A Estrada Miscelanea Historica e Cultural Num 8 - Dspace ...

32
Aproximación ás expresións de fe relixiosa e prácticas de piedade dos fregueses de San Paio de Figueiroa e da Estrada…
4. Párrocos encargados, durante os catro últimos séculos, de
manter aceso o lume da fe.
I. Centros de culto ou lugares sagros
Cos datos que nos ofrecen os arquivos parroquiais obtemos seis
centros de culto; cinco construidos na antiga parroquia de Figueiroa
e un na de Ouzande. Trataremos de presentalos por orde cronolóxica
de erección, na medida en que as fonte nolo permitan
Igrexa parroquial de San Paio de Figueiroa
Polos datos que se desprenden da relación de obras que nela se
efectuaron na segunda metade do XVIII, hai que imaxinala coma un
edificio de estilo románico de dimensións reducidas; espadana
dunha soa campá e símbolos xacobeos como “veneras” que amosaban
a súa ubicación no Camiño
de Santiago. Estaba
situada no actual cemiterio
da Estrada, na súa parte máis
baixa e antiga, á man dereita
entrando pola cancela inferior,
aproximadamente na
parte media do espacio limitado
entre o camiñiño que
parte do portal, e o muro do
norte. Cónstame a existencia
nese lugar dunha cimentación
antiga, que sen dúbida
pertenceu á igrexa de Fi-
Sobre a vista aérea do cemiterio da Estrada,
situación aproximada da primitiva igrexa
parroquial de San Paio de Figueiroa.
gueiroa, por referencias duns
albaneis que alí mesmo construían
un panteón soterrado.
A ESTRADA
miscelánea histórica e cultural