Folk nr 1-2013

Fordi vi er skapte for han og til han, er mykje av identiteten
vår knytt opp til å vera tenarar. Vi vart skapte for å tena inn i ein
større plan og hensikt. Om vi i tillegg finn ut at Gud sjølv er ein
tenar, har vi endå større tenaridentitet, fordi vi er skapt i Guds
bilete.
Frelst til å tena
Tenarkallet kom endå sterkare i fokus då vi tok imot frelse. »De
vende om frå avgudane og tok til å tena den levande Gud,« skreiv
Paulus til tessalonikarane (1 Tess 1,9). Som kristne skjønar vi det
naturlege i dette. Vi er kjøpt og prisen er betalt, nettopp for at vi
ikkje skal træla for menneske, men leva i teneste for Gud (1 Kor
7,23). Vi tilhøyrer Gud. Difor skal dei som lever, ikkje leva for seg
sjølv, men for han som døydde og stod opp for dei (2 Kor 5,15).
Når vi så har fått del i hans natur, vert det naturleg å vera slik som
han er.
Sjølv sa Jesus at:
Menneskesonen er ikkje komen for å la seg tena, men for sjølv å tena
og gje livet sitt som løysepeng for mange. (Matt 20,28 og Mark 10,45)
I samfunnet er det status å ha ein posisjon som menneske kan sjå
opp til. Gud ser opp til dei som gjer seg sjølv til tenarar for alle
(Mark 9,35). Jesus hadde høgare posisjon enn nokon annan i
utgangspunktet.
Men han gav avkall på sitt eige, tok på seg ein tenars skapnad og vart
menneske lik. Då han stod fram som menneske, fornedra han seg sjølv
og vart lydig til døden, ja døden på krossen. Difor har Gud opphøgd
han og gjeve han namnet over alle namn. (Fil 2,7-9)
Jesu teneste for Gud
Det høyrer ikkje med her å gå inn på heile omtalen av Jesu teneste
for Gud, men eg vil likevel ta med eit par ting som kan visa oss litt
om kva vi sjølv kan forventa oss som Guds tenarar. Jesus tente
under ei salving frå Gud (Apg 4,27). Andens kraft og det at Gud
45
Ei god tenarhaldning er at alt det
eg har fått av gåver, utrustning og
kunnskap om ting, kan brukast til
å tena andre.