bv0818

AKTUELT I LANDBRUKET
Ta ut inntektspotensialet i grasdyrkinga
Erfaring frå Grovfôr 2020 viser eit realistisk potensial til å redusere grovfôr kost nadane
med minst 50 øre per fôreining. I sum svarar det til eit heilt jordbruksopppgjer.
Liv Kristin Sola
Prosjektet Grovfôr 2020 har sett merksemd
på kor mykje den enkelte grovfôrprodusent
kan betre sitt økonomisk resultat
gjennom meir effektiv grasdyrking.
– Prosjektet har vist at eit realistisk
mål er å redusere grovfôrkostnadane
med 50 øre per FEm, seier Anders Rognlien,
agronom i Yara Norge.
Så enkelt – så krevjande. Men at noko
er krevjande betyr ikkje at det er umogleg.
Store skilnadar
Rognlien har følgd Grovfôr 2020 frå starten.
Erfaringane frå prosjektet så langt
har berre gjort han meir overtydd om
at auka bevisstgjering kring kostnadane
i grovfôrproduksjonen, frå dyrking
til hausting, kan gi store innsparingar i
mjølkeproduksjonen.
– Gjennom auka avlingsnivå og betre
kvalitet kan også behovet for import
av fôrvarer til garden reduserast, seier
Rognlien.
Blant dei 30 bruka som er analysert i
Rogaland og Agder, skil det meir enn to
kroner per FEm mellom deltakarane.
– Det syner eit enormt potensial, seier
Rognlien.
Ikkje alle kan produsere til lågaste
kostnad, men alle kan kartlegge kostnadane
og vurdere korleis dei kan bli betre.
Tal frå heile landet viser at skilnadene
er like store innan regionar som mellom
regionar.
Anders Rognlien
Foto: Håvard Simonsen
Enorme summar: Fleire hundre millionar å spare for norske mjølkeprodusentar
om dei maktar å redusere grovfôrkostnadane. Illustrasjonsbilete, Vik i Sogn.
– Det kan tyde på at det er andre faktorar
enn geografi og klima som er mest
avgjerande for kor mykje grovfôret kostar
på kvar enkelt gard, seier Rognlien.
Eit ekstra jordbruksoppgjer
Rådgivaren tek utgangspunkt i tala til dei
183 deltakarane i Grovfôr 2020 og viser
eit konkret døme på kor store summar
det er snakk om.
Dei knapt 200 deltakarane haustar ei totalavling
per bruk på 240.000 FEm. Ein reduksjon
på 50 øre per FEm gir 120.000 kroner
i reduserte grovfôrkostnadar per bruk
(240.000 FEm x 0,50 kr/FEm = 120.000 kroner).
I sum utgjer det 24 millionar (120.000
per bruk x 200 bruk = 24 millionar).
Både disponibelt areal og avlingsnivå
er noko høgare for deltakarane i Grovfôr
2020 enn det som er snittet for norske
mjølkeprodusentar generelt.
– Deltakarane utgjer to prosent av landets
9000 mjølkeprodusentar, men dei
driv truleg om lag fem prosent av volumet
i mjølkeproduksjonen. Om me skalerer
opp med ein faktor på 20 finn me
det totale potensialet for heile landet. Å
redusere grovfôrkostnadane, med 50 øre
per FEm, vil utgjere knapt 500 millionar
kroner i sparte kostnadar, seier Rognlien.
– Det er like stort som eit jordbruksoppgjer,
legg han til.
Kan doble grovfôravlinga
– Avlingsnivået er den enkeltfaktoren
som betyr mest når me skal forklare kvifor
enkelte produsentar har svært låge
kostnader, seier rådgivaren.
– Betre grovfôr og auka avlingar reduserer
behovet for kraftfôr og gir betre
dyrehelse, som også sparar kostnadar,
legg han til.
Gjennomsnittsavlinga hjå dei som er
med i Grovfôr 2020 er rundt 540 FEm per
dekar. På landsnivå er snittavlinga om
lag 100 FEm svakare. Dei 30 bruka som
er analysert i Rogaland og Agder hauster
eit snitt på rundt 800 FEm per dekar.
Deltakarane i Avlingskampen dei siste
åra har nådd avlingar på 1250 FEm per
dekar.
– Eg trur at dei mest effektive kan nå
15-1600 FEm per dekar. Kan hende så
høgt som 1700 FEm i Rogaland, utfordrar
Rognlien.
– I tillegg kan forbetringane som prosjektet
Grovfôr 2020 avdekker overførast
til ammeku-produsentar og sauebønder.
Det er altså snakk om betydelige gevinstar,
avsluttar Rognlien.
BONDEVENNEN Nr. 8 - 2. mars 2018 7