në adresën Rruga “Aleksandër Moisiu” - Posta Shqiptare

More documents

Recommendations

Info

E shtunë 2 qershor 2012 4 POSTIERI UPU-ja vazhdon të përballojë kërkesat e sektorit postar global Si e vetmja përfaqësuese në industrinë postare globale, UPU- ja është e mirë pozicionuar për t’ju përgjigjur kërkesave aktuale dhe të së ardhmes të këtij sektori, tha zv.Drejtori i Përgjithshëm Guozhong Huang “Në fund të ditës, konsumatorët do të përdorin ofruesit e shërbimeve që ofrojnë cilësi më të mirë dhe siguri,” shtoi Huang.UPU do të vazhdojë të monitorojë nga afër zhvillimet ekonomike, sociale dhe ato të tregut dhe do të përgatisë anëtarët e saj për t’iu përgjigjur në mënyrë efektive sfidave të së ardhmes dhe nevojave në ndryshim të konsumatorit, tha zëvendës drejtor i përgjithshëm. Duke folur më 11 maj, Huang u kujtoi delegatëve se zhvillimi i i.Post, domain-i me nivelin më të lartë të UPU-së për sektorin postar, ështe në rrugë të mbarë. Kjo do të hapë rrugën për ofrimin e shërbimeve të reja postare dhe do të mbështesë integrimin e shërbimeve fizike, elektronike dhe financiare. Mundësi të reja Pavarësisht krizës financiare dhe rritjes së teknologjive të reja të komunikimit të cilat ndikojnë negativisht në biznesin tradicional, Huang tha se administratat postare kanë mundësi të reja. Shenja e parë (e epokës së internetit ) ishte rënia e volumit te letrave postare tradicionale si pasojë e zëvendësimit të tyre me postë elektonike ( e-mail) apo telefonat celularë,”- shpjegon Huang. Megjithatë, e-commerce do të ofrojë gjithnjë e më shumë biznese për postat. Ofruesi i shërbimeve financiare JP Morgan vlerësoi se ecommerce global mund të jetë në vlerë më shumë se 900 miliard USD në vitin 2012. “Shitjet Online janë në rritje, ashtu siç është the volumi i paketave të vogla dhe pakove,” tha Huang. Statistikat e fundit të UPU-së tregojnë se volumi ndërkombëtar i pakove ka arritur në 43.6 milion në vitin 2010. Gjithashtu, ndër të tjera ai shtoi se UPU-ja nuk do të qëndrojë mbi dafina. “Ka ende hapësirë për zhvillimin e shërbimeve, të tilla si esignatures (nënshkrimet elektronike), të njoftimit elektronik të shpërndarjeve, ndryshimeve të adresave online , postës së regjistruar elektronike, dokumenteve elektronike doganore dhe identiteteve dixhitale”, shtoi ai. Huang pati një diskutim të gjatë në konferencën vjetore të Korporatës Postare Ndërkombëtare e cila u organizua në Shanghai të Kinës. Aksionerët e kësaj kompanie private janë 24 operatorë postare nga vendet e industrializuara. Shangai organizoi një konferencë postare ndërkombëtare (Foto: Arkiv) Në Shtator – Tetor 2012 në Doha të Katarit do të organizohet Kongresi i UPU-së ku do të përcaktohen dhe objektivat për 2013-2016 Postat Aziatike të vlerësuara për cilësinë e lartë të shërbimit Anëtarët e Unionit Postar Pacifik-Azi ( APPU) janë në rrugën e duhur në avancimin e cilësisë së shërbimit dhe shërbimeve postare financiare në rajonin e tyre, tha Drejtori i Përgjithshëm i UPU-së , Z. Edouard Dayan Asia-Pacifiku kanë një normë të qëndrueshme të shpërndarjes në kohë për objekte ekspres, duke arritur në 90,8 % në dhjetorin e kaluar. “Asia- Pacifiku ka një shkallë tepër të avancuar të zhvillimit postar, novacionit dhe diversifikimit “, tha në fjalën e tij Drejtori i Përgjithshëm I UPU-së përpara Këshillit Ekzekutiv të APPU në mbledhjen e javës së shkuar. APPU është një union i kufizuar i UPU –së , i cili lehtëson dhe përmirëson marrëdhëniet postare midis 32 vendeve anëtare në rajonin e Azisë-Paqësorit. Gjatë ciklit të punës 2009-2012, fokusi i tij kryesor ishte rritja e cilësisë së shërbimit. “Cilësia e shërbimit në rajonin e Azi-Paqësor po ecën shumë mirë, si në aspektin e rezultateve aktuale, ashtu dhe në përdorimin e testimit të cilësisë dhe zhvillimit të zgjidhjeve,” - tha Dayan. Të dhënat e UPU-së tregojnë se rajoni po ecën shumë mirë në disa tregues kryesorë të indikatorëve të shërbimit. Shumë Administrata postare gjurmojnë të gjitha klasat e postës, duke përfshirë letrat e regjistruara dhe pakot , duke përdorur sistemet e UPU-së dhe duke menaxhuar më mirë flukset e tyre postare. Në vitin 2008, vetëm 15 vende kishin sistemin e gjurmimit “Track and Trace” për pakot postare , ndërsa tani ato numërohen në 36. Rajoni gjithashtu kryen edhe shpërndarjen e artikujve EMS. Shpërndarja në kohë e objekteve të tilla ka mbetur e qëndrueshme në 90,8 për qind Dhjetorin e kaluar, dhe rajoni ka një normë mbresëlënëse 98.9 për qind për përgjigjen e shërbimit të klientit në kohë. LEHTËSIMI I TREGTISË Për tu mos harruar është rritja e e-commerce, një treg ku Azi-Pacifiku dominon. Një nga prioritetet e diskutuara gjatë këtij takimi ishte që Post- at duhet të fokusohen në lehtësimin e tregtisë në mënyrë që eksporti të lulëzojë në këto zona. “Klientët nuk njohin kufinj dhe janë duke kërkuar gjithnjë e më shumë një shërbim postar ndërkombëtar të integruar dhe të sigurt. Por Postat mund ta shohin Unionin e Përbotshëm Postar si një vend ku ata mund të mbështeten, pasi ajo gjithnjë ka qenë mbështetëse e përpjekjeve të admin- “Cilësia e shërbimit në rajonin e Azi- Paqësor po ecën shumë mirë, si në aspektin e rezultateve aktuale, ashtu dhe në përdorimin e testimit të cilësisë dhe zhvillimit të zgjidhjeve,” - tha Dayan istratave postare për të krijuar strategji të reja për programet e eksportit postar .Iniciativa .post do të jetë një mënyrë që UPU mund të ndihmojë vendet që “të ngushtojnë sa më shumë hendekun midis dimensioneve fizike dhe elektronike të rrjetit postar” duke qenë se Postat lëvizin online” - shtoi Z.Dayan. Në Shtator – Tetor 2012 në Doha të Katarit do të organizohet Kongresi i UPU-së ku do të përcaktohen dhe objektivat për 2013- 2016, ndaj për këtë UPU-ja do të vazhdohet të punohet ngushtë me APPU për të trajtuar prioritetet e përcaktuara pas Kongresit: “Përmirësimin e cilësisë së shërbimit dhe sistemet e shpërblimit”. Në fund të diskutimit të tij Z.Dayan tha: “Vetëm nëpërmjet këtij bashkëpunimi të përkryer , bazuar në besim reciprok dhe në dëshirën e mirë për të ecur përpara së bashku, ne mund të vazhdojmë të çojmë më tej zhvillimin e shërbimit postar duke I shërbyer gjithnjë e më shumë klientëve tanë”.
POSTIERI 5 Nga Entela Resuli Një letër dashurie e 1959-ës! Janë të bëra bashkë e të lidhura. Nuk i ka hapur asnjëherë që nga momenti që janë lexuar. Kërkesa jonë për të nxjerrë nga “arkëza” e saj, ato letra dashurie i erdhi e papritur. Kapi zarfin e parë dhe na e besoi: “Nuk e di, - shprehet 73-vjeçarja, – se përse nuk i kam rilexuar asnjëherë, ndoshta për nostalgji apo ndoshta… Dhe tani kur po lexoj këtë fletë të verdhura nga koha nuk më besohet që i kam shkruar unë (qesh), eh sa vite kanë kaluar! Sigurisht! Dikur kanë qenë edhe ata 20 vjeç. Historia e këtij çifti që zgjodhëm sot për idenë tonë për të folur në “Jetë” mbi letrat e dikurshme të dashurisë ka filluar në bregdetin e Durrësit në vitet ’50. Dy të rinjtë në atë kohë ishin më pushime me familjet e tyre. Djaloshi e ka parë vajzën në breg të detit me një valixhe të drunjtë në dorë. Kanë qëndruar 2 muaj të dashuruar dhe 2 vjet të fejuar. Gjatë fejesës kanë shkëmbyer shumë letra me njëri-tjetrin, pasi për shkak të punëve jetonin në qytete të ndryshme. Letra që kemi në dorë mban datën 2 nëntor 1959 dhe 73 vjeçarja e sotme (në atë kohë 20), punonte në Fier si mësuese. Ia ka dërguar të fejuarit të saj që jetonte në Durrës. Ata numërojnë mbi 30 letra secili të shkruar gjatë dy viteve të fejesës. Më poshtë, pjesë nga kjo letër dashurie e 1959-s: N…. im Më në fund i mora edhe letrat e tua, kisha kaq kohë që i prisja. Çdo ditë e kalojë me të vetmin mendim se do të kem një letër prej teje, por asgjë. Duke u kthyer rrugës në darkë mendoja ndoshta do të kem letër? Dhe mbrëmë kështu ndodhi, por kur hyra në derë e pashë se përsëri qesh gabuar. Sigurisht u mërzita shumë. Mendoje vetë: kaq kohë që ke ikur dhe asnjë letër. Ti gabohesh kur thua se postierët kanë ndërruar rolet sepse kësaj radhe më ngjan njësoj ti pret letrat e mua dhe unë të tuat. (…)Mbrëmë edhe sikur të mos merrja letër prej teje e kisha vendosur të të shkruaja. Tashti duhet të kesh filluar punën i dashur, sa dua të di gjithçka. Kur do më shkruash? Në ç’punë je? A u rregullove për banim ? N… i dashur, jam shumë në merak për ty. Këtu koha është freskua shumë dhe sigurisht dhe atje, ti si bën pa triko. Çfarë vesh? Ku flini, më shkruaj hollësisht për të gjitha. I keqi im, më pëlqyen shumë dy vargjet italisht që më shkruaje në letër. Është e kot pse të pyesim njëri-tjetrin. Për të dy është e njëjta gjë. Mua më duket se gjithmonë të dua më shumë dhe mendojë ku do arrij vallë kjo, në çfarë infinitiv….? Ajo që shkruan ti është e drejtë, unë mendoj, e di pse duhemi kaq shumë? Sepse të dy ndjejmë njësoj, mendojmë njësoj. Vërtetë do të ishte diçka shumë e mërzitshme sikur njëri prej nesh të qe ndryshe. (…) Në një pyetje të bërë prej disa vajzave një autor italian (A harrohet dashuria e parë?) ai përgjigjet: “Dashuron për herë të parë vetëm kur dashuron me të vërtetë, dhe kjo është dashuria që nuk mund të harrohet, qoftë kjo e parë apo e njëzetë”. Sigurisht kjo më pëlqen si thënie, por jo se ka të bëj me ne. I dashur N… ti me letrat e tua më kujtove edhe njëherë, por me kaq vërtetësi ditët që kemi kaluar së bashku në plazh. Do të doja t’i kalonim edhe njëherë bashkë ato vende plot kujtime. Si thua a do jenë prishur dy “N”’-të që shkruajte ti? Sigurisht do i ketë mbuluar rëra. Sikur të hapje librat e mia në provime do të gjeje në çdo dy tre faqe dy “N” të gërshetuara. Sikur të më pyeste njeri tani se çfarë do të dëshiroja do përgjigjesha vetëm të rregullohet Ne foto, personazhi nuse i gazetes “Shekulli” posta dhe të mos vonohen letrat. Tashti ti ke më shumë gjera të reja për të më shkruajtur prandaj duhet të më shkruash me gjatë. Ndahemi tashti i dashur Mami dhe babi të përqafojnë. E… të puth në faqe. Po unë atëherë ku të të puth, në buzë. Të pëlqen kënga “Besame muço”? E jotja N… 2/X/’59 Dashuri në kohërat e “Facebook”-ut E kemi shkëputur këtë letër dashurie të 53 viteve më parë për të treguar se si shkruheshin letrat e dashurisë në atë kohë dhe se si ka evoluar kjo korespodencë në ditët e sotme, ku teknologjia ka bërë të vetën. Sot, mësëshumti deklaratat e dashurisë lihen në statuse facebooku, ku të rinjtë edhe pse mund ta kenë të dashurën e tyre në krah, nuk ja thonë me zë, por ja shkruajnë në “murin” e profilit në FB. Flasin me dhjetra herë në telefon, shkruajnë mesazhe dhe nuk presin me muaj të tërë sa t’ju vijë një letër nga një tjetër qytet. Tashmë i njohuri i ri nuk është më djaloshi brun që takuat në një mbrëmje miqsh, apo ajo biondja e prezantuar nga mikja jote pak ditë më parë e as shoku i klasës që nuk humbet rastin të të ulet pranë. Miku apo mikja e ardhshme është një i panjohur perfekt që rastësisht të ka tërhequr me nominativin e tij, me një koment të hedhur diku në Facebook apo Tuitter. Janë instrumente që kanë revolucionarizuar ndjenjat, pasionet, por e kanë shndërruar dashurinë në diçka disi virtuale. “You’ve got m@il” A ju kujtohet filmi “You’ve got mail”, një remake fantastik i klasikut “The shop around the corner” i vitit 1940? Ndërsa protagonistet e regjisorit Ernst Lubitsch njiheshin e forconin lidhjen e tyre me letra të dërguara në kutinë postare, Tom Hanks e Meg Ryan shumë vite më vonë, ruajne anonimitetitin e dashurohen me njëri-tjetrin pas ekranit të një kompjuteri. Ishte viti 1998 e kjo komedi fotografonte lindjen e një realiteti të ri ku ndjenjat e marrëdhëniet eksploronin me fraza brilante, situata ekuivoke, romanticizem, lot e gëzim të shkëmbyer në posten elektronike. Kush shkruan ende letra sot dhe kujt? Po sot a ka njerëz që shkruajnë letra? E kemi fjalën për letrat me dorë, tip “merr laps e letër” që shkruhet dhe mbyllet në një zarf postar. Ka. Sigurisht që letra vazhdon të konsumohet dhe boja gjithashtu, por një gjë është e sigurt, nuk ka më nga ato të dashurisë… Ata që presin këtë lloj korrespodence sot nuk janë më familjet apo individët, por zakonisht institucionet e shtetit. Ato vazhdojnë të marrin “letra të shkruar me dorë” nga njerëz të cilët zakonisht i mbushin me ankesa. Përgjithësisht moshat mbi 60 vjeç e ruajnë ende kënaqësinë e të shkruarit një letër. Shumica e të tjerëve i bien shkurt, kompjuteri i ka ndihmuar të kursejnë kohë. Letra të famshme dashurie që kanë bërë histori Më poshtë, ju sjellim disa copëza nga letra të famshme dashurie, njerëzish që kanë mbetur në histori. Përgjithësisht janë zbuluar vonë, kur janë hapur dhe gërmuar arkivat personale të lëna trashëgim. Janë të bukura. Eh, sa kanë ndryshuar kohët! NJOFTIM E shtunë 2 qershor 2012 Napoleoni i shkruan Giuseppina Beauharnas. Pranvere 1797 Nuk të dua më. Përkundrazi të urrej. Je një fatkeqe, perverse e vërtetë, budallaçkë e vërtetë, një Hirushe e vërtetë. Nuk më shkruan kurrë e nuk dashuron burrin tënd. Ti e di kënaqësinë që letrat e tua me japin e nuk më dërgon as pak rreshta të shkruara. Çfarë bëni gjithë ditën zonjë? Çfarë tip problemesh jetësore ju privojnë kohën për t’i shkruar të dashurit tuaj besnik? Cili mendim është kaq pengues sa të bën të lesh mënjanë dashurinë, dashurinë e sinqerte e konstante që ju më keni premtuar? Kujdes Giuseppina! Një natë të bukur dyert do te shkatërrohen e unë do jem aty… Bonaparte Kush ishte Xhuzepina Xhuzepina Beauharnais Bonaparti (1763 – 1814) ishte gruaja e parë e Napoleon Bonapartit. Ajo ishte e veja e Alessandro di Beauharnais, me të cilin kishte dy fëmijë. Në 1783 u nda nga Alesandro dhe iku nga Parisi. Kur u kthye në 1794 u arrestua dhe u dënua me vdekje në gijotinë, por u fal më pas. Mori famë si grua galante dhe që ndërronte shpesh të dashurit. Thuhet se Napoleoni ra keq në dashuri me të. Në 9 mars 1796 ata u martuan, megjithë kundërshtimin e ashpër të familjes së Napoleonit, të cilët penguan kurorëzimin e saj si Perandore e Francës deri në 2 dhjetor 1804. Në 1810 çifti u divorcua sepse Xhuzepina nuk mundi të lindte djalë-trashëgimtar. Ajo iku sërish nga Parisi dhe vdiq larg tij në 1814. Beethoven i shkruan një gruaje anonime “6 korrik 1812 (mëngjes) Ëngjelli im, e tëra imja, vetëm e imja. Vetëm pak fjalë për sot, madje dhe me laps (me tendin). Nuk jam i sigurt për strehimin tim deri nesër, çfarë humbje kohe e kotë e gjitha kjo. Pse kjo angosh pa sens kur flitet për nevojshmëri? Dashuria jonë mund te rezistoj pa sakrifica, pa mendimin se secili prej nesh pretendon gjithçka nga tjetri? Mundesh te mohosh faktin se ti nuk je e gjitha e imja e unë nuk jam i tëri i yti? O Zot… Dashuria kërkon gjithçka e me të drejtë… Ah, ka momente kur ndjej se fjala është e papërshtatshme. Përpiqu të jesh e qetë e qofsh përherë thesari im i vetëm besnik, Zoti do përcaktoj fatin tonë të ardhshëm. Besniku yt Ludvig Don Zhuan dhe antikonformist Bethoveni njihej për dy gjëra: për historitë e tij të shumta me gratë e martuara dhe për antikonformizmin e vet. Në këtë pikturë të Karl Rohling (1887) përshrkueht ai që ka mbetur në histori si “Incidenti i Teplisit”. Bethoveni, i shoqëruar nga Gëte përballen në shëtitje me familjen mbretërore.Ndërkohë që Gëte ndalet, Bethoveni refuzon të ndalet dhe të përkulet sipas zakonit dhe vijon rrugën e tij. marrë nga gazeta ‘Shekulli’ 100 vjet – POSTA SHQIPTARE Të nderuar qytetare, ish-kolegë dhe filatelistë. Në kuadrin e përgaditjeve për festimin e 100 vjetorit të Postës Shqiptare, për një pasqyrim sa më të plotë të historikut dhe veprimtarisë së shërbimit postar shqiptar, iu bëjmë thirrje të ndihmoni në pasurimin e Muzeut të Postës me relike, duke na dërguar koleksione, fotografi, materiale filmike, dokumente e kujtime etj, të cilat mund t’i gjykoni se janë të vlefshme për tu ekspozuar në Muzeun e Postës Shqiptare. Drejtoria e Përgjithshme e Postës Shqiptare ju falenderon paraprakisht për kontributin tuaj.
Page 1 and 2: E PERJAVSHME INFORMATIVE Tel: + 355
Page 3: POSTIERI cmyk 3 Intervista Jemi të
Page 7 and 8: POSTIERI 7 Fondacioni Fëmijët Shq
Page 9 and 10: cmyk POSTIERI 9 E shtunë 2 qershor
Page 11 and 12: cmyk POSTIERI 11 E shtunë 2 qersho
Page 13 and 14: POSTIERI 13 17 Ie A Internatore Ita
Page 15 and 16: POSTIERI 15 Pulla e re nga Japonia

në adresën Rruga “Aleksandër Moisiu” - Posta Shqiptare

You also want an ePaper? Increase the reach of your titles

Delete template?

Save as template?