15SOf1f

Crynodeb
Mae’r ail gyllideb atodol hon ar gyfer 2012-13 yn diwygio cyllideb atodol flaenorol
2012-13, a gymeradwywyd gan y Cynulliad Cenedlaethol ym mis Gorffennaf 2012.
Mae’r gyllideb atodol hon yn cyflawni tri phrif ddiben:
� Mae’n gwneud dyraniadau o gronfeydd wrth gefn canolog;
� Mae’n adlewyrchu trosglwyddiadau o fewn cyllidebau adrannol Llywodraeth
Cymru, a rhwng y cyllidebau hynny; ac
� Mae’n addasu’r llinellau sylfaen i roi cyfrif am drosglwyddiadau â Llywodraeth
y DU, trosglwyddiadau rhwng arian refeniw a chyfalaf a dwyn cyllid ymlaen.
Ers y gyllideb atodol flaenorol ar gyfer 2012-13:
� Mae cyfanswm y gwariant a reolir (TME) ym mloc Cymru wedi cynyddu
£215.3 miliwn, neu 1.4%. O’r swm hwn, caiff £212.7 miliwn ei ddyrannu i
adrannau Llywodraeth Cymru.
� Mae cyfanswm y terfyn gwariant adrannol (DEL) ym mloc Cymru wedi cynyddu
£123.6 miliwn, neu 0.8%. O’r swm hwn, caiff £121 miliwn ei ddyrannu i
adrannau Llywodraeth Cymru.
� Mae’r DEL refeniw ym mloc Cymru wedi gostwng £7.2 miliwn, neu 0.1%. Fodd
bynnag, mae’r gyllideb atodol yn dyrannu £34.8 miliwn o DEL refeniw
ychwanegol i adrannau Llywodraeth Cymru.
� Mae’r DEL cyfalaf ym mloc Cymru wedi cynyddu £130.8 miliwn, neu 10.6%.
O’r swm hwn, caiff £86.2 miliwn ei ddyrannu i adrannau Llywodraeth Cymru.
� Mae’r gwariant a reolir yn flynyddol (AME) ym mloc Cymru wedi cynyddu
£91.7 miliwn, neu 22.6%. O’r swm hwn, caiff £91.7 miliwn ei ddyrannu i
adrannau Llywodraeth Cymru.
Er bod y gyllideb atodol yn dyrannu cyllid ychwanegol, mae’r cynnig ei hun, y mae
gofyn i’r Cynulliad ei awdurdodi, yn gofyn am ostyngiad o £44.4 miliwn i’r swm
sydd i’w dalu o Gronfa Gyfunol Cymru i Weinidogion Cymru yn y flwyddyn
ariannol 2012-13.