ervaar. Ek bring voor U my belewenis dat dit wat myne is, van my gesteel word. Dit het gemaak dat ek
bykans fananties geraak het oor wat myne is. Ek sal niemand toelaat om wat myne is, van my weg te
neem nie. Ek wil ook nie wat myne is met ander deel nie. Ek het later selfs my maatjies kwalik geneem
as hulle met iemand-anders as net met my wou speel.
Ek bely ook die oordeel wat ek gemaak het waar mamma se melk nie voedsaam genoeg was nie. Ek
het gevoel dat dit nie saak maak hoe hard ek werk nie, ek sal nooit tenvolle en in oorgawe kan
ontvang nie. Ek oes nog steeds die vrug van daardie oordeel wat ek gemaak het. Deurdat wanneer ek
geestelik bedien word, dit vir my voel asof ek steeds nie in oorgawe van U af kan ontvang nie.
Emosioneel sukkel ek om die liefde (soos van my huweliksmaat) te ervaar. Daarom kom breek ek nou
hierdie oordele in Jesus se Naam en beveel my gees, siel en liggaam om nie verder op daardie oordele
te reageer nie. (GEE TYD!)
Vader herstel asseblief ook my behoefte aan velkontak. Waar ek te min deur mamma en pappa
opgetel, mee gespeel, mooi woordjies mee gepraat, gedruk, gesoen, gewieg, vasgehou, gestreel en
geliefkoos is. Dit het 'n diep honger na fisiese aanraking, liefde en aanvaarding by my gelaat.
13

Dit het veroorsaak dat toe ek groot geword het, dat ek gesmag het na aanraking, aanvaarding en
liefkosings. Dit kon veroorsaak dat ek in fisiese verhoudings betrokke geraak en immoreel kon begin
lewe. Vergewe my asseblief daarvoor. Ek het bevrediging van my aanrakings-behoefte op verkeerde
plekke gaan soek. Was my skoon met die bloed van Jesus. Heilige Gees, kom vul asseblief daardie diep
behoefte aan aanraking hier binne my. Heilige Gees, kom vul my asseblief met alles wat ek in daardie
tyd gemis het. Dankie vir U genesing deur U Woord wat U nou in my gesie en siel inspreek. Ek ontvang
U seën!
Ons seën jou kleinding met:
Jes 66:11 sodat julle kan suig en versadig word aan die bors van haar vertroostinge; sodat julle kan
uitdrink en julle verlustig in die oorvloed van haar heerlikheid.
Psa 131:2 Waarlik, ek het my siel tot bedaring gebring en stilgemaak; soos ‘n gespeende kind by sy
moeder, soos ‘n gespeende kind is my siel in my.
1Pet 2:2 en verlang sterk soos pasgebore kindertjies na die onvervalste melk van die Woord, dat julle
daardeur kan opgroei. (GEE TYD!)
Bevryding
Jesus Christus, Seun van die lewende God. U het ons U outoriteit oor die magte van die duisternis
gegee. Hulle wou voordeel trek uit ons ongelukkige omstandighede vanaf konsepsie tot na ons
geboortes.
Volgens Matt 18:18 wat sê: “alles wat julle op die aarde bind, sal in die hemel gebonde wees” bind
ons nou hul bose werke in ons. In die Naam van Jesus Christus maak ons hulle magteloos en
kragteloos en beveel elke gees van die duisternis, wat gedurende hierdie lewenstyperk in enige
persoon hier teenwoordig, ingekom het, om uit hulle uit te gaan, onder Jesus Christus van Nasaret, se
voete in, en julle kom nooit weer terug nie:
● Gees van vrees gaan uit
● Gees van geweld
● Gees van verlatentheid
● Gees van verwerping
● Gees van depressie
● Gees van Skaamte
● Moordgees
● Hoer en Perverse gees
● Gees van wellus
● Gees van krankheid
● Gees van armoede
● Lesbiese en homoseksuele gees gaan uit
● Familiere geeste van my voorgeslagte gaan uit
● Elke ander ongenoemde gees, julle gaan ook uit! in die Naam van Jesus Christus, die Koning
van die Konings.
Dankie Heilige Gees dat U elkeen van ons vol maak met U liefde, verwelkoming, aanvaarding,
koestering. Deurdrenk ons en vul ons hele wese. Maak ons huisies vol met U Gees, sodat daar geen
plek vir enige ander gees kan wees nie. Dankie, ons Vader vir U goedheid. Amen
Vader baie, baie dankie vir al die skoonmaak, genesing en heling wat U vir ons bring. Dankie dat U
Heilige Gees ons van nouaf sal leer hoe om hierdie genesingspad van oorwinning in Jesus te stap.
14

Dankie dat nie een van ons meer vasgevang is in reaksies as gevolg van seerkry en gemis in hierdie
areas van ons lewens nie. Vernuwe asseblief ons denke met U Woord. Ons vra vir Goddelike wysheid
en insig, soos wat U Woord sê, dat ons van U mag afbid. Leer ons U weë en seën ons. In die Heilige
Naam van Jesus vra ons dit.
Amen
Moenie haastig wees nie asseblief. Die Heilige Gees wil elkeen van julle nog ‘n rukkie bedien. Ontvang
net wat Hy vir jou het. Laat Hy jou vol maak met alles wat jy nodig het.
15