Nº11: Xaneiro 2010 - Rede Galega de Mentores

Novas da rede
Seis novas empresas de Mos incorpóranse á Rede
Mentoring
Tras a exitosa xornada que celebramos en Santiago e da que vos
falabamos o mes pasado, a nosa rede de mentores segue expandíndose,
neste caso pola súa vertente máis conveniente: as empresas,
ao cabo as principais beneficiadas de toda a nosa estrutura.
No marco do Obradoiro de Dirección Estratéxica que organiza
Bic Galicia en colaboración coa Asociación de Empresarios
de Mos, un grupo de seis empresas desta localidade incorporaranse
á Rede Mentoring para recibir o apoio de mentores.
Trátase de pemes de diversos sectores de actividade: fabricación
de embalaxes, plástico, artes gráficas, automoción, publicidade
e deseño web. A rede galega de experiencia para a mellora
das empresas segue a medrar.
Máis información: www.redementores.com
AXENDA
www.redementores.com
Nova xornada de formación para autónomos
O mércores 27 de xaneiro entre as 10:00 e as 13:00, na sala de
cursos do Igape en Santiago de Compostela, celebrarase unha
nova xornada de formación, desta volta co tema “Asesoramento
para a elaboración dun plan de negocio”. A xornada vai dirixida
a técnicos de asociacións de autónomos.
Máis información no correo anunez@bicgalicia.es ou no teléfono
981 546837
Xornada de coaching e presentación de AECOP GALICIA
A cita é no Salón da CEO, rúa de Damas, 1, Ourense, o vindeiro
3 de febreiro. Alí terá lugar a presentación de AECOP GALI-
CIA (Asociación Española de Coaching y Consultoría de Procesos)
e a celebración dunha prometedora xornada de coaching
coa participación, entre outros, de Manuel Seijo, presidente de
AECOP, e Enrique Ulloa, presidente de AECOP GALICIA. Se
che interesa o coaching, non podes faltar.
Máis información: Alberto Mariño, 649 915575
Seminario sobre divulgación de modelos innovadores de
management
O próximo 4 de febreiro, no Centro Social Caixanova de Vigo
celebrarase en sesión matinal, entre as 9:30 e as 14:00 h., este
interesante seminario sobre modelos de management. Recorda,
o aforo é limitado.
Máis información: http://www.believeinyou.es/mem2010.html
Boletín n.º 11
Xaneiro 2010
A rede galega de experiencia
para a mellora das empresas
Actualidade da empresa
Innovación 2.0, o futuro da xestión da I+D+i
O pasado novembro, Bic Galicia e Feuga, en colaboración coa
Fundación CaixaGalicia, puxeron en marcha en Vigo, Santiago
e A Coruña un moi interesante seminario: “Innovación 2.0.
Como dirixir a innovación en clave 2.0”. Enfocado a empresarios,
directivos e mandos medios e coordinado por Amalio
Rey (director de Emotools, licenciado en Economía Internacional
e experto en mercadotecnia da I+D+i), o taller buscou responder
a unha boa batería de cuestións relacionadas cos novos
modelos de xestión da innovación no contexto da Web 2.0.
Segundo Amalio Rey, a Web 2.0 nace como un conxunto de tecnoloxías
de Internet que facilitan máis que nunca o traballo
colaborativo, aberto e descentralizado. Grazas a elas, os usuarios
multiplican a súa capacidade de gobernar a Rede e de interactuar
proactivamente. Este paradigma da Web 2.0 é perfectamente
aplicable á xestión da innovación. Para Amalio Rey, a
innovación 2.0 é un marco de referencia para traballar de forma
ordenada coas empresas, un modelo aberto que serve para
impulsar a reflexión colectiva en busca do mellor sistema posible
e que ofrece un contexto moi interesante para a construción
dunha sociedade e unha economía máis saudables.
Amalio Rey diríxese aos asistentes ao seminario.
Carpe Diem, Premio Emprende 2009
O 3 de decembro celebrouse no concello da Coruña a cerimonia
de entrega do Premio AMXE Emprende 2009, que nesta edición
recaeu en Carpe Diem como mellor Novo Empresario. AMXE
Emprende ten como obxectivo recoñecer o traballo dos novos
empresarios que, co seu esforzo, contribúen ao desenvolvemento
económico, progreso e benestar de Galicia.
Carpe Diem, empresa integrada na Rede Mentoring, dedícase ao
deseño, a xestión e a produción de eventos e accións promocionais,
ademais de ofrecer solucións en liña no campo da comunicación
empresarial. No número de febreiro, ofrecerémosvos
unha dobre entrevista con Manuel García, director de Carpe Diem,
e Álvaro Cela, mentor, que acaban de concluír con éxito un proceso
de mentorización na nosa Rede. ¡Parabéns, Carpe Diem!

Experiencias de mentoring
MANUEL ESCOURIDO CALVO
Mentor da Rede Galega de Empresarios Mentores
Licenciado en Ciencias Económicas
e Empresariais; doctorando
e DEA en Economía Aplicada;
máster en Dirección Comercial
e Marketing, Admón. Financeira
e Tributaria e Mercados
Financeiros; e postgrao en Desenvolvemento
de Proxectos Empresariais,
Manuel Escourido é
xestor administrativo, consultor,
xestor de empresas e docente.
Desenvolve a súa labor profesional como xerente/socio de xestcourido.com,
upconsultores.es e knownow.es.
Que lle animou a participar na Rede Mentoring?
A idea pareceume moi atractiva desde os seus inicios. É un
pequeno gran paso para que na peme galega comece a xermolar
a idea de cooperación, de rede e de transmisión de coñecemento.
Cal é a diferencia entre un mentor e un asesor?
Un mentor céntrase na persoa; o seu obxectivo é provocar que
o mentorizado descubra as respostas que necesita para os retos
que lle presenta a súa empresa. O mentor debe facer que aflore
o talento do mentorizado, que vaia descubrindo a súas propias
capacidades. O asesor soluciona, o mentor axuda a atopar a
solución.
Cales eran os seus obxectivos específicos como mentor
neste caso?
Que o meu mentorizado fose descubrindo os conceptos básicos
e as reflexións que se debe facer quen quere comezar unha
labor de posicionamento dunha marca. Desde a visión, misión
e valores ata chegar a unha considerable arquitectura de
marca, nun camiño de reflexión, lectura, discusión e interacción
co mentorizado.
Como valora os resultados acadados? E a súa participación?
A valoración é moi positiva. O mentorizado descubriu e puxo
en práctica os coñecementos necesarios para posicionar a súa
marca a partir dun pequeno plan de traballo e do debate e discusión
de toda as conclusións ás que iamos chegando.
Cre conveniente potenciar este tipo de redes? Como?
Resulta fundamental crear e fortalecer este tipo de redes. Seguramente,
en moitas áreas unhas veces podemos ser mentores e
outras mentorizados, sempre e cando teñamos a mente aberta e
sexamos conscientes de que é necesaria a cooperación e o traballo
en rede para facer fronte a unha economía globalizada onde
a competencia é cada vez máis dura. Trátase de transmitir e
xerar talento, polo que desde todos os puntos de vista é positivo
para Galicia e as súas empresas.
Para espertar o interese das empresas polos beneficios do mentoring,
a comunicación das experiencias que se van dando é fundamental
para animar a outras empresas a participar. Moitas
veces actuamos por imitación e despois de que sexan outros os
que experimentan, así que o pequeno gran paso xa está dado.
JOSE ANTONIO BARREIRO
Xerente de Banjoy, Xoia
Banjoy Xoia comezou
a súa actividade como
taller de xoiería no ano
2006 en Bergondo. No
2009 decide dar un paso
adiante e crear a
súa propia marca, que
abarca desde o deseño
ata a fabricación e
venda, coa apertura
dunha tenda propia na
Coruña.
Que requisitos debe cumplir, na súa opinión, un mentor?
Identifico a figura do mentor cun membro exitoso e respectado
dunha empresa, con capacidade de comunicación para a
transmisión de coñecementos e experiencias dun xeito claro e
preciso.
Neste punto, quero agradecer o fantástico labor do noso mentor,
co que tivemos moi boa química desde o principio, e que
estivo sempre á nosa disposición de forma desinteresada.
Cales eran os obxectivos específicos e as expectativas ao
recorrer a un mentor?
Dentro dos nosos obxectivos estaba o posicionamento da empresa
no mercado como marca propia. Con respecto ás expectativas,
queríamos desenvolver unha estratexia de empresa con
posibilidade de comunicación no mercado.
Poden destacar algunha das aportacións da mentorizaxe?
Como valoran a experiencia?
O proceso serviunos para establecer unha serie de pautas que
seguir para mellorar a nosa empresa, pautas que neste momento
estamos empezando a aplicar. A experiencia foi moi positiva,
tanto que probablemente volvamos repetila para desenvolver
outra área da empresa.
Cómo potenciarían vostedes o mentoring?
Parécenos unha boa iniciativa a reunión que tivo lugar en
Santiago o pasado mes de decembro entre os mentores, para
fomentar a súa colaboración. Doutra banda, é moi interesante
que este tipo de iniciativas déanse a coñecer a través de asociacións
e organizacións, para poder chegar aos empresarios.
MÁIS INFORMACIÓN
Teléfono: 981 646 823 - Fax: 981 546 832
www.redementores.com - info@redementores.com
IGAPE - BIC Galicia - XesGalicia
Barrio de San Lázaro 63A
15703 Santiago de Compostela