Kitabı yüklə - Kitabxana

QOY QƏLBİNƏ OLUM NAXIŞ
Məndən küsüb gedən yarım
Dön geriyə, üzmə məni.
Gəl yanıma vəfadarım
Yad baxışla süzmə məni.
Ayrılıq çox böyük dərddi
Çəkəmmədim, yıxdı məni.
Məhəbbət bir uzun səddi
Tənhaçiliq sıxdı məni.
Sənsiz dünya heçdi mənə
Darıxıram, durammıram.
Çox alışdı qəlbim sənə
Özgə peyman qurammıram.
Sən gedəndən inan hələ
Gözüm gəzir yollarında.
İstəyirsən edam elə
Mən ölərəm qollarında.
Nəfəsində qərq olaram
Gözündəsə dolğun baxış.
“Yox “söyləmə, bax, solaram
Qoy qəlbinə olum naxış.
25 may 2009
20