Create successful ePaper yourself
Turn your PDF publications into a flip-book with our unique Google optimized e-Paper software.
Fyrstu
skreF
í fjármálum
2. útgáFa
Gunnar Baldvinsson
Fyrstu
skref
í fjármálum
Grunnatriði í fjármálum einstaklinga
© Framtíðarsýn hf., 2022. Gunnar Baldvinsson
1. prentun apríl 2017
2. prentun nóvember 2017
3. prentun ágúst 2018
2. útgáfa janúar 2020, 4. prentun
5. prentun janúar 2022
Hönnun kápu: Janus Sigurjónsson
Hönnun og umbrot: Janus Sigurjónsson
Uppsetning mynda: Andrés Magnússon/ Magnús Ingvar Torfason
Próförk: Magnús Ingvar Torfason
Prentvinnsla: Prentsmiðjan Oddi hf.
ISBN 978-9935-9299-2-1
Fyrstu
skref
í fjármálum
Grunnatriði í fjármálum einstaklinga
Framtíðarsýn
2022
Formáli
Með aukinni snjallvæðingu verður sífellt auðveldara að eiga í rafrænum
viðskiptum og stofna til fjárhagslegra skuldbindinga. Unglingar á Íslandi
standa margir daglega frammi fyrir ákvörðunum um fjármál og ráðstöfun
peninga. Þörfin fyrir góða fræðslu um fjármál og fjármálaþjónustu er því
brýnni nú en oft áður.
Í grunnskólum er fjármálalæsi að stærstum hluta kennt sem hluti af
námsgreinum á borð við stærðfræði og samfélagsfræði og í sumum skólum
sem sérstök námsgrein. Það er hins vegar undir hælinn lagt hversu mikið er
kennt í hverjum skóla og hefur þar áhugi kennara og aðgengi þeirra að góðu
og skemmtilegu námsefni veruleg áhrif.
Fjármálavit leggur mikla áherslu á að bjóða kennurum upp á gott námsefni
í fjármálalæsi og handleiðslu í notkun þess. Megintilgangurinn er að
veita innblástur í kennsluna og auka vægi fjármálalæsis í grunnskólum
landsins. Námsefnið er fyrir nemendur á unglingastigi þar sem áhersla er
lögð á þætti í fjármálum sem mikilvægt er að hver og einn tileinki sér og
geti byggt undir fjárhagslega stöðuga framtíð.
Námsefnið fellur vel í kramið hjá kennurum og nemendum en uppistaða
þess er þessi frábæra bók sem þú heldur á „Fyrstu skref í fjármálum“. Fjármálavit
gefur grunnskólum upplag af bókinni fyrir alla nemendur í 10. bekk
og er hún komin í dreifingu í flesta grunnskóla landsins. Kennarar segja
hana aðgengilega, skýra og einfalda í notkun.
Fjármálavit býður grunnskólum á Íslandi bók Gunnars Baldvinssonar
með miklu stolti og fagnar uppfærslu og fimmtu prentun af bókinni sem
enn einni viðbótinni í þeirri vegferð að stuðla að bættu fjármálalæsi ungmenna
á Íslandi.
Reykjavík, janúar 2022,
Kristín Lúðvíksdóttir,
verkefnastjóri Fjármálavits
Efnisyfirlit
Uppruni og ráðstöfun verðmæta................................................................................. 9
Laun og ráðstöfunartekjur....................................................................................... 10
Að ráða sig í vinnu.......................................................................................................12
Ráðstöfun launa...........................................................................................................14
Skattar og skattframtal...............................................................................................16
Lífeyrissjóður...............................................................................................................18
Peningar – seðlar, kort og rafrænar greiðslur......................................................20
Eignir og lán (skuldir).................................................................................................... 23
Vextir.............................................................................................................................24
Hvernig reiknast vextir?........................................................................................... 26
Máttur vaxtavaxta...................................................................................................... 28
Að safna fyrir...............................................................................................................30
Sparnaðarform............................................................................................................ 32
Tegundir lána.............................................................................................................. 34
Hvað kostar að taka lán?........................................................................................... 36
Að taka lán og greiða af því...................................................................................... 38
Nokkur hollráð................................................................................................................. 41
Stefndu að fjárhagslegu sjálfstæði..........................................................................42
Safnaðu frekar en að taka lán..................................................................................44
Flokkaðu sparnað eftir tilgangi...............................................................................46
Taktu tillit til verðbólgu............................................................................................48
Nýttu góð tækifæri.....................................................................................................50
Gerðu ráð fyrir áföllum............................................................................................. 52
Spurningar og verkefni.................................................................................................54
Fyrstu skref í fjármálum
8
i. UPPRUNI OG RÁÐSTÖFUN VERÐMÆTA
Efnisatriði í kafla
1 2
3
ǜǜ
ǜǜ
ǜǜ
ǜǜ
ǜǜ
ǜǜ
Laun og ráðstöfunartekjur
Að ráða sig í vinnu
Ráðstöfun launa
Skattar og skattframtal
Lífeyrissjóður
Peningar og rafrænar greiðslur
Fjármál eru hluti af daglegu lífi. Fjármál fjalla um að afla,
ráðstafa og varðveita peninga eða önnur verðmæti. Sömu
sjónarmið gilda á öllum aldri, að fara vel með og eyða ekki
um efni fram.
Í hverjum mánuði fá einstaklingar á vinnumarkaði tekjur sem þeir
nota til að greiða nauðsynleg útgjöld til að lifa. Stærsti tekjuliðurinn
eru laun sem eru greidd fyrir vinnu. Mánaðarleg útgjöld eru
meðal annars matur og aðrar nauðsynjar, húnæðiskostnaður, skattar
og kostnaður vegna afþreyingar og áhugamála.
Uppruni
(tekjur)
Hvaðan koma pen ingar
og verðmæti?
ǜǜVasapeningar, gjafafé
ǜǜLaun
ǜǜLífeyrir
ǜǜEftirlaun
ǜǜArfur
Ráðstöfun
(útgjöld)
Í hvað eyðum við?
Í hvað fara launin?
ǜǜMatur og nauðsynjar
ǜǜHúsnæði
ǜǜSkattar
ǜǜSamgöngur
ǜǜAfþreying og áhugamál
Mismunur
Hvað ef tekjur eru meiri
eða minni en gjöld?
ǜǜJákvæður mismunur:
Sparnaður, eignir aukast
ǜǜNeikvæður mismunur:
Eignir minnka, lán
Algengast er að einstaklingar eignist peninga með launum sem þeir
fá fyrir að vinna. Þeir sem eru óvinnufærir á starfsævinni fá lífeyri
og þeir sem eru hættir að vinna fá eftirlaun og lifa á sparnaði. Fólk
getur erft eignir eftir látinn ættingja. Þeir sem eiga eignir fá eignatekjur
eins og vexti af bankareikningum, arðgreiðslur af hlutabréfum,
söluhagnað af seldum eignum, leigutekjur af húsnæði í útleigu
og svo framvegis.
Ef laun á tímabili eru meiri en útgjöld er mismunurinn sparnaður
sem bætist við eignir. Ef útgjöld eru hins vegar hærri en laun þarf
einstaklingur annað hvort að ganga á eignir eða að fá lán fyrir mismuninum.
I. UPPRUNI OG RÁÐSTÖFUN VERÐMÆTA
9
Fyrstu skref í fjármálum
Laun og ráðstöfunartekjur
Læra »»
Heildarlaun, útborguð laun
»»
Ráðstöfunartekjur
»»
Frádráttarliðir sem dragast frá launum
»»
Hvernig ákvarðast laun?
»»
Föst laun, yfirvinna
Gott ráð
Lestu yfir síðasta launaseðil sem þú fékkst fyrir vinnu. Ef þú skilur hann
ekki skaltu biðja atvinnu rekanda um að yfirfara hann og útskýra, eða
leita til stéttarfélags.
Laun
Frádráttarliðir
Einstaklingar fá greidd laun fyrir vinnu. Heildarlaun (brúttólaun) á
launatímabili eru laun fyrir frádráttarliði. Áður en launin eru greidd
út dregur atvinnurekandi iðgjald launþega frá launum sem hann
greiðir í lífeyrissjóð og einnig iðgjald til viðbótarlífeyrissparnaðar
ef við á. Þegar búið er að draga lífeyrissparnað frá launum reiknar
atvinnurekandi tekjuskatt og greiðir skattinn til ríkisins. Í sumum
tilvikum dregur atvinnurekandi félagsgjald til stéttarfélags frá launum
og greiðir til viðkomandi félags.
Iðgjald í lífeyrissjóð. Á Íslandi eru allir vinnandi menn á aldrinum
16 til 70 ára skyldugir til að greiða í lífeyrissjóð. Tilgangurinn er að
safna fyrir eftirlaunum og verja sig og sína nánustu fyrir tekjumissi
vegna örorku eða fráfalls. Lágmarksiðgjald er 12% af launum en
í flestum kjarasamningum er iðgjaldið 15,5% og greiða einstaklingar
sjálfir 4% en launagreiðandi mótframlag sem nemur 11,5%
af launum.
Tekjuskattur er skattur sem ríkið leggur á atvinnutekjur og laun
einstaklinga til að safna fé til að greiða fyrir opinbera þjónustu eins
og menntun, heilbrigðisþjónustu, vegakerfið og fleira. Allir sem afla
tekna og eru búsettir á Íslandi greiða tekjuskatt.
Félagsgjald í stéttarfélag. Stéttarfélög eru félög launafólks sem
hafa það markmið að gæta hagsmuna og réttinda launafólks innan
sinnar stéttar. Félagsgjöld eru venjulega ákveðið hlutfall af launum,
oft 0,5% til 1%.
10
i. UPPRUNI OG RÁÐSTÖFUN VERÐMÆTA
Laun að frádregnum sköttum og öðrum gjöldum kallast ráðstöfunartekjur.
Eins og nafnið bendir til eru það tekjur sem launamaður fær
útborgaðar og getur ráðstafað til að kaupa nauðsynjar (mat, hrein lætisvörur,
föt, samgöngur, húsnæði og fleira) og í sparnað eða eignir.
Laun eru samningsatriði á milli launþega og atvinnurekenda. Oftast
eru launin ákveðin í kjarasamningum stéttarfélags launþega og samtaka
atvinnurekanda. Kjarasamningur er samningur um lágmarkslaun
og er óheimilt að semja um lægri laun. Sumir launþegar, til
dæmis ýmsir sérfræðingar og stjórnendur, eru í þeirri stöðu að geta
samið sérstaklega um sín eigin laun með ráðningarsamningi.
Í mörgum tilvikum er samið um föst laun fyrir ákveðinn fjölda
vinnustunda, til dæmis á viku eða í mánuði. Ef launamaður þarf að
vinna meira en umsamdar vinnustundir fær hann sérstaklega greitt
fyrir það og er það kallað yfirvinna. Fyrir yfirvinnu er greitt eftir yfirvinnutaxta
sem er hærri en dagvinnutaxti eða það sem greitt er fyrir
vinnustund á venjulegum vinnutíma.
Allir starfsmenn eiga rétt á sumarfríi eða orlofi og greiðslu launa
í orlofinu. Orlofslaun eru að lágmarki 10,17% af heildarlaunum og
eru þau ýmist greidd út mánaðarlega, lögð inn á orlofsreikning eða
veita fólki rétt á launuðu sumarfríi. Í flestum tilvikum eru orlofslaun
greidd þegar fólk tekur frí. Þegar starfsmenn hætta eiga þeir rétt á að
fá greidd orlofslaun vegna ótekins orlofs.
Við útborgun launa á launamaður rétt á því að fá launaseðil. Áður
fyrr voru launaseðlar útprentaðir en sífellt fleiri atvinnurekendur
senda rafræna launaseðla í netbanka. Einstaklingur sem skilur ekki
launaseðil ætti að hafa samband við launagreiðanda eða stéttarfélag
og fá aðstoð. Sama gildir ef hann telur að laun séu ekki rétt.
Ráðstöfunartekjur
Hvernig
ákvarðast
laun?
Föst laun
og yfirvinna
Orlof
Launaseðill
Sýnishorn af launaseðli
Ari Arason Dags.: 1. ágúst 2022
Kt. 111111-1230 Launatímabil: júlí 2022
Laun Tímar Taxti Fjárhæð
Föst mánaðarlaun 300.000
Yfirvinna 4 3.000 12.000
Laun samtals 312.000
Frádráttur Hlutfall Fjárhæð
Lífeyrissjóður 4% 12.480
Viðbótarlífeyrissparnaður 4% 12.480
Staðgreiðsla skatta 36.358
Samtals frádráttur 61.318
Samtals útborguð laun 250.682
Lagt inn á reikning 1000-26-111
Á launaseðli koma
fram upplýsingar um
launatímabil, heildarlaun,
frádráttarliði, útborguð
laun og ráðstöfun launa
Aðrar upplýsingar:
Uppsöfnuð laun og frádráttarliðir
á árinu, lífeyrissjóður
sem greitt er í,
mótframlag launagreiðanda
í lífeyrissjóð og til lífeyrissparnaðar,
orlofsframlag og
áunnið orlof og fleira
11
Fyrstu skref í fjármálum
Að ráða sig í vinnu
Læra »»
Helstu reglur um vinnu barna og unglinga
»»
Vinnutími barna og unglinga
»»
Lögræði, fjárræði og sjálfræði
»»
Hvað er ráðningarsamningur?
»»
Helstu atriði ráðningarsamnings
Gott ráð
Öll störf eru mikilvæg. Það er gott að venja sig á að reyna alltaf að gera
eins vel og maður getur, bæði í námi og starfi. Meira er ekki hægt að fara
fram á og það skilar sér alltaf.
Vinna
Börn 14 ára
og yngri
Unglingar
15 til 18 ára
Flesta unglinga langar í vinnu á sumrin og í skólafríum til að vinna
sér inn peninga. Á uppvaxtarárunum er námið mikilvægast en það
getur verið gott að breyta til á sumrin og í fríum og kynnast því að
vinna og fá laun. Um vinnu barna og unglinga undir 18 ára aldri er
fjallað í lögum um aðbúnað, hollustuhætti og öryggi á vinnustöðum
og í reglugerð um vinnu barna og unglinga. Frá 18 ára aldri bera
einstaklingar réttindi og skyldur fullorðins fólks.
Almenna reglan er sú að ekki má ráða börn í vinnu 14 ára og yngri
sem eru í skyldunámi eða í grunnskóla. Á þeirri reglu eru þó undantekningar,
meðal annars að börn sem náð hafa 14 ára aldri má ráða
til léttari starfa og börn sem náð hafa 13 ára aldri má ráða til léttari
starfa í takmarkaðan stundafjölda á dag, svo sem léttari garðyrkjuog
þjónustustarfa eða í önnur hliðstæð störf. Í reglugerð er listi yfir
störf af léttara taginu sem 13 ára og eldri mega vinna. Meðal þeirra
er vinna í skólagörðum með umsjón kennara, létt skrifstofustörf, létt
fiskvinnslustörf án véla, sala dagblaða og létt verslunarstörf en þó
ekki við afgreiðslukassa. Það er hlutverk Vinnueftirlits ríkisins að
meta hvort starf sé við hæfi barna.
Það má ráða unglinga á aldrinum 15 til 18 ára sem eru ekki lengur í
skyldunámi í vinnu, nema um sé að ræða störf sem eru of erfið fyrir
þá líkamlega eða andlega. Með því er til dæmis átt við vinnu þar sem
fyrir hendi er slysahætta, sem gera má ráð fyrir að börn og unglingar
geti átt í erfiðleikum með að átta sig á eða forðast. Í viðauka við reglu-
12
i. UPPRUNI OG RÁÐSTÖFUN VERÐMÆTA
gerð um vinnu barna og unglinga er að finna lista yfir hættuleg tæki,
verkefni, efni og störf þar sem óheimilt er að ráða unglinga í vinnu.
Vinnutími barna
og unglinga
Börn
13–14 ára
Unglingar
15 ára í skyldunámi
Unglingar
15–17 ára
Á skólatíma 2 tímar á dag; 12 tímar á viku 2 tímar á dag; 12 tímar á viku 8 tímar á dag; 40 tímar á viku
Utan skólatíma 7 tímar á dag; 35 tímar á viku 8 tímar á dag; 40 tímar á viku 8 tímar á dag; 40 tímar á viku
Vinna bönnuð kl. 20–6 kl. 20–6 kl. 22–6
Hvíld 14 tímar á sólarhring; 2 d. í viku 14 tímar á sólarhring; 2 d. í viku 14 tímar á sólarhring; 2 d. í viku
Einstaklingar verða lögráða 18 ára en þá verða þeir bæði fjárráða og
sjálfráða. Fjárræði þýðir að einstaklingar hafa forræði yfir og bera fulla
ábyrgð á fjármálum sínum. Sjálfræði felur í sér að einstaklingar ráða einir
yfir öllu öðru en fé sínu og ráða því persónulegum högum sínum eins og
heimili, námi, vinnu og svo framvegis.
Milli starfsmanns og atvinnurekanda á alltaf að vera í gildi ráðningarsamningur
um samskipti þeirra, réttindi og skyldur. Samkvæmt
samkomulagi aðila á vinnumarkaði frá 1996 er atvinnurekanda skylt að
ganga skriflega frá ráðningu starfsmanns ef hann er ráðinn til lengri tíma
en eins mánaðar og er það ágæt viðmiðun.
Takmarkanir sem
gilda um vinnutíma
barna og unglinga
Lögráða fólk
18 ára og eldri
Ráðningarsamningur
Öll vinna er mikilvæg. Hver og einn sem ræður sig í vinnu til lengri tíma
en mánuð ætti að óska eftir skriflegum ráðningarsamningi og gefa sér
tíma til að yfirfara hann. Mikilvægt er að skilja það sem stendur í samningnum,
spyrja um atriði sem eru óskýr og ræða um það sem maður er
ósáttur við.
Helstu atriði ráðningarsamnings
Aðilar
og starf
Starfstími,
vinnutími
Laun
Annað
Staðfesting
· Aðilar samnings, nöfn, heimilisföng og kennitölur.
· Starf sem samið eru um. Stutt lýsing, starfsheiti, næsti yfirmaður.
· Starfstími, upphaf, ráðningartímabil ef ráðning er tímabundin.
· Vinnutími, vinnustaður.
· Laun, föst laun, yfirvinna og hlunnindi.
· Launatímabil, greiðslufyrirkomulag og greiðsludagur launa.
· Orlofsréttur.
· Reglur um tilkynningar á veikindum.
· Lífeyrissjóður og stéttarfélag.
· Uppsagnarfrestur.
· Tilvísun í lög og kjarasamninga.
· Undirskrift launamanns og atvinnurekanda.
· Samþykki foreldra/forráðamanna þarf til að ráðningarsamningur barns
undir 18 ára aldri sé skuldbindandi fyrir barnið.
13
Fyrstu skref í fjármálum
Ráðstöfun launa
Læra »»
Hvað verður um launin?
»»
Helstu útgjaldaliðir unglings
»»
Helstu útgjaldaliðir hjá þeim sem eru fluttir að heiman
»»
Hvernig myndast sparnaður?
»»
Hvernig er best að fylgjast með tekjum og gjöldum?
Gott ráð
Stefndu að því að ráðstöfunartekjur séu alltaf meiri en útgjöld.
Besta leiðin til þess er að gera áætlun um útgjöld og reyna að fylgja
henni.
Hvað verður
um launin?
Einstaklingar nota laun til að greiða fyrir nauðsynlegar vörur og
þjónustu.
Unglingar og annað ungt fólk sem býr í heimahúsum nota launin til
að leggja fyrir og greiða fyrir skólavörur, afþreyingu og áhugamál.
Einstaklingar sem eru fluttir frá foreldrum og reka heimili nota ráðstöfunartekjur
til að greiða fyrir mat og aðrar nauðsynjar, húsnæði,
samgöngur og auðvitað sparnað til að byggja upp eignir.
Helstu
útgjaldaliðir
Býr í heimahúsum
Tómstundir, áhugamál, bíó, íþróttaviðburðir, bækur, skólavörur og
fleira.
Býr einn, í sambúð eða með fjölskyldu
Neysla Matur og hreinlætisvörur. Föt.
Þjónusta Heilsugæsla. Sími og internet.
Samgöngur Rekstur og viðhald bifreiðar, almenningssamgöngur
(strætó).
Húsnæði Rafmagn, hiti, viðhald, fasteignagjöld og leiga eða
afborganir af húsnæðislánum.
Mismunur
Mismunur á launum og útgjöldum fyrir nauðsynjar og afþreyingu er
lagður fyrir sem sparnaður en þannig byggjast upp eignir. Stundum
er sparnaður lagður fyrir í upphafi mánaðar og þá oftast sem föst fjár-
14
i. UPPRUNI OG RÁÐSTÖFUN VERÐMÆTA
hæð í hverjum mánuði. Í öðrum tilvikum er sparnaður lagður fyrir
þegar búið er að greiða nauðsynleg útgjöld.
Eitt er alveg víst, til að byggja upp eignir verða tekjur að vera meiri
en gjöld og einstaklingar að leggja mismuninn fyrir sem sparnað.
Meira um það síðar.
Til að hafa góða yfirsýn yfir fjármálin er gagnlegt fyrir hvern og einn
að gera greiðsluáætlun. Verkefnið hefst á því að áætla tekjur og gera
sér grein fyrir því hvað þær þurfa að duga lengi. Námsmaður sem
vinnur bara á sumrin þarf til dæmis að gera ráð fyrir að laun fyrir
sumarvinnu ásamt ef til vill einhverri aukavinnu á veturna dugi
fyrir gjöldum yfir vetrartímann. Einstaklingur í vinnu sem er fluttur
að heiman og hefur stofnað eigið heimili þarf að gera ráð fyrir að
launin dugi fram að næstu útborgun launa eða út mánuðinn.
Greiðsluáætlun
Næsta skref er að áætla útgjöld. Það sem skiptir mestu máli við það
er að gæta að því að útgjöldin verði ekki meiri en tekjur, helst minni.
Það fer auðvitað eftir aðstæðum hjá einstaklingum en almennt má
segja að æskilegt sé að stefna að því að tekjur verði alltaf meiri en
gjöld. Ef það gerist má leggja mismuninn fyrir eða nota sem varasjóð
til að grípa í ef aðstæður breytast.
Gerðu greiðsluáætlun
Áætla tekjur
ǜǜHvað eiga þær að duga lengi?
ǜǜÁgætt að skipta niður á stutt tímabil, til dæmis vikur eða daga
Áætla gjöld
ǜǜMega ekki vera meiri en tekjur á sama tímabili
ǜǜGjöld ráðast af búsetu eða aðstæðum
Mikilvægt er að gefa
sér tíma og gera áætlun
um tekjur og gjöld.
Þannig fæst yfirsýn
um hvað má og hverju
hægt er að eyða
Mismunur
ǜǜÆskilegt að geta lagt eitthvað fyrir
Það er ekki nóg að gera áætlun, það þarf einnig að fylgjast með
raunverulegum tekjum og gjöldum. Hér er mælt með að áætlun
sé gerð í Excel eða öðrum töflureikni og helstu rauntölur einnig
skráðar þar. Yfirleitt er auðvelt að sækja upplýsingar um útgjöld
í netbanka, sem sumir hverjir bjóða auk þess aðgang að forriti
fyrir heimilisbókhald. Með því að fylgjast með rauntölum eykst
yfirsýnin, framtíðaráætlanir verða nákvæmari og einstaklingur
stýrir betur eigin fjármálum.
Í hvað fara
peningarnir?
15
Fyrstu skref í fjármálum
Skattar og skattframtal
Læra »»
Hvað eru skattar?
»»
Hverjir eru helstu skattarnir?
»»
Fyrirkomulag á greiðslu tekjuskatts
»»
Skattframtal
»»
Persónuafsláttur. Af hverju greiða krakkar yfirleitt ekki skatta fyrir
sumarvinnu?
Gott ráð
Hver og einn ætti að gera sitt eigið skattframtal. Til að gera skattframtal
þarf að hafa aðgang að upplýsingum um tekjur, eignir og skuldir, rafrænt
eða á pappír.
Hvað eru
skattar?
Skattar eru þau gjöld sem einstaklingar greiða til ríkis og sveitarfélaga
til að fjármagna opinbera þjónustu eins og vegi, heilbrigðisþjónustu,
skóla, löggæslu og fleira. Útgjöld fyrir opinbera þjónustu eru oft
kölluð einu nafni samneysla til aðgreiningar frá einkaneyslu sem eru
útgjöld einstaklinga fyrir neyslu.
Algengustu skattar sem einstaklingar greiða eru tekjuskattur, fjármagnstekjuskattur
og virðisaukaskattur.
»»
Tekjuskattur er skattur á atvinnutekjur einstaklinga og fyrirtækja.
Tekjuskattur samanstendur af skatti til ríkisins og
útsvari til þess sveitarfélags sem einstaklingur er búsettur í.
»»
Fjármagnstekjuskattur er skattur sem lagður er á eignatekjur
einstaklinga eins og til dæmis vexti af bankareikningum, arðgreiðslur
af hlutabréfum eða söluhagnað.
»»
Virðisaukaskattur er greiddur af verði vöru og þjónustu.
Staðgreiðsla
Börn 15 ára og yngri greiða 6% tekjuskatt ef laun þeirra fara yfir
ákveðið frítekjumark (180.000 krónur árið 2022) og eru tekjur þeirra
taldar fram í skattskýrslu foreldra. Einstaklingar byrja að greiða
tekjuskatt eins og fullorðnir þegar þeir eru orðnir 16 ára. Tekjuskattur
er staðgreiddur en í því felst að atvinnurekandi dregur skattinn frá
launum áður en þau eru greidd. Tekjuskattur reiknast af launum og
er dreginn frá sem bráðabirgðagreiðsla. Tekjuskattur er gerður upp
16
i. UPPRUNI OG RÁÐSTÖFUN VERÐMÆTA
í árslok þegar upplýsingar um endanlegar tekjur og frádrætti liggja
fyrir. Einstaklingar skila árlega skýrslu til skattstjóra, svokölluðu
skattframtali, með upplýsingum um tekjur, eignir og skuldir. Ríkisskattstjóri
fer svo yfir skattframtalið og reiknar endanlegan tekjuskatt.
Ef einstaklingur hefur ofgreitt skatta eru þeir endurgreiddir í
júlí árið eftir en ef einstaklingar skulda skatta eru þeir innheimtir á
tímabilinu frá júlí til desember.
Áður fyrr skiluðu einstaklingar inn skattframtali á pappír en nú skila
flestir rafrænu framtali í gegnum þjónustuvef. Áður en einstaklingar
byrja að vinna í framtölum sínum safnar ríkisskattstjóri upplýsingum
um laun, fjármagnstekjur, eignir og skuldir og skráir á nafn einstaklinga.
Vinna einstaklinga við skattframtöl felst því fyrst og fremst í að
skoða hvort allar upplýsingar hafi skilað sér og séu réttar.
Rafrænt
framtal
Greiðsla og uppgjör tekjuskatts
STAÐGREIÐSLA
SKATTFRAMTAL
ENDANLEGT
UPPGJÖR
Tekjuskattur er staðgreiddur
en endanlegt uppgjör fer
fram þegar upplýsingar um
allar tekjur og frádráttar
liði liggja fyrir
Tekjuskattur reiknast
af launum og er
staðgreiddur.
Upplýsingum um
endanlegar tekjur er
skilað til skattstjóra.
Ríkisskattstjóri reiknar
endanlega fjárhæð
tekjuskatts, endurgreiðir
ofgreidda skatta
eða rukkar það sem
upp á kann að vanta.
Fjárhæð tekjuskatts reiknast sem hlutfall af launum og er skatthlutfall
breytilegt eftir launum. Á árinu 2022 eru skatthlutföll á bilinu
31,45% til 46,25%.
Skatthlutfall
og persónuafsláttur
Áður en skatturinn er reiknaður dregst frá persónuafsláttur sem er
skattaafsláttur sem allir fá og tryggir að laun upp að ákveðnu marki
eru skattfrjáls. Persónuafsláttur safnast upp á árinu og ef einstaklingar
vinna ekki allt árið nýtist afslátturinn samt allt árið.
Krakkar og unglingar sem vinna bara á sumrin þurfa því yfirleitt ekki að
greiða skatt, þau nýta persónu afslátt frá tímabilum þar sem þau fengu
engin laun. Árið 2022 er persónuafsláttur á mánuði 53.916 krónur. Það
þýðir að einstak lingur getur haft um 178.577 krónur á mánuði án þess
að greiða skatt (53.916/31,45%/96%). Ef strákur eða stelpa byrjar að
vinna í júní hefur safnast upp ónýttur persónu afsláttur fyrir janúar til
júní að fjárhæð 323.497 krónur (6*53.916) sem þýðir að viðkomandi
getur haft 1.071 þúsund krónur (178.577*6) í skattfrjálsar tekjur.
17
Fyrstu skref í fjármálum
Lífeyrissjóður
Læra »»
Hvað er lífeyrissjóður?
»»
Hverjir greiða í lífeyrissjóð?
»»
Hvað greiða launþegar og atvinnurekendur mikið?
»»
Hvaða réttindi ávinnast með greiðslum í lífeyrissjóð?
»»
Hvernig ávinnast réttindi?
Gott ráð
Mikilvægt er að fylgjast með að greiðslur berist í lífeyrissjóð og að þekkja
réttindi sín. Ellilífeyrir lífeyrissjóða er oftast stærsti hluti eftirlauna.
Skylduaðild
Hvaða sjóð
á að greiða í?
Iðgjald
Á Íslandi er skylduaðild að lífeyrissjóði og verða allir vinnandi einstaklingar
á aldrinum 16 til 70 ára að greiða í lífeyrissjóð. Tilgangurinn
með skylduaðildinni er að tryggja að hver og einn leggi fyrir og
safni upp sjóði til að greiða eftirlaun til æviloka þegar starfsævinni
lýkur. Lífeyrissjóðir greiða einnig örorkulífeyri ef sjóðfélagar verða
óvinnufærir og maka- og barnalífeyri við fráfall sjóðfélaga.
Yfirleitt eru launþegar skyldugir til að vera í þeim lífeyrissjóði sem
kemur fram í kjarasamningi viðkomandi starfsstéttar. Ef ráðningarsamningur
er ekki byggður á kjarasamningi, sem skyldar launþega
til aðildar að ákveðnum lífeyrissjóði, geta einstaklingar valið hvaða
lífeyrissjóð þeir greiða í.
Lágmarksiðgjald í lífeyrissjóð samkvæmt lögum er 12% af launum
en í flestum kjarasamningum er iðgjaldið 15,5% og greiða einstaklingar
sjálfir 4% en launagreiðandi mótframlag sem nemur 11,5%
af launum.
Atvinnurekandi sér um að draga iðgjöld launþega frá launum og skila
til viðkomandi lífeyrissjóðs ásamt eigin mótframlagi.
Yfirlit og
upplýsingar
Flestir lífeyrissjóðir senda sjóðfélögum sínum eitt til tvö yfirlit á ári
með upplýsingum um iðgjaldagreiðslur og réttindi. Mikilvægt er fyrir
launþega að fylgjast með að iðgjöld þeirra skili sér til lífeyrissjóðsins.
Best er að gera það með því að bera saman yfirlit frá lífeyrissjóðnum
18
i. UPPRUNI OG RÁÐSTÖFUN VERÐMÆTA
og launaseðla. Vanti iðgjöld er ráðlegt að hafa samband við launagreiðanda
eða biðja viðkomandi lífeyrissjóð að innheimta iðgjaldið.
Með greiðslum í lífeyrissjóð ávinna sjóðfélagar sér eftirfarandi réttindi:
»»
Ellilífeyri frá 67/70 ára til æviloka.
Réttindi í
lífeyrissjóðum
»»
Örorkulífeyri við starfsorkumissi vegna slysa eða sjúkdóma.
»»
Makalífeyri til eftirlifandi maka við andlát.
»»
Barnalífeyri vegna örorku eða andláts sjóðfélaga.
Meginhlutverk lífeyrissjóða er að greiða ellilífeyri til æviloka. Ellilífeyrisgreiðslur
lífeyrissjóða eru yfirleitt stærsti hluti tekna á eftirlaunaárunum
og þess vegna eru réttindi í lífeyrissjóðum afar mikilvæg.
Hlutverk lífeyrissjóða
IÐGJALD
ÁVÖXTUN
FJÁRMUNA
LÍFEYRIR
Lífeyrissjóðir varðveita
iðgjöld sjóðfélaga, ávaxta
þau og greiða lífeyri
Allir sem vinna verða
að greiða í lífeyrissjóð.
Iðgjald launþega er
dregið frá launum.
Vinnuveitandi greiðir
mótframlag.
Lífeyrissjóður ávaxtar
iðgjöld.
Sjóðfélagar fá sent
yfirlit um réttindi.
Eftirlaun til æviloka frá
67/70 ára aldri.
Áfallalífeyrir ef sjóðfélagi
verður óvinnufær
eða fellur frá.
Lífeyrisréttindi ávinnast í hlutfalli við greidd iðgjöld, það er því meira
sem lagt er fyrir því hærri verða eftirlaunin. Ef einstaklingur vinnur 40
ár og greiðir í lífeyrissjóð alla starfsævina þá er líklegt að eftirlaun miðað
við 15,5% iðgjald verði nálægt 60% til 70% af lokalaunum.
Hvernig
ávinnast
réttindi?
Endanleg fjárhæð eftirlauna ræðst af launaþróun og afkomu sjóðanna.
Þar sem eignir eru notaðar til að greiða lífeyri skiptir afkoma sjóðanna
miklu máli. Ef eignir duga ekki til að greiða lífeyri í samræmi við réttindi
verða sjóðirnir að lækka réttindin eða auka þau ef eignir eru meiri en
skuldbindingar.
Flestir lífeyrissjóðir bjóða sjóðfélögum aðgang að upplýsingum um
iðgjöld og lífeyrissréttindi á læstum sjóðfélagavefum sem eru aðgengilegir
á heimasíðum sjóðanna. Þar er að finna upplýsingar um iðgjaldagreiðslur
og réttindi auk þess sem þar er yfirleitt hægt að reikna og
áætla væntanleg eftirlaun.
Nánari
upplýsingar
og reiknivélar
19
Fyrstu skref í fjármálum
Peningar – seðlar, kort og rafrænar greiðslur
Læra »»
Gjaldmiðill Íslands
»»
Peningar
»»
Hver hefur einkarétt á að gefa út seðla og mynt?
»»
Debetkort
»»
Kreditkort
Gott ráð
Gott er að vera með veltureikning í banka og fá sér debetkort þegar aldur
og aðstæður leyfa. Mikilvægt er þó að þekkja þann kostnað sem fylgir
notkun kortsins.
Lögeyrir
Peningar
eða rafrænar
færslur
Farsími
eða kort
Samkvæmt lögum nefnist gjaldmiðill Íslands króna. Peningaseðlar og
slegnir peningar (mynt) eru notaðir til að skiptast á krónum. Seðlabanki
Íslands hefur einkarétt til að láta prenta og gefa út peningaseðla
og láta slá og gefa út peninga úr málmi. Peningaseðlar þeir, sem Seðlabanki
Íslands lætur gera og gefur út, og peningar þeir, sem hann lætur
slá og gefur út, skulu samkvæmt fyrrnefndum lögum vera lögeyrir sem
þýðir að hægt er að greiða fyrir allar vörur og þjónustu með peningum.
Peningar eru greiðslumiðill og eru notaðir þegar einstaklingar, fyrirtæki
eða stofnanir skiptast á verðmætum. Peningaseðlar og peningar úr
málmi eru þó minnst notaðir nú heldur færast peningar að mestu rafrænt
á milli aðila. Það er gert með beinum millifærslum í netbanka eða
með farsíma eða greiðslukortum sem annað hvort eru debetkort eða
kreditkort. Ef einstaklingur greiðir með farsíma eða notar debetkort er
fjárhæð millifærð beint af bankareikningi hans. Ef hann greiðir hins vegar
með kreditkorti stofnast skuld hjá honum við kortafyrirtækið, sem greiðir
umsamda fjárhæð til seljanda vöru eða þjónustu en innheimtir síðan
skuldina frá einstaklingnum í næsta mánuði eða á næsta greiðslutímabili.
Flestir nota debetkort eða farsíma til greiðslu í daglegum viðskiptum
en eiga einnig einhverja peningaseðla til að nota þar sem ekki er hægt
að greiða með rafrænum hætti. Margir eiga einnig kreditkort og nota
það ýmist til greiðslu í daglegum viðskiptum eða eiga það til öryggis
ef tekjur duga ekki fyrir gjöldum.
Greiðslur með farsíma eru oftast tengdar greiðslukortum og eru
kortin vistuð í símann. Við greiðslu myndast hreyfing eins og
kortið væri notað beint. Á næstu árum má búast við að rafrænum
20
i. UPPRUNI OG RÁÐSTÖFUN VERÐMÆTA
greiðslumögu leikum fjölgi en nú þegar er hægt, í einhverjum tilfellum,
að greiða með snjallúrum.
Greiðslukort og farsímar eru öruggari en seðlar. Ef peningar týnast
getur sá sem finnur þá notað þá strax en kort er hins vegar ekki hægt
að nota nema með því að þekkja svokallað PIN-númer, talnarunu sem
er slegin inn í greiðslukortaposa til að staðfesta greiðslu. Öryggið er
jafnvel meira með farsíma þar sem notandi staðfestir greiðslur með
fingrafaralesara eða andlitsskanna.
Greiðslur í heimabönkum yfir tilteknum fjárhæðum eru staðfestar
með rafrænum skilríkjum sem hægt er að nota í nær öllum tegundum
farsíma. Með þeim má auðkenna sig á öruggan hátt á netinu og staðfesta
skjöl og greiðslur. Rafræn skilríki jafngilda fullgildri undirritun.
Samanburður á greiðslumiðlum
Öryggismál
Rafræn skilríki
Samanburður
Peningar Kort Farsími/snjallúr
Vextir Engir vextir Lágmarksvextir Lágmarksvextir
Greiðslumiðill
Fyrirferð
Veski týnist
Peningar eru
alltaf gjaldgengir í
viðskiptum
Taka pláss í veski
Finnandi getur
notað peninga
Eingöngu hægt að nota ef
söluaðili er með greiðslukortavél
(posa)
Fer lítið fyrir
Ekki hægt að nota kort án
PIN-númers. Eigandi getur
látið loka korti strax
Eingöngu hægt að nota ef
söluaðili er með greiðslukortavél
(posa)
Farsími/snjallúr kemur
í staðinn fyrir veski
Bara eigandi getur notað
síma/snjallúr eða einhver
sem þekkir lykilnúmer
Samanburður á því
að nota peningaseðla,
debetkort
eða farsíma
Hraðbankar
Nei
Hægt að sækja peninga í
hraðbanka
Hægt að sækja peninga í
kortalausum hraðbanka
Notkun á netinu
Nei
Hægt að greiða reikn inga
með korti
Hægt að greiða reikn inga
með korti á síma
Notkun í
útlöndum
Krónu þarf að
skipta í gjaldmiðil
viðkomandi lands
Hægt að greiða með
korti og sækja peninga í
hraðbanka
Hægt að greiða með síma/
snjallúr og sækja peninga í
kortalausan hraðbanka
Einstaklingar greiða fyrir notkun debetkorta samkvæmt gjaldskrám
bankanna. Yfirleitt rukka bankarnir árgjald fyrir kortin og færslugjald
fyrir hverja notkun.
Unglingar geta almennt fengið debetkort frá 11 eða 12 ára aldri. Mikilvægt
er að passa vel upp á debetkortið sitt og alls ekki segja neinum
eða gefa upplýsingar um PIN-númerið á kortinu sínu. Ófjárráða börnum
og unglingum er óheimilt að stofna til skulda. Því getur einstaklingur
sem er yngri en 18 ára ekki fengið kreditkort nema það sé fyrirframgreitt
en þá þarf korthafi að eiga inneign fyrir notkun kortsins.
Slík kort geta verið hentug, meðal annars vegna ferðatrygginga og
neyðarþjónustu á ferðalögum sem þeim fylgja.
Kostnaður
Hvenær á
að byrja með
debetkort?
En kreditkort?
21
Fyrstu skref í fjármálum
22
2. Eignir og lán (skuldir)
Efnisatriði í kafla
1 2
3
ǜǜ
ǜǜ
ǜǜ
ǜǜ
ǜǜ
ǜǜ
ǜǜ
Vextir
Hvernig reiknast vextir?
Reglulegur sparnaður / Að safna fyrir
Sparnaðarform
Tegundir lána
Hvað kostar að taka lán?
Að taka lán og greiða af því
Flestir einstaklingar safna eignum á ævinni. Margir kaupa
fasteign til að búa í og er það yfirleitt stærsta einstaka
eign einstaklinga. Nær allir eignast einhver húsgögn, bíla,
tölvur og margt fleira. Eignir erfast milli kynslóða, oftast frá
foreldrum til barna. Ungt fólk fær líka oft peningagjafir, til dæmis
við fermingu, sem það leggur fyrir og notar síðar til að kaupa eignir.
Algengast er að fólk safni fyrir eignum með því að leggja fyrir
jákvæðan mun á tekjum og útgjöldum.
Tekjur – útgjöld > 0 => Eignir aukast
Tekjur – útgjöld < 0 => Eignir minnka, stundum taka einstaklingar
lán til að brúa bilið
Yfirleitt þarf að safna í nokkurn tíma til að eiga fyrir eignum, allt frá
nokkrum mánuðum til fjölda ára. Sá sem vill eignast farsíma getur
ef til vill náð að safna fyrir honum á nokkrum mánuðum. Einstaklingur
eða hjón sem vilja eignast íbúð eru hins vegar oftast mörg ár
eða nokkra áratugi að eignast hana að fullu.
Flestir taka lán á ævinni. Einstaklingar taka lán til að kaupa bíl,
húsnæði eða aðra hluti, námsmenn taka námslán til að fjármagna
nám og svo framvegis. Það er að jafnaði dýrara að kaupa eignir með
lántöku heldur en að safna fyrir þeim og staðgreiða en stundum er
ávinningurinn meiri en lántökukostnaður.
Að taka lán er hluti af fjármálum einstaklinga og hófleg lántaka eykur
lífsgæði. Á hinn bóginn getur óhófleg lántaka snúist upp í ógæfu
ef lántaki lendir í greiðsluerfiðleikum með tilheyrandi áhyggjum
og vanlíðan. Þeir sem taka lán verða að hafa í huga að lántaka er
skuldbinding og það kostar að taka lán.
2. Eignir og lán (skuldir)
23
Fyrstu skref í fjármálum
Vextir
Læra »»
Vextir
»»
Innlánsvextir, útlánsvextir, vaxtamunur
»»
Binditími, áhrif á vexti
»»
Hvernig ákvarðast vextir á markaði?
»»
Stýrivextir, dráttarvextir
Gott ráð
Gott er að hafa skoðun á því hve lengi á að geyma sparnað. Þannig er
hægt að velja reikninga með viðeigandi binditíma og vöxtum.
Hvað eru
vextir?
Innláns- og
útlánsvextir
Mismunandi
binditími,
ólíkir vextir
Vextir á bankareikningum
eru yfirleitt hærri eftir því
sem binditími er lengri
Sá sem sparar og leggur fyrir peninga til að nota síðar getur lagt þá í
banka gegn því að fá þá endurgreidda síðar með vöxtum. Vextir eru
leigan sem bankinn greiðir einstaklingnum fyrir peningana.
Sá sem leggur peninga inn á reikning í banka fær greidda vexti (innlánsvexti)
fyrir að geyma þá í bankanum. Bankinn lánar síðan peningana
til einstaklinga, fyrirtækja eða stofnana og fær greidda vexti
(útlánsvexti) fyrir lánsféð. Útlánsvextir eru yfirleitt hærri en innlánsvextir
en þannig myndast tekjur hjá bankanum. Mismunur á
innláns- og útlánsvöxtum er kallaður vaxtamunur.
Einstaklingar geta lagt peninga í banka og valið á milli mismunandi
bankareikninga eftir því hvað þeir vilja eða geta geymt peningana lengi.
Að jafnaði er hægt að fá hærri vexti eftir því sem einstaklingur er tilbúinn
að festa eða geyma peningana lengur. Að binditíma loknum gilda mismunandi
reglur um úttekt og mögulega framlengingu binditíma. Upplýsingar
um binditíma innlánsreikninga er að finna í skilmálum einstakra
reikninga. Hægt er að fletta upp á þeim á heima síðum bankanna.
Dæmi um bankareikninga og vaxtakjör
Reikningur Binditími Greiðsla vaxta Vextir Kort
Tékkareikningur Enginn Árlega 0,05% til 0,10% Já
Óbundinn sparireikningur Enginn Árlega 0,7% til 2,% Nei
Bundinn sparireikningur 6–12 mánuðir Mánaðarlega 2,55% til 2,75 Nei
Húsnæðisreikningur Enginn Árlega 2,25% Nei
Framtíðarreikningur Til 18 ára Árlega Verðtrygging +
0,8%
Nei
Heimild: Vaxtatöflur viðskiptabanka í janúar 2022
24
2. Eignir og lán (skuldir)
Vextir á bankareikningum eru yfirleitt breytilegir sem þýðir að bankinn
getur breytt vöxtum á sparnaðartímanum. Á heimasíðum banka
eru upplýsingar um tegundir innlánsreikninga og vaxtatöflur með
upplýsingum um vexti á inn- og útlánum.
Vextir hafa meiri áhrif á sparnað eftir því sem vextirnir eru hærri eða
sparnaðartíminn lengri. Myndin sýnir hvernig 10.000 krónur vaxa sem
eru lagðar fyrir með 1%, 3% eða 5% vöxtum. Eftir 10 ár verður sparnaðurinn
með 3% vöxtum 13.439 krónur (134% af upphaflegum höfuðstól)
en eftir 20 ár 18.061 króna (181% af upphaflegum höfuðstól).
Vextir og
höfuðstóll
Vextir og sparnaðartími
28 þúsund krónur
5%
26
24
22
20
3%
18
16
14
1%
12
10
0 1 2 3 4 5 6 7 8 9 10 11 12 13 14 15 16 17 18 19 20
Sparnaðartími í árum
Myndin sýnir þróun
höfuðstóls m.v. 1%,
3% og 5% vexti og
sparnaðartíma í allt
að 20 ár
Vextir ráðast af aðstæðum í efnahagslífi hverju sinni. Þegar
framleiðsla og fjárfestingar í landinu eru að aukast leiðir það yfirleitt
til þess að eftirspurn eftir lánsfé eykst sem getur leitt til þess að
vextir hækki. Ef það er hins vegar samdráttur í þjóðfélaginu aukast
líkurnar á að vextir lækki.
Hvernig
ráðast vextir?
Seðlabankinn stýrir vöxtum að hluta með því að ákveða svokallaða
stýrivexti sem eru vextir bankans við önnur fjármálafyrirtæki. Viðskiptabankar
taka tillit til þeirra við ákvörðun um vexti á inn- og útlánum.
Markmið Seðlabankans með vaxtaákvörðunum er að stuðla
að stöðugu verðlagi sem er eitt af meginmarkmiðum bankans.
Sé afborgun af láni eða innheimtukrafa greidd eftir gjalddaga er lánveitanda
heimilt að krefja skuldara um dráttarvexti sem reiknast
frá gjalddaga að greiðsludegi. Dráttarvextir eru yfirleitt nokkuð háir
til að hvetja skuldara að greiða skuld á tilsettum tíma og til að bæta
kröfuhafa upp frestun á greiðslu. Samkvæmt lögum ákveður Seðlabankinn
dráttarvexti og auglýsir mánaðarlega.
Vanskilavextir
25
Fyrstu skref í fjármálum
Hvernig reiknast vextir?
Læra »»
Hvernig reiknast vextir?
»»
Vaxtadagar
»»
Fastir og breytilegir vextir
»»
Flatir vextir
»»
Vaxtavextir
Gott ráð
Það er góður siður að reikna sjálf/ur vexti á sparnað eða á lánum og
athuga hvort þú ert að fá eða greiða rétta vexti. Fáðu aðstoð ef þú veist
ekki hvernig á að reikna þá út.
Að reikna
vexti
Vextir reiknast sem hlutfall af höfuðstól á ári. Í vaxtaútreikningi er
almennt miðað við 360 daga á ári en ekki 365. Formúla fyrir vexti er
eftirfarandi:
Vextir = höfuðstóll * vextir (%) * dagar /360 (vaxtadagar á ári)
Ef vextir á bankareikningi eru 3% og eigandi leggur fyrir 100 krónur
á hann 103 krónur eftir eitt ár sem samanstanda af upphaflegum
höfuð stól og vöxtum (100 * 3/100 * 360/360).
Vaxtadagar
Vextir eru yfirleitt gefnir upp sem vextir á ári (ársgrundvelli). Endanlegir
vextir ráðast af sparnaðar- eða lánstíma og því þarf að reikna
vexti miðað við fjölda daga frá því sparifé var lagt til hliðar eða lán
var tekið.
Á Íslandi er yfirleitt notast við þá venju að telja 30 vaxtadaga í
mánuði og 360 daga í ári. Í febrúar er 28. febrúar reiknaður sem
þrír vaxtadagar nema í hlaupári en þá reiknast 29. febrúar sem tveir
vaxtadagar. Í mánuðum með 31 dag teljast 30. og 31. sami vaxtadagur.
Breytilegir og
fastir vextir
Ef vextir eru breytilegir er reiknað vegið meðaltal vaxta á vaxtatímabilinu
og fær hver vaxtaprósenta vigt eftir því hvað hún gildir
lengi.
Breytilegir vextir = (v1 * t1/t + v2 * t2/t+ .... + vn * tn/t)
þar sem v1 eru vextir á tímabili 1, t1 er fjöldi daga á tímabili
1, t er fjöldi daga alls, v2 er vextir á tímabili 2, t2 fjöldi daga á
tímabili 2 og svo framvegis.
26
2. Eignir og lán (skuldir)
Ef vextir eru 3% í 10 vaxtadaga, 4% í 40 vaxtadaga og 5% í 40
vaxtadaga þá eru breytilegir vextir á tímabilinu 4,3% (3%*10/90
+ 4%*40/90+5%*40/90).
Ef vextir eru fastir þá breytist vaxtaprósenta ekki á sparnaðar- eða
lánstíma.
Vextir geta verið annað hvort flatir vextir eða vaxtavextir.
Það eru kallaðir flatir vextir (stundum einfaldir vextir) þegar vextir
reiknast eingöngu af höfuðstól. Ef vextir eru flatir aukast þeir í beinu
hlutfalli við sparnaðartíma að því gefnu að höfuðstóll og vaxtaprósenta
breytist ekki á tímabilinu.
Tvær
reikniaðferðir
Vaxtavextir eru vextir sem reiknast á vexti. Í þeim tilvikum er
vöxtum bætt við höfuðstól á fyrirfram ákveðnum tíma, oftast
árlega. Næst þegar vextir reiknast á höfuðstól verða þeir meiri en á
fyrra tímabili því þá reiknast vextir á vexti. Þaðan kemur hugtakið
vaxtavextir.
Vaxtavextir vaxa með veldisvexti yfir tíma þar sem vextir á hverju
tímabili reiknast á uppfærðan höfuðstól þar sem vöxtum frá fyrra
tímabili hefur verið bætt við.
Samanburður á vaxtavöxtum og flötum vöxtum
1.200 krónur (höfuðstóll lagður fyrir í upphafi = 1.000 kr.)
1.000
800
600
400
200
Vaxtavextir
Flatir
vextir
Höfuðstóll vex hraðar ef
vextir reiknast á vexti
heldur en ef vextir reiknast
bara á höfuðstól
0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25
Ár
Flatir vextir eru notaðir þegar vextir á lán eru aðeins reiknaðir á
lánsfjárhæðina. Þetta er algengast á stuttum lánum eða þegar lán er
með árlegar afborganir eða margar afborganir á ári.
Vextir á bankareikningum eru oftast vaxtavextir þar sem vöxtum er
bætt árlega við höfuðstól, oftast í árslok. Eftir að vextir bætast við
höfuðstól reiknast framtíðarvextir á nýjan höfuðstól sem inniheldur
þá vexti frá fyrri tímabilum.
Hvenær
eru vextir
flatir eða
vaxtavextir?
27
Fyrstu skref í fjármálum
Máttur vaxtavaxta
Læra »»
Hvernig virka vaxtavextir?
»»
Hvernig vaxa vaxtavextir með tíma?
»»
Hvað ræður áhrifum vaxtavaxta?
»»
Af hverju er ákveðin fjárhæð verðmætari núna en í framtíðinni?
Gott ráð
Byrjaðu að spara eins fljótt og þú getur til að njóta áhrifa vaxtavaxta og
veldisvaxtar höfuðstóls.
Snjólbolti...
Snjóboltaáhrif
...veltur niður
fjallshlið og...
...stækkar
og stækkar
Með flötum vöxtum
bætist við sama fjárhæð
á hverju ári en með
vaxtavöxtum bætast við
meiri vextir á hverju ári
Veldisvöxtur með vaxtavöxtum vísar til aukins verðmætis sparnaðar
vegna vaxta eða tekna af bæði höfuðstól og uppsöfnuðum vöxtum
og tekjum. Vextir reiknast ekki bara á upphaflegan sparnað heldur
einnig á vexti, arðgreiðslur og gengis- og söluhagnað – þannig að
höfuðstóll vex hraðar og hraðar með hverju ári sem líður.
Sparnaði með vaxtavöxtum má líkja við snjóbolta sem veltur niður
fjallshlíð. Á leiðinni hleður hann stöðugt á sig meiri snjó og vex hraðar
og hraðar á leiðinni niður.
Sparnaður (eingreiðsla) og vextir sem bætast við ár hvert
1.000 þús. kr.
1.050
1.000
950
Vextir á vexti (vaxtavextir) – vaxa með tíma
Vextir reiknast eingöngu af höfuðstól (flatir vextir)
– föst fjárhæð á ári ef vaxtaprósenta helst óbreytt
Á löngum tíma geta
vextir orðið stór hluti af
uppsöfnuðum sparnaði
Ár
Sparnaður (eingreiðsla) – lagður fyrir í upphafi
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25
Uppsafnaður sparnaður
2.500 þús. kr.
Vextir á vexti
2.000
Vextir á höfuðstól
1.500
Sparnaður (eingreiðsla
í upphafi tímabils)
1.000
500
0
Ár
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25
28
2. Eignir og lán (skuldir)
Tvennt ræður því hversu hratt sparnaður vex með vaxtavöxtum.
Ávöxtun eða vextir á tímabili. Máttur vaxtavaxta ræðst af
vöxtum sem er greiddur á sparnað (innlán, ríkisskuldabréf,
o.s.frv.) eða ávöxtun hlutabréfa (arðgreiðslur, söluhagnaður,
verðhækkun) og annarra eigna. Sparnaður vex hraðar eftir því
sem vextir og/eða ávöxtun eigna eru hærri.
Hvað ræður
áhrifum
vaxtavaxta?
Tími. Því lengur sem sparnaður er geymdur, því meiri verða
áhrif vaxtavaxta.
Taflan sýnir stuðla sem nota má til að margfalda höfuðstól sem er
lagður fyrir miðað við mismunandi vexti og sparnaðartíma. Sá sem
leggur fyrir 100.000 kr. í 10 ár á 1,5% vöxtum á 116.100 krónur í lok
sparnaðartímans (100.000 x 1,161). Töfluna má líka nota til að finna
út hvað þarf að leggja fyrir til að safna fyrir tiltekinni fjárhæð. Ef
einstaklingur getur fengið 2,0% vexti í 5 ár þarf hann að leggja fyrir
906 þúsund krónur til að eignast eina milljón (1.000.000 / 1,104).
Vaxtatafla (höfuðstóll – eða sparnaður – lagður fyrir í einu lagi)
Sparnaðartími
1 ár
2 ár
3 ár
4 ár
5 ár
6 ár
7 ár
8 ár
9 ár
10 ár
15 ár
20 ár
30 ár
40 ár
Vextir á ári
0,5% 1,0% 1,5% 2,0% 2,5%
1,005
1,010
1,015
1,020
1,025
1,030
1,036
1,041
1,046
1,051
1,078
1,105
1,161
1,221
1,010
1,020
1,030
1,041
1,051
1,062
1,072
1,083
1,094
1,105
1,161
1,220
1,348
1,489
1,015
1,030
1,046
1,061
1,077
1,093
1,110
1,126
1,143
1,161
1,250
1,347
1,563
1,814
1,020
1,040
1,061
1,082
1,104
1,126
1,149
1,172
1,195
1,219
1,346
1,486
1,811
2,208
1,025
1,051
1,077
1,104
1,131
1,160
1,189
1,218
1,249
1,280
1,448
1,639
2,098
2,685
Vöxtur sparnaðar með tíma er grunnurinn að hugtakinu tímavirði
peninga. Þá er átt við að peningar, sem eru tiltækir núna, eru meira
virði en sama fjárhæð í framtíðinni af því að hægt er að leggja peningana
fyrir og safna vöxtum. Ef hægt er að leggja 10.000 krónur
fyrir á bankareikningi með 1% vöxtum verður sparnaður eftir eitt ár
10.100 krónur. Af þessum sökum eru 10.000 krónur núna verðmætari
en 10.000 krónur eftir eitt ár.
Vaxtastuðlar
Taflan sýnir stuðla til að
reikna höfuðstól sem er
lagður fyrir í einu lagi í
upphafi tímabils miðað
við mismunandi vexti og
mislangan sparnaðartíma
Tímavirði
peninga
29
Fyrstu skref í fjármálum
Að safna fyrir
Læra »»
Hvað er reglulegur sparnaður?
»»
Hver er helsti kostur reglulegs sparnaðar?
»»
Hvað þarf að leggja minnst fyrir á mánuði?
»»
Hvers vegna er betra að byrja fyrr en seinna?
»»
Fimm skref til að safna fyrir
Gott ráð
Þeir sem eru að byggja upp eignir eða reka heimili ættu að temja sér að
leggja fyrir fasta fjárhæð í hverjum mánuði og byggja þannig upp eignir,
neyslu- og varasjóð.
Margt lítið
gerir eitt stórt
Til þess að eignast þarf að spara. Besta og árangursríkasta leiðin til að
spara er reglulegur sparnaður sem byggir á því að leggja fyrir fasta fjárhæð
með jöfnu millibili, til dæmis mánaðarlega eða ársfjórðungslega.
Með því að leggja fyrir fasta fjárhæð með reglulegu millibili er tryggt
að það verður til nýr sparnaður á hverju tímabili. Fjárhæðin sem lögð
er fyrir þarf ekki að vera há, mestu skiptir að tileinka sér að leggja
alltaf fyrir. Smám saman mun byggjast upp sjóður sem skiptir máli og
eftir því sem tíminn líður bætast við vextir og vaxtavextir.
Kostur að
sparnaður sé
sjálfvirkur
Flestir sem leggja reglulega fyrir kjósa að láta bankann sinn draga
sjálfkrafa fasta fjárhæð af veltureikningi og leggja inn á sparireikning
eða í verðbréfasjóð.
Mikilvægt er að hefja reglulegan sparnað sem allra fyrst því að tíminn
vinnur með þeim sem leggja fyrir í hverjum mánuði. Því lengri sem
sparnaðartíminn er því meira er lagt til hliðar og þá bætast við meiri vextir.
Með tímanum vega
vextir eða ávöxtun
meira og meira af
uppsöfnuðum sparnaði
Svona virkar reglulegur sparnaður
Sparnaðarmarkmið
Sparnaður Flatir vextir Vaxtavextir
Ár 1 2 3 4 5 6 7 8 9 10
30
2. Eignir og lán (skuldir)
Fimm skref til að safna fyrir
1. Markmið · Setja sér markmið. Fyrir hverju á að safna og hvað kostar hluturinn eða eignin?
2. Stöðumat · Meta stöðuna áður en sparnaður hefst. Hvað á einstaklingur fyrir og hvað
hefur hann langan tíma?
Þegar safna á fyrir
einhverju er ráðlegt
að setja sér markmið
og útbúa áætlun
3. Áætlun · Reikna hve mikið þarf að spara til að ná settu marki, útbúa áætlun og ákveða hvernig
sparnaður verður lagður fyrir.
4. Sparnaður · Hefja sparnað samkvæmt áætlun.
5. Eftirlit · Fylgjast með og meta hvernig gengur. Þarf að auka eða minnka sparnað
til að ná markmiði?
Hve mikið þarf að leggja fyrir til að eignast tölvu sem kostar 225 þúsund
krónur, bíl sem kostar 2 milljónir eða til að safna 5 milljónum til að
nota sem útborgun í íbúð? Taflan sýnir dæmi um áætlun einstaklings
sem á 475 þúsund krónur í sparnaði nú þegar. Hann vill eignast tölvu
með mánaðarlegum sparnaði í eitt ár, safna fyrir bíl á 5 árum og fyrir útborgun
í íbúð á 10 árum. Taflan sýnir hve mikið einstaklingurinn þarf að
leggja fyrir á mánuði og ári til að ná settu marki miðað við 2% ársvexti.
Dæmi: Tölva,
bíll og íbúð
Hvað þarf að spara?
1. Markmið 2. Stöðumat 3. Áætlun
Núverandi
Sparnaður þarf að vera
Markmið Fjárhæð sparnaður Vöntun Tími á mánuði á ári
Tölva 225.000 25.000 200.000 1 ár 16.516 198.190
Bíll 2.000.000 50.000 1.950.000 5 ár 30.943 371.317
Útborgun í íbúð 5.000.000 400.000 4.600.000 10 ár 34.692 416.300
Þegar búið er að ákveða
markmið og meta hvað
vantar upp á er hægt að
reikna hve mikið þarf
að spara
Það borgar sig að byrja fyrr en seinna að safna fyrir eignum. Þannig
verður verkefnið miklu auðveldara að því leyti að þá þarf minna að
leggja fyrir í einu og þá fást meiri vextir.
Því fyrr,
því betra
Mánaðarlegur sparnaður til að safna 4,6 milljónum
80
60
40
20
0
þús. kr. á mánuði
Sparnaður Vextir
73
47
35
5 7.5
10 Ár
Lengri sparnaðartími
=
Lægri mánaðarlegur
sparnaður
+
meiri vextir
Samsetninghöfuðstóls
á
sparnaðartíma
31
Fyrstu skref í fjármálum
Sparnaðarform
Læra »»
Bankareikningar (veltureikningar og sparireikningar)
»»
Fasteignir og fasteignaverð
»»
Verðbréf, skuldabréf, hlutabréf, sjóðir
»»
Samband ávöxtunar og áhættu
»»
Áhætta sem fylgir sparnaði
Gott ráð
Byggðu sparnað upp skipulega og veldu sparnaðarform eftir
sparnaðartíma eða eftir því hvenær þú hyggst nota sparnaðinn.
Sparnaðarform
í boði
Bankareikningar
Fasteign
Verðbréf
Einstaklingum standa til boða margir kostir til að ávaxta sparnað.
Til greina kemur að leggja peningana í banka, kaupa fasteign eða
verðbréf.
Bankareikningar eru algengasta sparnaðarformið og skiptast í veltureikninga
og sparireikninga. Veltureikningar eru fyrir sparn að til
skamms tíma og eru notaðir til að greiða fyrir vörur og þjónustu, oftast
gegn framvísun debetkorts. Sparireikningar eru fyrir sparnað til
lengri tíma og eru oft bundnir í tiltekinn tíma.
Flestir kaupa íbúðarhúsnæði til að búa í. Fasteignaverð fer eftir framboði
og eftirspurn á hverjum tíma og getur bæði hækkað og lækkað.
Verðbréf eru heppileg fyrir sparnað til langs tíma. Verðbréf eru
annað hvort skuldabréf eða hlutabréf.
Skuldabréf er skuldaviðurkenning þar sem skuldari lofar að greiða
eiganda skuldabréfs eða handhafa höfuðstól til baka ásamt vöxtum á
fyrirfram ákveðnum tíma sem er tiltekinn í skuldabréfinu sjálfu. Að
gefa út skuldabréf þýðir að fá lán frá einhverjum en með því að kaupa
skuldabréf lánar þú einhverjum.
Hlutabréf er ávísun á eignarhlutdeild í hlutafélagi. Ávöxtun hlutabréfa
ræðst af arðgreiðslum og verðbreytingum á hlutabréfamarkaði.
Á löngum tíma ræður arðsemi hlutafélaganna mestu um ávöxtun.
32
2. Eignir og lán (skuldir)
Einstaklingar geta sparað í verðbréfum með milligöngu sjóða sem
geta verið verðbréfasjóðir, fjárfestingarsjóðir og séreignarsjóðir.
Sjóðir henta vel fyrir einstaklinga því með milligöngu þeirra geta þeir
að öllu jöfnu náð meiri eigna- og áhættudreifingu en þeir geta sjálfir.
Val á sparnaðarformi eða ávöxtunarleið er mikilvægasta ákvörðunin
sem þarf að taka varðandi sparnað. Markmiðið er að ávaxta sparnaðinn
með sem öruggustum hætti en jafnframt að fá vexti og ávöxtun
sem bætist við á hverju ári.
Þegar kemur að því að spara er hægt að velja margar sparnaðarleiðir.
Það fer eftir því hvenær á að nota sparnaðinn hvaða sparnaðarform
á að velja. Ef sparnaðartíminn er stuttur er góður kostur að velja leið
sem gefur lága en jafna ávöxtun. Hins vegar getur verið skynsamlegt
að velja hlutabréf ef sparnaðartíminn er langur.
Mikilvæg
ákvörðun
Sparnaðartími
er lykilforsenda
Hlutabréf gefa að jafnaði hæstu ávöxtunina til langs tíma en ávöxtun
þeirra sveiflast líka meira en önnur sparnaðarform sem getur leitt
til lægri ávöxtunar eða jafnvel taps. Ef einstaklingar velja að ávaxta
sparnað sinn í hlutabréfum er mikilvægt að þeir fjárfesti í mörgum
hlutafélögum eða í sjóði eða sjóðum, sem fjárfesta í mörgum hlutafélögum,
til að dreifa áhættu.
Ávöxtun og áhætta sparnaðarforma
ÁVÖXTUN
Hlutabréf
Henta fyrir langtímasparnað.
Há ávöxtun en miklar sveiflur.
Þau sparnaðarform sem
gefa hæstu ávöxtunina
til langs tíma eru yfirleitt
áhættumeiri en þau sem
gefa lægri ávöxtun
Fasteignir
Flestir kaupa til að búa í.
Miklar verðsveiflur.
Ríkisskuldabréf
Löng og stutt í boði. Ávöxtun
og sveiflur ráðast af lánstíma.
Bankareikningar
Veltu- og sparireikningar.
Vextir ráðast af binditíma.
ÁHÆTTA
Sparnaði fylgir alltaf áhætta sem getur verið tvenns konar. Markaðsáhætta
er hættan á að tapa á sveiflum á verði eigna og verðbréfa.
Skuldaraáhætta er hættan á að eignir tapist vegna gjaldþrots eða
greiðsluerfiðleika útgefenda sem endar með nauðasamningi. Einstaklingar
geta dregið úr markaðsáhættu með því að fjárfesta í mörgum
eignaflokkum og með því að draga úr vægi eigna sem sveiflast
mikið þegar styttist í að eignir verða seldar eða sparnaður greiddur
út. Hægt er að draga úr skuldaraáhættu með því að dreifa eignum
milli sparnaðarforma og margra útgefenda.
Áhætta
33
Fyrstu skref í fjármálum
Tegundir lána
Læra »»
Lánssamningur, skilgreining
»»
Skammtímalán
»»
Langtímalán
»»
Neytendalán
»»
Tegundir lána
Gott ráð
Lán á eingöngu að taka ef þau bæta hag lántaka og eru nauðsynleg. Sá
sem er að velta fyrir sér lántöku þarf alltaf að meta ávinning og hvort
lán er nauðsynlegt.
Lánssamningur
Skammtímalán
Langtímalán
Neytendalán
Lánssamningur (sem er í flestum tilvikum skuldabréf ) er samningur
milli tveggja aðila þar sem lánveitandi lánar tiltekna fjárhæð gegn því
að lántaki lofi að endurgreiða fjárhæðina ásamt vöxtum í samræmi við
skilmála sem eru tilgreindir í skuldabréfinu/lánssamningnum.
Lán til skamms tíma eru ætluð til að fjármagna alls konar neyslu, til
dæmis kaup á bílum, húsmunum, raftækjum, ferðalögum eða öðrum
vörum og þjónustu. Lánstími er frá nokkrum dögum upp í fimm til
sjö ár. Lán til að fjármagna neyslu eru yfirleitt með nokkuð háa vexti
meðal annars vegna þess að þau eru lánuð án trygginga eða eru með
tryggingum í hlutum sem afskrifast hratt vegna stutts líftíma eða
notkunartíma. Skammtímalán eru einnig hlutfallslega dýrari en löng
þar sem lántökukostnaður dreifist yfir stuttan lánstíma. Dæmi um
neyslulán er notkun kreditkorts, smálán, yfirdráttur á veltureikningi,
raðgreiðslusamningar, almenn skuldabréfalán og bílalán.
Langtímalán eru ætluð til að fjármagna fjárfestingar sem eðlilegt er að
fjármagna á löngum tíma en nauðsynlegt er að nota eða eignast strax.
Lánstími langtímalána er misjafn og getur verið allt að 40 ár. Lántakar
þurfa oftast að leggja fram tryggingu fyrir greiðslu láns, til dæmis fasteign
sem tryggingu fyrir greiðslu húsnæðisláns. Langtímalán eru oft
háar fjárhæðir sem lántaki getur ekki endurgreitt nema á löngum tíma.
Neytendalán eru lán sem neytendur taka hjá einhverjum sem hefur
atvinnu af því að lána. Neytendalán eru til dæmis fasteignalán,
skuldabréf, bílasamningur, yfirdráttarheimild, raðgreiðslusamningur
eða smálán. Lánveitendum er skylt að veita fyrirfram ítarlegar
upplýsingar um neytendalán.
34
2. Eignir og lán (skuldir)
Tegundir lána
Lán til skamms tíma
Heimild á kreditkorti
Lán til langs tíma
Almenn skuldabréfalán
Helstu tegundir lána í boði
fyrir einstaklinga
Smálán
Námslán
Yfirdráttur
Húsnæðislán
Raðgreiðslusamningur
Almenn skuldabréfalán
Bílalán
• Forðast, lán kosta mikið
• Notist varlega, getur verið dýrt
• Mikilvægur kostur, undirbúa vel
Athugið vel
Heimild til að kaupa vörur og þjónustu gegn notkun kreditkorts.
Hentar þeim sem þurfa lága fjárhæð í skamman tíma. Engin lántökugjöld
eða vextir.
Lán sem hægt er að fá til allt að 30 daga með umsókn á heimasíðu lánveitanda
eða með því að senda sms í ákveðið símanúmer. Kostnaður
dreifist á mjög stuttan tíma og því eru lánin hlutfallslega dýr.
Heimild til að taka út peninga af bankareikningi umfram innstæðu
eða setja reikning í mínus í ótilgreindan tíma. Semja þarf um fjárhæð
við banka eða sparisjóð. Hentar þeim sem þurfa lága fjárhæð í
skamman tíma. Engin lántökugjöld en tiltölulega háir vextir.
Samningur um að greiða fyrir vöru eða þjónustu með reglulegum
kortagreiðslum. Einfalt að taka lán hjá söluaðila vöru og þjónustu.
Oftast í 2 til 12 mánuði. Geta verið lengri eða í allt að 59 mánuði.
Skuldabréfalán hjá lánastofnun. Mismunandi lánstími, algengt
hámark er 5 ár.
Samningur um að greiða hluta kaupverðs bifreiðar með skuldabréfi.
Bílalán eru yfirleitt með veði í bifreiðinni. Bílalán eru oftast tekin hjá
fjármögnunarfyrirtækjum og tryggingafélögum.
Lán hjá Menntasjóði námsmanna eða einkaaðilum til að fjármagna
framhaldsnám. Lán endurgreiðast á löngum tíma. Vextir eru mismunandi
eftir lánastofnunum.
Skuldabréfalán hjá banka, lífeyrissjóði eða annarri lánastofnun með
veði í fasteign. Algengasti lánstími er 25 til 40 ár, getur verið styttri.
Heimild á
kreditkorti
Smálán
Yfirdráttur
Raðgreiðslusamningur
Skuldabréfalán
Bílalán
Námslán
Húsnæðislán
35
Fyrstu skref í fjármálum
Hvað kostar að taka lán?
Læra »»
Lántökukostnaður
»»
Kostnaður á lánstíma
»»
Uppgreiðslugjald
»»
Vanskilakostnaður
»»
Hlutfallstala kostnaðar
Gott ráð
Sá sem tekur lán ætti alltaf að þekkja kostnað við lántöku og bera saman
lánamöguleika. Einnig að þekkja kostnað á lánstíma og kostnað við að
greiða upp lán.
Lánskostnaður
Upphafskostnaður
Kostnaður við lán er annars vegar vextirnir sem greiddir eru á lánstíma og
hins vegar ýmsir aðrir kostnaðarliðir sem lántaki greiðir, einkum í upphafi
þegar lán er tekið.
Þegar lán er veitt greiðir lántaki yfirleitt svokallað lántökugjald, sem oftast
reiknast sem hlutfall af lánsfjárhæð, og fastan kostnað við að útbúa lánið.
Lántökugjald er oft á bilinu 0,5% til 1,5% á langtímalánum en getur verið
mun hærra á skammtímalánum, til dæmis 3%. Lántökugjald á íbúðarlánum
og öðrum lánum sem falla undir lög um fasteignalán er föst krónutala,
oft um 50.000 krónur á lán. Í sumum tilvikum er lántökugjald fellt niður
við kaup á fyrstu íbúð.
Ef um er að ræða lán með veði þarf að greiða þinglýsingargjald, sem er kostnaður
fyrir að sýslumaður skrái lánssamninginn sem veð á viðkomandi eign.
Annar kostnaður sem oft fylgir lántöku er meðal annars vegna greiðslumats,
veðbandayfirlits (upplýsingar um veð sem hvíla á eign) og fleira.
Kostnaður á
lánstíma
Á lánstíma greiða lántakar umsamda vexti til lánveitanda sem leigu fyrir
féð sem þeir fá að láni. Vextir geta verið fastir á lánstíma eða breytilegir.
Lán geta verið verðtryggð en þá greiðir lántaki einnig verðbætur.
Lántakar greiða einnig færslukostnað við hverja afborgun. Hægt er að
lækka kostnaðinn með því að semja við banka um sjálfvirkar millifærslur.
Í sumum lánum eru ákvæði um svokallað uppgreiðslugjald sem lántakar
greiða ef þeir vilja greiða inn á lán eða greiða það hraðar upp en samkvæmt
skilmálum.
36
2. Eignir og lán (skuldir)
Þeir sem greiða ekki á réttum tíma þurfa að borga meira. Dráttarvextir
reiknast á fjárhæð í vanskilum og síðan bætist við kostnaður
við innheimtu vanskila, til dæmis fyrir hvert ítrekunarbréf.
Lántökukostnaður
5%
4%
Lántökukostnaði dreift á lánstíma
Vanskilakostnaður
Eftir því sem lántökukostnaður
dreifist
á fleiri ár því minni
verður árlegur
kostnaður
3%
2%
1%
0%
1 ár
2
3
4
5 ár
6
7
8
9
10 ár
11
12
13
14
15 ár
16
17
18
19 20 ár 21
22
23
24 25 ár
Þegar lánsform eru borin saman þarf að taka tillit til allra kostn aðarliða,
ekki bara vaxta. Árleg hlutfallstala kostnaðar mælir heildarkostnað
neytendalána, það er bæði vexti og annan kostnað svo
sem lántökugjöld, kostnað við greiðslu afborgana og fleira. Hún er
reiknuð út sem prósentutala og sýnir heildarkostnað á ári.
Árleg hlutfallstala kostnaðar er gagnleg til að bera saman lán. Hún
tekur tillit til lántökukostnaðar sem vegur oft þungt í lánum til
skamms tíma. Einsskiptiskostnaður eins og lántökugjöld hafa hins
vegar lítil áhrif á kennitöluna á lánum til lengri tíma, til dæmis á húsnæðislánum
sem eru oft til 25 ára eða lengri tíma.
Árleg hlutfallstala kostnaðar fyrir mismunandi lán
50%
Árleg
hlutfallstala
kostnaðar (ÁHK)
ÁHK =
(Lánskostnaður+vextir)
Lánsfjárhæð
*
360
Fjöldi vaxtadaga
*
100
Árlegur kostnaður
er yfirleitt meiri á
stuttum lánum
40%
30%
20%
10%
0%
Smálán
í 30 daga
Raðgreiðslu lán
í 2 ár
Bílalán
í 5 ár
Húsnæðislán
í 25 ár
37
Fyrstu skref í fjármálum
Að taka lán og greiða af því
Læra »»
Hvað þarf að hafa í huga þegar tekin er ákvörðun um lán?
»»
Hvað þarf að skoða þegar lántaka er undirbúin?
»»
Lánshæfismat
»»
Greiðslumat
»»
Hvað þarf að hafa í huga þegar greitt er af láni?
Gott ráð
Það er skynsamlegt að gefa sér góðan tíma til að meta hvort það borgi
sig að taka lán og að því gefnu að undirbúa sig vel. Illa undirbúið lán
getur snúist í að verða ólán.
Ferli frá
ákvörðun til
uppgreiðslu
Ákvörðun
Að taka lán er ferli sem þarf að vanda frá byrjun þar til lán hefur verið
greitt upp. Ferlið hefst með ákvörðun, því næst tekur við undirbúningur
sem lýkur með lántöku. Þegar lán hefur verið tekið þarf að greiða af því
samkvæmt skilmálum.
Yfirfara
ǜǜ
Hver er tilgangurinn með láninu?
ǜǜ
Hefur lántaki efni á láninu?
ǜǜ
Er farið fram á tryggingar fyrir greiðslu lánsins?
Getur lántaki útvegað þær?
Það er stór ákvörðun að taka lán. Eftir að búið er að skrifa undir er lántaki
skuldbundinn til að greiða af láni á gjalddögum samkvæmt skilmálum. Ef
hann getur ekki greitt af láninu hefur það í för með sér kostnað í formi
dráttarvaxta og innheimtukostnaðar. Afleiðingarnar geta orðið enn verri
ef vanskil dragast á langinn. Meðal annars versnar lánshæfismat hans sem
getur haft áhrif á möguleika til að taka lán síðar.
Sá sem veltir því fyrir sér að taka lán þarf alltaf að byrja á að huga um
tilganginn með láninu og hverju það muni skila honum. Dæmi um ábata
af láni er námslán sem skilar sér í menntun eða húsnæðislán sem leiðir
til lægri húsnæðiskostnaðar og/eða öruggara húsnæðis. Dæmi um lán
sem skilja lítið eða ekkert eftir sig eru lán til skamms tíma til að fjármagna
eyðslu og skemmtanir.
38
2. Eignir og lán (skuldir)
Ef einstaklingur kemst að því að lán getur verið skynsamlegt þá verður
hann að vera viss um að hann geti endurgreitt það. Hann verður að setja
upp greiðsluáætlun og meta hvort hann geti greitt af láninu. Loks þarf
einstaklingurinn að kanna hvort farið er fram á tryggingar fyrir endurgreiðslu
lánsins og hvort hann geti útvegað þær.
Yfirfara
ǜǜ
Skoða lánskjör og skilmála hjá fleiri en einum aðila
ǜǜ
ǜǜ
ǜǜ
ǜǜ
Hvað kostar að taka lánið? (Vextir, lántökukostnaður
og árleg hlutfallstala kostnaðar)
Er hægt að greiða inn á lán eða greiða það upp? Kostar það?
Stenst lántaki greiðslumat?
Lesa lánsskilmála áður en skrifað er undir
Undirbúningur
Þegar einstaklingur hefur ákveðið sig hefst undirbúningur með því að
kanna hvar hægt er að fá lán og á hvaða kjörum.
Þrátt fyrir að einstaklingur vilji taka lán er ekki sjálfsagt að hann fái það.
Til þess þarf hann að vera metinn hæfur af lánveitanda sem er skyldugur
til að framkvæma lánshæfismat og meta greiðslugetu áður en lán er veitt.
Lánshæfismat er mat á líkum þess að umsækjandi um lán geti endurgreitt
það. Greiðslumat er útreikningur á greiðslugetu lántaka miðað við
eignir, skuldir, tekjur og gjöld.
Lántöku lýkur með því að lántaki skrifar undir lánsskilmála og lánveitandi
greiðir út lánið. Allir sem taka lán verða að gefa sér tíma til að lesa lánsskilmála
áður en þeir skrifa undir.
Yfirfara
ǜǜ
Greiða mánaðarlega eða leggja til hliðar af launum hvers mánaðar ef
gjalddagar eru sjaldnar
ǜǜ
Greiða aukalega inn á lán eða greiða upp lán ef fjárhagur leyfir
ǜǜ
Vera vakandi fyrir endurfjármögnun langtímalána
ǜǜ
Hafa strax samband við lánveitanda ef lánþegi lendir í greiðsluerfiðleikum
Að greiða
af láni
Þegar búið er að taka lán er komið að skuldadögum eða að greiða af láninu.
Mikilvægt er að gera verkefnið eins auðvelt og hægt er, til dæmis
með því að greiða af láni mánaðarlega eða leggja til hliðar af launum
hvers mánaðar. Ef einstaklingur getur greitt inn á lán eða borgað það
upp fyrir gjalddaga getur það verið góð fjárfesting. Stundum bjóðast
hagstæðari lán síðar og þá getur verið skynsamlegt að taka nýtt lán til
að greiða upp dýrara eldra lán. Ef einstaklingur lendir í greiðsluerfiðleikum
borgar sig að hafa strax samband við lánveitanda og leitast við
að breyta skilmálum.
39
Fyrstu skref í fjármálum
40
3. Nokkur hollráð
Efnisatriði í kafla
1 2
3
ǜǜ
ǜǜ
ǜǜ
ǜǜ
ǜǜ
ǜǜ
Stefndu að fjárhagslegu sjálfstæði
Safnaðu frekar en að taka lán
Flokkaðu sparnað eftir tilgangi
Taktu tillit til verðbólgu
Nýttu góð tækifæri
Gerðu ráð fyrir áföllum
Það skiptir máli að taka fjármálin föstum tökum. Með því
að gefa sér tíma til að skipuleggja þau er hægt að nýta tekjur
betur og hafa meira fé til ráðstöfunar á ævinni. Mestu
skiptir að eyða ekki um efni fram og leggja reglulega fyrir
til að byggja upp sparnað og eignir.
Það skiptir máli að hafa yfirsýn og skipuleggja fyrirfram hvernig
á að ráðstafa tekjum. Þannig aukast líkur á að einstaklingur nýti
tekjur í það sem skiptir máli og að hann geti lagt fyrir til að byggja
upp eignir.
Það skiptir máli að leggja fyrir og spara fyrir eignum. Það er mikilvægt
að koma sparnaði í fastan farveg og aðlaga útgjöld að ráðstöfunartekjum
eftir sparnað. Smám saman mun byggjast upp
sjóður sem nýtist til gagns.
Það skiptir máli að spyrja sig og aðra réttu spurninganna. Hver og
einn verður til dæmis að spyrja sjálfan sig hvort hann hafi efni á
vöru, þjónustu eða fjárfestingu. Ef einstaklingur er óviss um einhver
atriði sem varða stóra fjárhagslega ákvörðun verður hann að
hafa kjark til að spyrja aðra eða leita ráðgjafar.
3. nokkur hollráð
Það skiptir máli að setja sér raunhæf markmið og útbúa áætlun
til að ná þeim. Með því móti veit einstaklingur hvað hann vill og
getur gert áætlun til að ná settu marki.
Í þessum kafla er að finna nokkur hollráð sem gott er að þekkja til
að stuðla að betri fjárhag. Þau skipta máli.
41
Fyrstu skref í fjármálum
Stefndu að fjárhagslegu sjálfstæði
Læra »»
Fjárhagslegt sjálfstæði
»»
Leiðir til að læra um fjármál
»»
Fyrsta og mikilvægasta boðorð fjármála
»»
Netbanki, ,,mikilvægasta hjálpartækið“
»»
Að varðveita peninga og skjöl
Gott ráð
Hver og einn ætti að stefna að því að stýra eigin fjármálum. Það þarf að
hafa fyrir því, spyrja spurninga, afla sér þekkingar og gera hlutina sjálf/
sjálfur.
Fjárhagslegt
sjálfstæði
Spyrðu,
kannaðu og
spyrðu
Að vera fjárhagslega sjálfstæð/ur er að stjórna eigin fjármálum, að
eiga eignir og ráðstafa tekjum í útgjöld og sparnað að eigin vali. Til að
ná því markmiði er best að tileinka sér sjálfstæð vinnubrögð og leggja
áherslu á að annast sín mál sjálf/ur.
Það tekur tíma að læra um fjármál – hugtök, reglur og góðar venjur.
Þeir sem eru að byrja að stýra eigin fjármálum ættu að vera ófeimnir
að spyrja um atriði sem þeir þekkja ekki eða hafa ekki skilning á.
Spyrjið foreldra, kennara, launagreiðanda og svo framvegis. Smám
saman mun skilningur og þekking aukast og þá fækkar vafaatriðunum.
Fjármálin eru stór hluti af daglegu lífi. Þess vegna er mælt með að fólk
í skólum velji áfanga sem fjalla um fjármál eða fjármálalæsi. Einnig er
ráðlegt að vera vakandi fyrir námskeiðum sem stéttarfélög, viðskiptabankar,
lífeyrissjóðir og aðrir aðilar auglýsa. Þá má benda á fjármálaþætti
í fjölmiðlum eða á internetinu sem geta verið gagnlegir.
Ekki eyða
um efni fram
Gerðu það
sjálf/ur
Fyrsta og mikilvægasta ,,boðorð“ fjármála er að eyða ekki um efni
fram. Hver og einn verður með öðrum orðum að haga eyðslu í takt
við tekjur og eignir. Besta leiðin til að stuðla að því að tekjur dugi fyrir
gjöldum er að setja upp áætlun og fylgja henni.
Til að hafa yfirsýn yfir fjármálin er mikilvægt að vera fær um að gera
hlutina sjálf/ur.
✔✔
Gerðu þína eigin greiðsluáætlun. Í því felst að leggja mat
á hverjar tekjur verða á tímabili og setja upp áætlun um
ráðstöfun þeirra.
42
3. Nokkur hollráð
✔✔
Gerðu þína eigin skattskýrslu. Það er gagnlegt að taka sjálf/
sjálfur saman upplýsingar um tekjur, eignir og skuldir og
skilja hvernig skattar verða til.
Netbanki er mikilvægt ,,hjálpartæki“ í fjármálum. Þar er hægt að
fylgjast með stöðu á reikningum, greiða reikninga, hefja reglulegan
sparnað og fleira. Mælt er með að einstaklingar komi sér upp netbanka
og læri að nota hann.
Opnaðu þinn
eigin netbanka
Skref í átt að fjárhagslegu sjálfstæði
Passaðu
upp á mikilvæg
skjöl
Passaðu
peningana
þína
Spyrðu,
kannaðu og
spyrðu
Að vera
fjárhagslega
sjálfstæð/ur
Opnaðu
þinn eigin
netbanka
Ekki eyða
um efni fram
Gerðu
það sjálf/ur
Nokkrar ábendingar
til þeirra sem vilja
stýra eigin fjármálum
Peningar eru verðmæti sem þarf að passa vel. Mælt er með að geyma
peninga í banka en laust fé ætti að vera í veski sem er geymt í læstri
hirslu eða á öðrum öruggum stað.
Góð skjalastjórnun – varsla skjala og gott aðgengi að þeim – er hluti af
fjárhagslegu sjálfstæði. Hver og einn ætti að geyma mikilvæg skjöl á
skipulagðan hátt. Skjöl sem hafa lagalegt gildi, eins og kaupsamningur,
ætti að geyma í eldtraustri geymslu, til dæmis í bankahólfi.
Passaðu
peningana þína
Passaðu upp á
mikilvæg gögn
Sífellt fleiri velja að geyma skjöl á rafrænu formi með því að skanna
þau eða einfaldlega með því að taka mynd af þeim með snjallsíma.
Sá sem velur að gera það þarf að gæta þess að taka reglulega afrit af
skjölunum og geyma afritið á öruggum stað og helst ekki í sama húsi og
tölvan er. Ef gögnin eru vistuð í gagnaskýi (iCloud, OneDrive, Google
Drive o.s.frv.) er mikilvægt að kynna sér áður skilmála, þjónustustig og
kostnað. Notandi að gagnaskýi hefur yfirleitt aðgang að gagnasvæði
sem getur stækkað eða minnkað eftir þörfum og uppfyllir kröfur um
gagnaöryggi og afritun.
43
Fyrstu skref í fjármálum
Safnaðu frekar en að taka lán
Læra »»
Af hverju er ódýrara að kaupa eignir með sparnaði frekar en lántöku?
»»
Áhætta af lántöku
»»
Vaxtamunur, mismunur á innláns- og útlánsvöxtum
»»
Hvenær er hægt að taka eign í notkun sem er keypt með (1) lántöku eða
(2) sparnaði?
Gott ráð
Einstaklingar ættu að tileinka sér að spara reglulega og stefna að því að
kaupa minni eignir eins og húsmuni, heimilistæki og fleira með sparnaði
frekar en að taka lán.
Innlánsvextir
í stað
útlánsvaxta
Skuldbinding
og áhætta
Dæmi
Það er alltaf ódýrara að eignast hluti með því að spara fyrir þeim heldur
en að taka lán. Ef einstaklingur getur beðið með kaupin fær hann innlánsvexti
á sparnaðinn sinn á sparnaðartíma. Ef hann getur ekki beðið greiðir
hann útlánsvexti á lánið. Oft munar miklu í krónum.
Það er líka áhætta að taka lán. Ef aðstæður breytast og greiðslugeta versnar
getur verið slæmt að vera skuldbundinn til að greiða af láni. Hugsanlega
er hægt að bregðast við og selja eign en því fylgir nokkur kostnaður
auk þess sem eign gæti hafa fallið í verði vegna afskrifta eða verðsveiflna.
Hugsum okkur einstakling sem vill kaupa tölvu eða bíl. Í janúar 2022
getur hann lagt fyrir mánaðarlega á óbundinn bankareikning með
2,0% vöxtum. Ef hann tekur lán býðst honum að taka tölvukaupalán
til 24 mánaða með 10,9% vöxtum en þar sem lántökukostnaður
vegur tiltölulega þungt á svo stuttu láni er útreiknuð hlutfallstala árlegs
kostnaðar 20,4%. Vaxtamunurinn í prósentustigum er því 22,4%.
Vextir á bílaláni eru 6,3% og útreiknuð árleg hlutfallstala kostnaðar er
8,3% sem þýðir að vaxtamunurinn er 10,3%.
Samanburður á innláns og útlánsvöxtum
2,0%
Innlánsvextir eru sýndir
í plús en útlánsvextir
sem mínus.
Útlánsvextir byggja á
útreikningum á árlegri
hlutfallstölu kostnaðar
-20,4%
-8,3%
Vaxtamunur
10,3%—22,4%
Innlánsvextir
Tölvukaupalán
til 24 mánaða
Bílalán til
36 mánaða
44
3. Nokkur hollráð
Ef borið er saman hvað einstaklingur þarf að greiða annars vegar fyrir
að kaupa tölvu eða bíl með sparnaði eða með láni kemur í ljós að
munurinn er umtalsverður. Sá sem kaupir tölvu sem kostar 200 þúsund
krónur með raðgreiðslum greiðir samtals 241 þúsund en sá sem safnar
fyrir henni þarf aðeins að leggja fyrir 196 þúsund krónur. Mismunurinn
er 44 þúsund krónur eða 22% af kaupverði tölvunnar. Mismunur á að
safna fyrir útborgun í bíl á þremur árum að fjárhæð 1 milljón frekar en
að taka lán eru 130 þúsund krónur sem er 13% af útborguninni.
Samanburður á greiðslum
1.200 þúsund krónur
1.000
Það er að jafnaði
ódýrara að spara
fyrir eignum en
að taka lán
800
600
Lán Sparnaður Mismunur
400
200
0
44
Tölva, kaupverð 200.000 kr.
130
Þegar hlutur er keyptur með lántöku er hægt að taka hann í notkun
strax. Þegar einstaklingur safnar fyrir hlutnum þarf hins vegar að bíða
sem nemur sparnaðartímanum. Sumir hafa ekki tíma til að bíða og
verða því að taka lán. Þetta er auðvitað matsatriði fyrir hvern og einn
og vissulega geta komið upp aðstæður þar sem ekki er hægt að bíða. Í
þeim tilvikum er hugsanlegt að það borgi sig að taka lán til að ná að taka
viðkomandi eign strax í notkun. Námsmaður í krefjandi námi getur ef
til vill ekki beðið með að kaupa sér tölvu í tvö ár.
Meginregla
að safna
Það sem skiptir þá mestu máli er að lesendur átti sig á því að það er
ódýrara að safna fyrir hlutum heldur en að taka lán. Það á að vera
meginreglan þó svo að í undantekningartilvikum geti borgað sig
að taka lán.
Sumar eignir eru svo fjárfrekar að fáir eða engir hafa tíma til að safna
fyrir þeim. Dæmi um það er fasteign sem tekur oftast mörg ár eða áratugi
að safna fyrir. Enginn getur verið án íbúðar og að því gefnu að
einstaklingur eða hjón eigi fyrir útborgun getur verið hagkvæmt að
kaupa fasteign með lántöku.
Þolinmæði
dugar ekki
alltaf
45
Fyrstu skref í fjármálum
Flokkaðu sparnað eftir tilgangi
Ítarefni
Læra »»
Skammtímasparnaður
»»
Langtímasparnaður
»»
Eftirlaunasparnaður
»»
Mismunur á eftirlaunasparnaði og öðrum sparnaði
»»
Viðmiðunarhlutföll sparnaðar
Gott ráð
Til að skipuleggja sparnað er gagnlegt að skipta honum upp eftir tilgangi og
halda eignum aðgreindum á mismunandi banka- eða vörslureikningum.
Mismunandi
tilgangur
Skammtímasparnaður
Langtímasparnaður
Eftirlaunasparnaður
Tilgangur með sparnaði er margþættur. Hver og einn leggur fyrir og
safnar af ýmsum ástæðum. Til dæmis þarf að safna fyrir menntun,
heimilistækjum, bíl, fasteign, sumarhúsi, utanlandsferð, áhugamálum,
eftirlaunum og fleiru. Það er gagnlegt að flokka sparnað eftir tilgangi
til að fá betri yfirsýn og skipuleggja sparnaðinn.
Skammtímasparnaður er sparnaður sem tekur tiltölulega stuttan
tíma að byggja upp og/eða þarf að vera laus til ráðstöfunar eftir
stuttan tíma. Skammtímasparnaði má skipta í varasjóð og neyslusjóð.
Markmiðið með varasjóði er að eiga sjóð til að grípa í við fjárhagsleg
áföll. Tilgangur með neyslusjóði er að byggja upp sjóð til að greiða
fyrir alls kyns neyslu, til dæmis heimilistæki, áhugamál og fleira.
Markmiðið með langtímasparnaði er að safna fyrir eignum sem kosta
mikið og tekur langan tíma að safna fyrir. Dæmi um slíkar eignir eru
fasteign, bíll og sumarhús.
Tilgangurinn með eftirlaunasparnaði er að byggja upp sjóð til
að greiða eftirlaun eftir að látið er af störfum vegna aldurs. Eftirlaunasparnaður
er tvenns konar, skyldusparnaður í lífeyrissjóð og
viðbótar lífeyrissparnaður sem hver og einn ákveður hvort hann eða
hún vill vera með.
Allt vinnandi fólk á aldrinum 16 til 70 ára er skyldugt til að greiða í lífeyrissjóð
að minnsta kosti 12% af launum. Í flestum tilvikum greiðir
launamaður 4% af launum og launagreiðandi mótframlag sem nemur
8% til 11,5% af launum.
46
3. Nokkur hollráð
Einstaklingar geta einnig verið með viðbótarlífeyrissparnað til að
bæta við eftirlaunin. Launþegar eiga yfirleitt rétt á að fá 2% mótframlag
frá launagreiðanda gegn því að leggja fyrir sjálfir 2% af launum.
Viðbótarlífeyrissparnaður er bundinn til 60 ára aldurs.
Mismunandi sparnaður
Skammtímasparnaður
Varasjóður
Neyslusjóður
Langtímasparnaður
Langtímaeignir
Eftirlaunasparnaður
Skylduiðgjald í lífeyrissjóð
Viðbótarlífeyrissparnaður
Til að mæta áföllum
Til að greiða fyrir neyslu og áhugamál, t.d. heimilistæki og golfsett
Eignir sem tekur langan tíma að safna fyrir, t.d. íbúð og sumarhús
Ellilífeyrir frá 67/70 ára til æviloka
Til að bæta við eftirlaun
Það eykur skilning á
viðfangsefninu að flokka
sparnað eftir tilgangi
Sparnaður hefst á uppvaxtarárunum og stendur yfir alla starfsævina
eða þangað til kemur að því að fara á eftirlaun. Sparnaður er þó mismikill
á hinum ýmsu tímabilum ævinnar og ræðst af tekjum, gjöldum
og þörfum á hverju tímabili.
Hvenær?
Almennt má segja að því fyrr sem byrjað er að leggja fyrir því auðveldara
er að safna. Eftir því sem tímabilið er lengra því minna þarf
að leggja fyrir í einu og því meiri áhrif hafa vextir. Það getur til dæmis
skipt miklu máli að byrja tímanlega að safna fyrir fasteign sem er oftast
stærsta einstaka fjárfesting einstaklinga á ævinni.
Eftir að einstaklingur er orðinn fjárhagslega sjálfstæður fer stór hluti af
launum hans í sparnað. Hver og einn er skyldugur til að greiða í lífeyrissjóð
og greiða einstaklingar oftast 4% af launum. Einstaklingar geta til
viðbótar mest lagt fyrir 4% af launum til viðbótarlífeyrissparnaðar en
ættu alltaf að leggja fyrir 2% til að tryggja sér mótframlag launagreiðanda.
Skammtíma- og langtímasparnaður getur verið mismunandi og
í sjálfu sér er ekkert lágmark eða þak á sparnaðinum. Fyrir hvern og
einn er mjög gagnlegt að skilgreina viðmiðanir eða hlutföll af launum
og spara reglulega. Ef það verður síðan afgangur á ráðstöfunartekjum
er hægt að auka sparnaðinn.
Hve mikið?
S P ARN A Ð U R VIÐMIÐ MÖGULEG VIÐBÓT
Skammtímasparnaður
Langtímasparnaður
Lífeyrissjóður (skylda)
Viðbótarlífeyrissparnaður
0% 5% 10% 15% 20% 25%
H L U T FALL A F L A U NUM
Einstaklingar gætu
stefnt að því að leggja
fyrir 26% til 43% af
launum ef tekjur og
efnahagur leyfir
47
Fyrstu skref í fjármálum
Taktu tillit til verðbólgu
Ítarefni
Læra »»
Verðbólga, verðhjöðnun
»»
Vísitala neysluverðs
»»
Orsakir og afleiðingar
»»
Atriði til að fylgjast með vegna verðbólgu
»»
Nafnvextir, raunvextir, verðtrygging
Gott ráð
Vertu meðvituð/aður um verðbólgu og hvaða áhrif hún hefur á
kaupmátt og laun.
Verðbólga,
verðhjöðnun
Ástæður
verðbólgu
Söguleg verðbólga árin
1972 til 2021. Á fyrri
hluta tímabilsins var
verðbólgan mjög mikil
en mun minni seinni
25 árin.
Verðbólga er skilgreind sem stöðug hækkun almenns verðlags. Verðbólga
er mæld með því að fylgjast með því hvernig verð á vöru og
þjónustu breytist milli tímabila. Ef verðlag hækkar kallast það verðbólga,
ef það lækkar kallast það verðhjöðnun. Hagstofa Íslands reiknar
vísitölu neysluverðs til að fylgjast með því hvernig verð á neysluvörum
breytist frá einum tíma til annars. Vörurnar eru valdar eftir
neyslukönnun til að endurspegla sem best neyslu einstaklinga.
Helstu ástæður verðbólgu eru þensla (heildareftirspurn er meiri en
heildarframboð) eða kostnaðarhækkanir. Ef heildareftirspurn (eftirspurn
eftir öllum vörum og þjónustu) vex hraðar en framboð leiðir
það yfirleitt til verðbólgu. Kostnaðarverðbólga er þegar framleiðslukostnaður
hækkar, til dæmis laun eða hráefni.
Verðbólga á Íslandi í 50 ár
80 % verðbólga á ári
60
40
20
Heimild: Hagstofa Íslands
1972-1996 26% á ári
1972-2021 15% á ári
1997-2021 4,2% á ári
0
1972 1977 1982 1987 1992 1997 2002 2007 2012 2017 2022
Kaupmáttur
minnkar
Há og sveiflukennd verðbólga er yfirleitt talin skaðleg fyrir efnahag
þjóða. Í verðbólgu lækkar kaupmáttur eða verðgildi peninga með
þeim afleiðingum að einstaklingar geta keypt minna af vörum og
þjónustu fyrir hverja krónu. Ef verðbólga á ári er 3% og laun standa
í stað fellur kaupmáttur launa og einstaklingar geta keypt um 97% af
vörum og þjónustu í lok tímabils í samanburði við kaupmátt í upp-
48
3. Nokkur hollráð
hafi (100/103). Þegar verðlag breytist stöðugt er sömuleiðis erfitt
fyrir fólk að bera saman verð fyrir vörur og þjónustu og því minnkar
verðskyn sem getur leitt til verri nýtingar á launum og sparnaði.
Verðbólga síðastliðin 5, 10, 15 og 20 ár og áhrif á kaupmátt
Verðbólga á ári að meðaltali
Síðustu 5 ár,
2,9%
2017–2021
Síðustu 10 ár,
2,5%
2012–2021
Síðustu 15 ár,
2007–2021
Síðustu 20 ár,
2002–2021
4,1%
4,2%
Kaupmáttur 100 króna í lok tímabils
55%
44%
78%
87%
Fólk þarf að hafa í huga að verðbólga getur haft áhrif á laun,
útgjöld og sparnað.
Laun. Kaupmáttur launa minnkar ef laun hækka minna en verðbólga
á sama tímabili.
✔✔
Fylgstu með þróun launa og verðbólgu.
✔✔
Til lengri tíma ættu laun að hækka meira en verðbólga.
Þrátt fyrir að verðbólga
hafi verið lág síðustu
10 ár hefur kaupmáttur
hverrar krónu fallið
um 22%
Hafðu
verðbólgu
í huga
Útgjöld. Gjöld og kostnaður hækka með verðbólgu.
✔✔
Þú gætir þurft að yfirfara greiðsluáætlun og minnka útgjöld
eða sparnað.
✔✔
Hugsaðu til langs tíma og láttu ekki verðbólgu trufla áform
um að spara og byggja upp eignir.
Sparnaður. Raunvirði sparnaðar lækkar ef verðbólga er hærri en vextir
eða ávöxtun á tímabili.
✔✔
Sá/sú sem leggur fyrir og sparar stefnir að því að fá peningana
til baka með hærri kaupmætti en þegar hann/hún lagði þá fyrir.
✔✔
Ríkisskuldabréf og bankareikningar geta verið góðir kostir
til að verjast verðbólgu til skamms tíma.
✔✔
Hlutabréf og fasteignir hækka yfirleitt meira en verðbólga á
löngum tíma.
Nafnvextir eru vextir sem reiknast beint á höfuðstól án tillits til verðbólgu.
Raunvextir (raunávöxtun) eru vextir (ávöxtun) umfram verðbólgu.
Verðtrygging felst í því að verði á vöru, þjónustu eða skuldbindingum
er breytt eftir fyrirfram ákveðnum reglum, oftast í hlutfalli við þróun á
vísitölu neysluverðs. Með verðtryggingu er leitast við að tryggja að lán
og sparnaður haldi verðgildi sínu (kaupmætti) til framtíðar, frá þeim
degi sem lán er veitt eða sparnaður hefst.
Hugtök
tengd
verðbólgu
49
Fyrstu skref í fjármálum
Nýttu góð tækifæri
Læra »»
Viðbótarlífeyrissparnaður, helstu atriði
»»
Heimild til að greiða viðbótarlífeyrissparnað inn á fyrstu fasteign
»»
Fyrsta fasteign, helstu atriði
»»
Stuðningur ríkis við kaup á fyrstu fasteign
Gott ráð
Það er góður kostur að leggja fyrir 2% til 4% af launum í viðbótarlífeyrissparnað,
fá mótframlag frá launagreiðanda og skattaafslátt við
kaup á fyrstu íbúð.
Dýrmætt að
grípa góð
tækifæri
Í fjármálum þurfa einstaklingar að vera útsjónarsamir og grípa tækifæri
sem auðvelda þeim að nýta peningana sína sem best. Viðbótarlífeyrissparnaður
og stuðningur við kaup á fyrstu fasteign eru dæmi
um tækifæri sem allir sem geta ættu að nýta.
Tækifæri til að fá
mótframlag, vaxtavexti
og skattaafslátt!
Tveir góðir kostir
Tækifæri
Viðbótarlífeyrissparnaður
Fyrsta fasteign
Hagur
ǜǜMótframlag launagreiðanda bætist
við eigin sparnað
ǜǜLangtímaávöxtun, á löngum tíma
geta vextir orðið meiri en sparnaður
ǜǜHeimild til að ráðstafa viðbótarlífeyrissparnaði
til 10 ára óskattlögðum
inn á íbúð eða húsnæðislán
Viðbótarlífeyrissparnaður
Einstaklingar geta greitt allt að 4% af launum í viðbótarlífeyrissparnað.
Það sem gerir sparnaðinn sérstaklega hagkvæman er að
mótframlag launagreiðanda, allt að 2% af launum, bætist við 2% eigið
framlag launþega samkvæmt kjarasamningi eða ráðningarsamningi.
Þeir sem sleppa því að vera með viðbótarlífeyrissparnað eru því í
raun að fá 2% lægri laun en ella.
Aðrir helstu kostir viðbótarlífeyrissparnaðar eru:
• Enginn fjármagnstekjuskattur er greiddur af vaxtatekjum.
• Inneign er laus við 60 ára aldur og erfist við fráfall.
• Viðbótarlífeyrissparnaður er laus til úttektar ef
eigandi verður óvinnufær vegna veikinda eða slysa.
50
3. Nokkur hollráð
• Ef einstaklingur verður gjaldþrota geta kröfuhafar
ekki gengið að viðbótarlífeyrissparnaði.
• Langtímasparnaður, vextir geta orðið meirihluti uppsafnaðs
sparnaðar vegna áhrifa vaxtavaxta.
Einstaklingar sem eru að kaupa sitt fyrsta húsnæði geta notað viðbótarlífeyrissparnað
til 10 ára og greitt hann óskattlagðan inn á húsnæðislán
eða íbúð. Þeir sem hyggjast kaupa húsnæði á næstu árum
ættu að nýta sér þennan möguleika.
Fyrsta fasteign
Helstu atriði í stuðningi við kaup á fyrstu fasteign eru:
• Hámarksfjárhæð á ári er 500 þúsund krónur á
einstakling eða 41.667 krónur á mánuði.
• Til að fullnýta heimildina þarf að hafa mánaðarlaun upp á
694 þúsund krónur.
• Hámarkssparnaður er 4% af launum frá launþega
og 2% frá launagreiðanda.
• Einstaklingur spari að minnsta kosti til jafns við framlag
launagreiðanda.
• Einstaklingur þarf að eiga að minnsta kosti 30% í íbúð.
Eigið framlag er minnihluti af uppsöfnuðum sparnaði
8 milljónir – uppsafnaður sparnaður
7
Vextir
6
Skattaafsláttur
5
Mótframlag
4
Eigið framlag
3
2,4 milljónir
2
1
0
Vægi eigin
46%
sparnaðar
Fyrsta fasteign
10 ára sparnaður
6,9 milljónir
33%
Viðbótarlífeyrissparnaður
32 ára sparnaður
Dæmi. Einstaklingur er með
300 þús. kr. í laun á mánuði
og leggur fyrir viðbótarlífeyrissparnað
alla starfsævina.
Sparar 4% af launum
í 10 ár, síðan 2% í 32 ár og
fær 2% mótframlag í 42 ár.
Vextir eru 2,5%
Fyrsta fasteign
Greiðir 2,4 m. kr. inn á fasteign
eftir 10 ár. Þ.a. er eigin
sparnaður 1,1 m. kr., framlag
launagreiðanda 0,5 m. kr. og
skattaafsláttur 0,8 m. kr.
Starfslok
Til ráðstöfunar eru 6,9 m. kr.,
þ.a. er eigin sparnaður 2,3 m.
kr., framlag launagreiðanda
2,3 m. kr. og vextir 2,3 m. kr.
Lífið er fullt af tækifærum. Hér höfum við séð tvö sem eru mjög
hagkvæm. Önnur tækifæri geta verið þegar einstaklingum býðst að
kaupa vörur eða þjónustu á tilboði eða með afslætti. Stundum eru
slík tilboð ómótstæðileg en í öðrum tilvikum geta þau leitt til óþarfa
eyðslu. Hver og einn verður að meta í hvert skipti hvort hann eða hún
grípi tækifærið.
Að vega
og meta
51
Fyrstu skref í fjármálum
Gerðu ráð fyrir áföllum
Læra »»
Fjárhagslegar áhættur
»»
Persónulegar áhættur
»»
Efnahagslegar áhættur
»»
Leiðir til að draga úr afleiðingum persónulegra áfalla
»»
Leiðir til að draga úr afleiðingum efnahagslegra tjóna
Gott ráð
Það er góður siður að fara reglulega yfir helstu fjárhagslegar áhættur,
meta áhrif þeirra og ákveða hvort og þá hvernig er best að draga úr
afleiðingum þeirra.
Enginn
sleppur
Enginn kemst í gegnum lífið áfallalaust. Það er ekkert svartsýnisraus að
segja að allir verða fyrir einhverjum persónulegum og fjárhagslegum
áföllum einhvern tíma á ævinni. Áður hefur komið fram að sá sem stýrir
eigin fjármálum þarf að vera raunsær og sníða sér stakk eftir vexti þannig
að gjöld verði aldrei meiri en tekjur og eignir leyfa. Nú bætist við að hver
og einn þarf einnig að reikna með mögulegum fjárhagslegum áföllum.
Eftir að einstaklingar verða fjárhagslega sjálfstæðir, það er þegar þeir
afla sjálfir tekna til að framfleyta sér og hafa stofnað til fjárhagslegra
skuldbindinga, er hluti af góðri fjármálastjórn að gera ráð fyrir áföllum.
Það er gert með því að kortleggja áhættur, meta áhrif þeirra og
gera ráðstafanir til að draga úr fjárhagslegum áföllum.
Fjárhagslegum áhættum heimila má skipta í tvo flokka, persónulegar
og efnahagslegar áhættur.
Persónulegar
áhættur
Efnahagslegar
áhættur
Persónulegar áhættur eru áhættur tengdar hæfi einstaklinga til að
afla tekna til að greiða fyrir neyslu og fjárfestingar. Persónulegar
áhættur eru hætturnar á því að breytingar verði á atvinnu- eða tekjumöguleikum
einstaklinga, til dæmis ef einstaklingur lækkar í launum,
missir vinnuna eða verður óvinnufær vegna veikinda eða slysa.
Einnig má nefna hættuna á að einstak lingur falli frá fyrir aldur fram
sem verður að taka með í reikninginn ef við kom andi á fjölskyldu eða
hefur einhvern á sínu framfæri.
Efnahagslegar áhættur eru hættur tengdar eignum og skuldum
einstaklinga og heimila. Efnahagslegar áhættur eru hætturnar á rýrn-
52
3. Nokkur hollráð
un eigna vegna verðsveiflna eða tjóna eða hættan á hækkun skulda
vegna verðbólgu eða breytinga á greiðslubyrði.
Áhættur sem geta haft fjárhagsleg áhrif
Persónulegar áhættur
ǜǜBreytingar á launum eða atvinnu
ǜǜÓvinnufærni (veikindi eða slys)
ǜǜAndlát
•
•
•
Mögulegar afleiðingar
ǜǜTekjur minnka, atvinnuleysi
ǜǜAtvinnutekjur falla niður
ǜǜFramfærsla eftirlifenda, skuldir
Helstu áhættur og
möguleg áhrif þeirra
Efnahagslegar áhættur
ǜǜFasteign
ǜǜInnbú
ǜǜBifreið
ǜǜSparnaður
ǜǜSkuldir
•
•
•
•
•
Mögulegar afleiðingar
ǜǜVerðsveiflur, tjón
ǜǜTjón
ǜǜTjón
ǜǜVerðsveiflur
ǜǜSveiflur á greiðslubyrði
Einstaklingar geta dregið úr áhættu vegna breytinga á launum eða atvinnu
með því að eiga varasjóð til að grípa til tímabundið ef tekjur
minnka. Einnig skiptir máli að skuldir séu ekki það miklar að ekkert
megi út af bera til þess að viðkomandi ráði ekki við að greiða af þeim.
Þeir sem verða varanlega óvinnufærir eiga í flestum tilvikum rétt á örorkulífeyri
frá lífeyrissjóðnum sem þeir greiða í. Hver og einn ætti að
þekkja réttindin sín og meta hvort lífeyririnn dugi til að framfleyta sér
og greiða af skuldum. Ef svo er ekki getur verið skynsamlegt að bæta
við sig tryggingum. Þeir sem framfleyta fjölskyldu og/eða hafa stofnað
til skulda ættu að skoða hvort þeir þurfi líftryggingu til að tryggja
hagsmuni fjölskyldunnar eða til að greiða niður skuldir við fráfall.
Besta leiðin til að draga úr áhættu vegna verðsveiflna á fasteign er
að vera búinn að safna fyrir útborgun sem nemur að minnsta kosti
20% til 30% af kaupverði. Þeir sem eiga eignir ættu að kaupa eignatryggingar
til að verjast tjóni vegna óhappa, óveðurs eða innbrota. Til
að draga úr áhrifum verðsveiflna á sparnað er gott að dreifa áhættu
og fjárfesta í mörgum eignaflokkum og hjá mörgum útgefendum.
Kortleggja
áhættur ...
... og draga úr
afleiðingum
þeirra
Leiðir til að draga úr fjárhagslegu tjóni
Persónulegar áhættur
ǜǜBreytingar á launum eða atvinnu
ǜǜÓvinnufærni (veikindi eða slys)
ǜǜAndlát
•
•
•
Möguleg vörn
ǜǜVarasjóður, hófleg skuldsetning
ǜǜLífeyrisréttindi, viðbótartrygging
ǜǜLíftrygging
Helstu áhættur og
mögulegar leiðir til að
draga úr fjárhagslegu tjóni
Efnahagslegar áhættur
ǜǜFasteign
ǜǜInnbú
ǜǜBifreið
ǜǜSparnaður
ǜǜSkuldir
•
•
•
•
•
Möguleg vörn
ǜǜEigið fé, eignatrygging
ǜǜInnbústrygging
ǜǜKaskótrygging
ǜǜÁhættudreifing
ǜǜHófleg skuldsetning
53
Fyrstu skref í fjármálum
spurningar og verkefni
I. UPPRUNI OG RÁÐSTÖFUN VERÐMÆTA
Spurningar
1. Hver er munur á heildarlaunum og útborguðum launum?
Hvaða frádráttarliðir dragast yfirleitt frá launum?
2. Hvað eru ráðstöfunartekjur?
3. Hvernig ákvarðast laun?
4. Mega unglingar vinna með skóla? Hvaða reglur gilda um vinnu
barna og unglinga undir 18 ára aldri?
5. Hvenær verða einstaklingar fjárráða? Hvað þýðir það?
6. Nefndu að minnsta kosti fimm atriði sem koma fram í ráðningarsamningi.
7. Hvaða skattur er dreginn af atvinnutekjum einstaklinga?
8. Hvað er persónuafsláttur? Hvað þýðir að eiga ónýttan persónuafslátt?
9. Til hvers greiða einstaklingar í lífeyrissjóð?
10. Hvað er greiðslukort? Hver er munur á debet- og kreditkortum?
11. Hvernig er hægt að greiða fyrir vöru og þjónustu með farsíma?
Rannsakaðu/kannaðu
1. Skoðaðu síðasta launaseðil sem þú fékkst. Gakktu úr skugga um
að þú skiljir tölurnar sem eru á seðlinum.
2. Hve miklu eyðir þú á mánuði? Settu upp áætlun um mánaðarleg útgjöld.
Hve miklu máttu eyða á viku eða á dag?
II. Eignir og lán (skuldir)
Spurningar
1. Hvað eru vextir? Hver er munur á innláns- og útlánsvöxtum?
2. Hvaða áhrif hefur binditími á vexti innlánsreikninga?
3. Hver eru fjögur helstu sparnaðarform fyrir einstaklinga og
hverjir eru helstu eiginleikar hvers þeirra?
4. Hvað eru margir vaxtadagar á ári?
5. Hvað eru dráttarvextir?
6. Hvað er lánssamningur?
7. Hvað eru skammtímalán? Nefndu fimm tegundir skammtímalána.
8. Hvað er langtímalán? Nefndu tvær tegundir slíkra lána.
54
3. Nokkur hollráð
9. Hverjir eru helstu kostnaðarliðir við lántöku aðrir en vextir?
10. Hvað er hlutfallstala kostnaðar? Hvernig nýtist hún best fyrir lántaka?
11. Hvað þarf að skoða/yfirfara áður en lán er tekið?
Rannsakaðu/kannaðu
1. Farðu inn á heimasíðu viðskiptabankans þíns og finndu vaxtatöflu hans. Skoðaðu hvaða
vextir eru greiddir á innlánsreikningum. Hverjir eru vextir á veltureikningi með debetkort?
Hverjir eru vextir á bankareikningum bundnum til 36 mánaða?
3. Farðu inn á heimasíðu viðskiptabankans þíns og finndu reiknivél fyrir lán. Prófaðu að reikna
lán að fjárhæð ein milljón króna til þriggja ára, fimm ára, 10 ára og 25 ára. Skoðaðu greiðsluáætlun,
kostnað, vexti og hlutfallstölu kostnaðar.
reiknaðu
1. Reiknaðu 1,5% vexti af 130.000 krónum í 3 mánuði, hálft ár, 1 ár og 3 ár.
2. Hverjir voru breytilegir vextir á reikningi þar sem vextir voru 1,25% frá 1.1.til 31.3., 1,0%
á tímabilinu 1.4. til 30.6., 1,8% á tímabilinu 1.7. til 30.9. og 1,75% á tímabilinu 1.10. til 31.12.?
III. Nokkur hollráð
Spurningar
1. Hvað er að vera fjárhagslega sjálfstæður?
2. Af hverju er ódýrara að kaupa eignir með sparnaði frekar en lántöku?
3. Hverjir eru helstu flokkar sparnaðar og hver er tilgangurinn með hverjum þeirra?
4. Hvað er varasjóður?
5. Hvað er verðbólga? Hvaða áhrif hefur hún á kaupmátt launa?
6. Hvað mælir vísitala neysluverðs?
7. Hve mikið geta einstaklingar greitt í viðbótarlífeyrissparnað? Hvenær og
hve mikið greiðir atvinnurekandi í mótframlag?
8. Hvað geta einstaklingar nýtt viðbótarlífeyrissparnað til margra ára til að greiða
inn á fyrstu fasteign?
Rannsakaðu/kannaðu
1. Farðu á vefinn og finndu tölvu sem þú gætir hugsað þér að eignast. Opnaðu svo síðu hjá
viðskiptabankanum þínum og finndu reiknivél fyrir reglulegan sparnað. Notaðu hana til að
reikna hvað þú þarft að leggja fyrir á mánuði í 2 ár á reikningi með 2% vöxtum. Skoðaðu svo
hvað myndi kosta þig að kaupa tölvuna með láni frá bankanum í 24 mánuði.
2. Farðu inn á skattur.is og flettu upp á ,,framtal barns“ í leiðbeiningum.
Finndu af hvaða fjárhæð börn yngri en 16 ára þurfa ekki að greiða tekjuskatt
og útsvar vegna síðasta árs.
55
Þakkir og kveðjur frá höfundi
Eftirtaldir fá þakkir frá höfundi fyrir aðstoð við gerð þessarar bókar.
Kristín Lúðvíksdóttir fyrir frumkvæði og ósérhlífni við útbreiðslu
námsefnis um fjármál fyrir ungt fólk.
Janus Sigurjónsson fyrir grafíska hönnun.
Andrés Magnússon og Magnús Ingvar Torfason fyrir myndir
og töflur.
Pétur Árni Jónsson útgefandi, fyrir frumkvæði, stuðning og góð ráð.
Björg Sigurðardóttir fyrir stuðning, yfirlestur og góðar ábendingar.
Það er einlæg von mín að lesendur hafi gagn og gaman af lestri bókarinnar.
Munið að spyrja, safna upplýsingum og spyrja meira áður en þið takið stórar
fjárhagslegar ákvarðanir. Gangi ykkur vel.
Reykjavík í janúar 2022,
Gunnar Baldvinsson.
Um höfundinn
Gunnar Baldvinsson hefur starfað sem
framkvæmdastjóri Almenna lífeyris sjóðsins
frá árinu 1990. Hann útskrifaðist sem
viðskiptafræðingur frá Háskóla Íslands árið
1985 og lauk MBA-námi frá University of
Rochester árið 1988. Gunnar hefur skrifað
sex bækur um fjármál einstaklinga.
„Unglingar vilja almennt hafa hlutina einfalda
og það á einnig við þegar kemur að því að
læra um fjármál. Þessi fallega nemendabók
sem er undanfari bókarinnar „Farsæl skref
í fjármálum“ skýrir flókna hluti á einfaldan
hátt og hentar því vel til kennslu í efstu
bekkjum grunnskóla.“
Kristín Lúðvíksdóttir,
verkefnisstjóri Fjármálavits
Fjármál eru hluti af daglegu
lífi fólks. Bókin Fyrstu
skref í fjármálum fjallar
um grunnatriði í fjármálum
einstaklinga og er fyrir
ungt fólk sem er að stíga
sín fyrstu skref í átt að
fjárhagslegu sjálfstæði.
„Skilningur og færni í fjármálum eru
mikilvægt veganesti inn í lífið sem reynslan
sýnir að of marga skortir. Þessi bók tekur á
lykilþáttum fjármála einstaklinga með
skýrum og greinargóðum hætti. Hún er
mikilvægt framlag til þess að skapa skilning
og leggja grunn að farsælu upphafi í
fjármálum ungs fólks.“
Bernhard Þór Bernhardsson,
sviðsstjóri vöruþróunar og netviðskipta Arion banka
FJÁRMÁLAVIT
Framtíðarsýn