en Galicia - vPapel

14 deportes
LUN.19.12.2011 < LV
A fe do Obradoiro non ten límite
> Reponse a un mal inicio e, upado polo
Sar, tira de oficio para gañar a Estudiantes
Blusens Monbus 61
Asefa Estudiantes 58
Obradoiro: Palacio (7), Bulfoni (10),
Ere (11), Lasme (8), Junyent (6) –cinco
inicial–, Hopkins (1), Andrés Rodríguez (3),
Washington (5), Kendall (7) e Nguema (3).
Estudiantes: Granger (10), De la Fuente
(4), Wright (11), Gabriel (9), Simmons
(12) –cinco inicial–, Jaime Fernández (5),
Driesen (2), (3), Flores (2) e Clark (-).
Parciais: 8-18, 13-12, 22-12 e 18-16.
Árbitro: Conde, Jiménez e Munar.
Lasme foi eliminado por faltas persoais.
LV / Axencias
O Blusens Monbus venceu o Estudantes
(61-58) no Fontes do Sar
tras remontar unha diferenza de
15 puntos en contra durante o
segundo cuarto sumando así o
seu cuarto triunfo da tempada.
O inicio local foi mellor, o problema
é que durou un minuto. Os
madrileños entraron no partido
cunha canastra de Germán Gabriel
e, a partir de aí, o partido foi desde
o 6-3 do minuto 4 ao 6-16 do 9.
Granger levaba o peso ofensivo
visitante, mentres os santiagueses
combinaban perdas e ataques con
pésima circulación. Ao final do primeiro
cuarto a vantaxe xa era de 10
puntos para os de Pepu Hernández,
que, mediado o segundo acto, xa
tiña 15 puntos de renda (10-25).
Moitos se lembraron de Corbacho,
o desatascador en ataque
noutras ocasións, onte ausente por
unha rotura de febras. Pero cando o
escenario pintaba máis gris, Moncho
Fernández optou por darlle
entrada a Richard Nguema, case
inédito no que vai de Liga, nunha
mensaxe clara para o equipo: nece-
Villamor e Domínguez
gañan a carreira popular
Lugo Monumental
Carlos Villamor, corredor
lucense da Sociedade
Ximnástica de Pontevedra,
foi o gañador absoluto da
décima edición da carreira
popular Lugo Monumental,
que se disputou onte sobre
un trazado de 9.730 metros.
Empregou un tempo de
30.34 minutos. En categoría
feminina, a triatleta Estefanía
Domínguez, do Cidade de
Lugo Fluvial, alzouse co
triunfo. En total, participaron
máis de 2.500 atletas.
sitamos defensa.
A consecuencia directa foi un
parcial de 11-5 con dúas triplas
incluídas, unha do propio Nguema
e outra de Bulfoni. A maquillaxe
deixaba un esperanzador 21-30 ao
descanso. Ambos equipos sumaban
un 28% en tiros de campo e,
en partido trabado, o Obradoiro
sempre pesca a mellor peza.
Así, á volta dos vestiarios un
parcial de 13-0 en apenas dous
minutos apertou o resultado (34-
36). O Sar acendeuse e deulle ás
ao Blusens Monbus. O tanteador
seguía sendo baixo cando rematou
o terceiro acto (43-42), pero
as sensacións agora situaban os
composteláns como favoritos.
A súa defensa, xa axustada,
colapsou os madrileños, e Ere, que
levaba -6 de valoración, comezou
a anotar desde fóra. Unha tripla
de Andrés Rodríguez a falta de 3
minutos elevaba a vantaxe a seis
puntos, que os de Moncho Fernández
xa non deixaron escapar.
Con catro vitorias, o Obradoiro
sobe ao décimo cuarto posto.
Resultados da ACB
Valencia-Cajasol 80-84. Lagun Aro-Fuenlabrada
86-70. Unicaja-Joventut 89-88. Blusens Monbus-
Estudiantes 61-58. Valladolid-Gran Canaria 70-89.
Lucentum-UCAM Murcia 63-62. Real Madrid-
Manresa 83-61. Caja Laboral-Barcelona 71-60.
Cai Zaragoza-Bizkaia Bilbao (12 de xaneiro)
Clasificación da ACB
Real Madrid (10-2), Regal Barcelona (10-2), Unicaja
(9-3), Caja Laboral (9-3), Lucentum (9-3),, Cajasol
(7-5). Valencia (6-6), Fuenlabrada (6-6), Bilbao (5-6),
Cai Zaragoza (5-6), Gran Canaria (5-7), Manresa (5-7),
Lagun Aro (4-8), Blusens Monbus (4-8), Joventut (4-
8), Estudiantes (4-8), Murcia (3-9), Valladolid (2-10).
Lasme tapona a Flores, unha metáfora do que foi a segunda parte onte no Sar. > EFE
Novas de baloncesto
LEB Ouro O Breogán volveu
caer, esta vez ante un Cáceres
(79-81) liderado polo galego
Antelo, autor de 31 puntos
LEB Prata O derbi galego
entre COB e Coruña Basquet
acabou con vitoria local (67-66)
Liga Feminina O RC Celta
caeu ante o poderoso Ros
Casares por 40 puntos: 49-89
“FOI FABULOSO E
INCRIBLE O VIVIDO
NO PAVILLÓN;
QUERO DAR AS
GRAZAS AOS QUE
ME APOIARON”
Ricky Rubio, tras debutar cos
Timberwolves e dar 7 asistencias
nun amigable ante Milwaukee
Sergio Álvarez impón o
seu poderío para gañar o
trofeo ADT en Casas Novas
O xinete español Sergio Álvarez
Moya impuxo a velocidade para
conquistar o trofeo ADT do Concurso
de Saltos Internacional Casas
Novas de hípica, que se celebrou na
Coruña. A lombos de Sirius, arrebatou
ao francés Philippe Rozier
e Akita unha vitoria que parecía
adxudicada. A de Sergio Álvarez foi
a sexta vitoria española da fin de
semana tras as de Almudena Terrasa
no trofeo inaugural, Borja Villalón
no Trofeo Móstoles Industrial,
Gonzalo Añón no Trofeo Nespresso
e o Trofeo Prosegur e a que conseguiu
na primeira proba dominical
Ismael García Roque. Ademais, a
suíza Oeuvray logrou a primeira
vitoria feminina no Gran Premio
Banco Pastor e o brasileiro Álvaro
de Miranda pechou o concurso
gañando o Gran Premio Concello
da Coruña. Nas fotos, Sergio Álvarez;
Marta Ortega (arriba á dereita)
e Athina Onassis. > EFE
BALONMÁN
O Octavio, clasificado
para a Copa do Rei
O Academia Octavio clasificouse
para a Copa do Rei ao
acabar o ano entre os 8 primeiros
e logo de que onte o
Cuenca perdera ante o Anaitasuna
(34-27). O sábado, os
de Quique Domínguez acadaran
un agónico empate
en Puerto Sagunto (29-29).
Ademais, onte a selección
feminina gañou un bronce
histórico no Mundial tras
vencer 18-24 a Dinamarca.
AUTOMOBILISMO
Alguersuari: “A F-1
non se acaba aquí”
O ex piloto de Toro Rosso
Jaime Alguersuari mostrouse
convencido de que
o seu tempo na Fórmula
Un non está finalizado, a
pesar de que será “bastante
complicado” atopar un
volante para esta tempada.
No entanto, non respondeu
sobre os ruxerruxes que o
sitúan como compañeiro de
De la Rosa en HRT ou como
terceiro piloto de Red Bull.
Simon, Feli e o alcalde bilbaíno. > EFE
TENIS
Feliciano perde ante
Simon a final de Bilbao
O español Feliciano López
caeu onte na final do IV
Masters de Bilbao ante
Gilles Simon, que se impuxo
por un dobre 6-4 logo de
hora e media de pelexa
sobre a nova pista negra
que estreou este ano o Bilbao
Area de Miribilla. O galo
é o primeiro estranxeiro que
leva a txapela de gañador
nos catro anos de torneo.
ATLETISMO
Dobre triunfo keniano
en Venta de Baños
A keniana Priscah Jepleting
e o seu compatriota Philemon
Kimeli Limo adxudicáronse
onte o Cros Internacional
de Venta de Baños,
onde exhibiron a súa superioridade
respecto ao resto
de adversarios. A estrela da
proba foi a palentina Marta
Domínguez, que, tras finalizar
sétima na categoría
feminina, estivo media hora
asinando autógrafos.