april – mei 2011 - t Havenpypke

Bêste minsken,
41
Mei ik, Jan Arendz, even jimme oandacht foar it folgjende:
Wy wurde as "bekinde Friezen" wolris benadere om dingen
te dwaan of ús namme earne oan te ferbinen en it is net
altyd ferstannich om dêr "JA" op te sizzen. Mar op de fraach
of ik "Ambassadeur fan Europa Kinderhulp" wurde woe,
ha ik daliks "Ja" sein. Europa Kinderhulp is in net subzydiearre
ynstelling mei sa'n 300 ûnbetelle krêften, dy't der foar
soarget dat kânsearme bern fan 5 oant 12 jier in ûnbesoarge
fâkansje krije yn Nederlân en fansels meinammen ek yn
Fryslân. De bern komme út ferskate lannen fan Europa en se
komme foaral út gesinnen, dy't it net maklik ha. Wat in
gastgesin dwaan moat is hast neat: se moatte gewoan gastgesin
wêze en der foar soargje dat sa'n bern in "waarmthúsgefoel"
hat foar in pear wiken en der wer in jier tsjinoan
kin. De gastgesinnen wurde hjiryn begelaat troch Europa
Kinderhulp. It giet om hast 3 wiken yn de simmerfakânsje.
Ik wit út eigen ûnderfining hoe prachtich it is om yn'e simmer
earne útfanhûs te wêzen yn sa'n prachtige provinsje as
Fryslân... Koartlyn wienen der yn "Spoorloos" noch bern te
sjen, dy't weromseagen op dy fantastyske tiid by in gastgesin...
De bern ferjitte it noait wer en der ûntsteane
freonskippen foar it libben...
Der is momenteel in tekoart oan gastgesinnen en de simmer
stiet alwer foar de doar. Foar mear ynformaasje kinne jimme
altyd sjen op www.europakinderhulp.nl
Foar Fryslân: Joke de Vries-Bakker tel.058-2573612
Friesland@europakinderhulp.nl
De reizen fan 2011 binne:
Bern út Frankryk CR 3 july - 22 july
Frankryk SPF 16 july - 5 augustus
Oldenburg 18 july - 5 augustus
België 18 july - 5 augustus
Schneeberg/Delitzsch 18 july - 5 augustus
Hannover 25 july - 12 augustus
Nederlân 25 july - 12 augustus