SAAM IS ONS BETER - Sonstraal

Besoek gerus ons webblad: www.sonstraal.org.za
Een ding waaroor die Saam-is-onsbetter-Veldtog
’n mens kan laat
wonder, is: “Hoe en waar moet ek
my tyd en my geld gee?” Elke Sondag het
ons bewus geraak van nóg behoeftes – en
ons weet dat dit maar net die klein puntjie
van ’n enorme ysberg is. Die nood om ons
is so groot dat dit ’n mens moedeloos kan
maak. ’n Mens kan tog nie oral help nie!
Terselfdertyd word ons ook nie ryker nie.
Die resessie vreet ook aan óns beursies.
Daar is lidmate wat hulle werk verloor
het, ander wat sukkel om hulle verpligtinge
na te kom. Almal moet maar hulle sente
omdraai. Dit plaas ons as gemeente voor
’n dilemma: die nood is só groot dat ons
meer moet vra van ons mense – maar
die ekonomie is só swak dat ons voel ons
kán nie meer vra van ons mense nie! Wat
nou?
Hierdie vrae gaan eintlik nie om
’n geldprobleem nie, maar om ’n
geloofsprobleem; nie om wat ons as
gemeente van mekaar kan verwag nie,
maar om wat God van ons verwag. Ek
glo dat God vir sy gemeente sorg, en deur
sy gemeente vir ander mense sorg, en dat
ons Hom hierin moet vertrou. As elkeen
van ons ons hierin deur die Here laat lei,
sal Hy sorg dat ons kan doen wat ons
moet doen.
Kom ons maak ons bydraes opnuut
’n gebedsaak! Daarom wil ek ’n paar
eenvoudige riglyne uit die Skrif gee aan
die hand waarvan ons na God kan luister
terwyl ons hieroor bid:
SAAM IS
ONS BETER
O M T E G E E . . .
O F N I E T E G E E N I E
• Fokus op God se vrygewigheid: “God
is by magte om aan julle alles in oorvloed
te skenk...” (2 Korintiërs 9:8). Begin jou
gebed deur God te dank vir alles wat
Hy jou gegee het – en veral omdat Hy
Homself in liefde vir jou gee. Hoe meer
ons bewus raak van wat God gee, hoe
meer besef ons ook hoe goed dit is om
te gee.
• Vertrou God om in die toekoms vir
jou te sorg: “God wat saad verskaf om
te saai en brood om te eet, sal ook aan
julle saad gee en dit laat groei en julle
vrygewigheid ’n ryk oes laat oplewer” (2
Korintiërs 9:10). Elke keer as ek my hart
en my hand oopmaak om te gee, getuig
ek dat ek God vertrou om vir my te sorg
– maar as die Here my lei om te gee en ek
weier, is dit eintlik ’n mosie van wantroue
in Hom.
• Weet dat God nooit van jou vra wat
jy nie het nie: “As die goeie wil daar is en
iemand gee volgens wat hy het, neem God
die gawe aan. Hy verwag nie van hom
wat hy nie het nie” (2 Korintiërs 8:12).
Moenie gee uit negatiewe oorwegings
– omdat jy skuldig voel of omdat iemand
op jou gevoel speel nie. Gee altyd uit die
positiewe oortuiging dat God jou lei om
dit wat jy het, met ander te deel.
• Weet dat God vreugde vind daarin
dat jy gee soos Hy gee: “God het die
blymoedige gewer lief” (2 Korintiërs 9:7).
Suinigheid of gierigheid is teen God se
aard – maar vrygewigheid beteken dat jou
hart in harmonie met God se hart is.
Junie 2009
Andries Cilliers
• Onthou dat jou vrygewigheid ander
mense kan bly maak oor God: “...julle
vrygewigheid (het) tot gevolg dat God
gedank word” (2 Korintiërs 9:11). Maak
vir jou ’n prentjie: sal dit nie wonderlik
wees as jou tyd, jou geld, jou goed iewers
’n mens se hart so bly maak dat daardie
mens God loof en prys nie?
• Gee jouself volkome oor aan die Here
en gee dan wat die Here van jou vra: “...
eers het hulle hulleself aan die Here gegee
en toe aan ons. Dit is soos God dit wil”
(2 Korintiërs 8:5).
As elkeen van ons net hierdie gesindheid
bid en God se leiding soek, is ek oortuig
daarvan dat ons genoeg sal hê om die
werk te doen wat die Here op ons
gemeente se hart lê...

Grepe uit
• Ja dit was ’n tyd van terugkeer na die kernbegrippe van dit wat
saak maak in die lewe: geduld en liefde. Daar is so baie goed wat ons
weet ons moet doen, maar vergeet ons dit dan gerieflikheidshalwe.
Jolindi Klopper
• Voor elke Pinksterdiens is die bymekaar kom in die voorportaal,
die bymekaar sit en saam aanbid hartsverwarmend. Ons hoort
bymekaar. Cedric Gilmour
• Die videolesse was ‘n inspirasie!! Om deurlopend vir die res van
ons lewens uit te reik sal nie so maklik wees nie. Daarom moet ons
mekaar opdra aan Jesus. Hy wil hê dat ons moet volhard.
• Ons wil graag help om om nuwe intrekkers te verwelkom sodat
hulle nie soos vreemdelinge in ons midde is nie. Fritz Wolfaardt
• Geseënde tye is beleef. Ons leer meer bymekaar en van God.
Om Hom in vrede en harmonie te dien is ‘n vreugde. Ludick Janse van
Rensburg.
m is ons beter
aam is ons beter
saam is ons
saam is ons
• Ons uitreikprojek is Ruyterwacht. Ons gee blikkies vir die
kosmaakgreop – elke week! Robert van Wyk
• In hierdie dae het ons opnuut besef dat die kruis-evangelie nie
net bestaan uit ’n vertikale as (ons verhouding met die Here) nie,
maar ook uit ’n horisontale as (ons saamwees met ons naaste). Eers
wanneer beide in plek is, is daar sprake van ’n KRUIS. Rolien Botha
• Die straat-ete was ’n hoogtepunt en Bottelary was ’n ervaring wat
ons weer met ootmoed en dankbaarheid laat kyk na die behoeftes
van die mense reg op ons voorstoep. Ons vertel ons bure van
Sonstraal se uitreikaksies. Die mense het dit baie geniet en tot laat
gekuier en ons sal beslis in toekoms weer so iets
doen. Rossouw en Kinnie Conradie
• Ons het medelye met mekaar begin kry
omdat mense in ons groepie ook swaarkry soos
egskeiding, dood en siekte beleef. Ons kon mekaar
help om elkeen sy eie situasie beter te verstaan en
respekteer mekaar. Wilma van Schalkwyk
• “Ek is aangespoor om na ander uit te reik en
hulle te ondersteun en het die versekering gekry
dat die Here my sal help.” Amandelstraat se oggend
damesgroep
• Ek het opnuut besef hoe kragtig die werking van
die Heilige Gees is. Wonderwerke en genesing is
DV moontlik. Rehette Acker
• Ons bid en vertrou dat die Here ons projekte
sal seën, ons gawes en talente is in Sy diens. Suzanne
Schoeman
• Ons het veral die voorbiddingsessies as
versterkend ervaar. Om te bid vir ander vat die
fokus weg van jouself. Cornie Groenewald
Kleingroep-terugvoer
2
’n Preekstoel vir Zithulele in wording...
Verskeie kleingroepe het deelgeneem aan die Sondagoggenduitreike
aan die Bottelary-gemeenskap.
Lofdal-veiligheidshuis in Kraaifontein vir kinders sonder heenkome tussen die
ouderdom van ±8 maande en 16 jaar (word ook deur Badisa-Trio, Kraaifontein
ondersteun) is een van ons kleingroepe se uitreik-projekte.

ONS KOMBERSE
GAAN WYD
Tydens die Veldtog het ons komberse ingesamel en dit wyd uitgedeel. Ons eie
werkers by die kerk is gehelp met 2 komberse elk, omdat liefde immers tuis
moet begin! Verder het ons vir Shiloh Kinderhuis en Badisa Scottsdene gegee.
’n Groep mense wat by die arm gemeenskap van Ruyterwacht betrokke is, het
self ’n klomp komberse daar gaan uitdeel. Die grootste deel van die komberse
tot dusver is gegee vir Straatwerk in Kaapstad en dan veral vir Bellville Care
Mission, wat self met ’n groot kombersinsamelingsprojek besig is. Ons gaan nog
by Bottelary ook komberse gee. Dink net hoeveel mense ’n bietjie warmer kan
slaap in hierdie koue seisoen! Ons sal nooit genoeg hê om almal te help nie. As
jy dus nog nie ’n kombers gegee het nie, kan jy dit gerus nog bring.
M et U
(niks minder as dít)
sit ek in my hand
: ’n winddroë brokstukkie brood
(’n bietjie verleë oor dié goddelike verband)
Wat moet ek met U maak?
Dienaars deel U verder bloederig uit
storterig van hand tot hand…
Versigtig nou –
Dis immers Lewensbloed wat dié gemeentetjie
se sonstraalwortels moet voed…
Die ordeteken kom. Ons eet:
gebreekte lyfbrood word gemeenskaplik gemaal,
gestorte bloed sinnelik gesluk
taaierig, soet…
Kyk nou
wat het U met mý gemaak:
volkome gevoed.
3
Mientjie le Roux
Omgee hou nie op wanneer ons
veldtog ophou nie! Ons hoop
dat elke kleingroep opgewonde
geraak het oor die gedagte om vir ander
te sorg omdat die Here so wonderlik vir
ons gesorg het. Volgende kwartaal gaan
ons weer Sorgweek hou met die tema ’n
Tyd om te sorg.
Ons gaan nie hierdie keer ’n Saterdagfunksie
hou soos verlede jaar nie, maar
eerder by drie geleenthede, in drie groepe
saamkuier:
•
•
•
SORGWEEK
IS OP PAD
Op 27 Augustus, die Donderdagaand,
kom Retha McPherson met die
vrouens praat.
Op Saterdag, 29 Augustus, hou ons
’n lekker manne-ontbyt met Mosaïek
se nuwe dominee, André Agenbag, as
spreker.
Wilma Snyman van Sewende Laanfaam
kom op Woensdag, 2 September
met ons senior lidmate en ander
belangstellendes praat.
Op dié manier wil ons graag vir mekaar
sorg! Ons het reeds ’n borg vir die manneontbyt
gekry. As daar mense is wat ons
wil help om vir veral die seniorfunksie te
borg, sal ons baie bly wees, omdat ons dit
graag ’n spesiale geleentheid vir hulle wil
maak.
Sorg vir Ander
By die eredienste van 30 Augustus gaan
ons weer met predikers van buite fokus
op sorg vir ander. Verder gaan ons ’n
trollieprojek loods om nie-bederfbare goed
soos blikkieskos en skoonmaakmiddels in
te samel. Daar sal elke week trollies by die
onderskeie eredienspunte staan – en ons
wil kyk hoeveel trollies ons gaan volmaak
om te sorg vir mense wat swaarkry.
Bid dat die Here ons hierdie jaar opnuut
vrygewige harte sal gee!

WAT SAL EK ANDERS DOEN…
N
oudat ek nogmaals gekonfronteer is met die belangrike
uitdagings wat 40 Dae “Saam is ons Beter” aan my gestel
het, beoog ek om:
Beter na mense te luister, veral na dié wat van my verskil, om
groter begrip te verkry vir dit wat vir hulle belangrik is. Uit
aanvaarding vir mekaar groei ons in geloof. Ons verhoudings
gaan net verdiep as ons goed na mekaar luister.
Ek wil meer konsentreer op my dade… op waar ek prakties
betrokke raak. Die versoeking om net te hoor, of net te praat, is
baie verleidelik. Dit is wanneer ons konkreet betrokke raak, op
langtermyn, dat ons begin lééf wat ons gehoor en gepraat het.
Alhoewel daar in die gemeente belangrike skuiwe (van hoor en
sê na DOEN) gekom het, bly gebed steeds die aspoestertjie van
PUZZLE
In die 40 Dae het ons jongmense kon ons ’n paar legkaartstukkies pas in die PUZZLE wat ons die lewe
noem. Wat ’n geleentheid was dit nie om werklik nader aan mekaar te groei en ons geloof prakties uit
te leef nie!
Naas ’n geseënde naweek, het ons ook ’n aantal uitreikprojekte
beplan wat daarop gemik was om al die lede van elke
kategesegroep te betrek om hulle bloot te stel aan juis dié
gemeenskappe na wie hulle sou uitreik.
Van die groepe het gekies om saam met Sonstraal se Bottelaryaksie,
deel te neem aan die Sondagoggendbediening. Ander groepe
het gekies om vir die 13 kleuterskole in Fisantekraal 400 miniswartborde
(leie of “slates”) te maak sodat die kinders daarop kan
leer skryf! ’n Ander groep het weer gekies om vir die ou mense van
die JR-Bejaardesorg in Fisantekraal spesiale T-hemde te skenk en by
hulle te gaan kuier.
Dit wil lyk asof hierdie tyd regtig ’n “hands-on” tyd was waarin ons
kon leer om vir mekaar om te gee en ’n idee te kry van wat dit
prakties beteken om ’n gelowige te wees! Dit alles, natuurlik onder
leiding van ’n wonderlike span kategete!
Die Here gebruik waarlik ook jongmense om Sy werk te doen!
NA 40 DAE? Cassie Wait
die bediening. Wil ons regtig alles self probeer doen? Hang alles
net van ons af? Aikona! Ek wil méér bid! Ek wil in afwagting bid!
ALLES is anders as ek bid.
Maak dissipels! Dit is ons almal se taak. Noem dit
leierskapontwikkeling. Noem dit die identifisering van individue
aan wie ons meer aandag gee. Hoofsaak is: die Here roep ons
om groepies rondom ons te vergader met wie ons die lewe deel.
Waar dít gebeur, kom daar nuwe energie.
Ek is aangespoor deur so baie mense wat in hierdie tyd gevas en
gebid het, saam vergader het om te gesels, saam na vore gekom
het om betrokke te raak by aksies.
Dit was vir my goed…’n tyd van groei en besinning oor die
dáádkrag waartoe God ons Vader ons in staat stel.
40 Dae vir Jongmense!
Johann Schutte