Cur i lÁthair Powerpoint

DÉITHE AGUS BANDÉITHE
Is iad seo a leanas cuid de na déithe agus
na bandéithe Ceilteacha is mó cáil: DAGDA,
DANÚ, BRÍD, LIR agus MANANNAN,
LUGH agus AN MORRÍGHAN.
Tugadh adhradh i bhfoirm trí-aonta (i dtrí ghné)
do chuid mhór de na déithe Ceilteacha. Seasann na
gnéithe seo do 3 rud dhifriúla. Ba í Bríd, mar shampla,
bandia na filíochta, an leighis agus cheird an ghabha.
Is féidir leis an Morríghan an cruth d’fhiach dubh,
de chailleach nó de mhaighdean óg a ghlacadh.
Ghlac an Chríostaíocht leis seo ina dteagasc ar an
Tríonóid Naofa, an tAthair, an Mac agus an Spiorad
Naomh. D’úsáid Naomh Pádraig píosa seamróige leis seo
a mhíniú do na chéad daoine a d’iompaigh ina gCríostaithe.
CHREID
NA CEILTIGH GO RAIBH
SAOL EILE I NDIAIDH AN TSAOIL
SEO AG ANAM AN DUINE, MAR SIN,
NUAIR A FUAIR SIAD BÁS, CUIREADH
RUDAÍ ÚSÁIDEACHA AMHAIL CLOGAD,
CLAÍOMH AGUS SCIATH SAN
UAIGH LEO.
Bhí na Ceiltigh ag brath ar na sagairt a bhí acu,
na draoithe, lena gcoinneáil saor ó thrioblóid.
Bhí freagracht na ndeasghnáth reiligiúnach go léir
ar na draoithe mar ba é an draoi an t-aon duine
a raibh cead aige labhairt le dia.