Årsmelding 2012 - Jæren Friluftsråd

Vinterstormane hadde herja med vegen vår på Brusand. Her har vi hjelp av ungdomar frå Hå til reparasjonsarbeidet.
Dagleg leiar har hatt møte med direktøren for Sola
Strandhotell for å drøfte framtidig samarbeid om parkeringsareal
til Solastranda. Hotellet har no teke i
bruk areal, som JF i mange år har fått leige, til gjesteparkering
for hotellet. Dette medfører at JF må tilrettelegge
nytt areal til parkering for friluftsfolket. Hotellet
og JF må lage ein felles plan for skilting av parkering.
I eit heilt år har vi arbeidd med nye heimesider for
friluftsrådet. Til tider har arbeidet stoppa opp p.g.a. at
andre oppgåver måtte prioriterast. Dei nye sidene har
eit meir moderne preg. Det er viktig at vi no klarer å
følgje opp med god informasjon til publikum.
I oktober fekk JF invitasjon til å søke om midlar til
drift av Friluftsfyret Kvassheim. Miljøverndepartementet,
gjennom Direktoratet for naturforvaltning
(DN), lyste ut midlar til drift av våtmarksenter. Fylkesmannen,
meinte at Friluftsfyret fylte krava til å få
statleg driftsstøtte. Vi fekk tilbakemelding frå DN om
at JF stod sterkt i tildelingssaka. Dette snudde seg
brått, då det frå “politisk hald” blei gitt signal til DN
om at våre senter låg for langt ut frå sentrum. Midlane
skulle gå til Naturvernforbundet sitt bygg i Stavanger.
Dette skapte mykje undring og frustrasjon.
I Februar hadde vi besøk av arkitektstudentar frå 7
land. Dei ville studere både Friluftsfyret Kvassheim
og Friluftshuset Orre. Administrasjonen gav studentane
innføring i arbeidet med dei to sentra.
Jæren friluftsråd har teke i bruk sosiale media for å
nå ut med rask informasjon. Her kan vi kommunisere
med publikum, få tilbakemeldingar og gi raske svar.
Vi bruker og annonsering i media, men når ikkje alltid
fram så raskt og så breitt som vi ønskjer.
Jæren friluftsråd—Årsmelding 2012
9
Serina Erfjord og Magnus Oledal med kunstprosjektet
But Listen, på Kvassheim.