Straumøy Gard måndag 19.04.10 I dag var 1.- 6.kl frå Valestrand ...

Straumøy Gard måndag 19.04.10
I dag var 1.- 6.kl frå Valestrand
oppvekstsenter på besøk. Det er midt i
lamminga, men det blei ikkje ein
einaste fødsel på dei sjølv om me var i
sauehuset og kikka inni mellom
jobbinga.
Alle var med på fjøsstellet. Nokre stod
på låven og heiv ned silo til sauehus og
fjøs. Dei som gav silo til dyra i
sauehuset, fekk helsa på nokre
nysgjerrige og veldig tamme kje.
Dina, den eine grisen vår, trur at ho er
gravid. Leif sjekka om ho hadde mjølk,
noko ho hadde. Sauene er veldig
urolege når me startar foringa for tida,
men når alle har fått silo, senkar roen
seg i sauehus og fjøs. Då er det tid for
kosing med dyra.
Matpausen tok me nord for sauehuset
der lavvoen står. Der har me utsikt
heilt til Siggjo på Bømlo.
Etterpå gjekk dei fleste av oss til
hagen. Me klypte ned pilegreinene og
sette dei i ei tønne med vatn slik at dei
held seg friske. Dei skal i jorda og bli til
ein hekk som blir fletta av pilegreiner.
Desse greinene skal slå rot og blir til
ein levande vegg.

Me treng mykje sauemøkk i
hagen no, og ei gruppe henta
sauemøkk i ein gjødselhaug
som blei lagt ut i fjor vår og
som er blitt til fin mold. Denne
gjødsla skal fordelast rundt i
hagen, og noko blei lagt der
pilehekken skal komma. Dei
henta sand og då jorda i
hagen treng det for å bli litt
lettare i strukturen.
Me fjerna store steinar frå
linja der pilehekken skal
plantast, og der fylte me i litt
kjøpemold og.
Litt pausar blei det og. Då var
det mange som utforska
bøketreet som står i hagen.

Me fånn ei åme i jorda. Er det nokon som
klarer å finna ut kva Sigurd held mellom
fingrane sine på førre side?
Det blei veldig fint i hagen i dag, og det viste
igjen at det hadde vore mange flittige elevar
der. Komposten er ferdig snudd og
stjernehagen er spavendt og klar til å få
sauemøkk og kompostjord før me sår og
plantar.
Både reiskap og støvlar blei spylt i hageslangen,
og for å komma på undersida av støvlane, legg
me oss på bakken…
Og til slutt var heile gjengen klar til
tilbaketuren i fint solskinn. Dagen starta med
snøbyger..