santamfokus

Santamfokus
bring jou maandelikse
nuus oor Santam. Dié
nuusbrokkies hou jou
op hoogte van wat in
die maatskappy gebeur.
NUTTIGE NUUS
Oktober 2007
santamfokus
Santam is besig om die versekeringspeelveld
te verander en is oortuig voorsorg voorkom
nasorg. Hulle is daartoe verbind om kliënte
te help om hul risiko’s te bestuur en te
verminder wat eindelik u en u geliefdes se
lewens veiliger en aangenamer sal maak.
“Ons het die afgelope tyd risikobestuur onder
die vergrootglas geplaas en hoe meer ons
daarna kyk, hoe makliker word dit om die
oplossings raak te sien waarmee jy risiko’s kan
vermy en verminder,” sê Edward Gibbens,
uitvoerende hoof: Makelaarsdistribusie.
“Nou bied ons jou nóg ’n oplossing vir jou en
jou kliënte se risiko: ’n Baanbreker-brandblusser,
die nuwe Fire Extinguisher Ball. Die Fire Extinguisher
Ball kan oor ’n afstand na ’n vuur gerol word
en aktiveer outomaties wanneer dit in aanraking
met vlamme kom. Dié brandblusser benodig
geen instandhouding nie, weeg slegs 1.3 kg en
het ’n lewensduur van vyf jaar. Dit is die veiligste
en maklikste manier om ’n vuur te blus.
Onthou asseblief om die makelaarsbladsy op
Santam se internet te besoek vir meer inligting
oor hoe om ’n Fire Extinguisher Ball te wen
STALKER HUTCHISON EN
ADMIRAL SMELT SAAM
Ian Kirk, Santam se uitvoerende hoof, het die
jongste inligting verskaf oor die samesmeltingsonderhandelinge
tussen Stalker Hutchison
Rus verseker
santamfokus
bedryfsfokus
ekonomiefokus
mediafokus
santam e-fokus 1 oktober 2007
and Associates (SHA) en Admiral
Underwriting Group, twee van Santam
se onderskrywings-bestuurders, wat in
Junie 2007 ’n aanvang geneem het.
“Dit is met genoeë dat ons nou bekend
maak dat ons ná ’n deeglike ondersoek en
omvattende konsultasie tot die gevolgtrekking
gekom het dat die voorgestelde samesmelting
in belang van die aandeelhouers, ons kliënte,
makelaars en personeel sal wees. ’n Saamgesmelte
maatskappy sal nie net waarde vir
aandeelhouers nie maar, ook waarde vir ons
kliënte en makelaars toevoeg namate ons
die gesamentlike tegniese deskundigheid benut,
ons produkreeks uitbrei en ons verbind tot
ongeëwenaarde diensstandaarde aan die mark.”
SHA spesialiseer in breë aanspreeklikhede,
skadeloosstellingversekering vir beroepslui,
finansiële instellings, versekering teen
mediese wanpraktyke, persoonlike ongevalle,
vlootmotors, huishoudelike aanspreeklikheid
en passasiers-aanspreeklikheid. Die Admiral
Underwriting Group spesialiseer in
skadeloosstellingversekering vir beroepslui
en versekering teen mediese wanprayktyke
vir die tradisionele en opkomende beroepe,
asook breë aanspreeklikhede.
Volgens Kirk is hy bly om aan te kondig dat
Basil Palmer, tans hoof uitvoerende van Stalker
Hutchison and Associates, ingestem het om
die leiding te neem in die samesmeltingsproses
en die pos van uitvoerende hoof van die
nuwe maatskappy te aanvaar. Meer inligting

Hannes du Plessis
oor die naam van die nuwe maatskappy,
toekomstige strukture, verteenwoordiging in
die direksie en samestelling van die
uitvoerende bestuur sal binnekort
gekommunikeer word.
‘Dit is belangrik om minderheidsaandeelhouers
in so ’n samesmelting te
beskerm en vir hierdie doel het ons reeds
met die Admiral-minderheidsaandeelhouers
in verbinding getree. Ons is oortuig dat ons
binnekort ’n aanvaarbare oplossing sal vind.
“Tydens die samesmeltingsproses het ons
ons onvoorwaardelik daartoe verbind om
steeds die hoë standaarde van diens en
ondersteuning aan u, ons gewaardeerde
sakevennote, te lewer. Ons is uiters positief
oor hierdie samesmelting en sien uit daarna
om ons verhouding met u verder te versterk
deur die nuwe onderneming,” sê Kirk.
• Andrew Packman, uitvoernede hoof van
Admiral, het ná die aankondiging van die
samesmelting ‘n verklaring uitgereik dat hy aan
die einde van September aftree.
BOERE KRY MEER
ONDER EEN SAMBREEL
Rus verseker
santamfokus bedryfsfokus ekonomiefokus mediafokus
santam e-fokus 2 oktober 2007
Santam het sy posisie in die landbouversekeringsmark
versterk deur sy bestaande
bedrywighede saam te smelt met dié van
Agri-risikospesialiste (ARS) om ’n enkele
besigheidseenheid te vorm wat hom op
bate-sowel as oesversekering sal toespits.
Santam en ARS het ’n bestaande suksesvolle
verbintenis – Santam is die 100%-aandeelhouer
in ARS en onderskryf sedert 2001 sy
produkte.
“Dit maak Santam die onbetwiste leier in
die landbouversekeringsmark, met ongeveer
30% van die bateversekering-en meer as 70%
van die oesversekeringsmark,” sê Edward
Gibbens, Santam se uitvoerende hoof van
Makelaarsdistribusie.
“Santam het bykans 90 jaar se ervaring in
landbouversekering en, tesame met ARS
se kundigheid in die oesversekeringsektor,
kan ons nou omvattende risikobestuuroplossings
aan boere en tussengangers bied.
“Navorsing het getoon dat boere se
risikobestuurbehoeftes voortdurend
verander, en Santam het daarom sy strategie
oor landbou hersien om dit in ooreenstemming
met marktendense te bring. Ons
glo dat goeie sakegeleenthede in die
landboumark bestaan en wil beslis ons
betrokkenheid in dié sektor bevestig en
uitbrei,” sê Gibbens.
“Ons verseker ons sakevennote dat die
bestaande verhouding tussen ons geensins
deur die samesmelting geraak word nie.
Santam sal steeds innoverende produkte
verskaf wat deur voortreflike kliëntediens
gesteun word.”
Hannes du Plessis is as bemarkingsbestuurder
van die nuwebesigheidseenheid
aangestel om Santam se bestaande
verhoudings te ondersteun, toekomstige
terug na bo

Bedryfsfokus bring jou
op hoogte van kwessies wat
van aktuele belang vir die
korttermymversekeringsbedryf
is. Die inligting is bedryfsgerig,
saaklik en bied jou 'n breër
perspektief.
vennootskappe aan te gaan en geleenthede
te benut. Santam stel ook tans 'n
hoof vir dié besigheidseenheid aan.
Du Plessis het op 1 Oktober vanjaar by die
senior bestuurspan aangesluit en sal
verantwoordelik wees vir bemarking,
kommunikasie en verhoudingsbestuur.
“Hannes is ’n bekende figuur in dié bedryf.
In die jare wat hy sy kundigheid en ervaring
opgedoen het, het hy ook talle verbintenisse
opgebou. Sy aanstelling bevestig Santam se
vaste voorneme om sy leiersposisie in die
mark te verstewig en uit te brei,” sê Gibbens.
bedryfsfokus
‘OORDREWE REGULERING’
GROOTSTE GEVAAR VIR
VERSEKERINGSBEDRYF
Die Centre for the Study of Financial Innovation
(CSFI) het in samewerking met
PricewaterhouseCoopers LLP ’n “piesangskilopname”
gedoen om te bepaal wat die
finansiëledienstebedryf wêreldwyd as die
grootste gevare beskou. Die humoristiese titel
behoort nie afbreuk te doen aan die erns van
die bevindinge nie. Die webwerf Insurance
Gateway het kommentaar gelewer oor
sommige van die bevindinge wat hulle as
besonder toepaslik op Suid-Afrika beskou.
Meer as 100 respondente het aangedui dat
oordrewe regulering die bedryf in gevaar stel
deur maatskappye met koste te oorlaai,
bestuur se aandag af te lei, en in die pad van
mededinging en innovasie te staan. Dié
Rus verseker
santamfokus bedryfsfokus ekonomiefokus mediafokus
santam e-fokus 3 oktober 2007
bevinding hou verband met kommer oor
toenemende politieke inmenging, veral in
markte waar regerings versekeringsprodukte
en -pryse reguleer.
Die opname haal die uitvoerende hoof van
’n groot lewensversekeraar in die Verenigde
Koninkryk aan. Volgens hom “raak regulering
al meer opdringend, tydrowend en
voorskriftelik. Dit is ondanks die retoriek
oor beginsel-gebaseerde regulering. Meer as
80% van die respondente uit die
versekeringsbedryf was senior uitvoerende
beamptes of direkteure.
Finweek berig die opname wys daarop dat
oordrewe regulering ook in ’n opname onder
banke in 2006 bo-aan die lys was. Waarom
al hierdie regulatiewe inmenging? Is dit
onverdiend, of is die frustrasie in die raadsaal
die gevolg daarvan dat hulle nou aanspreeklik
gehou word vir die jare lange misbruik van
hul vertrouensposisie?
Enron en ander het wêreldwyd aandag
getrek, maar die besprekingsdokument wat
in 2005 deur die Nasionale Tesourie uitgereik
is, het talle plaaslike praktyke wat veel te
wense oorlaat, geïdentifiseer. Sommige
hiervan is in beperkte mate opgelos deur
die Verklaring van Voorneme, die boetes wat
betaal is vir versweë samevoeging van fondse,
die vervolging van diegene wat pensioenfondsreserwes
gestroop het, en ander
wanpraktyke wat tans in die nuus is, maar roer
dit die hoofoorsake aan?
’n Mening wat deur Trevor Manuel
uitgespreek en deur Charles Pillai, die FAISombudsman
beaam is, is dat ’n oudit en
hersiening van raadsaaletiek nodig is. Geen
wetgewing kan misdaad voorkom nie, en
maniere word dikwels gesoek om die
regsvereistes te omseil. Dit lei tot wantroue
onder die reguleerders en strenger
terug na bo

wetgewing. Dit word gou 'n bose kringloop
waarin die stryd gevoer word sonder gedagte
aan of bekommernis oor waarom daar in die
eerste plek ’n oorlog is.
’n Ander groot bekommernis vir die bedryf
is die hoër nakomingskoste en fel mededinging
wat ’n impak op wins het.
Volgens respondente poog versekeraars om
inkomste te handhaaf deur groter risiko te
aanvaar, pryse te sny en die bewoording van
versekeringskontrakte minder streng te maak.
Dit wek kommer oor die winsgewendheid van
die bedryf, en die gevaar dat versekeraars
blootgestel sal word aan versekeringsrisiko’s
wat dalk jare kan neem om verwerklik te word.
ekonomiefokus
Ekonomiefokus
gee jou ’n momentopname
van die Suid-Afrikaanse
ekonomie. Belangrike
ekonomiese, inflasieen
sake -aanwysers sal
jou help om die huidige
situasie in ons
land te verstaan.
MONETÊRE FONDS VERSUS
DIE OPTIMISTE
Die “kragmeting” tussen die optimiste en die
pessimiste is aan die gang, berig Finweek. Trevor
Manuel, Minister van Finansies, projekteer hoë
ekonomiese groei van 5,1% vir volgende jaar.
Die Internasionale Monetêre Fonds (IMF) stem
egter nie met hierdie siening saam nie, en
verwag ’n styging van slegs 4,5% in bruto
binnelandse produk in 2008.
Die IMF stem ook baie duidelik nie saam
dat Suid-Afrika in 2010 ekonomiese groei van
6% kan behaal nie. Hulle verwag dat
ekonomiese groei tussen 2007 en 2012
gemiddeld 4,76% sal wees. Daarenteen is die
regering oortuig dat 'n gemiddelde van 6%
Rus verseker
santamfokus bedryfsfokus ekonomiefokus mediafokus
van 2010 tot 2014 bereik sal word. Volgende
jaar gaan ’n baie belangrike jaar wees om te sien
of Suid-Afrika die stukrag kan opbou om teen 6%
per jaar te groei.
Dit is interessant om daarop te let dat daar
in die privaatsektor uiteenlopende sienings oor
toekomstige ekonomiese groei, veral volgende
jaar, is. Vir sommige is ’n styging van 5% tot
6% net te veel om te verwag.Vir ander is dit
’n uitgemaakte saak.
‘BEWAAR ONS’
santam e-fokus 4 oktober 2007
Namate rentekoerse wêreldwyd styg, leer
almal – van verskansingsfondsbestuurders tot
verbandslawe – dat wanneer rentekoerse styg,
swak finansiële beplanning en besluitneming
duidelik na vore kom. Merrill Lynch sê dat
wanneer leningstoestande in die wêreld se
grootste ekonomie verstram, slegte dinge
geneig is om te gebeur.
Alles van bankmislukkings tot aandelemarkineenstortings
en selfs die bars van die
tegnologieborrel dui klaarblyklik op die feit
dat hoër rentekoerse gewoonlik finansiële
ellende beteken.
Die jongste voorbeeld is die subprimaverbandkrisis
in die VSA. Toe rentekoerse
laag was, het fondsbestuurders wat hoër
opbrengste gesoek het, besluit om geld aan
mense met swak kredietrekords te leen. Sodra
rentekoerse begin styg het, het hierdie riskante
leners begin wanbetaal. Dit het massiewe
verliese tot gevolg gehad vir verskansingsfondse
en banke.
As hulle maar net na die historiese gevolge
van hoër leningskoste op die ekonomie gekyk
het, sou hulle baie finansiële ellende kon
vermy het.
terug na bo

NIE SO OPGEWEK NIE
Mense wat oorgewig is, is meer vatbaar vir
siektes en beserings by die werk en is in groot
mate verantwoordelik vir die geraamde
R12 miljard per jaar wat afwesigheid van die
werk die Suid-Afrikaanse ekonomie kos.
Volgens navorsing deur die John Hopkins
Bloomberg School of Public Health in die VSA
is daar 'n baie hoë korrelasie tussen mense
wat oorgewig is en beserings by die werk.
Statistiek vir die aluminiumbedryf in die VSA
toon dat ongeveer 85% van alle beserings by
die werk opgedoen word deur mense met 'n
liggaamsmassa-indeks (LMI) van 25 en hoër
EKONOMIESE BAROMETER
santam e-fokus 5 oktober 2007
(18,5 tot 24,9 is normaal). Dr Keshia Pollack,
wat aan die hoof van die ondersoek gestaan
het, sê die groep met ’n LIM van meer as 40
het die meeste beserings opgedoen, veral
hand-, vinger- en kniebeserings.
Professor Tessa van der Merwe, hoof van
die Suid-Afrikaanse Vereniging vir die Studie
van Vetsug, sê sterftes onder Suid-Afrikaanse
mans weens vetsug het sedert 1997 met 35%
toegeneem en met 18% in die geval van Suid-
Afrikaanse vrouens.
“Die Internasionale Vereniging vir Diabetes
voorspel dat die voorkoms van diabetes in
Suid-Afrika oor die volgende 10 tot 15 jaar
met 98% sal toeneem.”
BBP-groei teen markpryse 4,7% 5,0% (2006)
Petrol
(premiepompprys per liter, Gauteng) R7,16 (05/07/07) R6,12 (30/05/06)
Prima oortrekkingskoers (gemiddelde) 13% (05/07/07) 10,5% (30/05/06)
R/£ 14,09 (05/07/07) 12,27 (30/05/06)
R/$ 6,99 (05/07/07) 6,53 (30/05/06)
R/Euro 9,52(05/07/07) 8,40 (30/05/06)
INFLASIE-INDEKS
Rus verseker
santamfokus bedryfsfokus ekonomiefokus mediafokus
Mei 2007 Mei 2006
Inflasiekoers (VPI) 6,9% 3,9%
Voedselprysstyging 8,7% 6,9%
Behuisingsinflasie 9,8% 2,3%
SAKE-AANWYSERS
Vervaardiging (volume, vanjaar tot April)
(in vergelyking met ’n jaar gelede)
Styg met 5,6%
Totale voertuie verkoop (vanjaar tot Junie): 340 489 Daal met 0,6%
Trekkerverkope (vanjaar tot Mei): 2 249 Styg met 5,9%
Bouplanne goedgekeur (vanjaar tot April) Styg met 0,5%
Kleinhandelverkope (vanjaar tot April) Styg met 8,4%
Elektrisiteit verpruik (vanjaar tot April) Styg met 5,4%
Advertensiebesteding (vanjaar tot Februarie): R2,0 miljard Styg met 18,8%
Aantal likwidasies (vanjaar tot Mei): 1 118 Daal met 1,4%
terug na bo

Mediafokus
bied ’n opsomming
van die jongste
inligting wat
wêreldwyd
gepubliseer is.
mediafokus
BRING DIE SPRINGMIELIES
Suid-Afrika het uiteindelik sy eie DVD-huurwebwerf
soortgelyk aan die gewilde NetFlixdiens
in die VSA. Die webwerf, bekend as
PushPlay, bied sy kliënte 60 000 DVDs om
van te kies vir vaste maandelikse intekengeld.
Intekenare kan tot drie DVDs op ’n slag
huur en, soos in die geval van NetFix, is daar
geen vervaldatums of fooie vir laat
terugbesorging nie.
Drie huuropsies is beskikbaar: Die goedkoopste
(R90/maand) bied intekenare een
DVD op ’n keer; die duurste (R140/maand)
bied drie DVDs op ’n slag. PushPlay-webwerf
sé: “Wanneer jy 'n DVD terugbesorg, stuur
ons jou outomaties die volgende een
op jou lys. Dit beteken dat jy altyd ’n
roterende biblioteek van DVD’s by
die huis het.”
Om die duurste PushPlay-opsie die
moeite werd te maak, moet
intekenare ten minste ses DVDs per
maand uitneem. Vir fliekvlooie is die
prys spotgoedkoop.
AGTERSTALLIGE DIENSGELDE
= R26 MILJARD
Agterstallige gelde en onbetaalde diensrekeninge
van R26 miljard is aan Suid-Afrika
se ses metropoolrade gesamentlik verskuldig,
sê die department van plaaslike regering.
Rus verseker
santamfokus bedryfsfokus ekonomiefokus mediafokus
Ekurhuleni is bo-aan die lys met agterstallige
gelde van R8,6 miljard, gevolg deur
Johannesburg met R7,2 miljard. ’n Bedrag van
R4,2 miljard is aan Kaapstad verskuldig en R3,5
miljard aan Ethekwini.
SELFONE IN SYFERS
Vind graag selfoonstatistiek soos onlangs deur
selfoonverskaffers uitgereik is.
41,4 miljoen – Die aantal selfoonintekenare
in Suid-Afrika (bereken deur die getalle vir
Vodacom, MTN en Cell C bymekaar te tel).
24,6 miljoen – Intekenare van Vodacom Suid-
Afrika; ’n styging van 6,9% sedert 31 Maart.
13,4 miljoen – Intekenare van MTN Suid-Afrika;
’n styging van 7% sedert 31 Desember 2006.
14 miljoen – MTN-intekenare in Nigerië,
die groep se grootste mark; ’n styging van
14% sedert 31 Desember 2006.
3,4 miljoen – Cell C-intekenare aan die einde
van Junie; 27% meer as ’n jaar gelede.
48,2 miljoen – MTN-intekenare wêreldwyd
op 30 Junie; ’n styging van 90% van jaar tot
jaar (konsolideer Investcom-verkryging).
32,4 miljoen – Vodacom-intekenare wêreldwyd
op 30 Junie; ’n styging van 28,4% van jaar tot jaar.
R118/per maand – Vodacom se gemiddelde
inkomste per gebruiker.
R149/maand – MTN se gemiddelde inkomste
per gebruiker.
R152/maand – Cell C- se gemiddelde inkomste
per gebruiker.
Bronne: Die Burger, News24, SAIA, allAfrica.com, Business Day, Post Magazine, Sapa-AP, Sunday Times, Business Report,
Moneyweb.co.za, Automobile, Financial Mail, Cover, Autonews, SAIRR, Advantage, Insurance and Investment Times, Reader’s
Digest, Citizen, FANews, I-Net Bridge.
Kontak ons
Bel gerus vir Shireen Sedres, redakteur: e-fokus and Fokus by (021) 915 7120 of stuur 'n e-pos na fokus@santam.co.za
met enige navrae, kommentaar of voorstelle.
santam e-fokus 6 oktober 2007
terug na bo