Cur i lÁthair Powerpoint
Cur i lÁthair Powerpoint
Cur i lÁthair Powerpoint
Create successful ePaper yourself
Turn your PDF publications into a flip-book with our unique Google optimized e-Paper software.
CEACHT 1:<br />
CÉRBH IAD NA CEILTIGH?
CÉRBH IAD NA CEILTIGH?<br />
Bhí na luathCheiltigh ar cheann de na<br />
treibheanna ársa is ceannasaí san Eoraip.<br />
Bhí cónaí ar na Ceiltigh i dtreibheanna<br />
aonaracha agus bhí cultúr agus teanga<br />
i gcoiteann acu.<br />
Pobal bródúil agus onórach a bhí iontu agus<br />
bhí clú agus cáil orthu mar ghríobha nó<br />
laochra fíochmhara.<br />
I ndiaidh dóibh forbairt in Alpa na hEorpa láir,<br />
leathnaigh na Ceiltigh a gcultúr trasna na Gearmáine<br />
agus na Fraince an lae inniu agus a fhad leis an Tuirc.<br />
Bhain siad an Bhreatain agus Éire amach timpeall<br />
500 RCh agus taobh istigh de chúpla céad bliain, bhí<br />
cultúr na Cré-Umhaoise in Éirinn scriosta ar éigean,<br />
agus bhí cultúr na gCeilteach i réim ar fud an oileáin<br />
iomláin.
Uaireanta tugtar CEILTIGH<br />
NA HIARANNAOISE ar na<br />
luathCheiltigh.<br />
Mhair an Iarannaois ó<br />
thart faoi 700 RCh go dtí<br />
AD 43. Tugtar an Iarannaois<br />
ar an tréimhse seo mar gur<br />
sin an ré nuair a thosaigh<br />
daoine ar rudaí a dhéanamh<br />
as iarann, amhail céachtaí<br />
faoi choinne feirmeoireachta,<br />
clogaid agus boinn airgid.<br />
Thug ceannaithe na Gréige<br />
'KELTOI’ ar na Ceiltigh nuair<br />
a bhuail siad leo den chéad<br />
uair sa séú haois RCh.<br />
Is dócha gur tháinig an focal<br />
‘KELTOI’ ón fhocal Ceiltise<br />
‘ceilt’ a chiallaíonn rúnda,<br />
ceilte, clúdaithe.<br />
Tá an focal ar chulaith<br />
náisiúnta na hAlban - ‘kilt’ -<br />
bunaithe ar an fhocal chéanna.<br />
Ba mhór an luach a chuir na Ceiltigh i bhfilíocht,<br />
i gceol agus in aithriseoireacht na seanscéalta<br />
gaisciúlachta ó bhéal.<br />
Bhí Cú Chulainn, Cú Uladh, ar cheann de na<br />
laochra Gaelacha is finscéalaí, a raibh i ndán dó<br />
a bheith ar an laoch is mó ar fud na hÉireann.
Bhí clú ar na Ceiltigh chomh maith<br />
as an ealaín LA TÈNE dá gcuid.<br />
Ó thart faoi 500 RCh, ba iad<br />
dearaí álainn, casta agus<br />
patrúin shnaidhme na gnéithe<br />
a dhealraigh an tréimhse<br />
La Tène.<br />
Maireann an cultúr acu sa teanga, sa cheol, sna hamhráin, san ealaín,<br />
sa scéalaíocht agus sna damhsaí. Tá 3.5 milliún duine ar a laghad a bhfuil<br />
teanga Cheilteach mar an teanga dúchas acu.<br />
Sa lá ata inniu ann, is iad seo na teangacha Ceilteacha:<br />
GAEILGE NA HÉIREANN;<br />
GAEILGE NA HALBAN;<br />
BREATNAIS (a labhraítear sa Bhreatain Bheag);<br />
BRIOTÁINIS (a labhraítear sa Bhriotáin, ar chósta thiar thuaidh<br />
na Fraince);<br />
GAEILGE MHANANN (ar Oileán Mhanann);<br />
AGUS COIRNIS (i gCorn na Breataine, ceann tíre thiar theas na Sasana).<br />
Labhraítear Gaeilge na gCeilteach chomh maith i Meiriceá thuaidh<br />
ar Oileán Cape Breton, díreach ar an taobh thuaidh de Nova Scotia<br />
ar chósta thoir Cheanada.
ÉADAÍ NA GCEILTEACH<br />
Ba iad na 3 phíosa éadaigh<br />
ba ghnách leis na Ceiltigh<br />
a chaitheamh ná:<br />
LÉINTE glún ruaimnithe agus<br />
bróidnithe le dathanna geala<br />
agus crios plátáilte le hór nó<br />
le hairgead thart orthu<br />
Briste ar a dtugadh 'BRACAE'<br />
CLÓCAÍ stríocacha OLLA a<br />
bhí ceangailte le DEALG.
Bhí gruaig fhada ag fir agus<br />
mná araon.<br />
Ba mhaisiúchán tábhachtach<br />
é an torc a chaith na<br />
Ceiltigh. Fáinne muiníl a<br />
rinneadh as slat mhiotail<br />
(casta in amanna) a bhí ann<br />
agus é déanta de chré-umha<br />
nó d’ór ag brath ar mhaoin<br />
an duine a bhí á chaitheamh.<br />
Bhí dhá cheann ar an torc<br />
nach raibh ach spás beag<br />
eatarthu.
SEODRA NA GCEILTEACH<br />
Bhí seodra á gcaitheamh ag<br />
fir agus mná araon. Chuir sé<br />
an mhaoin acu in iúl.<br />
TORC<br />
ÓIR DE CHUID TAISCE<br />
BRÚ ÍOCHTAIR, (50 RCh)<br />
A FUARTHAS AG BRÚ ÍOCHTAIR,<br />
CONTAE DHOIRE.
Bhí rudaí deasa<br />
cosúil leis an dealg<br />
neasfháinneach seo<br />
praiticiúil le clóca<br />
a cheangal.<br />
Gabhailíní gruaige<br />
Is ceangal<br />
clóca é seo
COIRP PHORTAIGH<br />
Is é atá i gceist le seandálaíocht ná<br />
staidéar ar dhéantáin agus ar ithir lena<br />
fhoghlaim faoi chultúr na ndaoine san am<br />
a chuaigh thart. Is minic a aimsítear<br />
fionnachtana seandálaíochta de thimpiste,<br />
mar shampla nuair atá feirmeoirí ag baint<br />
móna.<br />
FEAR<br />
CHRUACHÁIN<br />
350-175 RCH<br />
A FUARTHAS I GCONTAE<br />
UIBH FHAILÍ<br />
IN 2003<br />
Cuireann easpa ocsaigine agus aigéid sa<br />
phortach cosc ar ábhair ar leith a mheath,<br />
amhail leathar, adhmad, cnámh agus<br />
teicstílí agus míníonn sé seo an fáth<br />
a bhfanann siad i riocht fíormhaith.<br />
Fágann an flúirse ábhar a tugadh slán<br />
ó phortaigh in Éirinn gur féidir saol<br />
na ndaoine a bhí ina gcónaí ar chaoráin<br />
nó in aice leo a imscrúdú agus scéal<br />
faoina gcuid lonnaíochta agus faoina<br />
slí bheatha a chumadh.<br />
Tá ‘Coirp Phortaigh’ ar chuid de na<br />
fionnachtana is mó as an ghnách a<br />
aimsíodh i bportaigh.<br />
Is dhá chorp portaigh iad ón Iarannaois<br />
a fuarthas in Éirinn Fear Chruacháin agus<br />
Fear Chluain Uí Chaomháin. De ghnáth,<br />
níor chuir na Ceiltigh a gcorp sa talamh,<br />
créamadh iad de ghnáth. Cuireann sé seo<br />
in iúl dúinn go raibh bás neamhghnách,<br />
is dócha, ag na coirp phortaigh seo.<br />
Is corpán portaigh tipiciúil ón Iarannaois é Fear Chruacháin.<br />
Bhí bás uafásach aige, é ag fulaint i rith an ama. Sular<br />
cuireadh sa phortach é, gearradh a chorp ina phíosaí.<br />
Bhí Fear Chruacháin sna fichidí nuair a fuair sé bás.<br />
Léiríonn a chabhail, an t-aon chuid de a bhí fágtha,<br />
go raibh sé fíor-ard don tréimhse úd, timpeall 6 throigh<br />
agus 6 orlach ar airde.<br />
Bhí lámh-mhaisiú den chéad scoth aige a léirigh nach raibh<br />
lá oibre déanta aige ina shaol.<br />
Bhí aiste bia aige a bhí lán d'fheoil, ach bhí bláthach<br />
agus arbhar ina ghoile nuair a fuarthas é, bia a tugadh<br />
do dhuine mar bhéile deireanach sula ndearnadh íobairt<br />
de do na déithe.
FEAR CHLUAIN<br />
UÍ CHAOMHÁIN<br />
392 - 201 RCH A FUARTHAS<br />
I GCLUAIN UÍ CHAOMHÁIN,<br />
CONTAE NA MÍ,<br />
IN 2003<br />
Fuarthas Fear Chluain Uí Chaomháin in inneall bainte<br />
móna, agus sin an fáth ar gearradh an chuid íochtar<br />
dá chorp de.<br />
Bhí gruaig ar stíl Mohican aige, a coinníodh in áit le<br />
glóthach a tháinig isteach sa tír ón Fhrainc nó ón<br />
Spáinn.<br />
Sula bhfuair sé bás bhí aiste bia lán de ghlasraí aige.
BLEACHTAIRE PORTAIGH<br />
CUIR I GCÉILL GUR SEANDÁLAÍ TÚ. CAD É IS FÉIDIR LEIS NA COIRP PHORTAIGH<br />
A INSINT DÚINN FAOIN SAOL IN AIMSIR NA HIARANNAOISE?<br />
DÉAN STAIDÉAR AR AN FHIANAISE MAIDIR LE FEAR CHRUACHÁIN AGUS LE FEAR<br />
CHLUAIN UÍ CHAOMHÁIN, ANSIN FREAGAIR NA CEISTEANNA. MÍNIGH DO<br />
FHREAGRAÍ BUNAITHE AR AN FHIANAISE ATÁ AR FÁIL.<br />
Cad é a bhí<br />
neamhghnách faoi<br />
mo bhás? Cad chuige<br />
ar tharla sé,<br />
dar leat?<br />
FEAR CHRUACHÁIN<br />
FEAR CHLUAIN UÍ CHAOMHÁIN<br />
An raibh mé<br />
saibhir nó<br />
bocht?<br />
Cén sórt duine<br />
a bhí ionam, dar leat,<br />
tuathánach bocht nó<br />
fear saibhir<br />
le giollaí?<br />
An dóigh leat<br />
go bhfuair mé bás<br />
sa gheimhreadh nó<br />
sa samhradh?
FEAR AN PHORTAIGH<br />
A ATHDHÉANAMH<br />
GNÍOMHAÍOCHT<br />
Tarraing léaráid ar an chuma a bheadh<br />
ar Fhear Chluain Uí Chaomháin nó ar<br />
Fhear Chruacháin nuair a bhí siad beo.<br />
Is féidir le seandálaithe buille<br />
faoi thuairim a thabhairt ar an chuma<br />
a bheadh ar dhuine bunaithe ar an fhianaise<br />
sna hiarsmaí a fuarthas agus ar an eolas<br />
atá acu faoi chultúr na tréimhse sin,<br />
mar shampla an dóigh a raibh<br />
daoine gléasta.<br />
Ainm fhear an phortaigh:<br />
Scríobh do chuid nótaí thíos<br />
An déanamh atá air (ard, beag, trom, tanaí, matánach, caol):<br />
Stíl agus dath na gruaige (fada, gairid, trilseáin, pónaí, mohican, bearrtha):<br />
Éadaí:<br />
Seodra/airm srl. (banda cinn, coróin, torc, dealg, bráisléid nó cufaí, claíomh, sciath, sleá):
CEACHT 2:<br />
SETANTA - LEANBH NA NDÉITHE
CREIDEAMH NA GCEILTEACH<br />
Bhí os cionn 400 dia agus bandia ag Ceiltigh<br />
na hIarannaoise.<br />
Chreid siad go raibh dia beag ina chónaí<br />
i ngach crann, i ngach bláth, i ngach abhainn,<br />
beagnach i ngach rud.<br />
Bhí cuid de na déithe agus na bandéithe<br />
fíorchumhachtach. Ach den chuid is mó,<br />
miondéithe nó mion-bhandéithe a bhí iontu.<br />
Níor thug na Ceiltigh ársa adhradh dá ndéithe. Níor fhreastail siad ar theach<br />
an phobail. Ina áit sin, d’fhág siad ofrálacha beaga ar fud na háite. Cheangail<br />
siad bronntanais nó teachtaireachtaí áirithe de chrainn, nó chaith siad isteach<br />
i dtoibreacha nó i bhfuaráin iad, rud a tharlaíonn go fóill sa lá atá inniu ann.
DÉITHE AGUS BANDÉITHE<br />
Is iad seo a leanas cuid de na déithe agus<br />
na bandéithe Ceilteacha is mó cáil: DAGDA,<br />
DANÚ, BRÍD, LIR agus MANANNAN,<br />
LUGH agus AN MORRÍGHAN.<br />
Tugadh adhradh i bhfoirm trí-aonta (i dtrí ghné)<br />
do chuid mhór de na déithe Ceilteacha. Seasann na<br />
gnéithe seo do 3 rud dhifriúla. Ba í Bríd, mar shampla,<br />
bandia na filíochta, an leighis agus cheird an ghabha.<br />
Is féidir leis an Morríghan an cruth d’fhiach dubh,<br />
de chailleach nó de mhaighdean óg a ghlacadh.<br />
Ghlac an Chríostaíocht leis seo ina dteagasc ar an<br />
Tríonóid Naofa, an tAthair, an Mac agus an Spiorad<br />
Naomh. D’úsáid Naomh Pádraig píosa seamróige leis seo<br />
a mhíniú do na chéad daoine a d’iompaigh ina gCríostaithe.<br />
CHREID<br />
NA CEILTIGH GO RAIBH<br />
SAOL EILE I NDIAIDH AN TSAOIL<br />
SEO AG ANAM AN DUINE, MAR SIN,<br />
NUAIR A FUAIR SIAD BÁS, CUIREADH<br />
RUDAÍ ÚSÁIDEACHA AMHAIL CLOGAD,<br />
CLAÍOMH AGUS SCIATH SAN<br />
UAIGH LEO.<br />
Bhí na Ceiltigh ag brath ar na sagairt a bhí acu,<br />
na draoithe, lena gcoinneáil saor ó thrioblóid.<br />
Bhí freagracht na ndeasghnáth reiligiúnach go léir<br />
ar na draoithe mar ba é an draoi an t-aon duine<br />
a raibh cead aige labhairt le dia.
DÉITHE AGUS BANDÉITHE<br />
NA GCEILTEACH<br />
DAGDA<br />
Ba é Dagda athair-dhia na gCeilteach. Thug siad an<br />
’dia maith’ air mar thug sé cosaint dá gcuid barr.<br />
Bhí coire darbh ainm an ‘Undry’ aige a thug soláthar<br />
bia gan teorainn agus cruit bheo darach aige darbh<br />
ainm ‘Uaithne’ a thug ar na séasúir athrú ina n-ord.<br />
DANÚ<br />
Aithnítear Danú mar an chéad ollmháthair d’Éirinn,<br />
an bandia ónar saolaíodh gach rud beo.<br />
Is bandia na talún í, a bhaineann le torthúlacht,<br />
le fás, le neart, le flúirse, le talmhaíocht,<br />
le saothrú agus le cothú na talún.
BRÍD<br />
Ba í Bríd bandia na torthúlachta. Ba í an<br />
mháthair-dhia nach raibh dia ar bith eile ar<br />
chéim níos airde ná í ach amháin an Dagda.<br />
Is bandia trí-aonta í agus sin an fáth a bhfuil<br />
trí airí aici: banfhile, banlia agus gabha.<br />
LUGH<br />
Ba é Lugh dia an tsolais nó an fhómhair.<br />
Comóradh féile ina onóir i mí lúnasa ar tugadh<br />
LUGHNASA uirthi. Lúnasa an mhí bheannaithe<br />
a bhí aige. Creidtear gurb eisean athair diaga<br />
Chú Chulainn.
LIR<br />
Ba é Lir athair-dhia na mara. Ba é a mhac Manannan<br />
a bhí i gceannas ar na tonnta ina dhiaidh.<br />
I ndiaidh bás a chéad mhná, phós sé Aobh a raibh<br />
na páistí clúiteacha aici ar thiontaigh Aoife, a n-aintín<br />
agus a leasmháthair éadmhar, ina n-ealaí iad.<br />
AN MORRÍGHAN<br />
Ba bhandia na gcogadh, na beatha agus an bháis<br />
í an Morríghan. Ba ghnách léi, mar sin, í féin<br />
a thaispeáint do na laochra móra nuair a bhí<br />
siad i mbaol báis.<br />
Casadh an Morríghan ar Chú Chulainn é féin<br />
i bhfoirmeacha éagsúla. Ba é an préachán<br />
dubh an fhoirm is so-aitheanta a bhí aici.<br />
TRÍ-AONTA ... Ciallaíonn sé trí rud in aon rud amháin, mar atá<br />
an Morríghan agus í ina cailleach, ina maighdean agus ina préachán.
SEALGAIRÍ NA GCLOIGNE DAONNA<br />
Rinne na Ceiltigh a lán dealbh de<br />
chinn daoine i gcloch nó in adhmad.<br />
Chreid siad go raibh cónaí ar an<br />
anam taobh istigh den cheann.<br />
Fuair tú draíocht fíorchumhachtach<br />
as anam duine a ghabháil, dar leo,<br />
agus seo an fáth ar bhailigh siad<br />
cloigne a naimhde a mharaigh siad<br />
i gcathanna.<br />
De réir staraithe na Róimhe,<br />
ghearr na Ceiltigh na cinn dá<br />
sinsear, agus fiú dá naimhde,<br />
agus d’adhair siad na blaoscanna.<br />
Chroch siad na cinn os cionn<br />
doirse a mbothán.<br />
“Go díreach ar an dóigh chéanna<br />
a ndearna sealgairí le blaoscanna<br />
na n-ainmhithe a mharaigh siad,<br />
leasaigh siad cinn a n-íospartach<br />
is airde céim in ola céadrais,<br />
agus choinnigh siad go cúramach<br />
i mboscaí adhmaid iad.”<br />
Le DIODORUS, staraí na Róimhe.
NA SÉASÚIR A CHEILIÚRADH<br />
Rinne na Ceiltigh athrú na séasúr<br />
a cheiliúiradh le féilte móra a<br />
mhaireann i bhfoirmeacha éagsúla<br />
go dtí an lá atá inniu ann.<br />
SAMHAIN<br />
Thosaigh an bhliain Cheilteach le<br />
Samhain, féile a ceiliúradh thart<br />
ar 31ú Deireadh Fómhair.<br />
Am a bhí ann nuair a measadh<br />
go raibh an chaille idir an saol<br />
seo agus an saol eile chomh tanaí<br />
sin gur féidir leis na mairbh teacht<br />
ar ais le hiad féin a théamh ag teallaigh<br />
na mbeo, agus bhí cuid de na beo - go háirithe na filí - ábalta<br />
dul isteach sa saol eile trí dhoirse an lucht sí, mar shampla an<br />
ceann ar chnoc na Teamhrach in Éirinn.<br />
Is ón tSamhain a shíolraigh an ceiliúradh a bhíonn againn ar<br />
oíche Shamhna sna laethanta seo, agus míniú amháin atá leis<br />
na laindéir thraidisiúnta phuimcín is ea gur chuir na Ceiltigh<br />
blaosc ár sinsear taobh amuigh dá ndoirse san am seo. Ghlac<br />
na Críostaithe an fhéile Cheilteach seo agus thiontaigh siad í<br />
go Lá na Naomh. Fiú an ceiliúradh Sasanach de chuid lá Guy<br />
Fawkes a bhfuil macalla d’fhéile ársa na dtinte aige.
IMBOLC<br />
Tharla sé ag am breithe uan, timpeall<br />
31ú Eanáir, agus ba é tús an chuid<br />
deiridh den gheimhreadh a bhí á<br />
cheiliúradh ag Imbolc (nó Oimelc).<br />
Rugadh uain úra, agus itheadh béile<br />
a bhí déanta dá eireabaill ghearrtha.<br />
Bhuail mná lena chéile le filleadh ghné<br />
maighdine an bhandia a cheiliúradh.<br />
Lean seo ar aghaidh go dtí ré na<br />
Críostaíochta mar lá fhéile Bríde:<br />
ba leagan Críostaithe í an naomh den<br />
bhandia phágánach ar iníon Dhagda í.<br />
BELTAIN<br />
Féile tinte eile is ea Beltain,<br />
a ceiliúradh thart ar an<br />
1ú Bealtaine, ach de bhrí<br />
go raibh baint ag Samhain<br />
le bheith ag dul isteach<br />
faoin talamh nó ag tarraing<br />
siar, phléasc Beltain amach<br />
le flúirse torthúlachta.<br />
Scaoileadh na heallaigh<br />
ó cheathrúna an<br />
gheimhridh agus seoladh<br />
idir dhá thine iad<br />
i searmanas deasghnách<br />
glantacháin a raibh<br />
feidhmeanna praiticiúla<br />
aige chomh maith.<br />
Ba thréimhse é le haghaidh féastaí<br />
agus aontaí. Mar a luadh thuas, i gcás<br />
na bhfiann, le teacht féile Beltain<br />
cuireadh tús leis an ‘séasúr troda’.
LUGHNASA<br />
Dúradh gur thug an dia Lugh an fhéile go hÉirinn,<br />
agus mar sin bhí sé beannaithe don dia seo.<br />
Chonacthas do na Rómhánaigh go raibh Lugh cosúil<br />
lena ndia Mearcair. Ar scor ar bith, bhí baint ag an<br />
dá dhia le scileanna, agus ceiliúradh an fhéile seo le<br />
comórtais scileanna, ina raibh marcaíocht capall san<br />
áireamh.<br />
Bhí trádáil capall ann fosta; b’fhéidir gurb é seo an<br />
fáth a bhfuil an fhéile bainteach leis an bhandia<br />
torthúlachta, Macha, a fuair bás agus í ag breith<br />
linbh i ndiaidh iachall a chur uirthi rith i gcomórtas<br />
in éadan chapaill an rí. In Éirinn bhí baint ag an<br />
fhéile le hEmain Macha, i gCúige Uladh, ach cuireadh<br />
ar siúl in áiteanna éagsúla í, a raibh Dún Ríoga na<br />
Teamhrach san áireamh ann.
CÁRTAÍ BEANNACHTA DO<br />
NA SÉASÚIR CEILTEACHA<br />
Is é an tasc atá agat cárta beannachta séasúrach a dhearadh a<br />
bhaineann le ceann amháin de na féilte Ceilteacha seo a leanas:<br />
SAMHAIN, IMBOLC, BELTAIN, nó LÚGHNASA.<br />
Is féidir an cárta a tharraingt nó é a chruthú ar ríomhaire ag<br />
úsáid bogearraí péinte, Microsoft Word nó bogearraí Comic Life.<br />
SAMHAIN<br />
SHONA DUIT<br />
Má tá tú ag úsáid an ríomhaire, tig leat pictiúir ón idirlíon a<br />
íoslódáil le húsáid ar do chárta, nó do phictiúir féin a tharraingt<br />
agus bogearraí péinte in úsáid agat.<br />
Is féidir an cárta críochnaithe a phriontáil agus a ghreamú<br />
ar phíosa páipéarchláir dhaite atá fillte.<br />
AN TIONSCADAL A PHLEANÁIL...<br />
Cén séasúr a roghnaigh tú?<br />
ÚSÁID LITREOIREACHT CHEILTEACH AGUS<br />
OBAIR SHNAIDHME LEIS AN CHÁRTA A<br />
DHÉANAMH NÍOS BARÁNTÚLA.<br />
Cad iad na cineálacha pictiúr a sheasfadh don séasúr seo?<br />
Cad é a scríobhfaidh tú ar an chárta?
CÁRTAÍ BEANNACHTA A DHEARADH<br />
LE BOGEARRAÍ COMIC LIFE<br />
TÚS A CHUR LEIS...<br />
Oscail na bogearraí greannáin<br />
SAMHAIN<br />
SHONA DUIT<br />
Caithfidh tú méid an leathanaigh a athrú sula dtosaíonn tú ar do ghreannán.<br />
Caithfidh tú cliceáil ar FILE agus PAGE FORMAT a roghnú.<br />
Ansin tig leat formáid an leathanaigh a athrú go dtí A5 (leath den mhéid atá<br />
i leathanach páipéir A4).<br />
Is féidir an cárta críochnaithe a phriontáil agus a ghreamú ar phíosa<br />
páipéarchláir dhaite atá fillte.<br />
ROGHNAIGH TEIMPLÉAD LEATHANAIGH<br />
Roghnaigh teimpléad leathanaigh agus tarraing go dtí an leathanach é.<br />
CUIR PICTIÚIR LEIS<br />
Taispeáin do na daltaí an áit leis an chomhfhillteán a aimsiú<br />
ar an líonra ríomhairí mar a bhfuil a gcuid léaráidí stóráilte.
CUIR TÉACS ISTEACH<br />
Agus boscaí téacs, litreoireacht, nó bolgáin chainte in úsáid, is féidir le daltaí téacs a<br />
chur isteach. Formáidigh an téacs tríd an dath, an chló, an mhéid, agus an stíl a athrú.<br />
AN CÚLRA A FHORMÁIDIÚ<br />
Athraigh cúlra an leathanaigh agus na painéil chearnógacha sa chéad dul síos trí<br />
cheachtar acu a roghnú, an leathanach a chliceáil nó painéal cearnógach a chliceáil<br />
agus ansin, painéal na ‘Details’ a oscailt agus dath nó patrún a roghnú.<br />
SÁBHÁIL<br />
Sábháil an obair i bhfillteán cuí ar an ríomhaire.<br />
PRIONTÁIL & CUIR I DTOLL A CHÉILE<br />
Priontáil na cártaí críochnaithe. Tig le gach dalta a dhearadh<br />
a ghearradh amach agus é a ghreamú ar phíosa páipéarchláir<br />
dhaite atá fillte, leis an tionscadal a chríochnú.
CEACHT 3:<br />
AN SAOL I DTEACH CRUINN
TAOBH ISTIGH DE THEACH<br />
CRUINN CEILTEACH<br />
Chónaigh na Ceiltigh i dtithe cruinne a bhí suite i lár an tsráidbhaile. Bhí cónaí<br />
ar a lán teaghlach in aon teach cruinn amháin ina raibh seomra mór amháin.<br />
Bhí doras an tí maisithe le snoíodóireacht speisialta agus le plandaí le cosc a<br />
chur ar spioraid an oilc teacht isteach.<br />
Tógadh teach cruinn thart ar chuaille lárnach. Bhí cuaillí eile ag<br />
teacht amach uaidh sin i gciorcal le díon a fhoirmiú. Thacaigh cuaillí<br />
ceartingearach an díon. D’úsáid siad ábhair ón fhoraois lena gcuid<br />
tithe a thógáil. Rinneadh na ballaí as caolach (maidí adhmaid fite)<br />
agus dóib (cochán agus clábar) agus bhí ceann tuí ar an díon.<br />
Bhí TINE curtha síos i gcónaí sa teach ceilteach le fáilte a chur<br />
roimh dhaoine. Théigh an tine an teach agus bhí sí in úsáid le bia<br />
a chócaráil. Tógadh vása cré isteach i lár an urláir le timpistí a<br />
sheachaint agus le cosc a chur ar an luaith á scaipeadh. D’fhan an<br />
tine lasta lá agus oíche mar measadh gur ábhar náire é gan tine a<br />
bheith thíos. Go minic shuigh na Ceiltigh thart ar an tine le chéile<br />
oícheanta dorcha ag éisteacht le scéalta.
Bhíodh COIRE ar crochadh os cionn na tine ar thrípéad le slabhra<br />
inchoigeartaithe. De ghnáth bhí na coirí déanta as cré-umha, ach<br />
bheadh coirí iarainn ag na Ceiltigh is saibhre. Bhí bia á chócaráil<br />
an chuid is mó den am mar bhí an nós ann bia a thabhairt do<br />
chuairteoirí a luaithe agus a tháinig siad isteach.<br />
Saoir den scoth a bhí sna Ceiltigh a shnoigh maisiúcháin<br />
ealaíonta ar a DTROSCÁN. Bhí binsí ann chomh maith a<br />
bhí in úsáid mar leapacha thart ar na ballaí taobh istigh<br />
de na botháin. Bhí na tochtanna líonta le féar tirim agus<br />
cleití agus clúdaithe le craicne caorach. Bhí stólta, táblaí<br />
ísle agus cófraí a rinneadh as adhmad agus leathar ar an<br />
troscán eile. Ba chosúil go raibh craicne caorach, craicne<br />
bó agus craicne fia in úsáid leis an urlár a chlúdach.<br />
Bhí bua den scoth ag na Ceiltigh san FHÍODÓIREACHT,<br />
rud a rinne siad ar sheol fíodóireachta. Ba mhinic a bhí<br />
dathanna geala agus patrúin ar na dearaí seo acu.
AISTE BIA AGUS BIA A CHÓCARÁIL<br />
Bhí na Ceiltigh i ngrá le bia agus bhí dúil mhór acu i bhféastaí. D’ith siad muiceoil, mairteoil,<br />
géim, éisc, cáis, gruthanna, bainne, im, agus brachán. Bhailigh siad cnónna agus síolta agus<br />
d’fhás siad a nglasraí féin. D’ith na Ceiltigh Éireannacha feamainn amhail carraigín.<br />
Bhruith na Ceiltigh an fheoil sa choire nó róst siad í os cionn<br />
gualaigh, amanna ar BHIORANNA. Leasaigh siad feoil agus<br />
iasc i salann don gheimhreadh. Béile a raibh éileamh mór air<br />
ná bradán a bhí bácáilte le mil agus luibheanna.<br />
Ba mhaith leis na Ceiltigh LEANN agus FÍON a ól.<br />
Rinneadh meá as mil agus uisce agus ina raibh<br />
blastanais ó luibheanna fiáine agus torthaí.<br />
Rinne siad an leann as eorna, seagal nó coirce.<br />
Bhailigh siad bia i GCISEÁIN SAILÍ. Le ciseáin a dhéanamh,<br />
d’fhigh siad saileach nua-bhainte isteach i gcruthanna casta<br />
sular fhág siad iad le triomú.<br />
D’úsáid siad PRÓCAÍ CRÉ le bia a stóráil. Choinnigh cuid acu<br />
an luaithreach créamtha dá gcuid daoine muinteartha.
Rinneadh CUPÁIN agus BABHLAÍ as dair agus as<br />
adhmaid mhíne eile. D’úsáid siad coirn óil le leann a ól<br />
mar choinnigh siad a lán leachta. Rinneadh na coirn óil<br />
as adharca eallaigh i ndiaidh iad a mharú. Ba ghnáth<br />
leo na coirn a ghlanadh agus a líomhadh sular mhaisigh<br />
siad iad le gléasadh miotail. Ba mhinic a adhlacadh<br />
corn óil leis an duine ar leis é.<br />
Bhí BRÓ déanta as dhá chloch chruinne throma agus<br />
úsáideadh í le harbhar nó le cruithneacht a mheilt ina<br />
phlúr. Ansin, d’úsáid siad an plúr le harán a dhéanamh<br />
san oigheann.<br />
Bhí na tithe cruinne ar fheabhas le luibheanna a thriomú agus bia a leasú.<br />
D’úsáid siad luibheanna le bia a bhlaistiú agus i gcógais leighis. Chuir siad<br />
feoil agus éisc ar crochadh ó dhíon an tí, áit a mbíodh siad á leasú agus<br />
á mblaistiú ón teas agus ón toit.
CEACHT 4:<br />
CÚ ULADH
AINMHITHE CUMHACHTA<br />
FÉILEACÁN<br />
Seasann an FÉILEACÁN do chlaochlú, d’inspioráid<br />
agus don athbhreith.<br />
Thiocfadh leis an fhéileacán a bheith ina chuidiú<br />
ag amanna atá rudaí ag athrú. D’fhuaigh siad iad<br />
isteach i ngúnaí breithe agus i mblaincéid le fáilte<br />
a chur roimh leanaí úra isteach sa sráidbhaile.<br />
TARBH<br />
Cuireann an TARBH toil láidir agus ceanndánacht in iúl,<br />
uaidh sin faighimid an téarma Béarla 'bull-headed'.<br />
Bhí an tarbh ina shiombail ar shaibhreas agus ar<br />
rachmas, mar b’fhoinse mhór bia é do na Ceiltigh.<br />
MADADH<br />
Seasann MADADH do dhílseacht agus é a bheith ina chara dílis.<br />
Sa sráidbhaile, chuir madadh ádh mór in iúl. D’úsáid siad iad<br />
sa tseilg agus mar sin ba mhór an t-éileamh a bhí orthu agus<br />
an meas a tugadh dóibh.
FIA<br />
De réir na gCeilteach, ba é an FIA an t-ainmhí is ársa ar an saol.<br />
Tá baint aige leis an nádúr, le seilg, le coillearnach agus leis an<br />
fhlúirse. Bhí baint ag na beanna go minic le crainn agus le cur<br />
agus le baint na ngráinní. Is minic a fheictear carria bán sna<br />
miotais cheilteacha nuair atá athrú mór ar charachtar ar tí tarlú.<br />
FIACH DUBH<br />
Thiocfadh le FIACHA DUBHA a bheith<br />
ina gcomhartha báis. Uaireanta d’eitil<br />
fiacha dubha os cionn láithreáin chathanna<br />
na gCeilteach mar dhia faoi bhréagriocht.<br />
BRADÁN<br />
Cuireann an BRADÁN eolas agus críonnacht in iúl.<br />
IOLAR<br />
Tá ar Chú Chulainn léim bhradáin a thrasnú sula dtig<br />
leis ceird an chogaidh a fhoghlaim ó Scáthach.<br />
Éan é seo a raibh clú air mar gheall ar a chríonnachta<br />
agus a fhadsaoil sna cultúir Cheilteacha. Léirigh sé luas,<br />
láidreacht, radharc géar na súl, agus eolas na draíochta.
EALA<br />
I miotaseolaíocht Cheilteach, ba mhinic a ghlac déithe<br />
cruth ealaí agus iad ag teacht i láthair shaol na mbeo.<br />
Seasann siad don chuannacht, don áilleacht agus don ghrá.<br />
Go minic bíonn an céile céanna ag ealaí ar fud a saoil.<br />
CAPALL<br />
Cuireann an CAPALL cobhsaíocht, onóir, muinín,<br />
éirim agus láidreacht in iúl. Ghlaofá ar an chapall<br />
in áiteanna a mbeadh misneach nó muinín de dhíth.<br />
CAT<br />
Measadh cait a bheith ina gcaomhnóirí<br />
ar an saol eile. Tá siad glic agus cliste<br />
agus maith le rud a choinneáil ina rún.
CLOGAD LAOICH A DHEARADH<br />
Maisigh an clogad Ceilteach seo leis an ainmhí cumhachta a roghnaigh tú,<br />
agus dearaí d’ainmhithe Ceilteacha in úsáid agat mar threoir. Cuir isteach<br />
snaidhmeanna agus bíseanna Ceilteacha lena ornáidiú, ansin dathaigh an<br />
dearadh críochnaithe.<br />
FÉILEACÁN FIA MADADH<br />
IOLAR CAPALL<br />
TARBH FIACH DUBH BRADÁN<br />
EALA CAT
CEACHT 5:<br />
LAOCHRA I SOCHAÍ<br />
NA GCEILTEACH
NA LAOCHRA<br />
CEILTEACHA<br />
Bhí an chogaíocht coitianta le linn<br />
na hIarannaoise agus tógadh a lán<br />
dúnta (lonnaíochtaí daingnithe)<br />
ag an am sin.<br />
Ba dhaoine gan eagla iad na<br />
laochra Ceilteacha. Ba mhinic a<br />
bhí siad dóighiúil, cliste, léannta<br />
agus ag maíomh as na héachtaí<br />
a bhí déanta acu. Bhí onóir agus<br />
meas an-tábhachtach do laochra.<br />
D’úsáid an chuid is mó de laochra<br />
Ceilteacha sleánna agus miodóga<br />
ach b’fhearr leo claimhte fada<br />
le haghaidh slaiseáilte, a chaith<br />
siad ag a dtaobh nó ar a ndroim.<br />
Fuair siad cosaint ag sciatha fada<br />
déanta as leathar agus adhmad<br />
nó iarann. Chaith cuid acu máille<br />
na lúb.<br />
Chuir roinnt<br />
laochra tatúnna<br />
orthu le ruaim<br />
ghorm darb ainm<br />
goirmín lena gcuid<br />
naimhde a scanrú.<br />
Throid cuid de na laochra agus<br />
iad lom nocht le cur in iúl nach<br />
raibh eagla roimh ghortaithe<br />
nó eagla an bháis orthu.
D’úsáid siad aol<br />
lena gcuid gruaige<br />
a dhéanamh ina spící.<br />
Bhí adharca ar chuid de na clogaid Cheilteacha<br />
le heagla a chur ar an namhaid.<br />
Is féidir linn léargas a fháil ar na cineálacha éadaí<br />
a chaith na laochra Ceilteacha ó na fionnachtana ó<br />
shuíomhanna ársa agus ó na hábhair a bhí ar fáil<br />
dóibh amhail airm, olann agus leathar.
CUIR ÉADAÍ<br />
AR AN LAOCH<br />
Cuir a éide ar an laoch agus ansin<br />
dathaigh é.<br />
B'fhéidir gur mhaith leat cuid acu seo<br />
a chur isteach: sleá, claíomh, sciath,<br />
tatúnna le ruaim ghorm (goirmín),<br />
miodóg, crios scine, clogad, léine olla,<br />
bróga leathair, torc, clóca, ceangal<br />
clóca, dealg.
SOCHAÍ NA GCEILTEACH<br />
NA MÓRUAISLE<br />
Fuair muid an chuid is mó den fhianaise atá againn ar<br />
shochaí na gCeilteach ó na finscéalta agus ó na miotais<br />
cháiliúla Cheilteacha, Cú Chulainn mar shampla.<br />
Bhí na laochra agus na húinéirí talaimh mar chuid de na MÓRUAISLE,<br />
nó d’aicme na laochra. Ba í seo an aicme is airde a raibh rí, banríon<br />
nó taoiseach mar cheannaire uirthi. B'úinéirí talaimh iad na móruaisle<br />
agus ba leo talamh, tréada agus saibhreas go léir na treibhe nó na<br />
clainne, nó an chuid is mó díobh.<br />
Nuair nach raibh na móruaisle ag cogaíocht chaith siad a gcuid ama<br />
i mbun gnó, ag imirt cluichí cláir, ag amharc ar ógánaigh ag imirt<br />
cluichí faoin aer, ag glacadh páirte i gcomórtais scile agus<br />
láidreachta, ag seilg agus ag féastú.<br />
AN TAOS DÁNA,<br />
AN LUCHT EALAÍNE<br />
AGUS LÉINN<br />
Bhí AN T-AOS DÁNA nó an lucht ealaíne agus léinn faoi bhun na móruaisle. San áireamh san<br />
aicme seo bhí daoine proifisiúnta ann a raibh scil ealaíne, óráidíocht agus eolas acu. Bhí<br />
reachtóirí, dochtúirí, ceoltóirí, filí agus fir chráifeacha, na draoithe, ina mbaill san aicme seo.<br />
Ba mhór an meas a bhí ar cheardaithe agus ar shaoir oilte. Ní raibh sé de dhualgas orthu<br />
seirbhís mhíleata a thabhairt do na móruaisle. Ní dhearna siad obair sna goirt. Má bhí buanna<br />
acu, d’éirigh leo saibhreas agus sócúlacht a bhaint amach. Bhí an tsaoirse acu taisteal agus a gcuid earraí<br />
a dhíol do chlanna eile. Bhí meas ar ealaíontóirí agus tugadh spreagadh dóibh.<br />
San áireamh le saoir oilte bhí gaibhne dubha (ag obair le hiarann), gaibhne cré-umha, saoir adhmaid,<br />
ceardaithe leathair agus criadóirí. Ba iad na cearaithe miotail na saoir is tábhachtaí.<br />
NA COMÓNTAIGH<br />
Ba CHOMÓNTAIGH iad formhór na gCeilteach, a bhí in aicme níos ísle ná<br />
an tAos Dána nó an lucht ealaíne agus léinn. Bhí na comóntaigh saor ach<br />
ní raibh talamh ar bith acu. Bhí an chuid is mó díobh ina bhfeirmeoirí a<br />
d’fhás bairr agus a phóraigh ainmhithe.
MNÁ I SOCHAÍ NA GCEILTEACH<br />
I sochaí na gCeilteach bhí cás na mban i bhfad níos fearr na mar a bhí sé<br />
sa chuid is mó de shochaithe na linne sin. Bhí cead ag mná gairm ar bith a<br />
leanúint, a fear céile féin a roghnú agus seilbh a bheith acu ar a réadmhaoin<br />
féin.<br />
Ba mhná a bhí i mbun laochra a oiliúint, chuaigh siad i mbun catha agus bhí<br />
roinnt acu i gceannas ar airm. Ba léir, ón dóigh ar caitheadh le mná, an<br />
meas a bhí ag na luathCheiltigh ar an talamh agus ar ealaín na draíochta<br />
agus ar ealaín na cruthaitheachta lena raibh baint ag mná, dar leo.<br />
DANÚ<br />
Aithnítear Danú mar an chéad ollmháthair ag Éirinn,<br />
an bandia ónar saolaíodh gach rud beo.
BANLAOCHRA<br />
Fuair Cú Chulainn oiliúint in ealaín an chomhraic ón<br />
bhanlaoch Scathach ar Oileán Sgitheanach. Tugadh<br />
‘an laoch is fearr ar an domhan’ ar Scathach.<br />
LAOCHRA BANRÍONA<br />
I bhfinscéal Chú Chulainn; Táin Bó Cuailgne,<br />
bhí Méabh, banríon Chonnacht, i gceannas<br />
ar chaoga míle saighdiúir in éadan Chúige<br />
Uladh, a raibh an lámh in uachtar ag an<br />
laoch iontach Cú Chulainn ar gach duine acu.
CEACHT 6:<br />
‘SAOL AN CHEILTIGH’<br />
CUR I LÁTHAIR TFC
‘SAOL AN CHEILTIGH’<br />
A CHUR I LÁTHAIR<br />
GNÍOMHAÍOCHT TFC<br />
Is é an tasc atá agat ná<br />
cur i láthair faoi shaol an<br />
Cheiltigh a dhéanamh agus<br />
tú ag úsáid bogearraí<br />
ríomhaire amhail PowerPoint<br />
nó Slideshow.<br />
TREOIR DON CHUR<br />
I LÁTHAIR<br />
Caithfidh deich sleamhnán ar leith ar a laghad a bheith sa chur i láthair seo agat. Ba cheart<br />
gur sleamhnán teidil é an chéad sleamhnán a léiríonn ainm don chur i láthair agus d’ainm féin.<br />
Ba cheart go mbeadh gné difriúil de na Ceiltigh san áireamh i ngach sleamhnán, mar shampla<br />
éadaí na gCeilteach, laochra, srl...<br />
Ba cheart go mbeadh pictiúr amháin ar a laghad ar gach sleamhnán leis an téacs a léiriú.<br />
Thiocfadh le mhúinteoir na pictiúir seo a chur ar fáil nó thiocfadh leat iad a íoslódáil ón idirlíon<br />
nó iad a tharraingt agus a scanadh ar an ríomhaire.
LAOCH<br />
ÁBHAIR MHOLTA:<br />
Bunús na gCeilteach<br />
Teanga na gCeilteach<br />
Fionnachtana Seandálaíochta<br />
Coirp Phortaigh<br />
Éadaí<br />
Seodra<br />
Ealaín<br />
Lonnaíochtaí<br />
Tithe Cruinne<br />
Bia<br />
Sochaí na gCeilteach<br />
Mná i Sochaí na gCeilteach<br />
Ainmhithe Cumhachta<br />
Laochra<br />
Cogaíocht na gCeilteach<br />
Armúr na gCeilteach<br />
Creideamh<br />
Féilte<br />
Sealgairí na gCloigne<br />
NÓ RUD AR BITH EILE<br />
A D’FHOGHLAIM TÚ!<br />
SEODRA<br />
CREIDEAMH
CUR I LÁTHAIR<br />
ILMHEÁNACH A DHÉANAMH<br />
OSCAIL NA BOGEARRAÍ<br />
Oscail bogearraí cur i láthair, m.sh. PowerPoint nó Slideshow.<br />
SLEAMHNÁN TEIDIL A OSCAILT<br />
Cuir téacs isteach ar an sleamhnán seo. Ba chóir go mbeidh an<br />
teideal atá ar an chur i láthair agus ainm an dalta istigh ann.<br />
Formáidigh méid an téacs, an cló agus an dath.<br />
ATHRAIGH DATH AN CHÚLRA<br />
Roghnaigh dath an chúlra do na sleamhnáin.<br />
SLEAMHNÁIN NA DTOPAICÍ<br />
Cuir sleamhnán nua isteach agus cuir téacs an chéad topaic isteach. Formáidigh méid an téacs,<br />
an cló agus an dath. Cuir na pictiúir isteach leis an topaic seo a léiriú. Athraigh méid na bpictiúr<br />
agus cuir in áiteanna difriúla iad. Lean ar aghaidh ag cur sleamhnáin nua isteach go dtí go mbeidh<br />
gach topaic clúdaithe.<br />
UAINIÚ, TRASDULTA SLEAMHNÁN AGUS BEOCHAN<br />
Le húsáid PowerPoint beidh tú ábalta uainiú na sleamhnán nó an fad ama a mbeidh sleamhnán le<br />
feiceáil ar an scáileán a shocrú, trasdulta sleamhnán nó an dóigh a ndéanfar sleamhnán amháin<br />
a chumasc isteach sa chéad sleamhnán eile a shocrú agus beochan a shocrú a athróidh an chuma<br />
a bheidh ar théacs agus ar íomhánna ar an scáileán.<br />
AN CUR I LÁTHAIR A PHROFÁIL<br />
Seiceáil an téacs uilig sa chur i láthair maidir le litriú, poncaíocht agus gramadach.<br />
AMHARC AR AN TAISPEÁNTAS SLEAMHNÁN<br />
Amharc ar an taispeántas sleamhnán lena thástáil.<br />
AN CUR I LÁTHAIR A SHÁBHÁIL<br />
Foilsigh an leagan deiridh den chur i láthair agus amharc ar na taispeántais sleamhnán<br />
comhlánaithe.