sakelys van die buitengewone vergadering van die sinode van die ...

Sakelys van die Buitengewone Sinode : 26-28 Julie 2005
11.3 Daar word ook ‘n gebedslokaal op die
Willows Vakansieoord ingerig waar plaaslike
voorbidders vir die vergadering-in-sitting sal bid.
12. SPREKERS
12.1 Die Ontwerpspan reël met enkele sprekers
van buite wat die werksaamhede van die vergadering
dien.
12.2 Daar is toestemming verleen aan mnr Mike
Burnard van Geopende Deure om afgevaardigdes
(op vrywillige basis) op 27 Julie tydens middagete
toe te spreek. Dit handel oor ‘n sendingkonsultasie
met internasionale sprekers, wat vir Port Elizabeth
beplan word.
13. PASTORALE SPREEKKAMER
13.1 Ds Jaco Putter is tydens die sinode beskikbaar
vir pastorale berading met enige van die
afgevaardigdes wat ‘n behoefte daarvoor het.
Moontlik is daar veral leraars wat hiervan gebruik
wil maak.
13.2 U is welkom om reeds vooraf met hom ‘n
afspraak te maak, of selfs tydens die sitting.
Skakel of SMS Jaco by 082 563 1616 of by
jacoputter@intekom.co.za.
14. JONGMENSE
14.1 Die Sinodale Kommissie het ook besluit dat
jongmense baie welkom is om die sinode by te
woon en in te skakel by die gesprek. Die enigste
twee reëlings is:
14.1.1 Gee asseblief die name teen 12 Julie aan
die skriba deur, en
14.1.2 Onthou dat die koste ook in hierdie geval
R950 per persoon beloop.
15. AANBEVELINGS IN VERSLAE
15.1 Voorstelle met finansiële implikasies word
voor behandeling vir advies na die Tydelike
Kommissie vir Fondse verwys.
15.2 Voorstelle met kerkordelike- en regsimplikasies
word voor behandeling vir advies na
die Tydelike Regskommissie verwys.
16. HANTERING VAN DIE NOTULE /
HANDELINGE
16.1 Die notule word deur die Notulekommissie
versorg en sal net na afloop van die vergadering
deur die Sinodale Kommissie goedgekeur word.
16.2 Na goedkeuring deur die SK word die notule
as deel van die Handelinge na gemeentes versend
vir die aandag van die afgevaardigdes.
3
17. DIREKTEUR ADMINISTRASIE
17.1 Die Direkteur Administrasie is adviserend in
die vergadering en by die Tydelike Kommissies
teenwoordig.
18. REISKOSTE EN DAGGELDE
18.1 Die koste van die sinode beloop R950 per
afgevaardigde en is deur kerkrade vir elke
afgevaardigde betaalbaar.
18.2 Eisvorms vir reiskoste word by registrasie
aan lede beskikbaar gestel en as deel van die
registrasieproses voltooi en ingedien. Weens die
kort duur van die vergadering sal geen eise wat
later as 14:00 op 26 Julie 2005 ontvang word,
verwerk kan word nie.
18.3 Die volgende reiskoste is betaalbaar: een
motor per gemeente vir elke vier afgevaardigdes,
na en van Port Elizabeth.
18.4 Afgevaardigdes van Port Elizabeth word ook
op ‘n vaste basis vergoed vir reiskoste.
18.5 In die lig van punt 9.4 word geen daggelde
uitbetaal nie.
19. AFKONDIGINGS
19.1 Die skriba en Notulekommissie keur en
hanteer alle afkondigings.
20. VERLOF VIR AFWESIGHEID
20.1 Aansoeke om afwesigheid word by die
skriba en Notulekommissie ingedien, wat dit
daagliks aan die vergadering voorlê, waarna dit in
die notule gepubliseer word.
21. GROEPLEIERS / LUISTERSPAN
21.1 Die afgevaardigdes is in groepe verdeel ten
einde maksimum deelname aan die besprekings
ter vergadering te bevorder.
21.2 Groepleiers is aangewys en ontvang
toerusting op Dinsdagoggend, 26 Julie, vanaf
11:00 - 13:00.
21.3 ‘n Luisterspan, wat insette van groepe
saamvat en aan die vergadering voorlê, word
saamgestel.
22. TYDELIKE KOMMISSIES
22.1 Die Tydelike Kommissies is deur die Ordekommissie
/ Ontwerpspan saamgestel uit die
afgevaardigdes (Bep 35.7). Aangesien hierdie ‘n
buitengewone sinodale vergadering is, is slegs dié
tydelike kommissies wat vir die doeleindes van die
vergadering nodig is, aangewys.
22.2 ‘n Sameroeper verantwoordelik vir die kon-