Februari 2013 - Doarpsnijs Exmorra

JO SILLE IT MAR BELEVE!
Briefkerij tusken Eksmoarre en Boalsert
Bêste Freerk,
Tsja, jonge, do hiest it oer de doarpsfisy. Mar ik meitsje my folle
mear soargen oar dy twatûzen wynmunen dy’t hjir oer in pear wike
neist myn hûs stean. Dêr haw jimme wer gjin idee fan fansels, wat
de doarpkes, om Boalsert hinne, boppe de holle hinget. Efkes foar
dyn idee, der komme aanst yn ús eftertún, te begjinnen by de nijbou
en dan rûn om Eksmoarre, ynklusif it sportfjild, in protte wynmunen.
En dat beheint sich net oant Eksmoarre. Ek Makkum, Arum,
Witmarsum en al it guod oan doarpen wat der tuskenyn sit hat der
mei te krijen. No haw ik op sich net sa’n probleem mei in wynmune.
Salang as it in protte jild opsmiet bin ik gek op alle nijerhande
ideeën. Mar no ik der wat langer oer neitink (ik kom altyd wat
lestich op gang), rize der by my dochs wat praktyske problemen.
Moast dy foarstelle, der passe maklik fjouwer wynmunen op it
keatsfjild. Da’s leuk foar de ynkomsten fan de KV.
In oandiel fan 25% yn de opbringst moat mooglik wêze. En gouden
klokjes op de earstfolgjende ledenpartij is fansels wer in leuke
feroaring yn it tige stabiele programma fan de KV. Mar hoe moat it
dan mei sa’n jonge as Gerard Brunia. Slaat dizze in bal boppe, mar
‘pok’ der stiet in wynmune yn it fjild. Dat wurdt yn stee fan in fette
boppeslach, in keats by de boppe. As bygelyks Fokke Hamstra in bal
út it perk slaat, Jan Steigenga op de goal stiet en dêrnei de bal
werom slaan wol it perk yn, mar ferrek, Jan moat earst noch om de
poat fan de wynmune om de bal op tiid te berikken.
Freerk, ik wit it wier net as dit no sa’n goed idee is, dy wynmunen. Ik
haw der ek efkes mei jeu-de-boules foarman Pier oer hân en ek dy
hat sa stadichoan yn de gaten dat it wol wat beswierlik is, sa’n