Årsmelding 2012 - Jæren Friluftsråd

Jæren friluftsråd—Årsmelding 2012
Arbeidsprogram 2013
Friluftsrådet Vest og Jæren friluftsråd har frå Direktoratet for naturforvaltning og fylkeskommunen fått midlar til eit prøveprosjekt
til arbeid med sikring av nye friluftsområde. Prosjektet var opprinneleg på tre år, men er blitt utvida med ytterlegare 2 år.
Dei to friluftsråda skal då stå til disposisjon for andre råd og kommunar for å gi opplæring i sikringsarbeid. I denne perioden er
mange nye områder blitt sikra til friluftsformål. I vår region, med stort press på arealer, er det viktig å avsette natur til rekreasjon,
opplevingar og fysisk aktivitet. Neseskogen i Gjesdal kommune blei sikra med statlege midlar i 2012.
Saman med Gjesdal kommune vil det bli laga ein plan for tilrettelegging og drift av Neseskogen. Det er søkt om midlar til nokre
tiltak i 2013. Lifjell blei og sikra med statlege midlar i 2012. Saman med Sandnes kommune må det lagast ein plan for tilrettelegging
og drift av Lifjell.
Plan for ny badeplass ved Tengesdalsvatnet har stått i stampe dei siste åra. Her ventar vi på eit utspel om samarbeid med Sandnes
kommune. Areal til ny parkering på Borestranda er innkjøpt. Arbeidet med opparbeiding og inngjerding skal starte opp i 2013.
Toalett skal restaurerast. Gamal parkeringsplass skal avviklas. Turstien frå Friluftshuset til Orrestranda skal oppgraderast. Dei
gamle morkna svillene skal skiftast ut med nytt materiale. Ved Madlandsvatnet har JF fått avtale med Stavanger kommune og
grunneigarar om opparbeiding av parkering, bygging av ny bru og utviding av landbruksveg. Frå Madlandsvatnet skal det merkast
tursti inn i Gloppedalen og koplast på den gamle ferdavegen til Veen i Bjerkreim. I Brekko er det 11 store og små trebruer. Alle
skal skiftast ut med nytt dekke. Seks bruer er ferdige. Arbeidet med oppgradering skjer i takt med tilgjengelege midlar.
Det siste året har JF starta eit renoveringsarbeid i Haugstadskogen i Hå. Rydding av skog langs turvegar, grusing av turvegar og
grøfting. Dette arbeidet vil fortsette i 2013. Samtidig vil turstiar og turvegar i skogen bli merka. Informasjon og kommunikasjon
med publikum er viktig. JF har eigne Facebook sider som har over 900 venner. Her har vi dagleg kontakt med brukarar av våre
friluftsområde. Vi har fått nye heimesider i 2012. Desse må kontinuerleg følgjast opp med aktuell informasjon. JF er med i ein
nasjonal informasjonsbase om friluftsliv. Dei tilsette får arbeidet med å oppdatere denne med våre friluftslivtilbod.
JF har til ei kvar tid søknader inne om økonomisk støtte til nye tiltak. Utfordringa er bemanning og økonomi til å drifte alle tiltaka.
Vår medlemskommunar har i 2013 vedteke auka kontingent til vårt arbeid. No er det viktig å få fylkeskommunen til å vedta
ein indeksregulering av sitt driftstilskot. 2012 var prega av mange arrangement. Vi vil halde fram med samarbeidet med kommunane
Klepp, Hå og Gjesdal om arrangement i sentra våre. Dette arbeidsprogrammet viser nye tiltak som kjem i tillegg til drift av
alle faste arbeidsoppgåver JF har gjennom året. Arbeidsstaben må prioritere strengt kva oppgåver som til ei kvar tid må gjennomførast.
Driftsoppgåvene vil vere viktigast. Det kan føre til at nye tiltak må utsettast.
Arbeidsprogram:
Sikring: Halde fram samarbeidet med Friluftsrådet Vest om sikring av nye friluftsområde. Drøfte med
medlemskommunar område som kan sikrast til friluftsformål.
Planlegging: Vidareutvikle utstillinga på Friluftsfyret
Plan for bruk av Neseskogen
Plan for tilrettelegging Lifjell
Plan for ny badeplass ved Tengesdalsvatnet
Tilrettelegging: Opparbeide ny parkeringsplass ved Borestranda
Renovere tursti til Orrestranda
Ny parkeringsplass i Madland
Ny bru på Madland
Skifte ut bruer i Brekko
Skilting og løypemerking i Haugstadskogen
Restaurere toalett Bore
Starte tilrettelegging av Neseskogen
Informasjon: Bruke våre Facebook sider aktivt
Utvikle bruk av våre nye heimesider
Legge inn våre friluftslivstilbod på felles databaser
Økonomi: Arbeide med finansiering av prosjektet ved Friluftshuset
Søke om økonomi til restaurering av assistentbustaden på Kvassheim. Arbeide for auka statleg og
fylkeskommunal tilskott til drift av våre friluftsområde.
Arrangement: Halde fram arrangement samarbeidet med- En kjede av fyr-.
Fortsette samarbeidet med Klepp kommune og Gjesdal kommune om kulturarrangement på Frilufts
huset og på Friluftstunet.
Stimulere til samarbeid med Hå kommune om kulturarrangement på Friluftsfyret Kvassheim.
25