Styreprotokoll 07.10.2011 - Helse Fonna

Aktivitet somatikk:
Det er behandla færre pasientar poliklinisk enn det som er budsjettert i august, men nesten 1000 fleire
pasientar enn same månad i fjor. Talet på innlagde pasientar er auka og er høgare enn budsjettert i
august.
Klinikk for psykisk helsevern. Tal polikliniske konsultasjonar vaksne er høgare enn budsjettert.
Døgnbehandling er lågare enn budsjettert. I august starta Barne- og ungdomspsykiatrien (BUP) i Helse
Fonna behandling av fleire pasientar som har venta svært lenge. Dette er positivt, men konsekvensen er
ei lengre gjennomsnittleg ventetid for alle behandla innan BUP.
Økonomi:
Føretaket har pr. august eit akkumulert økonomisk resultat på negative 13,702 millionar kroner, mot
budsjettert overskot på 6,898 millionar kroner. Dette gjev eit samla negativt budsjettavvik på 20,6
millionar kroner.
Prognosen for 2011 viser eit negativt avvik på 20,044 millionar kroner i forhold til budsjett.
I august har føretaket eit negativt avvik i forhold til budsjett på 7,909 millionar kroner.
Kommentarar:
Økonomidirektør orienterte om at Helse Fonna HF holder fast ved prognosen på minus 20 millioner og
ser ikkje grunn til å endre denne. Lønsbiletet er den største utfordringa med avvik større enn venta.
Helse Fonna behandlar fleire pasientar, men inntektene er ikkje i tråd med dette. Trenden i
pasientbehandlinga er som målsetjinga. Det er ei ønskt dreiing mot meir poliklinisk behandling.
Administrerande direktør viste til at Helse Fonna framleis ikkje kan feste lit til ventelistetala. Årsaka er
konvertering til nytt pasientadministrativt system og ho viste til tilsvarande erfaring frå andre føretak.
Det pågår eit betydeleg arbeid med å sikre kvaliteten på tala.
Administrerande direktør orienterte om uro blant tilsette knytt til tiltakspakke nr. 3. Klinikkane har
planlagt med fleire årsverk enn budsjettert. Desse skal no reduserast.
Styret uttrykte uro over det negative avviket knytt til løn, auka ventetider, tal fristbrot og
månadsverkutviklinga i 2011. Styret drøfta strukturelle endringar for å oppnå auka effektivitet og
moglege kulturutfordringar i verksemda i forhold til lojalitet til styrevedtak.
Styremedlem refererte til uro i organisasjonen knytt til tiltakspakke og nedtak av årsverk.
Vedtak (samrøystes):
1. Styret ser framleis alvorleg på utviklinga innan økonomi og kvalitet.
2. Styret ber administrerande direktør leggje fram sak om nødvendige endringar som gjev
forsvarleg økonomisk drift og rett kvalitet.
3. Styret ber administrerande direktør leggje fram forslag som gjev varige resultat.
4. Styret forventar at arbeidet som er i gang med bemanningsplanar, samsvarar med tidlegare
påviste avvik mellom planlagd bemanning og budsjett, for å sikre vidare god kvalitet i
pasientbehandling.
5. Styret føreset gode prosessar mellom leiarar, tillitsvalde og vernetenesta.
69/11 B Sal av Sauda sjukehus
Oppsummering:
Styret behandla den 10. mars 2008 sak 12/08 Sal av fast eigedom. Tilbodspris frå Sauda kommune er kr
4 mill. Bygningane er pr. aug. 2011 bokførte med ein verdi på kr 38 148 104,-, og vil gje føretaket eit
rekneskapsmessig tap. Takstmann har berekna marknadsverdien til kr 4,5 mill. som reflekterer
salsverdien på eigedommen. Den tekniske verdien er sett til kr 16 960 000,-.
Sal av sjukehuseigedom verdsett over 10 millionar kroner, skal leggjast fram for føretaksmøtet i Helse
Vest RHF, jf. helseføretaksloven § 31, vedtektene § 9.