A Estrada Miscelanea Historica e Cultural Num 8 - Dspace ...

118
Familias e veciños do «lugar y aldea de La Estrada» a mediados do século XVIII
crítico nos pode garantir, unha vez asumido o inevitable marxe de
falibilidade, uns resultados cientificamente aceptables.
O obxectivo deste traballo céntrase no estudio das familias constituídas
no lugar y aldea de La Estrada no período 1745-1755 e no
establecemento dun vecindario deste lugar no ano 1750, para o que
nos servimos das seguintes fontes:
II.a. Catastro de Ensenada
O principal valor desta fonte monumental radica na súa fiabilidade,
mentres que a eiva máis importante, que hai que lamentar en
moitos casos, reside na súa inexistencia ou desaparición. Así mesmo
evidénciase o distinto rigor que os escribáns aplican na constatación
dos datos, de modo que, aínda partindo dun interrogatorio común,
o acervo informativo varía considerablemente en cantidade e calidade.
A relación de vecinos cabezas de casa, establécese por lugares ou
aldeas e está maioritariamente constituída por homes casados, mais
que tamén poden ser solteiros ou viúvos; ou mulleres solteiras (moi
excepcionalmente), viúvas ou casadas cando o marido se encontre
lonxe por un longo período de tempo. Esta relación permítenos
identificar a meirande parte dos varóns adultos xunto cun discretísimo
número de mulleres. Da relación de oficios, industrias y comercio,
de contido exclusivamente fiscal, podemos extraer algúns valiosos
datos de índole demográfica aplicables á nosa investigación; por
exemplo certos varóns non emancipados que, por traballaren como
aprendices xeran unha utilidade gravable.
A relación de vecinos que confiesan y comulgan, vén complementar
a información ofrecida nos anteriores apartados aportando o
nome das persoas que en cada casa acadaron xa a idade de recibir os
citados sacramentos, ou o que é o mesmo, persoas de oito ou máis
anos que habiten a casa paterna, incluídos outros membros da familia
que convivan baixo o mesmo teito, como poden ser xenros ou
noras. Quedan loxicamente excluídos os fillos menores. É frecuente
que encabece esta relación o nome do cura párroco e persoas que
A ESTRADA
miscelánea histórica e cultural