A Estrada Miscelanea Historica e Cultural Num 8 - Dspace ...

40
Aproximación ás expresións de fe relixiosa e prácticas de piedade dos fregueses de San Paio de Figueiroa e da Estrada…
Actual igrexa parroquial de San Paio da Estrada
A súa construcción foi cousa moi azarosa, con épocas de obra
parada e mesmo pasando polas mans de distintos constructores e
arquitectos. Tampouco faltou un conflicto xudicial que se ventilou
no Tribunal Supremo… total, trinta e sete anos dende a colocación
da primeira pedra no 1898 ata inaugurarse, sen rematar de todo, no
1935. Cómpre sen embargo recoñecer que se proxectou unha obra
con previsión de futuro: as súas dimensións veñen ser as mesmas,
aproximadamente, cás da anterior Catedral de Santiago, destruída
por Almanzor no 997, e da que Guerra Campos afirma que era das
máis grandes de España. Certo que foi erixida mil anos antes cá nosa
pero tamén o é que estaba destinada a recibir xente de fóra, moitos
peregrinos, mentre que a da Estrada era… para A Estrada. Aínda así
quero consignar aquí a necesidade dun segundo centro de culto que
sería suficiente duns 150 metro edificados, pois sucede a menudo que
adoitan coincidir con frecuencia na mesma hora e día celebracións
litúrxicas e acontecementos relixiosos de diversa índole. Saberíame
a gloria que se chegaran a facer algunhas obras de adecuado remate
do noso templo parroquial e que logo despois fose consagrado co rito
solemne que ten a liturxia católica, que é algo máis ca unha simple
bendición, como se fixo.
E logo se escribise a historia azarosa da súa construcción e ordenación
do seu entorno, dende a adquisición deica a última remodelación
efectuada no 1990, indagando nos arquivos e hemerotecas
nos que se encontran consignados os datos e actividades das persoas
que o fixeron posible, dende don Nicolás Mato e curas anteriores,
pasando por dona Melania Nine con quen A Estrada ten contraída
débeda de gratitude polos moitos servicios que prestou á freguesía e
veciños da vila, sen esquencer a ningunha das tantas persoas que,
baleirando os seus petos e estimulando a outros a que o fixesen, conseguiron
levantar este templo. Nin deixar de lado a aqueloutros que
con teatros, tómbolas e festivais contribuíron tamén a fin tan digno
de loubanza. ¡Loores para todos eles!
A ESTRADA
miscelánea histórica e cultural