Create successful ePaper yourself
Turn your PDF publications into a flip-book with our unique Google optimized e-Paper software.
EI REISE I TID: Øl var ein kulturdrikk for dei gamle vikingane,<br />
og den katolske kyrkja førte vikingarven vidare før måtehald<br />
og forbod tok over. Med industrialiseringa vaks<br />
det fram masseproduksjon, men i dag ser ein<br />
tendensar til at gamle bryggetradisjonar blir<br />
omfamna av nye generasjonar.<br />
Gudedrikk, fyll og sosial justis<br />
Di meir du drikk,<br />
di mindre vit<br />
mun du i hausen hava<br />
Orda er henta frå Håvamål, ei samling av<br />
nedskrivne levereglar for skikk og bruk frå<br />
mellomalderen. I fleire strofer vert det åtvara<br />
mot å drikke for mykje. Samstundes er<br />
det ikkje tvil om at øl hadde ein viktig plass<br />
i samfunnet. I Gulatingslova frå 1000-talet<br />
står det at ein fekk bot dersom ein ikkje var<br />
med å brygge eller møtte til felles drikkelag.<br />
I mellomalderen skulle kvinner og menn,<br />
vaksne og born, høge og låge skåle for<br />
helgenar og kongar.<br />
– Det heldt ikkje berre å skåle, for rusen<br />
vart sett på som noko guddommeleg. Var<br />
det nokon som ikkje vart påverka kunne<br />
det vere eit teikn på at dei sto i kontakt med<br />
djevelen, fortel Espeland.<br />
Etter reformasjonen var prestane meir<br />
opptekne av å preike måtehald enn tidlegare,<br />
men folk brygga og drakk i lag<br />
likevel. Espeland legg til at fyll alltid har<br />
blitt sett ned på i stabile samfunn, sjølv om<br />
øl var ein del av fellesskapen.<br />
– Utfordringane med alkoholen kjem<br />
best til syne når samfunnet er i endring.<br />
Eit døme på dette er då industrialiseringa<br />
tok til i Noreg og folk flytta tettare saman.<br />
Fråveret av kjende sosiale strukturar gjorde<br />
fyll til eit synleg problem, forklarar Espeland.<br />
Som motreaksjon vaks fråhaldsrørslene<br />
fram på 1800-talet.<br />
Bruker mindre pengar på mat<br />
I eldre tider hadde dei kunnskap om råvarer,<br />
lokale næringsressursar og ølbrygging, fordi<br />
kvar gard meir eller mindre måtte klare<br />
seg med det dei kunne lage og skaffe sjølve.<br />
Trass i aukande interesse for kortreist mat<br />
og heimebrygg, er vi fortsatt eit folkeslag<br />
som handlar det aller meste av maten vår<br />
hjå nokon få, store billegkjedar.<br />
Tal frå Statistisk sentralbyrå viser at<br />
utgiftene våre til mat berre utgjer 11 prosent<br />
av eit gjennomsnittleg hushald. Til<br />
samanlikning brukte dei i etterkrigstida<br />
nærare halvparten av løna si på mat.<br />
Wigdis Espeland meiner at det likevel er håp:<br />
– Til og med Rema 1000 har no fått lokal<br />
mat i hyllene sine. Dei har skjøna at folk vil<br />
ha det, og ser at dei kan tene pengar på det.<br />
Så no kan bevisste forbrukarar handle<br />
ost frå ein gard der ingen skulle tru at<br />
nokon kunne bu, sjølv på sin lokale supermarknad.<br />
Wigdis Espeland, etnolog emeritus, Institutt for arkeologi,<br />
historie, kultur- og religionsvitskap, UiB.<br />
nr.1 ▶ 2014<br />
hubro.<br />
27