Kitabı yüklə - Kitabxana

Söyləyir tənhalıq sıxmırmı səni
Mənim kimi nə sirrin ,sirdaşın var.
Çürük ağac kimi yıxmırmı səni
Şəxsən mənim üçün dünya gəlir dar.
Bax ,saçın, kirpiyin, gözün qaradı
Bəlkə də bəxtindən bu xəbər verir.
Dodağın üstü də kiçik yaradı
Zənnimcə ,qəlbindən o xəbər verir.
Demirəm bədbəxtəm mən bu dünyada
Yox, əsla, sadəcə təklik bezdirib.
Mənim eşq qatarım gəlməyib, ya da
Çox vaxtsız gələrək, çox vaxtsız gedib.
Tapammıram səadəti, sevinci
Bilmirəm son dəfə nə vaxt gülmüşəm.
Mənimçün olsa da məhəbbət inci
Sanma ki, mən onun dadın görmüşəm.
Baxdı aynadakı duran üzünə
Dinmədi, sakitcə tam sükut etdi.
Bir azca gülərək o öz-özünə
Otağı astaca tərk edib getdi.
NAMƏLUM ZƏNG
Bu qarlı, çovğunlu qışın səhəri
Dan yeri təzəcə ağaran vaxtı.
Telefon zəng çalıb ötdü ötəri
İki qəlb birləşib qığılcım çaxdı.
Durmadan hey ötür tələsir sanki
208