CAPÍTULO 4 PRIORIDADES DE USOS E ... - Augas de Galicia

Plan Hidrolóxico - Demarcación Hidrográfica de Galicia-Costa
Capítulo 4 – Prioridades de usos e asignación de recursos
4 PRIORIDADES DE USOS E
ASIGNACIÓN DE RECURSOS
4.1 INTRODUCIÓN
É obxecto do Plan Hidrolóxico de Cuenca establecer os criterios de prioridade e de
compatibilidade de usos, así como a orde de preferencia entre os distintos usos e
aproveitamentos (art 41.1 TRLA). Ademais, os plans hidrolóxicos de bacía deben
conter: A designación xeral dos usos, presións e incidencias antrópicas significativas
sobre as augas, incluíndo: A asignación e reserva de recursos para usos e demandas
actuais e futuras, así como a conservación e recuperación do medio natural (art 42
TRLA).
Neste capítulo, abórdase o establecemento de criterios e prioridades de uso, o réxime
de caudais ecolóxicos, defínense os sistemas de explotación e por último abórdase a
simulación da xestión dos sistemas, que permite o cálculo dos balances sobre os que
se establece a asignación e reserva de recursos.
A información presentada neste capítulo compleméntase cos anexos V “Caudais
Ecolóxicos” e VI “Sistemas de Explotación e Balances”.
4.2 CRITERIOS PARA O
ESTABLECEMENTO DAS
PRIORIDADES DE USO
Dentro de cada clase e con carácter xeral e a igualdade de demais condicións, darase
prioridade ás actuacións que se orienten a:
a) Unha política de aforro de auga, de mellora da calidade dos recursos e de
recuperación dos valores ambientais.
b) A conservación da calidade e a regulación dos recursos subterráneos, con
base nunha explotación racional dos mesmos.
c) A explotación conxunta e coordinada de todos os recursos dispoñibles,
incluíndo augas residuais depuradas, e as experiencias de recarga de
acuíferos.
d) Os proxectos de carácter comunitario e cooperativo, fronte a iniciativas
individuais.
xuño-11 Páxina 4-1 Memoria