MINIGUIDE TIL DET norske litterære systemet - Norsk faglitterær ...

Norsk forfattersentrum
Norsk forfattersentrum blei oppretta på initiativ frå unge forfattarar, for å skapa
kontakt med publikum gjennom opplesingar, foredrag og undervising. I 40 år har
denne medlemsorganisasjonen kvalitetssikra litteraturformidlinga ved å vera bindeleddet
mellom forfattar på veg ut på oppdrag og oppdragsgivaren. NF har kunnskap
om forfattarbreidden (1080 medlemmar), aktiviserer denne og vernar om ein
standard innanfor forfattarhonoreringa. 15 tilsette ved kontor i Oslo, Bergen, Stavanger,
Trondheim og Tromsø jobbar dagleg med å skaffa oppdrag og fordela desse.
Godt etablerte storarrangement som Forfattersleppet i Bergen og Nord-Norsk
bokdag er viktige scener og fungerer samlande for regionsforfattarane. Statstilskottet
var i 2007 på 7,9 millionar kroner. Den årlege omsettinga er på ca. 22 millionar
kroner. Dei siste åra har Norsk forfattersentrum utvikla formidlingsprosjekt
innan barnehagar, auka dei skrivestimulerande kursa, pusta liv i forfattarforelesinga
og etablert Litteraturbruket, eit kompetansesenter for litteraturproduksjonar.
Aktivitet innanfor Den kulturelle skolesekken er elles svært viktig for NF
og sender forfattarar ut på skuleturnear over heile landet. NF er ein roleg vaktar
ved den aukande bokstabelen, som ser den levande forfattaren bak, og veit om dei
varierte publikumsmassane der ute, som gang på gang lar seg fascinera av at dei
trykte orda har ein tilleggsdimensjon: Levande og kunnskapsrik formidling.
Wergelandsveien 29, 0167 OSLO
Tlf. sentralbord: 23 10 37 80
norsk@forfattersentrum.no
www.forfattersentrum.no
andre aktører
41