Create successful ePaper yourself
Turn your PDF publications into a flip-book with our unique Google optimized e-Paper software.
KULTURELL BLOMSTRING: Inspirert av opplysingstida<br />
vaks det på seint 1700- og tidleg 1800-tal<br />
fram ein samlingskultur blant embetsmenn og<br />
borgarskap i Bergen. Dette hjelpte Wilhelm<br />
Frimann Koren Christie då han skulle etablera<br />
eit museum i Bergen. FOTO: UNIVERSITETET I BERGEN<br />
sine område, og samla kunnskap<br />
om geografi, historie og oldtidssaker,<br />
seier Jordåen.<br />
Det var viktig å ha ei samling; eit<br />
herbarium, utstoppa dyr eller oldsaker<br />
var vanleg i embetsmennene<br />
sine heimar.<br />
– Tidlegare hadde slike samlingar<br />
vore prega av sjeldne og rare<br />
gjenstandar, såkalla raritetskabinett<br />
eller Wunderkammer, men utover<br />
på 1700-talet vart det lagt større vekt<br />
på å ha breie samlingar som spegla<br />
naturens orden, noko særleg Carl<br />
von Linné sin botanikk inspirerte<br />
til, seier Jordåen.<br />
Kartlegging og innsamling<br />
Ein slik samlingskultur, som me<br />
finn mange døme på i Bergen på<br />
seint 1700- og tidleg 1800-tal, gjorde<br />
det lettare å etablera eit museum i<br />
Bergen. Christie hadde eit stort nettverk,<br />
og nytta dette til å kartleggja og<br />
samla inn gjenstandar til museet.<br />
Ein bonde i Kvinnherad sat på eit<br />
verdifullt manuskript, og med ein<br />
lokal prest som mellommann fekk<br />
Christie bytta det til seg mot ei langt<br />
mindre verdifull moderne utgåve av<br />
Det nye testamentet.<br />
– Dette viser at Christie og dei<br />
andre rundt museet hadde ein tanke<br />
om kva dei ville visa fram i museet.<br />
Dei brukte nettverket sitt av prestar<br />
og andre embetsmenn ute i distrikta.<br />
I dei første åra var det berre medlemmane<br />
som vart inviterte til å sjå<br />
utstillingane, fortel Jordåen.<br />
Museet hadde opent nokre få gongar<br />
i året. Elles fekk vitskapsmenn,<br />
både norske og utanlandske, lov å<br />
bruka samlingane til forskinga si.<br />
At Christie hadde vitskaplege ambisjonar<br />
med museet vart gjort tydeleg<br />
gjennom Urda, eit tidsskrift som<br />
formidla samlingane og kom med<br />
vitskaplege bidrag.<br />
– Eg meiner det ikkje stemmer<br />
at museet først vart «vitskapleg»<br />
etter 1850, slik somme hevdar. Sjølve<br />
innsamlinga og formidlinga var i<br />
tråd med dåtidas kunnskapsideal,<br />
og Christie var heilt på line med sine<br />
samtidige med sitt syn på kunnskap. I<br />
dag har ein heilt andre tankar om kva<br />
ein vitskapsmann er. Christie og dei<br />
andre museumsskiparane fell gjerne<br />
utanfor dette og blir oppfatta som<br />
«amatørar», seier Runar Jordåen.<br />
– Men vi kan ikkje tre våre oppfatningar<br />
om vitskap ned over fortida.<br />
Samlarpraksisane på byrjinga av<br />
1800-talet slik dei kom til uttrykk i<br />
Bergens Museum, reflekterte samtidas<br />
syn på natur og historie. Gjennom<br />
Urda bidrog dei òg til den vitskaplege<br />
offentlegheita i samtida.<br />
Fakta<br />
Christie og Bergen Museum<br />
• Wilhelm Frimann Koren Christie (1778–1849) gjorde karriere<br />
som jurist, politikar, Eidsvollsmann og grunnlovsstiftar.<br />
• For Universitetet i Bergen er namnet hans først og fremst<br />
knytt til Bergen Museum, seinare Universitetsmuseet<br />
i Bergen, der draumen om eit bergensk universitet byrja<br />
og seinare vart realisert.<br />
• Christie grunnla Bergen Museum den 25. april 1825.<br />
• Han grunnla museet ved å invitere folk i Bergen og resten<br />
av landet til «at træde sammen i en forening, hvis Øiemed<br />
skal være: at tilveiebringe i Bergen et Musæum av Oldsager<br />
og Konstsager, og et Naturaliekabinet af indenlandske<br />
Naturalier».<br />
• Då museet vart grunnlagt låg det i leigde lokale i den gamle<br />
bygningen til Bergens realskole, Seminarium Fredericianum.<br />
• Bergen Museum var, i likskap med samlingane ved<br />
Universitetet i Oslo, eit av dei første musea i Noreg.<br />
• Forskar Runar Jordåen arbeider for tida på biografien<br />
Wilhelm Frimann Koren Christie – Presidenten, som skal<br />
lanserast hausten 2014.<br />
nr.1 ▶ 2014<br />
hubro.<br />
31