Sak 02213 B Vedlegg 2 - Helse Vest

pasientnivå i spesialisthelsetenesta. Saman med den medisinske kodinga gir dette betre
grunnlag for økonomisk og medisinsk oppfølging til beste for pasientane.
Helseføretaka skal
• gradvis implementere kostnad per pasient (KPP) som grunnlag for god styring av
verksemda
5.3 Investeringar
Helse Vest RHF skal basere investeringsplanane sine på heilskaplege utgreiingar av
framtidige behov for kapasitet og tilbod på regionnivå. Helse Vest skal tilpasse strategien for
investeringar slik at den underbyggjer og blir gjennomført i tråd med nasjonal helsepolitikk og
samhandlingsreforma.
Helseføretaka må styre og prioritere investeringsplanane sine innanfor den tilgjengelege
driftsøkonomiske og finansielle ramma. Det blir her vist til styresak 077/12, Langtidsbudsjett
2013–2017.
Helseføretaka skal i samband med utarbeiding av neste langtidsbudsjett rapportere
investeringsplanar med driftskonsekvens for kommande femårsperiode. Dei samla
investeringsplanane må tilpassast både den finansielle og den driftsøkonomiske ramma. I
investeringsprosedyren til Helse Vest RHF er det gjort greie for krav og innhald til
avgjerdsunderlaget for investeringsprosjekt.
Det er i regi av departementet etablert system for kvalitetssikring, for å sjå til at det er dei rette
investeringsprosjekta som blir vedtekne gjennomført. I dette arbeidet skal minst tre alternativ
utgreiast. Det er her lagt til grunn at det blir teke omsyn til samfunnsmessige forhold i desse
vurderingane, m.a. konsekvensar for infrastruktur og miljø. Helsedirektoratet har utarbeidd
«Revidert veileder for tidligfaseplanlegging i sykehusprosjekter» og «Veileder for
sykehusprosjekters økonomiske bæreevne». Helseføretaka må leggje til grunn dei føringane
som er gitt i dei aktuelle rettleiingane.
Gjennomføring av investeringsplanar vil gi store driftsmessige konsekvensar for føretaka.
Dette gjeld både auka avskrivingar, rentekostnader og endra drift som følgje av
investeringane. Dette er forhold som helseføretaka må løyse innanfor driftsramma. Det er
derfor nødvendig å utarbeide risikoanalysar i tilknyting til større investeringsprosjekt og
utarbeide konkrete tiltaksplanar for korleis føretaka skal handtere dei driftsmessige
konsekvensane av investeringsplanane, slik at resultatkravet blir innfridd.
Tiltaksplanen for å løyse dei driftsmessige konsekvensane skal gå inn som ein del av
langtidsbudsjettet. Moglege tiltak innan effektivisering og produktivitet (gevinstar) skal
vurderast for alle investeringsprosjekt.
I sak 009/13 B har styret i Helse Vest RHF fastsett investeringsramma for 2013 til totalt 880,5
mill. kroner. Dersom resultatet for 2012 endrar seg vesentleg samanlikna med den foreløpige
rapporteringa, må det gjerast tilsvarande tilpassingar i investeringsramma.
Investeringane må finansierast innanfor tilgjengeleg likviditet.
24