Kyrkjelydsbladet - Kyrkja i Kvinnherad

Årsmelding for Husnes sokneråd 2005
Soknerådet har i meldingsåret vore
samansett slik:
Tormod Sunde (leiar), Kari Medhus
(nestleiar), Marna Gravdal (skrivar),
Brit Karin Harkestad, Oddbjørg Kloster
og Kjell Sigbjørn Røssland
Kasserar: Lars Kroka
Revisor: Kommunerevisjonen
for Sunnhordland
Møteaktivitet:
Soknerådsmøta:
Det vart halde 6 soknerådsmøte i meldingsåret.
Alle desse møta vart haldne som
fellesmøter med Holmedal sokneråd.
Sokneråda handsama tilsaman 41 bokførte
saker. Dei sakene som har vore mest
arbeidskrevjande var samanslåing av
Holmedal og Husnes sokn.
Prostimøtet:
Soknerådet var representert på møtet.
Fellesrådet:
Kari Medhus har vore soknerådet sin
representant i Fellesrådet også dette
meldingsåret.
Staben, kontoret:
Dette året har vore prega av stabilitet i
presteskapet, og blant dei andre tilsette.
Gudstenestene:
I samband med ulike gudstenester vart
det servert kyrkjekaffi /anna bevertning og
påskefrukost i Valen kyrkje. Til saman vart
det ordna med serveringar 15 gonger. Dette
er eit ressurskrevjande arbeid. Dei sitjande
sokneråda er samde om å anbefale det nye
soknerådet å delegera dette ansvaret og
arbeidet til kyrkjelydslag eller komitear
i kvar kyrkjelyd.
Barne- og ungdomsarbeid:
I kyrkjelyden er det av friviljuge lag og
organisasjonar drive barnekor, barnelag,
speidararbeid og søndagsskule. ”Ope Hus”
på Valen og Husnes IUF og KRIK tek seg
av arbeidet blant ungdomane. Dei ulike laga
har ivrige leiarar, som gjer ein stor og viktig
innsats. Dei melder om god oppslutnad.
Soknerådet vil gjerne også på denne måten
få retta vår takk til leiarane for dei nemnde
laga / organisasjonane.
Familiearbeid:
Søndagssamlingane som indremisjonslaga
i bygdene har felles på Husnes bedehus
held fram med god oppslutnad. Verdifullt
fellesskap mellom dei kristne i bygdene i
prestegjeldet vert bygd og teke vare på..
SIKVAL:
I meldingsåret har det vore 7 samlingar
i Valen kyrkje spesielt tilrettelagt for
utviklingshemma.
Vaksne:
Samlingane for pensjonistar i Valen kyrkje,
som Helge og Solveig Myhre starta i 1999,
held fram med samling 1 dag i veka. Om
lag 15 deltek kvar gong.
Hausten 2005 vart Kyrkjelydens kvinneforum
starta. Dei hadde ei samling i
november der omlag 40 damer møtte.
Kyrkjelydsbladet:
Som dei fl este merka fekk kyrkjelydsbladet
nytt ansikt til Julenummeret i fjor. Det vart
innkjøpt nye dataprogram. Sokneådet vil
takka redaktøren Jan-Ove Fagerheim for
fi nt og grundig arbeid med bladet.
Økonomi:
Soknerådet har hatt ein rimeleg god økonomi
også i 2005. Rekneskapet er ført av Lars
Kroka og revedert av Kommunerevisjonen
for Sunnhordland. Vi kom ut med eit netto
driftsresultat på Kr. 33.453,88
Tormod Sunde - Marna Gravdal