BICO #6, version PDF - Universidade de Santiago de Compostela

Páx. 22 de 50 Mércores 25 Marzo 2009 BICO núm. 6
d. A difusión do coñecemento e da cultura a través da
extensión universitaria e a formación ao longo de toda a
vida.
e. O apoio científico e técnico ao desenvolvemento social,
económico e cultural da sociedade galega que a sustenta.
Da mesma maneira, e no mesmo artigo, alínea 2, indícase que “a
Universidade de Santiago de Compostela desenvolverá outras
actividades de extensión universitaria, dirixidas a todos os
membros da comunidade universitaria e á sociedade en xeral, que
terán como finalidade:
a. Procurar a formación integral dos membros da comunidade
universitaria mediante a programación e organización de
cursos, conferencias e todo tipo de actividades culturais,
recreativas e deportivas que poidan contribuír á mellor
realización deste obxectivo.
b. Potenciar os diversos grupos e asociacións universitarias
que desenvolvan actividades estudantís, culturais e
deportivas.
c. Proxectar as funcións e os servizos da universidade ao
contorno social.
d. Atender especialmente á defensa, desenvolvemento e
difusión da cultura galega, promovendo as actividades e
servizos que contribúan a este fin e mantendo as relacións
necesarias coas institucións que teñan o mesmo
obxectivo”.
Igualmente, e na súa alínea 3, maniféstase que, para o mellor
desenvolvemento destas funcións, “a Universidade de Santiago de
Compostela propiciará o establecemento de relacións con outras
universidades, organizacións e institucións, moi en particular coas
de carácter académico, científico e cultural, e atenderá dun xeito
preferente as que realicen o seu labor en países de cultura galegoportuguesa,
hispanoamericana e europea”.
Sobre a base dos principios e funcións recollidos nos Estatutos da
USC, particularmente no seu Título Preliminar, faise pública a
seguinte:
CONVOCATORIA DE AXUDAS A PROXECTOS DE
COOPERACIÓN CULTURAL
Abril 2009 - Marzo 2010
Obxectivos, campo de aplicación e carácter da solicitude
A cooperación, o traballo conxunto, a transferencia e intercambio
de coñecementos entre membros da comunidade universitaria e
entre estes e a sociedade a que se debe son obxectivos prioritarios
da acción universitaria na súa concepción de servizo público e
conformadores da tradición da USC.
Para reforzar estes obxectivos e promover un impulso no tecido
asociativo universitario e a súa interrelación co entorno,
particularmente coa cidadanía de Lugo e Santiago de Compostela
e concellos circundantes e Galiza en xeral, que vise constituír unha
Universidade asociada, interna e externamente, cooperadora e
transferidora de coñecemento, a USC, por medio da súa
Vicerreitoría de Cultura, estabeleceu unha liña de colaboración
con outras administracións públicas que permita satisfacer con
maior coordinación, dotación económica e apoio aos colectivos,
entidades, Centros, Escolas, Residencias, etc. solicitantes os
obxectivos previstos
A este efecto, a Vicerreitoría de Cultura estabelece unha cantidade
inicial de 25.000 euros, con cargo á partida 8035.4817.48200 de
“Actividades Culturais”, destinada ao financiamento de proxectos
BOLETÍN INFORMATIVO E DE COMUNICACIÓN DA U.S.C. Núm. 6
de cooperación cultural estábel xurdidos da comunidade
universitaria. Esta cantidade poderá ser aumentada, no seu caso,
progresivamente, en virtude da asinatura dos convenios prevista
con diferentes administracións públicas, o que será comunicado
oportunamente como addenda da presente convocatoria ou por
nova convocatoria.
Non poderán acollerse á presente convocatoria as accións culturais
de carácter intrauniversitario (para as que existen outras
convocatorias ad hoc), os actos culturais puntuais, concursos,
cursos ou obradoiros que non estean integrados en proxectos máis
amplos ou que non procuren un obxectivo máis alá da simple
aprendizaxe técnica, as actividades deportivas, as revistas e
publicacións, as viaxes e excursións, as actividades (encontros,
seminarios, cursos, etc.) de carácter académico ou científico, nin
as actividades contempladas na convocatoria de axudas a
actividades estudantís nin as actividades dependentes doutras
vicerreitorías.
Nesta convocatoria darase prioridade a Proxectos de carácter
intersectorial universitario (en que participen como promotores/as
ou asociados/as estudantes, PAS e PDI da USC conxuntamente) e
á presenza nesas entidades de persoas non universitarias ou de
cooperación entre membros ou entidades da Comunidade
universitaria e non universitarias. Do mesmo modo, serán
atendidos Proxectos que conteñan obxectivos definidos,
concreticen o público a que se dirixen e presenten unha memoria
dos recursos e mecanismos para conseguilos.
Todas as persoas ou colectivos interesados terán ao seu dispor
durante o período aberto da convocatoria, un asesoramento da
Vicerreitoría de Cultura, aos efectos de mellorar o seu proxecto
asociativo, tanto na súa eventual constitución como no seu
desenvolvemento, e tanto nos aspectos lexislativos ou formais,
como na determinación de obxectivos, recursos e análise da
realidade. Poden solicitalo marcando un encontro coas seguintes
persoas: Director da Área de Cultura, Pablo Sampedro, ext. 11123
(Santiago) e a Encargada de Actividades Culturais do Campus de
Lugo, Paloma Lugilde, ext. 21511.
Así mesmo, as persoas solicitantes poden incluír na súa solicitude
as necesidades de formación que consideren oportunas (no ámbito
lexislativo, planificador, organizativo, etc.) e o número de persoas
que estarían dispostas a asistir aos Cursos que eventualmente esta
Vicerreitoría destine a esa formación específica e que terían lugar
no inicio do ano académico 2009-2010.
Período de realización dos Proxectos:
O período abranxido pola presente convocatoria é de 16 de abril
de 2009 a 15 de marzo de 2010.
Solicitantes
1. Membros da comunidade universitaria (estudantes, PDI e
PAS), sempre que os proxectos para os que se solicita axuda
sexan participativos e destinados ao conxunto da comunidade
universitaria. Neste sentido, quedarán excluídos os proxectos
de carácter persoal.
2. Direccións e Decanatos e Centros, Comisións culturais de
facultades ou escolas universitarias. Estas solicitudes deberán
ser tramitadas a través do decanato ou dirección do centro.
3. Asociacións rexistradas no censo de asociacións da USC.
4. Residencias Universitarias e Colexios Maiores do SUR. Estas
solicitudes deberán ser tramitadas a través da dirección do
centro.
Nota: en todos os casos indicados, poden aparecer como coorganizadores,
cooperadores, etc. os colectivos e entidades alleas á