KOMMUNIKEER LIEFDE - Kanaan Ministries

2
GEESTELIKE DEKKING
Hierdie is ‘n produk deur Kanaän Bedieninge, ‘n niewinsgewende
bediening onder die dekking van:
• El Shaddai Christelike Kerk, Durbanville
Pastoor Ken Turner
• Lighuis Christelike Sentrum, Parow
Pastore Waltie & Colleen Snyman
• Hatfield Gemeente, Vaaldriehoek
Pastoor Edward Gibbens
• Intercessors International
Noël Bell, Australië
Daar is geen kopiereg op hierdie materiaal nie. Geen
gedeelte van hierdie materiaal mag egter gereproduseer
en/of aangebied word vir persoonlike gewin nie. Alle
regte van hierdie materiaal word voorbehou om die
Koninkryk van Jesus Christus ALLEENLIK te bevorder.
Vir verdere inligting of die plaas van ‘n bestelling,
kontak ons asb. by:
Posbus 15253 John Vorsterrylaan 27
Panorama Platteklo of Uitbr. 1
7506 Parow 7500
Kaapstad
Kaapstad
Suid-Afrika
Suid-Afrika
Tel.: (+27) (021) 930 7577
Faks: (+27) (021) 930 7070
E-mail: kanaan@iafrica.com

3
4
INHOUD
Liefde is die kenteken van
‘n Christen 4
1. Dien mekaar 16
2. Bemoedig mekaar 18
3. Gee jou tyd 20
4. Raak aan en wees naby
genoeg om aangeraak te
word 24
5. Om te gee 26
Gevolgtrekking 33
In Afrikaans vertaal deur Nelmari de Kock.
Spreuke 10:12 Haat verwek twiste, maar
liefde bedek al die oortredinge.
LIEFDE IS DIE KENTEKEN VAN
‘N CHRISTEN
Dit is werklik so dat liefde ‘n menigte
oortredinge kan bedek.
Neem byvoorbeeld ‘n kind wat op
heterdaad betrap word met ‘n
oortreding ~ die ouer se liefde vir
daardie kind verdoem hom mos nie vir
ewig nie! Ja, hy mag dalk ‘n goeie pak
slae of ‘n skrobbering kry, maar aan die
einde wen die liefde en bedek dit al die
harde woorde, en selfs rooi sitvlakke!
En die kind beantwoord daardie liefde
deur so maklik te vergewe! Het jy al

5
6
opgelet hoe maklik ‘n kind vergewe
Ag, as ons maar weer soos kinders wil
word!
Vir die kind wat grootword in ‘n
stabiele huis en ‘n gesonde gesins-opset,
is dit baie makliker om in een stuk deur
die lewe te gaan. Daardie kind
absorbeer die liefdevolle verhouding
tussen sy ouers dag na dag, en dit vul
hom met ‘n vertroue dat hulle hom ook
liefhet. Dit inspireer hom om uit te gaan
in die wêreld en liefde te gee aan ander.
Aan die ander kant, neem kinders
dikwels skuldgevoelens op hulself
wanneer hul ouers ‘n gespanne
verhouding het. ‘n Ouer het dus so ‘n
geweldige verantwoordelikheid om aan
daardie kind gemoedsrus te gee, deur
progressief te werk aan ‘n vreedsame en
gesonde verhouding tussen vader en
moeder ~ en ‘n veilige en warm
omgewing te skep vir die kind om in te
ontwikkel. Hierdie patroon in die huis,
skep die bloudruk vir die kind, wat hy
dan op sy beurt “liasseer” in sy
onderbewussyn ~ en hy sal dit
implementeer die oomblik wanneer hy
opgegroei het en homself bevind in
dieselfde verantwoordelikhede van
huwelik en gesinslewe.
Johannes 13:35 Hieraan sal almal weet
dat julle my dissipels is, as julle liefde onder
mekaar het.
Liefde is ‘n opdrag van die Here ~
Liefde kenmerk ons identiteit as
Christene ~ Liefde bind ons saam as ‘n
Christen gemeenskap!
As ons mekaar liefhet soos die Woord
ons leer, sal die wêreld dit sien, die
wêreld sal honger en dors word
daarvoor en die wêreld sal aan ons deur
kom klop om ‘n aanraking daarvan te
kan kry. Hoekom Wat trek hulle

7
8
Liefde is die suiwer manifestasie van
Jesus Christus binne ons, en deur ons
liefde te deel na buite, sal die wêreld
weet dat ons aan Hom behoort.
Maar hoe kan ons liefde wys as ons
nooit liefgehê is nie Natuurlik het ons
‘n voorbeeld nodig! En watter beter
voorbeeld het ons as om te kyk na Jesus
se liefde vir ons! Na alles, Hy het vanuit
die Hemel gekom na die aarde, om die
weg aan te wys ~ vanaf die aarde na die
kruis, om ons skuld te betaal ~ vanaf die
kruis na die graf ~ vanuit die graf na die
Hemel.
Op dieselfde wyse moet ons as ouers in
Sy voetstappe volg, leiers in paaie van
geregtigheid, opvoeders met liefde en
geduld, skeppers van ‘n veilige hawe
vir ons kinders om in te ontwikkel en
groei ….. om hulle te bevestig en te
beveilig in Hom en in liefde.
Natuurlik bestaan liefde uit twee kante:
Gee en ontvang.
Wanneer gegee word, word aksie
geneem. Wanneer ontvang word, word
gevoel ervaar. Dit is nie altyd so ‘n
maklike taak om liefde te gee nie, omdat
jy nie altyd weet hoedat jou manier van
liefde gee ontvang gaan word nie.
Verskillende mense sal liefde op
verskillende wyses vertolk. Jy kry bv.
diegene wat sê hulle het lief, maar dit
nie wys nie. Aan die ander kant, is daar
diegene wat deur die aksies gaan om
liefde te wys, maar hulle sê dit nooit.
En dan is daar diegene wat beide in die
praktyk doen, maar geen emosies
daarmee saam toon nie.
Daar is ‘n balans hierin. Daardie balans
sal ons hê as ons lewe, wandel en ons
hele bestaan in Hom is. Jesus Christus
is ons perfekte voorbeeld van liefde,
omdat Hy liefde is. Kom ons kyk

9
10
byvoorbeeld hoedat Hy liefde bewys het
in die praktiese, alledaagse lewe
gedurende daardie drie jaar van Sy
bediening op aarde:
Matteus 8:2,3 …en daar het ‘n melaatse
man gekom en voor Hom neergeval en gesê:
Here, as U wil, kan U my reinig. Daarop
steek Jesus die hand uit en raak hom aan en
sê: Ek wil.
Markus 10:13 En hulle het kindertjies na
Hom gebring dat Hy hulle kon aanraak; …
En Hy het gesê: Laat die kindertjies na My
toe kom en verhinder hulle nie, want aan
sulkes behoort die koninkryk van
God”…….
Lukas 13:34 Jerusalem, Jerusalem, jy wat
die profete doodmaak en die wat na jou
gestuur is, stenig, hoe dikwels wou Ek jou
kinders bymekaarmaak, soos ‘n hen haar
kuikens onder die vlerke, en julle wou
nie…..
Lukas 22:51 Maar Jesus het geantwoord
en gesê: Hou op, dit is genoeg! En Hy het
sy oor aangeraak en hom gesond gemaak.
Lukas 23:34 En Jesus sê: Vader, vergeef
hulle, want hulle weet nie wat hulle doen
nie.
Hier kan ons sien dat Jesus liefde getoon
het deur aanraking, te praat (stem), te
huil, gesond te maak en te bid. Dit is
maar slegs ‘n paar voorbeelde – daar is
‘n wye spektrum te sien in die Woord
wat die oneindige liefde uitbeeld wat
Hy tot vandag toe aan ons demonstreer
op verskeie maniere ~ of dit bonatuurlik
is of deur Sy Liggaam hier op aarde.

11
12
Word vir ‘n oomblik stil, kyk diep binne
jou eie hart en onderskei wat jou
grootste behoefte is. Is dit dalk om te
voel jy word liefgehê, aanvaar God het
hierdie vakuum in die mens geskep ~
wat slegs gevul kan word deur liefde.
Eerstens van God en dan van die mens
se mede-skepsele. En Hy het ons ook
geskape met die kapasiteit om liefde te
gee.
Maar hoe gee ons effektief liefde
Watter paadjies moet ons volg om op
die regte plek uit te kom ~ saam met ons
kinders en diegene rondom ons
Indien jy ‘n ouer is, sal jy weet dat dit
nie so eenvoudig is om jou liefde te alle
tye op effektiewe wyse oor te dra nie.
Ons maak foute, en ons is geneig om
daardie foute te herhaal! Soms neem dit
lank om daardie skade weer te herstel,
om weer vertroue te bou en om die
mure af te breek tussen jou en jou kind
of iemand anders. Die hefboom wat ons
hier nodig het, is liefde! Dikwels moet
emosie tweede plek neem in hierdie
soort van herstel. Soms moet ons ‘n
rasionele besluit neem om hierdie
skanse af te breek.
Ten einde ‘n goeie resultaat hier te
bereik, moet ‘n paar dinge in gedagte
gehou word:
♥Liefde is nie ………. Om vir jou
kinders alles te gee wat hulle begeer nie.
♥Liefde is nie ………. Om hulle altyd
hul sin te gee nie.
♥Liefde is nie ………. Om hulle nooit te
laat wag nie.
♥Liefde is nie ………. Om hulle nooit te
laat huil nie.
♥Liefde is nie ………. Om te
kompromeer met God se instruksies oor
hoe om hulle groot te maak, of goed te
laat voel.

13
14
♥Liefde is ………….. Om jouself te
gee.
Ten einde dit reg te kry, moet ons leer
om te onderskei tussen die verskillende
“kleure en klanke” van liefde! Ons
moet leer om die “golflengte” te
onderskei waarop die ander persoon is
en hoe hy ons liefdestaal gaan ontvang
en vertolk. Liefde besit in ‘n sekere sin
‘n emosionele klank en kleur van sy eie.
Dit wat een persoon ervaar as liefde,
kan ‘n ander heel maklik vertolk as
verwerping, en daar is nog ‘n paar
voorbeelde hiervan!
kan slegs die strekking van die woorde
raai deur hul reaksies dop te hou, te
luister na die toon van hul stemme en
waar te neem hoedat die een met wie
gepraat word, reageer. Dikwels “lyk”
en “klink” dit asof hulle aanvallend of
op die verdediging is, maar die
volgende oomblik sal hulle lag, mekaar
op die skouer klop en wegstap. Dit is
omdat daardie taal vir jou vreemd is, en
jy kon dit slegs interpreteer binne jou
waarnemingsvlak en begripsraamwerk.
Dieselfde gebeur wanneer jou persepsie
van liefde gee, nie so verstaan word
deur die ander persoon nie ~ hy
misinterpreteer dit vir iets anders, en
die oomblik gaan verlore. En jy kan
verwerp voel hierdeur.
Luister en hou dop byvoorbeeld
wanneer mense in jou onmiddellike
omgewing in ‘n vreemde taal met
mekaar praat wat jy nie verstaan nie. Jy

15
16
Dit is egter baie waar dat liefde ‘n
universele taal is! Daar is verskeie
maniere om liefde te kommunikeer:
• Om mekaar te dien
• Om mekaar te bemoedig
• Om tyd te gee aan ander
• Om aan te raak en naby genoeg te
kom om aangeraak te word
• Om te gee
1. DIEN MEKAAR
Galasiërs 5:13 Want julle is tot vryheid
geroep, broeders; gebruik net nie julle
vryheid as ‘n aanleiding vir die vlees nie,
maar dien mekaar deur die liefde.
Hoe kan ons uitdrukking gee aan liefde
deur te dien Het jy al ooit ervaar dat jy
so baie graag iets gedoen wil hê, soos
byvoorbeeld jou voertuig moet gewas
word, maar jy het net eenvoudig nie die
tyd daarvoor nie, en jy moet iewers
heengaan daarmee En dan, wanneer jy
by hom kom, vind jy dat iemand jou
behoefte raakgesien het, en dit vir jou
gedoen het Gevoelens van
dankbaarheid spoel onmiddellik deur
jou, nie waar nie Dan soek jy ook weer
vir geleenthede om iets vir daardie
persoon te doen.
Jy dien met liefde elke keer wanneer jy
iemand se behoefte raaksien en uit jou

17
18
pad gaan om iets vir hom/hulle te
doen. Dit is om iets te doen wat nie
noodwendig jou verantwoordelikheid
is nie, maar net omdat jy die behoefte
raakgesien het, en besluit het om dit
vir hom of haar te doen.
Titus 3:8 Dit is ‘n betroubare woord, en ek
wil hê dat jy hierdie dinge beslis bevestig,
sodat die wat in God glo, sorg kan dra om
goeie werke voor te staan; dit is wat goed
en nuttig is vir die mense.
2. BEMOEDIG MEKAAR
Romeine 12:10 …wees hartlik teenoor
mekaar met broederlike liefde; die een moet
die ander voorgaan in eerbetoning.
Woorde is ‘n magtige medium ~ of dit
hoorbaar uitgespreek word, geskrewe is
of selfs wanneer dit ontvang word in die
verstand of gees. Woorde kan opbou,
bemoedig, beinvloed, inspireer,
verwerp, verwond of liefhê. Woorde
kan selfs skep ~ in die fisiese of
geestelike realm.
Het jy al ooit opgemerk hoedat ‘n
woord van bemoediging ‘n dowwe
gordyn ooptrek in iemand se oë Selfs
al is dit net vir ‘n breukdeel van ‘n
sekonde, ‘n woord van opbouende
bemoediging, prys of ‘n kompliment
opreg bedoel, verlig iemand se aangesig.
En, dit is ‘n goeie saad wat jy geplant

19
20
het in daardie persoon, en dit sal
sekerlik groei!
Dit is die moeite werd om jouself te
oefen om ‘n bemoediger te wees. Op ‘n
dag, wanneer jy dit die minste verwag,
sal hierdie brood wat jy op die waters
gewerp het, sekerlik na jou terugkeer!
3. GEE JOU TYD
Kolossense 4:5 Wandel in wysheid
teenoor die wat buite is, en koop die tyd uit.
Tyd is kosbaar, nie waar nie
Ek het tot die gevolgtrekking gekom dat
tyd ons vyand kan wees, of ‘n
betroubare vriend. Dit hang net af of
ons ons tyd as ‘n offer aan God gegee
het om af te koop vir Sy Koninkryk.
Ons bid dikwels: “Here, ek wil soos U
wees ~ ek wil soos U dink, soos U praat, ek
wil U krag ervaar in my alledaagse lewe en
bediening”. Maar ons faal daarin om
kwaliteit tyd met Hom deur te bring in
die intieme atmosfeer van ons
binnekamer. Hoe dan kan ons verwag
om verander te word na Sy beeld Hoe
kan ons verwag om te groei en te
ontwikkel in ons wandel deur die lewe

21
22
en om die ingesteldheid van Christus te
kry
Indien jy ‘n kind van die Vader is, is jy
‘n genooide op die gastelys van die
Koning ~ om te sit aan Sy feestafel elke
dag. Hier wil Hy met jou sit en Sy hart
met jou deel terwyl julle soete
gemeenskap met mekaar het. Moet tog
nooit toelaat dat jou stoel leegstaan by
een so ‘n feesmaal nie!
Dit is waar in elke verhouding. Hoe
meer tyd ons met iemand spandeer, hoe
beter leer ons mekaar ken ~ en as ons
sensitief is vir mekaar, kan ons opbou
en ook die goeie van mekaar absorbeer
en dit uitgee na ander. Dit word
gemeenskap genoem.
Ons kinders het ons kwaliteit tyd
nodig. Het jy al ooit ‘n dier, soos
byvoorbeeld ‘n hond of kat, dopgehou
waar hulle in hul lêplek lê met hul
pasgebore werpsel kleintjies Sy laat
jou toe (alhoewel nie baie gerus nie!),
om hulle een vir een op te tel en in jou
nek te koester en te streel ~ maar die
oomblik as jy hulle terugplaas by haar,
ruik sy hulle deur, en vroetel hulle dan
terug in ‘n gemaklike posisie totdat sy
tevrede is.
Dit is net so wonderlik om skape met
hul nuutgebore lammers in die veld dop
te hou. Hierdie lammertjies dwaal af,
bondel saam en geniet hulle gate uit in
die groen gras. Maar die oomblik
wanneer die trop in een rigting begin
beweeg en daardie ooie begin blêr,
begin die lammers blêr ~ en vir ons
klink hulle almal dieselfde. Maar, ek
belowe jou, elke lam eindig by sy eie
mamma, omdat sy haar lam uitruik! En
bewaar die lam wat probeer om by die
verkeerde mamma te drink! Sy gee hom
bloot ‘n harde stamp met die neus. Ek
vertel dit om te illustreer hoedat ons ons

23
24
kinders kan “uitruik” in die gees deur
kwaliteit tyd met hulle te spandeer.
Daar buite in die wêreld kan hulle
allerhande soorte vreemde idees optel
en dit saambring huis toe met hulle.
Indien ons nie die tyd neem om te sit en
met hulle te gesels nie, na hulle harte te
luister nie, sal ons uitmekaar groei en
vervreemd raak van mekaar ~ en hulle
sal wegdwaal na vreemde speelgronde
en eindig by die verkeerde “moeders!”
Om jou oor en mond te gee vir iemand
anders, kan deur daardie persoon
vertolk word as ‘n daad van liefde. Om
te kommunikeer, behels dat jy jouself
belê deur te luister en te reageer in
liefde en van jouself te deel.
Hebreërs 13:16 Vergeet die weldadigheid
en mededeelsaamheid nie, want God het ‘n
welbehae aan sulke offers.
4. RAAK AAN EN WEES
NABY GENOEG OM
AANGERAAK TE WORD
Markus 10: 13, 16 En hulle het die
kindertjies na Hom gebring, dat Hy hulle
kon aanraak.
v. 16 En Hy het Sy arms om hulle geslaan,
Sy hande op hulle gelê en hulle geseën.
Jou hele dag kan opgehelder word deur
‘n tydige aanraking. As jy ‘n vrou is,
moes jy al ervaar het watter verskil dit
aan jou gemoed maak wanneer jou man
verbyskuur, en jou vir ‘n kort oomblik
aanraak Of, as jy ‘n man is, maak dit
nie jou hart warm en bly wanneer jy in
jou studeerkamer besig is met daardie
vervelige rekeninge, en jou vrou kom
binne met ‘n koppie tee en sy masseer
daardie moeë skouers nie Hierdie is
aanrakings wat sê: “Ek mis jou. Jy is
belangrik vir my. Ek sien wat jy vir my
doen, ek wil by jou wees”.

25
26
Net so floreer ‘n kind onder die
liefdevolle aanraking van sy ouers. Leer
om aan te raak ~ nie slegs met jou hande
nie, maar ook met jou oë!
5. OM TE GEE
Johannes 3:16 Want so lief het God die
wêreld gehad, dat Hy Sy eniggebore Seun
gegee het, sodat elkeen wat in Hom glo, nie
verlore mag gaan nie, maar die ewige lewe
kan hê.
Om in liefde te kan ontvang, is net so ‘n
belangrike gebaar as om in liefde te gee.
Sommige mense is natuurlike gewers,
en dit is vir hulle maklik om te gee. Dit
verwarm die hart wanneer ‘n
onverwagte geskenk ontvang word ~
maak nie saak hoe klein nie. Dit is veral
daardie geskenke wat jy ontvang op dae
ander spesiale dae (verjaardag, ens.).
Wanneer jy volgende keer die gedagte
kry om ‘n blom vir ‘n vriendin te koop,
moenie dit ignoreer nie, probeer dit! Dit
bring ‘n warmte en sagtheid in die hart
en oog.

27
28
hierdie beginsel te illustreer:
As liefde dan ‘n universele taal is, maar
almal verstaan dit nie dieselfde nie, wat
is die oplossing
Ons kan begin deur onsself te
ondersoek. Met watter van die
bogenoemde wyses van liefdesbetoning
voel jy gemaklik Watter een is jy
Dan is daardie een, jou nommer een
manier van uitdrukking gee aan liefde
en dit sal ook die manier wees waarop
jy verwag om liefgehê te word. Maak
nou ‘n lysie van die res van die
bogenoemde wyses van
liefdesbetonings in die volgorde van
meeste jy tot die minste jy.
Kom ons kyk na ‘n paar voorbeelde om
Die AANRAKER en die
KOMMUNIKEERDER
Ben en Veronica is reeds 15 jaar getroud
~ hulle het ‘n goeie huwelik, maar tog,
op een of ander manier, “mis” hulle
mekaar gedurig.
Nadat hulle gehoor het van die
verskillende liefdes-tale, het alles vir
hulle duidelik geword.
Ben is ‘n AANRAKER. Hy wil liefde
kommunikeer deur aan te raak en
nabyheid te aanvaar, en dit is ook die
manier waarop hy verwag om liefde te
ontvang.
Veronica is ‘n KOMMUNIKEERDER.
Sy wil praat, bemoedig, ens., en dit is
die taal wat sy verstaan. Dit is ook haar

29
30
verwagting van ander, spesifiek van
haar man.
Natuurlik sou hulle mekaar mis!
Toe hulle eers begryp watter liefdestaal
prioriteit was vir elkeen, kon hulle
mekaar ontmoet op die vlakke wat
elkeen verkies en so vervul word.
Die GEWER
Mnr. en Mev. Groenewoud het drie
kinders. Die middel-kind, John, is ‘n
GEWER. Sedert hy klein was, kon hulle
hom altyd vind waar hy besig was om
“iets vir iemand te maak”, of iets in
geskenkpapier toe te wikkel, of hy wou
altyd sy geld in die winkel spandeer om
vir die ander geskenkies te koop. Die
gee van geskenke is John se prioriteit
liefdestaal en dit is hoe hy liefde
verwag en vertolk!
Die DIENER en die LUISTERAAR
Kom ons kyk na Martha en Maria.
Martha was ‘n DIENER, en Maria was
die LUISTERAAR. As Martha maar
dit kon verstaan, sou dit vir haar geen
probleem gewees het om al die werk
self te doen nie. Dit was in elk geval
haar manier om haar liefde vir die Here
te toon ~ deur Hom en Sy dissipels te
bedien. Maria, aan die ander kant, het
aan Sy lippe gehang en net daar in
verwondering gesit ~ glad en geheel nie
geinteresseerd in die voorbereiding van
kos vir hierdie groep manne of om hulle
te pamperlang in die fisiese nie!
Lukas 10:38-40 En op hulle reis het Hy in
‘n sekere dorp gekom, en ‘n vrou met die
naam van Martha het Hom in haar huis
ontvang. En sy het ‘n suster gehad met die
naam van Maria; dié het aan die voete van
Jesus gesit en na Sy woord geluister. Maar
Martha was baie besig om alles klaar te

31
32
maak. Sy kom toe daar staan en sê: Here,
gee U nie om dat my suster my alleen laat
bedien nie Sê dan vir haar dat sy my moet
help.
Nou kyk nou! Twee susters uit dieselfde
gesin, die een ‘n toegewyde DIENER,
en die ander…. ‘n toegewyde
LUISTERAAR!
Martha se konsep van die gee en
ontvang van liefde, was: “Mõre-oggend
moet ek sommer vroeg opstaan om die brood
te knie, en ek moet vars kruie gaan pluk
onder in die tuin en ek moet al daardie
heerlikhede voorberei vir die Meester en Sy
manne. O, ek gaan dit die moeite werd
maak vir hulle! Net om te sien hoedat hulle
my kos geniet, sal my gelukkig maak!”
Martha het haar liefde gewys deur te
dien, maar het verkeerdelik van Maria
verwag om dieselfde te doen!
Maria, aan die ander kant, het heel
moontlik so gedink: “Môre is die Meester
hier! Fantasties! Om te dink ek gaan een
hele dag lank net by Sy voete kan sit en
luister na Sy woorde van wysheid! Wie wil
nou aan kos dink Ek kan net daar sit en
my gees propvol eet en drink – wat wil ek
meer hê!”
Sien hoe maklik kan ons mekaar
misverstaan Dink nou vir ‘n oomblik
oor jouself, dink oor jou huweliksmaat
of kind/ers of ouers of vriende.
Kyk of jy hulle kan inpas in een van
hierdie groepe.

33
34
GEVOLGTREKKING
Die wyse van liefde waaraan jy
voorkeur gee, sal die manier wees wat
jyself die meeste sal gebruik ~ meer as
die ander wyses. Jy is egter wel in staat
om liefde te kommunikeer op al die
ander maniere ook, dit is net dat jy jou
eie, spesiale manier verkies. Oefen
jouself egter, ook in die ander wyses van
liefdestaal, en wees sensitief vir ander.
Indien jy kinders in jou lewe het, kyk of
jy hul spesifieke liefdestaal kan
identifiseer en kom hulle tegemoet
daarin. Teen ‘n sekere ouderdom, so
ongeveer 7 – 8 jaar, sal hul voorkeur
begin wys.
Onthou, jy is ‘n unieke persoon, geskep
deur ‘n lewende God. Hy het jou
gemaak met al daardie spesifieke
bekwaamhede. Alhoewel die
omstandighede waarin jy opgegroei het,
jou persepsie kon verdraai het t.o.v. die
gee en ontvang van liefde, is jy nog
steeds uniek “bedraad” deur God om
hierdie liefdestaal te kan praat.
Maar onthou ook dit:
Filippense 2: 3, 4 Moenie iets doen uit
selfsug of uit ydele eer nie, maar in
nederigheid moet die een die ander hoër ag as
homself. Julle moet nie elkeen na sy eie
belange omsien nie, maar elkeen ook na die
ander s’n.
Jy mag dalk al die gawes van die Gees
van God hê, maar as jy nie liefde het nie,
faal jy. Daarom, wees bereid om
buigsaam te wees teenoor ander, ten
einde te leer wat hul spesifieke
liefdestaal is waarin hulle wil
kommunikeer. Moenie jouself liewer hê
as vir ander nie ~ beskou ander se
behoeftes belangriker as jou eie. Oefen
jouself en jou kinders in Bybelse liefde.

35
Dit is die beste gids om ons te leer hoe
om liefde te kommunikeer ~ liefde
sonder die “self” vooraan!
Stel jou mikpunt om ‘n nes te skep vir
jou gesin (en jouself) wat uitgevoer is
met liefde ~ indien liefde onvoorwaardelik
gekommunikeer word in die huis,
sal die geur daarvan uitsprei na die
wêreld daarbuite en na ander wat dit
dringend nodig het!
Hierdeur sal die wêreld dan sien en
ruik en volg.
1 Thessalonicense 3:12 …en mag die
Here julle ryk en oorvloedig maak in liefde
vir mekaar en vir almal, soos ons ook teenoor
julle is.