CAPÍTULO 4 PRIORIDADES DE USOS E ... - Augas de Galicia

Plan Hidrolóxico - Demarcación Hidrográfica de Galicia-Costa
Capítulo 4 – Prioridades de usos e asignación de recursos
Figura 1.
Sistemas de Explotación da demarcación hidrográfica de Galicia Costa.
Para abordar a simulación dos sistemas, realizáronse como primeira aproximación
esquemas xerais dos sistemas de explotación da demarcación, constituídos polas
infraestruturas principais (presas, azudes e conducións), as demandas existentes cos
seus puntos de retorno, os tramos fluviais e os nós de confluencia de ríos.
Utilizando os esquemas e concensuándolos coas partes interesadas, deseñáronse
grafos de optimización para cada sistema de explotación, estes ademais de estar
formados polos elementos do esquema ou a agrupación dos mesmos, conteñen as
achegas hidráulicas e os seus nós de incorporación no sistema. Sobre os grafos,
avaliouse o grao de satisfacción das demandas e o déficit previstos. Nesta fase, tamén
se procedeu ao axuste da estratexia de explotación do sistema ata conseguir
representar a explotación actual que se realiza en cada un.
Para a simulación utilizouse un modelo matemático de simulación, que permite
coñecer a resposta do sistema ante distintas situacións (escenarios e/ou alternativas).
Na DHGC optouse polo modelo matemático SimGes, o cal realiza a asignación da auga
período a período (mes), minimizando o déficit dos usos; baseado nas prioridades
establecidas polo usuario para os distintos elementos. SimGes está integrado no
sistema soporte de decisión para planificación e xestión de recursos hídricos
AQUATOOL, desenvolvido polo Departamento de Enxeñería Hidráulica e Medio
Ambiente da Universidade Politécnica de Valencia.
xuño-11 Páxina 4-5 Memoria