Innhaldsforteikning Nynorsk - Fiskeridirektoratet

Nynorsk
Rettleiar for utfylling av særskilt søknadsskjema om dispensasjon etter forskrift om drift av
akvakulturanlegg § 55, 2.ledd (auka individvekt for settefisk av laks, aure og regnbogeaure)
Innhaldsforteikning
Generelt ...................................................................................................................................... 2
Rettleiing til skjema for dispensasjonssøknad auka individvekt settefisk ................................. 3
Innleiing ................................................................................................................................. 3
Pkt. 1 Generelle opplysningar ................................................................................................ 3
Pkt. 2 Kva det vert søkt om .................................................................................................... 3
Pkt. 3 Opplysningar relatert til lokaliteten ............................................................................. 4
Pkt. 4 Opplysningar relatert til drifta...................................................................................... 5
Pkt. 5 Nærmere opplysningar om tiltaket ............................................................................... 6
1

Generelt
Denne rettleiaren er utarbeidd til hjelp ved utfylling av søknadsskjema om dispensasjon etter forskrift om drift av
akvakulturanlegg § 55, 2.ledd (auka individvekt for settefisk av laks, aure og regnbogeaure). Søknadsskjema og rettleiar er
Fiskeridirektoratet sitt ansvar. Dispensasjonssøknad med ferdig utfylt skjema og vedlegg skal sendast til Fiskeridirektoratet,
Kyst- og Havbruksavdelingen, Tilsynsseksjonen. Søknadsskjema ber i nokre tilfelle søkjar om opplysningar som forvaltninga
allereie har. Dette fordi ein ynskjer ein mest mogleg fullstendig søknad. Ufullstendige søknader vil forseinka
søknadsprosessen, og kan bli returnert til søkjar. Ytterlegare opplysningar vedrørande utfylling av skjema kan ein få hos
Fiskeridirektoratet.
Søknaden skal leverast på fastlagt skjema:
o
Særskilt skjema for søknad om dispensasjon etter forskrift om drift av akvakulturanlegg § 55, 2.ledd
Det skal ikkje betalast gebyr for dispensasjonssøknader.
Fiskeridirektoratet vil handsame søknaden etter tilråding frå eit fagleg råd samansett av representantar frå Mattilsynet, Klimaog
forurensningsdirektoratet (Klif), Fiskeridirektoratet og eventuelt Norges vassdrags- og energidirektorat (NVE). Rådet vert
sett kvartalsvis, og etatane kjem med sine vurderingar til kvar søknad. Fiskeridirektoratet vil deretter fatte vedtak.
Det må påreknast 3-6 månader i sakshandsamingstid. Omsøkt prosjekt kan ikkje startast opp før ein har fått vedtak om at
dispensasjon er gitt.
Dispensasjonen gjeld innanfor gjeldande akvakulturløyve med tilhøyrande sektorløyve. Dersom det planlagde tiltaket
medfører endringar på lokaliteten som går utover gjeldande løyve eller vilkår til dette, må det innhentast naudsynte løyver
ved sidan av dispensasjonsvedtaket. Dette skal søkjast på ordinært vis til Fylkeskommunen.
I høve til dispensasjonssøknader etter § 55, 2. ledd vert det lagt til grunn ei maksimal individvekt på inntil 1000 gram.
Dersom sektormynda sitt regelverk ikkje heimlar tilstrekkeleg oppfølging vil Fiskeridirektoratet vurdera vilkår i
dispensasjonsvedtaket.
Resultata skal rapporterast årleg til Fiskeridirektoratet på fastsett skjema.
2

Rettleiing til skjema for dispensasjonssøknad auka individvekt settefisk
INNLEIING
Søknadsskjemaet gjeld søknad om dispensasjon for å kunne produsera settefisk av laks, aure og regnbogeaure med ei
individvekt på inntil 1000 gram. Dersom plassen i skjemaet blir for liten, kan opplysningane førast på eigne ark som skal
leggast ved.
PKT. 1 GENERELLE OPPLYSNINGAR
Pkt. a) Søkjar
Her skal søkjar sitt namn fyllast ut.
Pkt. b) Org. nr.
Her fyller ein ut organisasjonsnummer. Opplysninga sikrar identifikasjon av kven som søkjer. Selskap må vera stifta og
registrert i Brønnøysundregistrene for å kunne søkje dispensasjon.
Pkt. c) Tlf. nr.
Telefonnummer til søkjar.
Pkt. d) Postadresse
Postadresse til søkjar.
Pkt. e) E-postadresse
E-postadresse til søkjar.
Pkt. f) Kontaktperson
Namn på kontaktperson for søknaden.
Pkt. g) Tlf. nr.
Telefonnummer til kontaktperson.
Pkt. h) E-postadresse
E-postadresse til kontaktperson.
PKT. 2 KVA DET VERT SØKT OM
Pkt. a) Art
Her skal det opplysast kva art dispensasjonssøknaden gjeld. Arten sitt norske og latinske namn skal fyllast inn.
Pkt. b) Maksimal individvekt (g)
Her skriv ein inn maksimal individvekt som det vert søkt om, i gram.
Pkt. c) Mengd (i stk)
Her fyller ein inn kor mange individ med individvekt over 250 gram som er omfatta av søknaden.
Pkt. d) Tidsperiode
Her fyller ein inn tidsperioden ein søkjer om dispensasjon for.
3

PKT. 3 OPPLYSNINGAR RELATERT TIL LOKALITETEN
Pkt. a) Fylke
Her skal ein fylla ut i kva fylke den omsøkte lokaliteten ligg.
Pkt. b) Kommune
Her skal ein fylla ut namn på kommunen der lokaliteten ligg.
Pkt. c) Løyvenummer
Her skal ein fylla inn løyvenummer (dersom det er tildelt).
Pkt. d) Lokalitetsnamn
Her skal ein fylla inn namn på staden der det vert søkt.
Pkt. e) Lokalitetsnummer
Her skal ein fylla inn lokalitetsnummer (dersom det er tildelt).
Pkt. f) Koordinatar
Det skal her fyllast inn koordinatar for midtpunktet av det planlagde anlegget med geografisk datum Wgs/Euref-89.
Posisjonen skal skrivast i grader og minuttar med tre desimalar på følgjande form:
- N gg - mm, mmm /Ø gg-mm, mmm
Pkt. g) Teikning av anlegget
Det skal leggast ved teikning av anlegget i målestokk ca. 1:1 000, med oversikt over kar, inntaksleidningar for ferskvatn og
sjøvatn, avløpsleidning/-ar og rømmingssikringar. Vedlegget skal nummererast Vedlegg 1. Ved planlagde endringar ved
lokaliteten som følgje av gitt dispensasjon må det koma fram kva som er eksisterande løysingar og kva som er planlagde
løysingar.
Pkt. h) Akvakulturrelaterte verksemder eller lakseførande vassdrag i nærleiken
Her skal det opplysast om viktige lakseførande vassdrag innan ein avstand på 5 km. Det er avstanden i sjø som er
utslagsgivande for om vassdraget skal førast opp. Det skal også opplysast om der er oppdrett av fisk i ferskvasskjelda, og om
eventuell oppgang av anadrom fisk og førekomst av stasjonær fisk i ferskvasskjelda. Vidare skal det førast inn stadnamn og
type akvakulturrelaterte verksemder innanfor ein avstand i sjø på 5 km. Dette gjeld akvakulturanlegg samt anna
akvakulturverksemd som fiskeslakteri, anlegg for tilverking og notvaskeri. Som hovudregel er det avstand til vassinntak og
avløp frå andre akvakulturrelaterte verksemder som er viktig, og det er derfor avstand i sjø ein spør etter.
Pkt. i) Avstand til nasjonal laksefjord/nasjonalt laksevassdrag
Her gir ein opp namn på og avstand til næraste nasjonale laksefjord/nasjonale laksevassdrag.
Pkt. j) Avstand frå vassinntak i sjø til diverse utslepp
Her gir ein opp avstand frå vassinntak i sjø til utslepp av kloakk eller utslepp frå landbruk, industri og liknande innanfor ein
avstand på 5 km frå vassinntaket.
Pkt. k) Djup eksisterande inntaksleidning sjøvatn
Her gir ein opp djup i meter på eksisterande inntaksleidning for sjøvatn.
Pkt. l) Djup eksisterande avløpsleidningar
Her gir ein opp djup i meter på eksisterande avløpsleidning/-ar.
Pkt. m) Krav om reinsing av utslipp
Her gir ein opp om det føreligg krav til reinsing av utslepp, og eventuelt tidsfrist for iverksetting av reinsing.
4

Pkt. n) Krav om miljøovervaking i resipient
Her gir ein opp om det føreligg krav til miljøovervaking i resipient, og eventuelt frekvens for dette.
Pkt. o) Biologisk mangfald
Her gir ein opp om det er gjennomført undersøking av biologisk mangfald.
Pkt. p) Sektorløyve
Gjeldande sektorløyve skal leggast ved og nummererast:
Fylkeskommunen/Fiskeridirektoratet; Vedlegg 2,
NVE; Vedlegg 3,
Fylkesmannen; Vedlegg 4,
Mattilsynet/Fylkesveterinæren; Vedlegg 5.
PKT. 4 OPPLYSNINGAR RELATERT TIL DRIFTA
Pkt. a) Løyve NVE
Her gir ein opp om det føreligg løyve frå NVE, samt om det er gitt konsesjon etter vassressurslova eller ikkje.
Pkt. b) Tillate vassforbruk
Her gir ein opp om det føreligg avgrensingar i vassforbruk. Dette kan f.eks. vera i form av minstevassføring, maksimalt
vassuttak i m 3 /min, løyve til å tappe vatn mellom ei øvre og ei nedre kote i vasskjelda.
Pkt. c) Tillate mengd sjødyktig settefisk
Her gir ein opp tal på sjødyktig settefisk som oppgitt i løyve.
Pkt. d) Tillate biomasseproduksjon per år
Her gir ein opp maksimal biomasseproduksjon ut frå Fylkesmannen sitt utsleppsløyve.
Pkt. e) Tillate fôrforbruk
Her gir ein opp maksimalt tillate årleg fôrforbruk ut frå Fylkesmannen sitt utsleppsløyve.
Pkt. f) Produsert mengd sjødyktig settefisk per år, siste 4 år
Her gir ein opp produksjonen i mengd (stk) sjødyktige settefisk fordelt på siste 4 år.
Pkt. g) Totalt produsert biomasse per år, siste 4 år
Her gir ein opp produksjonen i totalt produsert biomasse (ulike livsstadium) fordelt på siste 4 år.
Pkt. h) Totalt fôrforbruk per år, siste 4 år
Her gir ein opp fôrforbruk fordelt på siste 4 år.
Pkt. i) Resultat frå dei to siste miljøundersøkingane
Her beskriv ein resultatet frå dei to siste miljøundersøkingane i resipienten. Undersøkingane skal også leggast ved og
nummererast Vedlegg 6.
Pkt. j) Fiskehelse- og sjukdomshistorikk siste 4 år
Her gir ein opp utbrot av IPN og listeførte sjukdommar i løpet av siste 4 år. Vidare skal ein gi opp dødelegheit (tap),
førekomst av sår, gjelleskader/finneskader og deformitetar for den same perioden. Dette skal leggast ved og nummererast
Vedlegg 7.
5

Pkt. k) Rømmingshendingar siste 4 år
Her gir ein opp eventuelle rømmingsepisodar i løpet av siste 4 år.
PKT. 5 NÆRMARE OPPLYSNINGAR OM TILTAKET
Pkt. a) Inneber tiltaket endringar av eksisterande sektorløyve
Her gir ein opp om tiltaket vil medføre endringar i gjeldande sektorløyve (NVE, Fylkesmannen eller Mattilsynet). Dersom
tiltaket medfører endringar må det spesifiserast kva, f.eks. vassforbruk, biomasseproduksjon, fôrforbruk, berekna årleg
utslepp av nitrogen (kg) og fosfor (kg).
Pkt. b) Oppfyller anlegget gjeldande krav til rømmingssikring
Her gir ein opp om anlegget oppfyller gjeldande krav til dobbelsikring i forhold til rømming. I dette ligg det at anlegget skal
ha fastmonterte primær- og sekundærsikringar både i høve til avløp og i høve til område. Dersom dobbelsikring ikkje er på
plass vil det ikkje bli gitt dispensasjon. Dette er med bakgrunn i at det føreligg dokumentasjon som viser at smoltrømming er
identifisert som den høgaste risikoen for genetisk interaksjon, og at auka individvekt vil medføre auka overleving og dermed
auka risiko.
Pkt. c) Planlagt djup inntaksleidning sjøvatn
Her gir ein opp om det er planlagt endringar i høve til inntaksleidning for sjøvatn, og i tilfelle på kva djup (m). Trase for
inntaksleidning skal gå fram av teikninga i Vedlegg 1.
Pkt. d) Planlagt djup avløpsleidning/-ar
Her gir ein opp om det er planlagt endringar i høve til eksisterande avløpsleidning/-ar, og i tilfelle på kva djup (m). Trase for
avløpsleidning/-ar skal gå fram av teikninga i Vedlegg 1.
Pkt. e) Generell skildring av tiltaket
Her skal ein gje ei generell skildring av det planlagde tiltaket. Dette skal leggast ved og nummererast Vedlegg 8. I skildringa
skal det i tillegg koma fram forventa fordeler av tiltaket relatert til variert utprøving av driftsformer, produksjonsmetodar og
teknikkar som kan gje fordeler med omsyn til miljø, fiskehelse og fiskevelferd.
Pkt. f) Forslag til samarbeidsavtale med mottakar(ar) av produktet
Her skal det leggast ved eit forslag til ein samarbeidsavtale (Vedlegg 9) med mottakar(ar) av produktet med oversikt over kva
relevante resultat frå sjøfasen det vil være behov for i høve til å kunne få fram forventa fordeler av tiltaket, særleg med omsyn
til fiskehelse, fiskevelferd og miljø.
Pkt. g) Dokumentasjon i høve til at tiltaket ikkje gir auka risiko for negativ effekt på fiskehelse, fiskevelferd og miljø
Her skal det leggast ved dokumentasjon (Vedlegg 10) som viser at det ikkje vert forventa at tiltaket gir auka risiko for
negativ effekt på fiskehelse, fiskevelferd og miljø. Dette vert gjort i form av ein risikoanalyse av prosjektet. Risikoanalysen
skal innehalde skisserte tiltak, også for å handtere eventuelle nye fareområde. Dersom det er behov for å revidere miljømål
må dette dokumenterast. Risikoanalyse og eventuelle nye miljømål skal innlemmast i selskapet sitt internkontrollsystem.
Pkt. h) Skildring og dokumentasjon relatert til utstyr og metodikk for desinfeksjon
Her skal det leggast ved dokumentasjon (Vedlegg 11) som skildrar utstyr og metodikk for desinfeksjon. Krav om
desinfeksjon av inntaksvatn gjeld ved bruk av sjøvatn, ved oppgang av anadrom fisk i vasskjelda, ved anna akvakulturrelatert
verksemd i vasskjelda, eller avløp frå slik verksemd til vasskjelda.
Pkt. i) Vurdering av tiltaket sin påverknad på tilstanden i vassførekomsten
Her skal det leggast ved ei vurdering av tiltaket sin påverknad på tilstanden i vassførekomsten (Vedlegg 12).
Pkt. j) Plan for kunnskapsdeling
Her skal det leggast ved ein plan for korleis kunnskap og erfaringar av tiltaket skal delast med heile akvakulturnæringa
(Vedlegg 13).
6

Pkt. k) Supplerande opplysningar
Her kan ein legge ved supplerande opplysningar som ikkje kjem fram i nokon av punkta nemnt ovanfor (Vedlegg 14), f.eks.
planer om framtidig utviding av prosjektet.
Underskrift
Søknaden skal daterast og underskrivast av den som er ansvarleg for søknaden.
7