Plan for rekruttering og stabilisering av pedagogisk personale

Faktorar som i mindre grad påverkar rekrutteringsutfordringa, og som i beste fall utset naturleg
avgang for ei avgrensa gruppe seniorar med eitt eller to år, er til ei kvar tid gjeldande
seniortiltak og vilkåra i AFP-ordninga.
Rekruttering av leiarar
Ved dei vidaregåande skulane er det totalt 72 leiarar, med 57 mellomleiarar og 15 rektorar.
Alderssamansetjinga for denne gruppa er høg, i særleg grad for rektorane. Ved utgangen av
2008 er 9 rektorar 60 år eller meir. Ytterlegare tre er mellom 50 og 60 år. I gruppa mellomleiarar
er 16 personar 60 år eller meir.
Ut ifrå dette må det rekrutterast om lag 18 nye skuleleiarar dei fire næraste åra framover.
Nedgang i elevtilgang
Tal henta frå GSI (Grunnskolens Informasjonssystem) syner ein vesentleg nedgang i elevkulla
som skal ta til på VG1 her i fylket. Nedgangen i elevkulla frå 2013 inneber at ein i 2017 har
200 færre elevar enn tilsvarande kull i 2009. I eit treårig løp vil det føre til over 500 færre
elevar og lærlingar i vidaregåande opplæring. Konsekvensen er at 50-70 lærarstillingar fell
bort, hovudsakeleg knytt til perioden etter 2013. Fødselstala frå GIS syner ytterlegare
nedgang fram mot 2020.
Elevnedgangen vil sjølvsagt også redusere rekrutteringsbehovet, men kampen om best
mogelege kvalifiserte lærarkrefter kan likevel bli utfordrande.
Tiltaka
Fleire av rekrutteringstiltaka kan også vere stabiliserande for nytilsette, t.d. den føreslegne
mentorordning. Eigne stabiliseringstiltak må likevel iverksetjast både for nytilsette og
seniorar for å ha nok godt kvalifiserte lærarar i åra framover. Pedagogisk personale har til
denne tid vore ei mykje stabil stillingsgruppe, med lite fråfall (turnover) utanom naturleg
avgang.
Dei føreslegne tiltaka i høve rekruttering og mentorordning, krev endringar i forvaltninga av
humankapitalen og utvikling av personalpolitikken. I tillegg krev det ei opptrapping av
fylkeskommunale budsjett for personalområdet. Styrking av etter- og vidareutdanninga er
sentrale stikkord for ei god investering for framtida i sektoren.
Arbeidsgruppa har samla seg om ei prioritert rekkefølgje av tiltaka, jf. kap. 7 i planen.
Prioriteringa er delt i to grupper, kostnadskrevjande og mindre kostnadskrevjande tiltak.
Det er elles grunn til å understreke at det også ligg fleire gode stabiliseringstiltak i
rekrutteringstiltaka.
Når det gjeld stabiliseringstiltak, har det vore gjennomført fokusgruppeintervju blant
nytilsette og blant seniorar, 55+. Dette er gjort for å treffe best mogeleg med dei
stabiliseringstiltaka som arbeidsgruppa vil tilrå. I intervjua av dei to målgruppene fekk ein
gode svar på kva stabiliseringstiltak som arbeidsgivar bør iverksetje.
Utarbeiding og innføring av ei mentorordning for lærarar står også høgt på prioriteringslista.
Mentorordning for leiarar bør etter arbeidsgruppa si vurdering vente i denne omgang, avdi ein
heller bør bruke ressursar for å styrke den ordinære leiaropplæringa.
6