SÓCRATES ERASMUS – ACCIÓN 2.2 - Universidade de Santiago ...

SÓCRATES ERASMUS – ACCIÓN 2.2
BOLSA DE MOBILIDADE DE ESTUDANTES
CONVENIO FINANCEIRO
Nº 29576
Sinalar en toda correspondencia
Entre:
1. Centro de orixe :Universidade de Santiago
Enderezo completo :Casas Reais, nº 8. CP 15782
Número teléfono :981-584989
Número de Fax :981-578017
Enderezo de correo electrónico :ore@usc.es
E
No sucesivo nomearase “o Centro”
representado polo Sr. Enrique López Veloso
2. Sr./Sra.: …………………………………………………………
D.N.I. :
Enderezo completo :
Número teléfono :
Número de Fax :
Enderezo de correo electrónico :
No sucesivo denominado “o beneficiario”,
ACORDOUSE O SEGUINTE:
1. Obxecto
O presente Convenio ten por obxecto determinar as obrigas de
cada parte no que respecta á administración dos fondos
comunitarios concedidos no marco da acción 2 do programa
SÓCRATES, concernentes ás bolsas de mobilidade de
estudantes, que no sucesivo se han denominar como “bolsas”
2. Duración
Salvo rescisión ou modificación anticipada, o presente convenio
entrará en vigor a partir da data do asinamento das dúas partes e
vencerá o 30 de setembro de 2008.
As actividades subvencionabas poderán facerse dende o 1 de
xullo de 2007 ó 30 de setembro de 2008.
En casos excepcionais, previa solicitude por escrito e
correspondente aprobación, no seu caso, a Axencia Nacional,
poderá conceder axudas para actividades realizadas despois do
30 de setembro, sempre que se abonen antes de esta data. Esta
prórroga será como mínimo por un período dun mes, e non
poderá exceder en ningún caso de 3 meses.

3. Período de estudo no estranxeiro
O beneficiario comprométese a desenvolver un período de estudo
no estranxeiro
Dende:
Ata:
O que constitúe un total de
Meses:
En
Nome do centro de destino :
Cidade:
País:
*NOTA: ERASMUS establece a existencia dos denominados “estudantes
ERASMUS sen bolsa”, isto e, estudantes que cumpren tódolos criterios para
obter unha bolsa de mobilidade ERASMUS, e se benefician de tódalas
vantaxes a que ten acceso un estudante ERASMUS, pero non reciben unha
bolsa de mobilidade ERASMUS. As normas establecidas neste Convenio, a
excepción das relativas á asignación de bolsas, aplicaráselles tamén ós
ESTUDANTES ERASMUS sen bolsa.
4. Bolsas de mobilidade de estudantes ERASMUS
O beneficiario:
Recibirá unha bolsa financiada pola Comisión Europea polo importe de :
EUROS 100 mínimo/mes
Para executar o programa de mobilidade aprobado no marco do contrato
institucional do centro, no sucesivo denominado “programa de mobilidade”
Non recibirá bolsa, pero beneficiarase de tódalas vantaxes restantes do
programa ERASMUS.
5. Pagamento
O pagamento da bolsa do estudante efectuarase por transferencia
bancaria.
Unha vez rematada a súa estanza e entregado o CERTIFICADO
FIN DE PRESENZA esta Oficina entregaralle no seu caso un
DOCUMENTO XUSTIFICATIVO de haber cobrado os fondos
comunitarios citados no parágrafo anterior, para que sexa firmado
polo estudante.
6. Criterios de admisibilidade de ERASMUS
O beneficiario cumpre os criterios específicos de admisibilidade
do programa de mobilidade de estudantes ERASMUS.
7. Recoñecemento académico
O centro chegará a un acordo co beneficiario sobre un programa
de estudos claramente definido antes de que se inicie a viaxe ó
estranxeiro. Deberá informarse ó beneficiario ó respecto por
escrito. Ó final de cada período de estudos no estranxeiro, o
centro de acollida deberalle entregar ó estudante e ó centro de

orixe un certificado que confirme que seguiu o programa
acordado, xunto cunha lista dos resultados.
O centro garantiralle ó beneficiario un recoñecemento académico
dos seus estudos no centro de acollida como parte plenamente
recoñecida do seu título ou diploma do país de orixe .
O dito recoñecemento soamente se denegará se os estudantes
non alcanzan o nivel esixido pola universidade de acollida ou non
cumpren, por outros motivos, as condicións esixidas polos centros
participantes para alcanzar o pleno recoñecemento.
Así mesmo, se un estudante se negase a cumprir as esixencias
do seu programa de estudos no estranxeiro, a AN poderá esixir o
reembolso da bolsa. Esta medida non se lles aplicará ós
estudantes que por causa de forza maior ou por circunstancias
atenuantes comunicadas polos coordinadores de SÓCRATES-
ERASMUS e aprobadas por escrito pola AN, non poidan
completar o período de estudos previsto no estranxeiro.
O pleno recoñecemento polo centro de orixe non será de
aplicación para aqueles estudantes ós que o período de estudos
no estranxeiro lles sexa recoñecido unicamente polo centro de
acollida como parte dun programa de mobilidade no marco dun
contrato institucional aprobado.Os ditos estudantes recibirán un
diploma unicamente do centro de acollida. Os termos do dito
recoñecemento deberán acordarse entre os dous centros
asociados e formar parte dun acordo bilateral no marco dos
contratos institucionais.
8. Unicidade da fonte de financiamento
O beneficiario declara que utilizará unha soa fonte para cubrir
cada partida de gastos. Por conseguinte, non se poderán utilizar
as bolsas para cubrir partidas de gastos
- Xa financiadas no marco doutros programas comunitarios,
como LEONARDO DA VINCI e o Quinto Programa Marco de
IDT;
- Xa financiadas no marco de actividades custeadas con
contribución comunitaria;
- Xa cubertas por outros fondos (as principais fontes serían os
acordos culturais bilaterais, os doadores privados e os
organismos internacionais).
9. Informes
O beneficiario comprométese a lle remitir ó centro:
- xustificante da realización do período de estudos no
estranxeiro (CERTIFICADO FIN DE PRESENZA).
Data: como moi tarde, 15 días despois de rematar o seu
período de estudos
- un INFORME redactado e asinado polo estudante, antes do:
Data: mesma data que o CERTIFICADO FIN DE
PRESENZA

Así mesmo, poderá pedírselle ó beneficiario que envíe ó centro o
seu informe de estudante por correo electrónico ó seguinte
enderezo:
ore@usc.es
10. Rescisión
No caso de atraso ou de incumprimento polo beneficiario dunha
das obrigas derivadas do presente convenio, e con independencia
das consecuencias establecidas pola lexislación vixente, o centro
poderá rescindir ou resolver de pleno dereito o presente convenio
11. Reembolso
Excepto no caso de forza maior, o beneficiario accede a:
- Reembolsar inmediatamente a totalidade ou unha parte da
bolsa recibida en caso de incumprimento de calquera das
obrigacións derivadas do presente convenio.
- Reembolsar inmediatamente a totalidade ou unha parte da
bolsa recibida no caso de rescisión do presente convenio.
- Renunciar ó pagamento do saldo se non se presentan nos
prazos establecidos os documentos que figuran no punto 9.
En tódolos casos, será o centro o que determinará o importe que
se debe reembolsar.
12. Modificacións do presente convenio
Toda modificación do presente convenio e dos seus anexos
deberá formalizarse por escrito nun acordo concluído polas partes
do mesmo modo que o convenio orixinal. As partes non quedarán
obrigadas polos acordos verbais sobre tales cuestións.
13. Xurisdición
Se non houbese avinza, os tribunais españois serán os únicos
competentes para pronunciarse sobre todo litixio relativo ó
presente convenio que se suscite entre o centro e o beneficiario.
A lexislación aplicable ó presente convenio é a española.
14. Disposicións finais
O presente convenio inclúe os seguintes anexos, integrados nel:
Anexo 9: Formulario para o informe do estudante
Anexo 8: Modelo do certificado que deberá asinar o centro de
acollida no cal se indica o obxecto e a duración da estanza.
Feito en dous exemplares.
Polo beneficiario, Polo centro,
Data Data
Nome Nome: Enrique López Veloso
Cargo: Xefe da Oficina de Relacións
Exteriores