Metin için tıklayınız... - e-Kitap

134
50. Ebsem ol bî-edebâne ne bu tatvîl-i kelâm
Elem ü sûziş ile tâ-be-key olmak miksâr
51. Ser-nüvişt-i ezelî böyle imiş çâre nedür
Hükm-i takdîre gerek kulda rızâ-yi bisyâr
52. Kârı teslîm-i kazâ vü kader eyle Sâmî
Eyleme şekve ile ta’n-i sipihr-i devvâr
53. Söz tamâm oldı yeter sûziş ile eyle du’â
Ba’d ez-în sıdk ile ol sübha-şümâr-i ezkâr
54. Hân-i na’mâ-yi İlâhî çekilüp âfâka
Tâ ki devr ede bu nüh-kâse-i fîrûze-bahâr
55. Hânedânun ola ma’mûr ü müretteb dâ’im
Devlet ü ‘ömrüni efzûn ide hayy ü settâr
56. Mesned-i sadr-i vezâretde Hudâ-yi müte’âl
Eyleye zâtunı pîrâye-dih-i istikrâr
22
Kasîde -i ‘Arz-i Hâl-gûne İbrâhîm Paşaya Virilmişdür
mefâ’ilün fe’ilâtün mefâ’ilün fe’ilün
1. Eyâ veliyy-i ni’am sadr-i dil-şikeste-nevâz
Penâh-i gam-zedegân-i zamâne-i nâ-sâz
2. Sen ol yegâne-kerem-kâr-i bî-bedelsin kim
Karîn-i ‘âtıfetündür hezâr ehl-i niyâz
3. Muhîtdür keremün öyle kasr-i ‘âlîdür
Ne intihâ mutasavver ne nokta-i âgâz