Kitabı yüklə - Kitabxana

YADINA DÜŞMÜRƏM,
GÜLÜM
Gör neçə müddətdi,gör neçə vaxtdı,
Aşıb yeksan olub könlümün taxtdı,
Həsrətin alovu qəlbimi yaxdı-
Nə üçün yadına düşmürəm, gülüm.
Sənsiz nə sevinib, nə də gülmüşəm,
Yadıma gəlmir ki,haçan görmüşəm,
Bəlkə yaşamıram, artıq ölmüşəm-
Nə üçün yadına düşmürəm, gülüm.
Xəyalın başından çıxmırmı yoxsa,
Tənhalıq qəlbini sıxmırmı yoxsa,
Səni diz çökdürüb yıxmırmı yoxsa-
Nə üçün yadına düşmürəm , gülüm.
Sənsizəm,bu dünya mənə gəlir dar,
Qəlbimdə dağımı işğal edib qar,
Məyər ki sənin də bir ürəyin var-
Nə üçün yadına düşmürəm, gülüm.
Mütaliboğlu sevmək olub günahın,
Onunçündə gec açılır sabahın,
Ucaldı göylərə fəğanın, ahın-
Nə üçün yadına düşmürəm , gülüm.
26 may 2009
22