Unnesajs - Zicht op Maastricht

Aaid Mastreegs recep veur hieringe
Ingrediënte:
• 11 inlegk-hieringe (veerse hieringe)
• grof zaait
• 4 unne
• 3 citroene
• sap vaan nog ins 2 citroene
• 3 lawweleerblajer
• 10 peperkorrels
• 3 groffelsnegel
• fles azien
• water in abondantie
Reken op 5 daog preparatietied
Maak de hieringe zuver door hunne boek ope te snije in de lange weeg en alle ingewande d’r oet te
hole, kop devaanaof hakke, aofspeule mèt water, aofdeppe mèt keukepapier.
Lègk de hieringe in ‘nen ovesjotel (groete sjotel mèt opstaonde rand) met flink väöl grof zaait en
laot ’n nach inwerke.
Volgenden daag aofspeule. Unne sjèlle en in ringskes snije, drei citroene good aofbeurstele en in
sjieve snijde. Maak in ’nen ovesjotel iers e beujemke vaan de citroensjieve en de unne-ringskes,
get peperkorrels debij en e laureerblaad, daan um en um de hieringe in ’n ierste laog, weer citroen
en unne, laureerblaad en peperkes, en daan de twiede laog hieringe, aofdekke mèt citroene, unne,
laureerblaad, peperkes en de groffelsnegel.
Intösse e mingsel make vaan ’t sap vaan twie citroene, ‘ne beker water en ‘ne beker azien en dat
in de ovesjotel sjudde. Vervolges aonvölle met e mingsel vaan half azien en half water tot de
hieringe hielemaol oonder stoon.
Alles op ’n keule plaots veer (4) daog en veer (4) nachte laote maçeronnere. Geer kint de hieringe
zoe oet ’t zoer opete, mèr geer kint ze oug in de marinade werm make.
Variatie: spaonse peper aon de marinade tówvoge.
Unnesajs
‘ne have kilo roej unne in ringskes staove in gooj boter.
Twie maggiblokjes d’r bij en peper.
Azien en mosterd naor smaak d’r bij.

Reubensoep
Recept uit Maastricht
• 1 kilo aardappelen
• 1 kilo reuben
• peper en zout
• 2 bouillonblokken
• 2 à 3 takjes bonenkruid
• 2 takjes maggiplant
• 1 blaadje foelie
• 6 ons lamsvlees (schenkel, bout of
halskarbonades) of schapenvlees
(ribbetjes; eventueel het schapenvlees
bij de Turkse winkel halen; armeluis
variant: handjevol gesmolten
schapenvet er bij).
• 6 ons half-om-half-gehakt
• Kookroom
Een kilo aardappelen en 1 kilo reuben geschild
en in stukken 30 minuten koken in 2 liter water.
Peper en zout er bij, bouillonblokken, foelie en ‘t
bonenkruid.
Als de aardappelen gaar zijn de foelie en het
bonenkruid er uit halen en alles fijn stampen of
mixen (niet afgieten).
Gehaktballetjes van het gehakt maken, koken.
Lamsvlees in stukjes bij de soep doen.
Gehaktballetjes bij de soep doen en de soep
ongeveer een half uur nog laten sudderen.
Dan nog vijf minuten de maggiplant er bij en
een scheut kookroom na het opdienen in het
bord gieten.
Reub, koolrabi of knolraap is een knolsoort die
in oktober tot en met december te verkrijgen is.
De reuben zijn tot Kerstmis nog te gebruiken.
Omdat ze in mei worden geplant heten ze ook
wel meiknollen.
Reubesop
Recep oet de stad vaan de reubeslikkers
Öpke döpke reubesöpke,
öpke döpke knol.
• 1 kilo eerappele
• 1 kilo reube
• peper en zaait
• 2 bouillonblökskes
• 2 of 3 tekskes boenekroed
• 2 tekskes lavas
• 1 frutselke foelie
• 6 ons lamsvleis (sjinkelke, bout of
halscotelètsjes) of sjaopevleis (rubbe, es de
slachter ze neet heet, hole in d’n Turkse
winkel; erm luij dege vreuger in plaots vaan
sjaopevleis, e hemfelke sjaopevèt dat ze iers
in de kookepan hadde broen laote weure, d’r
bij).
• 6 ons haaf-um-haaf-um-gehak
• Kookrom
Eine kilo eerappele en eine kilo reube sjèlle en in
stökker 30 minuten koke in twie liter water. Peper en
zaait d’r bij, bouillonblökskes, foelie en ‘t
boenekroed.
Es de eerappele gaar zien foelie en boenekroed d’r
oet vèsse en alles fien make mèt de stamper of de
staafmixer. Neet aofgete.
Gehakbölkes make vaan ‘t gehak, koke tot ze gaar
zien.
’t Lamsvleis in stökskes bij de sop doen. De
gehakbölkes bij de sop doen en de sop nog
oongeveer ‘n haaf oor laote trekke.
Daan nog vief minute de lavas laote mèttrekke. En ‘n
sjeut kookrom d’r bij nao ’t opdene in d’n teleur.
Es ’t Kinneke is gebore
höbbe de reube hunne smaak verlore.
Servere mèt friet en beer
(es te-n-’t nog op krijgs)

Zoer vleis
• 1 kilo runderlepkes of hachee
• 1/4 kilo unne, groof gesnooje
• 2 tot 3 tasse azien
• 2 tot 3 tasse water
• 4 groffelsnegel
• 1 lawweleerblaad
• 1/2 eetlepel sjroep
• 2 sjijve peperkook
• 1 theelepelke sókker
• 10 peperbölkes
• 2 steke magrien
• get zaajt en get peper
Vrief 't vleis in mèt zaajt en peper en snij 't in stökker vaan oongeveer 3 bijj 3 centimeter.
Marineer 't minstens 24 oor in d'n azien gemink mèt 't water, 't zaajt, de peperbölkes, 't
lawweleerblaad en de groffelsnegel.
Smoor in 'ne braodketel de unne in boter goudgeel en lègk ze eve opzij. Hool 't vleis oet de
marinade, druug 't en bak 't in die zelfde boter broen.
Doeg de unne bijj 't vleis en zoeväöl marinade tot 't vleis zjus oonder steit.
Reur de sjroep dedoor, de fien gemaakde peperkook, de sókker en laot 't vleis op e lieg vurke
pruttele tot 't gaar is, d.w.z. tot 't bekans oeterein vèlt.
Op smaak aofmake mèt peper en zaajt.