en Galicia - vPapel

LV deLUNSaVENRES www.l-v.es
>paísdegalegos
“Aínda hai mulleres que finxen
o orgasmo, pero tamén o fan
os homes, malia que exaculen”
MARTINA GONZÁLEZ
SEXÓLOGA E
PSICÓLOGA
> Esta experta en
terapia de parella
advirte de que a
televisión e internet
lle están quitando
horas ao sexo
Ana Conde aconde@l-v.es
Martina González Veiga (Pontedeume,
1979) acaba de abrir en
Santiago o centro de sexoloxía
Con Mucho Gusto!, no que realiza
terapia sexual e de parella, servizo
que combina coa venda de xoguetes
e artigos eróticos.
P ¿Cales son os principais problemas
que ve na súa consulta?
R Ademais das disfuncións, os
principais problemas son de
comunicación. Detecto que as
persoas en parella non sabemos
expresar realmente que queremos,
non acabamos de saber o
que nos gusta. Damos por feito
cousas que a outra parte se supón
que debería saber ou sacamos as
nosas propias conxecturas, e iso
dá lugar a moitos malentendidos.
P ¿Afecta a rutina ao sexo?
R Tamén. Convertémonos en
suxeitos pasivos e pasamos moito
tempo diante da televisión
e internet. Iso fai que teñamos
pouco ocio en parella, o que conleva
restarlle horas á vida sexual.
P ¿Cales son as claves para que
unha parella funcione na cama?
R Primeiro, coñecerse e quererse
a un mesmo, saber o que nos
A sexóloga e psicóloga, no seu centro da praza Roxa de Santiago. > Lorena S. Fidalgo
gusta e o que non; logo comunicarse
e divertirse. Non xerar
expectativas, pensar en divertirse
e pasar un bo momento.
P ¿Aínda perviven tabús en torno
á sexualidade?
R Moitísimos, sobre todo en rela-
ción ao coñecemento do propio
corpo. Eu noto un fenómeno
curioso nas mulleres maiores,
que, tras unha época de represión,
agora senten máis curiosidade e
rompen a falar e preguntar, pero
aínda queda. O certo é que é moi
“Os vibradores están
infrautilizados, porque
non só serven para
estimular a zona xenital”
P Tamén vende xoguetería
e artigos eróticos. ¿Xa
non é divertido o sexo sen
estes obxectos?
R O sexo por si só é divertido,
claro. Pero estes obxectos son
un engadido que proporcionan
á parella novidade, para romper
a rutina. E axudan a fomentar
a comunicación, desenvolver
as fantasías, coñecer o propio
corpo e experimentar outras
formas de pracer.
P ¿Cales teñen máis tirón?
R No ámbito da saúde, os
lubricantes. Agora hainos moi
naturais, compatibles co ph
do fluxo da vaxina, e van moi
ben para quen ten problemas
de lubricación por estrés,
ansiedade, medicación, etc.
Tamén se venden ben as bólas
chinesas, fantásticas para previr
a incontinencia urinaria e manter
a zona pélvica tonificada.
P E no eido puramente
sexual...
R Aí hai unha gama amplísima,
tendo moita saída a cosmética
erótica, con aceites que
permiten explorar formas de
sexualidade sen basear todo
no coito. Clásicos son xa os
vibradores, que eu creo que
están infrautilizados porque
non só serven para a zona
xenital, senón para estimular
todo o corpo, desde a cabeza
ata os pés. Ademais hai moitos
tipos, desde os que se colocan
na lingua, os masaxeadores
e os estimuladores do clítoris
e o punto G feminino e o P
masculino.
P ¿A xente sitúa sen
problema estes puntos no
mapa corporal?
R O certo é que é unha das
dúbidas máis habituais,
así como as referentes ao
orgasmo. Aínda hai moito
descoñecemento do corpo.
LUN.19.12.2011 < LV
bonito traballar con xente maior.
P Ía preguntarlle precisamente se
o sexo ten data de caducidade.
R Non. Somos seres sexuais desde
que nacemos ata que morremos
e podemos ter unha vida sexual
plenamente satisfactoria aos 80,
aos 90 e incluso aos 100.
P Falando de mulleres, ¿aínda as
hai que finxen o orgasmo?
R Si, hai e haberá, pero tanto
mulleres como homes, ¿eh?
P Pero nos homes é un pouco
máis complicado, ¿non?
R É complicado pero pode pasar,
porque que exaculen non sempre
implica que teñan un orgasmo.
P Está visto que un nunca deixa
de aprender. ¿Fai falta máis educación
sexual?
R Si. Agora hai acceso a máis
datos, pero iso non significa que
esteamos máis informados. Aínda
hai mitos e dúbidas de antano. Nas
charlas que dou en institutos vexo
que os rapaces saben moito de
cuestións técnicas, tipo que é un
69, e logo non coñecen temas máis
básicos como a masturbación.
P ¿Que lle recomenda á xente que
aínda finxe o pracer?
R Pois que non o faga, porque se ti
lle estás dicindo á túa parella que
unha conduta que el leva a cabo a
ti che produce pracer, pois iso vaise
repetir e repetir, causando un
prexuízo contra ti mesma. E que
non pasa nada se non se chega ao
orgasmo, unhas veces chégase e
outras non. Pódense facer cousas
para logralo, pero pódese pasar
estupendamente sen chegar ao
orgasmo. Cando nos deixamos
levar e imos a pasalo ben é cando
máis facilmente chegamos.
P ¿Temos os galegos unha vida
sexual de calidade?
R Home, iso na casa de cada
quen... (risas). Digamos que se
pode mellorar.
P ¿E cal é a frecuencia recomendable
para manter relacións?
R Non a hai. O sexo non se mide
en frecuencias, senón en satisfacción.
Se un está a gusto cunha vez
á semana, fantástico; con cinco,
fantástico; con dúas ao mes, fantástico.
O caso é pasalo ben.