PROSA SKRYFKOMPETISIE VIR NUWE SKRYWERS 2011 ... - ATKV

DOEL
1
PROSA SKRYFKOMPETISIE VIR NUWE SKRYWERS 2011
aangebied deur
ATKV-AKSIE & WOORDVREUGDE
Om met behulp van ‘n kompetisie die geleentheid te bied aan Beginnerskrywers in die skryf van
Prosa.
KATEGORIË
Kategorie 1
• Kortverhale, Essays & Sketse deur jongmense onder die ouderdom van 18 jaar.
Kategorie 2
• Kortverhale, Essays & Sketse deur volwassenes. (LW Dui asseblief op die inskryfvorm aan
of u ‘n Afrikaanse Moedertaalspreker of ‘n Nie-Afrikaanse Moedertaalspreker is.)
TEMAS
Kies een (1) uit die volgende vyf (5) as tema van u Prosa skryfstuk:
• Wraak
• Verbode Liefde
• Ontsnapping
• Riller
• Spekskiet
NB Onderwerpe wat polities, godsdienstig en geslag- of ras diskriminerend van aard is, moet met
baie goeie oorleg en sensitiwiteit hanteer word.
PRYSE
Pryse sal in tyd aangekondig word en sluit onder andere die bywoning van die 2012 Herfskool te
Potchefstroom, korrespondensie skryfkursus, skryfwerkswinkel en boekpryse in.
REËLS
1. Maak seker dat u presies weet wat van u verwag word omtrent die reëls van hierdie
kompetisie aangesien inskrywings gediskwalifiseer sal moet word sou die reëls van
hierdie kompetisie nie noukeurig nagekom word nie.
2. Alle deelnemers ouer as 19 jaar moet aan die volwasse katergorië deelneem.
3. Die inskrywing moet in AFRIKAANS wees. Alle taliges mag deelneem, maar
inskrywings moet in Afrikaans geskied.
4. Die lengte van die skryfstukke kan enige aantal woorde wees maar mag nie die
maksimum van 3 000 (Drie duisend) woorde oorskry nie
5. Die inskrywing moet die eie oorspronklike werk van die outeur wees en elke outeur mag
net een verhaal per tema instuur. STUUR TIEN (10) AFSKRIFTE VAN DIE VERHAAL
SAAM.
6. Elke inskrywing moet vergesel wees van ’n inskrywingsvorm en tjek ter waarde van
R80.00 (tagtig Rand), uitgemaak aan die ATKV Aksie & Woordvreugde.
Direkte of internet inbetalings kan gemaak word. Rekeningbesonderhede: Naam
van rekening: ATKV Aksie & Woordvreugde, Bank: Eerste Nasionale Bank, Takkode
251045, Tipe rekening: Besigheids tjekrekening, Rekeningnommer: 62239018858. ’n

2
Afskrif van die inbetaalstrokie of die internet inbetaling moet u inskrywing
vergesel. Ongelukkig kan geen posorders ontvang word nie.
7. ’n Gefrankeerde koevert, GROOT GENOEG VIR U MANUSKRIP, moet saam
gestuur word. Skryf asseblief u eie adres voor op en die titel van die verhaal met
potlood agter op. Maak seker die posgeld is genoeg en maak voorsiening vir
moontlike prysstygings in posgeld. Indien u meer as een verhaal inskryf, MOET u ’n
aparte koevert vir elke inskrywing insluit. U kommentaar en afskrifte word in hierdie
koevert(e) aan u teruggestuur. Die ATKV Aksie & Woordvreugde kan nie vir verlore
posstukke verantwoordelik gehou word nie.
8. Die skrywer se naam mag slegs op die inskrywingsvorm verskyn en nie op die tien (10)
afskrifte van die verhaal self nie. Onthou: Dit word anoniem aan die keurders
voorgelê.
9. Verhale moet in dubbelspasiëring en in ’n leesbare lettertipe van minstens 12 ptgrootte
getik word. ’n Eenvoudige lettertipe soos ‘arial’ of ‘times new roman’ word
aanbeveel. Geen handgeskrewe inskrywings word aanvaar nie. Verhale mag
ongelukkig ook nie elektronies voorgelê word nie.
10. Slegs persone wat voldoen aan die bepalings van ‘n Beginnerskrywer mag aan die
kompetisie deelneem. Iemand wat alreeds by ’n erkende uitgewer (Lapa, Human en
Rossouw, ens.) gepubliseer het, mag nie aan die kompetisie deelneem nie. Ook nie
gevestigde skrywers wat al bekend geraak het vir verhale in kommersiële tydskrifte nie.
11. Die sluitingsdatum vir inskrywings is Vrydag, 04 Maart 2011. Geen laat inskrywings sal
nie aanvaar word nie.
12. Pos inskrywings aan:
ATKV AKSIE & WOORDVREUGDE
Posbus 31291
Wonderboompoort
0033
Geen inskrywings mag direk aan enige van die organiseerders oorhandig word nie. Die
organiseerders kan ook nie verantwoordelik gehou word vir inskrywings wat verlore
raak nie.
13. Navrae:
Telefoniese navrae: Soekie Nel 084 208 5105 of Kleintjie van Zyl (012) 361 2314.
Navrae per faks: 086 691 3253.
14. Die inskrywings word aan onafhanklike beoordelaars voorgelê, nadat ’n paneel ’n
kortlys van die bestes saamgestel het. Elke beoordelaar het sy eie unieke manier van
beoordeel, maar u sal terugvoering ontvang. LW: U werk word anoniem aan die
beoordelaars en paneel voorgelê. Hy/sy gaan nie weet wie die skrywer is nie.
15. Die beoordelaars en/of organiseerders behou die reg voor om sommige of al die pryse
nie toe te ken nie, sou die standaard van die inskrywings dit nie regverdig nie.
16. Die tydperk vir beoordeling word bepaal deur die aantal inskrywings wat ontvang word.
Daar word gepoog om die finaliste skriftelik teen einde Junie/Julie 2011 in kennis te stel
en ‘n geselligheid waartydens die wenners aangekondig word gedurende
Julie/Augustus 2011 te hou.
ONS SIEN UIT NA U INSKRYWING(S).
GENIET U SKRYFWERK!