Hoe hernu ek my vuurwapenlisensie? U verjaardag bepaal ... - Saps

Hoe hernu ek my vuurwapenlisensie?
U verjaardag bepaal wanneer u u vuurwapenlisensie moet hernu:
Verjaardag
Hernuwingstydperk
1 Januarie tot 31 Maart
1 Januarie 2005 tot
31 Maart 2006
Verjaardag
Hernuwingstydperk
1 April tot 30 Junie
1 Januarie 2006 tot
31 Maart 2007
Verjaardag
Hernuwingstydperk
1 Julie tot 30 September
1 Januarie 2007 tot
31 Maart 2008
Verjaardag
Hernuwingstydperk
1 Oktober tot 31 Desember
1 Januarie 2008 tot
31 Maart 2008
Stap 1
U moet eers die voorgeskrewe toets oor u kennis van die Wet by ’n
geakkrediteerde opleidingsin-stansie suksesvol afl. Tree in ver-binding met u
Aangewese Vuur-wapenbeampte of die Suid-Afri-kaanse Polisiediens se
Nasionale Vuurwapeninbelsentrum vir meer besonderhede van u naaste
opleidingsinstansie. U kan ook die SAPD se webtuiste besoek om meer inligting te
bekom.
Stap 2
Wanneer u die Aangewese Vuurwapenbeampte by die polisiestasie naaste aan u
woning, besoek, moet u die volgende dokumente saamneem: u oorspronklike amptelike
Identiteitsdokument, permit of goedkeuring vir die vuurwapenlisensie(s) wat u wil hernu;
die oorspronklike opleidingsertifikaat; en vier duidelike kleurfoto’s (paspoortgrootte)

waarvan twee foto’s vir die bevoegdheidsertifikaat gebruik sal word en twee vir elke
vuurwapen waarvan die lisensie hernu moet word. U mag ook u oorspronklike
bevoegdheidsertifikaat saamneem as dit reeds uitgereik is.
Stap 3
Wanneer u u opleidingsertifikaat ontvang, moet u insgelyks om die
hernuwing van u bestaande lisensie(s) aansoek doen. U moet die
tersaaklike afdelings van
(1) die SAPD 517-vorm (Aansoek om ’n bevoegdheidsertifikaat) en (2)
SAPD 517(e)-vorm (Aansoek om die hernuwing van ’n lisensie ingevolge
die vorige Wet) invul.
Stap 4
Die Aangewese Vuurwapenbeampte sal ’n volledige stel vingerafdrukke neem
wat op die Aansoek om ’n Bevoegdheidsertifikaat-vorm aan-gebring sal word.
Stap 5
U moet R70,00 vir elke vuurwapen-lisensie wat u wil hernu, betaal en R70,00 vir die
bevoegdheid-sertifikaat. Betaling is slegs kontant of per bankgewaarborgde tjek. U
moet die kwitansie aan die Aangewese Vuurwapenbeampte voorl voordat hy u
aansoek verder kan prosesseer.
Stap 6
U ontvang ’n ondertekende ontvangserkenning (SAPD 523) wat as bewys sal
dien dat u aansoek gedoen het om u vuurwapen-lisensie(s) te hernu.
Stap 7
Die Aangewese Vuurwapenbeampte sal dan ’n agtergrondevaluasie doen om te
bepaal of u ’n geskikte en gepaste persoon is om ’n vuur-wapen te besit. U mag nie
deel wees van hierdie evaluasie nie.
Stap 8

Die Aangewese Vuurwapenbeampte sal dan u woning besoek om u perseel en kluis
te inspekteer. U kluis moet aan SABS-standaarde voldoen. Maak seker dat u kluis
wel ’n SABS-merk het. U kan ook vra dat die persoon wat die kluis aan u verkoop,
aan u ’n Voldoeningsertifikaat verskaf. As die bestaande kluis voldoen aan die
vereistes van die Regulasies op Wapens en Ammunisie, 1994, word dit aanvaarbaar
geag.
Stap 9
Sodra u aansoek(e) suksesvol oorweeg is, sal die Aangewese Vuurwapenbeampe
persoonlik met u in verbinding tree en u in kennis stel dat u u
bevoegdheidsertifikaat (indien dit nie reeds uitgereik is nie) en u
vuurwapenlisensie(s) moet kom afhaal.
As u aansoek om 'n bevoegdheidsertifikaat geweier word, sal 'n weieringsbrief met
redes na u posadres versend word. U kan teen die weiering appelleer by die Voorsitter
van die Appelraad, Privaat Sak X811, Pretoria, 0001.
VUURWAPENS WAT U NIE MEER WIL HE NIE
1. ’n Persoon wat nie meer daarin belangstel om ’n gelisensieerde
vuurwapen(s) te besit nie, kan op die volgende wyse oor die vuurwapen(s)
beskik:
- Verkoop die vuurwapen(s) aan ’n gelisensieerde vuurwapenhandelaar
- Verkoop die vuurwapen(s) aan ’n ander persoon wat suksesvol aansoek
gedoen het om ’n lisensie(s) om sodanige vuurwapen(s) te besit
- Laat deaktiveer die vuurwapen(s) deur ‘n geregistreerde wapensmid nadat
toestemming van die Suid-Afrikaanse Polisiediens verkry is.
- Oorhandig die vuurwapen(s) aan die Suid-Afrikaanse Polisiediens sodat dit
vernietig kan word.
2. U moet die volgende proses volg wanneer u u vuurwapen(s) vrywilliglik by
die Suid-Afrikaanse Polisiediens wil indien:

U moet die vuurwapen(s) en/of ammunisie, sowel as die volgende
dokumente met u saamneem na die Aangewese Vuurwapenbeampte:
- U amptelike Identiteitsdokument
- U wetlike magtiging om die vuurwapen te besit, bv. u vuurwapenlisensie,
permit, ens.
- ’n Brief wat bevestig dat u as eksekuteur aangestel is, as die vuurwapen
namens die persoon wat die vuurwapen geërf het, ingehandig word.
U sal versoek word om die betrokke afdeling(s) van die SAPD 522 (a)-vorm in te
vul (Indien van ’n vuurwapenitem(s).
Die Aangewese Vuurwapenbeampte of Aangewese Lid by die polisiestasie sal
die vuurwapen(s) en/of ammunisie in besit neem.
3. Indien u vuurwapenlisensie(s) steeds in u Identiteitsdokument vervat is, sal die
lisensie gekanselleer word.
4. U sal dan ’n ondertekende ontvangserkenningsvorm (SAPD 523) ontvang wat
as bewys sal dien dat u die vuurwapen(s) en/of ammunisie ingedien het.
5. Die vuurwapen(s) en/of ammunisie sal vernietig word. Let asseblief dat u,
nadat u u vuurwapen(s) by die Suid-Afrikaanse Polisiediens ingedien het, u
nie weer op die betrokke vuurwapen(s) mag aanspraak maak nie. Hierdie
diens is gratis.
! Dink voordat u ’n vuurwapen gebruik.
! Wees ’n verantwoordelike vuurwapeneienaar.
! Meld onwettige vuurwapens aan.
! Dra by tot ’n veiliger Suid-Afrika.
MEER INLIGTING
Die Suid-Afrikaanse Polisiediens se Nasionale Vuurwapeninbelsentrum:

Tel: 012 353 6111
Faks: 012 353 6036
Die SAPD se webtuiste: www.saps.gov.za
NUTTIGE NOMMERS
SAPD Stop Misdaad: 08600 10111
Die SAPD se noodnommer: 10111
Uitgereik deur:
Die Suid-Afrikaanse Polisiediens se Kommunikasie- en Skakeldienste en die
SAPD-vuurwapenbeheerregister
Privaat Sak X94
PRETORIA
0001
Afrikaans