368. ЗАКОН - Службен весник на Република Македонија

More documents

Recommendations

Info

Страна 718 - Број 28 СЛУЖБЕН ЛИСТ НА СФРЈ Петок, 10 април 1987 Со актите од став 1 на овој член ќе се врши текушто усогласување на релативните односи на цените на производите и услугите од тој став спрема вкупното движење на цените на производите и услугите, а за енергијата и енергетските суровини и на соодветните односи на цените спрема цените на индустриските производи, како и на меѓусебните односи на цените на одделни видови енергија и енергенти. Разработка на заедничките елементи вршат организациите на здружен труд од став 1 на овој член во Заедницата на југословенското електростопанство, Заедницата на југословенските железници, Заедницата на југословенските пошти, телеграфи и телефони, односно во соодветните форми на организирање во рамките на Стопанската комора на Југославија за јаглен, нафта, нафтени деривати и земен гас, во соработка со самоуправните интересни заедници и другите форми на организирање на корисниците на тие производи односно услуги, што ќе ги определи Стопанската комора на Југославија. Сојузниот извршен совет, заради остварување на посебен општествен интерес во овие дејности, дава согласност на разработените заеднички елементи. Ако Сојузниот извршен совет во рок од 30 дена не даде согласност за разработка на заедничките елементи, должен е во рок од 30 дена да го извести Собранието на СФРЈ. Член 7 За основните земјоделски производи што ќе се утврдат со плански акт на ниво на федерацијата, Сојузниот извршен совет, во соработка со извршните совети на собранијата на републиките и извршните совети на собранијата на автономните покраини, пропишува заштитни цени. Елементите за формирање на заштитните цени од став 1 на овој член се утврдуваат во планските или во други акти на ниво на федерацијата со кои се утврдува економската политика. Со заштитните цени на основните земјоделски производи треба да се обезбеди долгорочен економски интерес на производителите за зголемување на договореното производство на основни земјоделски производи, со тоа што при утврдувањето на тие цени се тргнува и од односите на цените на земјоделските производи и цените на производите што се користат во процесот на производство на тие производи. Цените на основните земјоделски производи на договореното производство, при договарањето на производството и купувањето на тие производи од производителите, не можат да бидат пониски од заштитните цени. Заштитните цени од став 1 на овој член се пропишуваат најдоцна до 15 септември текуштата година за наредната година. Сојузниот извршен совет, во соработка со извршните совети на собранијата на републиките и извршните совети на собранијата на автономните покраини, во првата половина на текуштата година ќе ги преиспита заштитните цени и, по потреба, ќе изврши нивно усогласување или менување. Надлежните органи во републиките односно автономните покраини можат да пропишат заштитни цени за земјоделските производи што во планските акти од став 1 на овој член не се утврдени како основни земјоделски производи. Член 8 Цените на производите и услугите што се изработуваат односно вршат врз основа на посебни порачки или според посебни технички услови и се продаваат непосредно преку собирање понуди или по пат на јавни лицитации, се утврдуваат со договор во фиксен износ и можат да се менуваат само со промена на договорот и во првобитно договорен рок., Член 9 Цените на производите во прометот се формираат според условите на пазарот, со самоуправна спогодба за здружување на труд и средства или со самоуправна спогодба за трајна деловна соработка меѓу организациите на здружен труд што се занимаваат со производство и орга- низациите на здружен труд што се занимаваат со работи на промет, на тој начин што со тие спогодби се утврдува учеството на производствените и прометните организации на здружен труд во заедничкиот приход или заедничкиот доход, односно со друга самоуправна спогодба за учество во големопродажната или малопродажната цена на тие производи. Член 10 Одредбите на овој закон што се однесуваат на организациите на здружен труд, се однесуваат и на другите самоуправни организации и заедници, а согласно се применуваат на другите учесници во производството, вршењето услуги и прометот на производи. Член 11 Формирањето на цените и општествената контрола на цените за вооружување и воена опрема се уредуваат со друг сојузен закон. III. ОПШТЕСТВЕНА КОНТРОЛА НА ЦЕНИТЕ Член 12 Општествена контрола на цените е вкупна општествена активност врз следењето на движењето на цените и преземањето мерки заради усогласување на вкупните односи на пазарот, а особено во правец на поттикнување на производството и зголемување на обемот и структурата на понудата, создавање услови да се задоволува обемот и структурата на побарувачката и спречување стихијно дејствување на пазарот. Под општествена контрола на цените се подразбира и преземање мерки за непосредна контрола на цените во согласност со овој закон. Член 13 Работниците во основните организации на здружен труд вршат општествена контрола на цените тргнувајќи особено од светските цени, движењето на производството и залихите односно обемот на услугите и користењето на капацитетите, од показателите на ефикасноста на стопанисувањето и наменската распределба на доходот, со утврдување на политиката на цените на основната организација на здружен труд и со следење на спроведувањето на таа политика, во согласност со целите и задачите утврдени со планските акти на општествено-политичките заедници. Организациите на здружен труд и другите самоуправни организации и заедници во односи на меѓусебна зависност, поврзаност и одговорност вршат општествена контрола на цените со следење на извршувањето на меѓусебните права и обврски од самоуправните спогодби односно договорите со кои ги утврдиле елементите за формирање на цените односно ги формирале цените и со споредување на цените на своите производи и услуги со цените што се остваруваат во извозот и увозот на тие производи и услуги. Организациите на здружен труд здружени во самоуправните интересни заедници вршат општествена контрола на цените со следење на влијанието на цените на одделни производи и услуги врз економската положба на производителот односно вршителот на услуги и корисникот на производи и услуги и врз основа на тие согледувања даваат иницијатива за усогласување и уредување на цените. Органот на управување на основната организација на здружен труд или соодветниот орган на друга самоуправна организација и заедница, односно органот на управување овластен за донесување на одлука за цените е должен на работниците, заради вршење на општествена контрола на цените, пред намеруваното зголемување на цените, да им достави извештај за формирањето и за движењето на цените во организацијата односно заедницата. Во извештајот посебно се даваат податоци за движењето на светските цени, на производството и залихите, односно обемот на услугите, податоци за користењето на капацитетите и показатели за ефикасноста на стопанисувањето и наменската распределба на доходот. Стопанските комори вршат општествена контрола на цените со преземање активности и давање стручна по-
Петок, 10 април 1987 СЛУЖБЕН ЛИСТ НА СФРЈ Број 28 - Страна 719 мош за унапредување на работата и работењето на организациите на здружен труд и утврдување на стандардите и нормативите на трошоците на текуштиот и минатиот труд и даваат иницијатива за самоуправно спогодување на меѓусебно поврзаните организации на здружен труд, како и со развивање на добри деловни обичаи и одговорност на организациите на здружен труд во меѓусебните односи и спрема општествената заедница. Организираните потрошувачи вршат општествена контрола на цените со следење и согледување на нивото и структурата на цените на производите и услугите од интерес за непосредната потрошувачка на работните луѓе и граѓаните и со давање иницијатива за преиспитување на основите што служеле за формирање на цените. Надлежните органи во општествено-политичките заедници вршат општествена контрола на цените со преземање мерки на економската политика со кои се влијае врз односите на понудата и побарувачката на пазарот, со утврдување на заедничките елементи за формирање на цените во планските и други акти на ниво на федерацијата, утврдување на заштитните цени на основните и други земјоделски производи и, по исклучок, со преземање мерки за непосредна контрола на цените. Мерки на економската политика од став 7 на овој член се преземаат, особено: во областа на заедничката политика на економските односи со странство, заедничката монетарна и заедничките основи на кредитната политика, заедничката царинска и девизна политика, политиката на распределба на општествениот производ и доходот, политиката на даноците и придонесите, политиката на формирање и користење на стоковни и други резерви. Член 14 Во општествено-политичките заедници се формираат органи за цени чии надлежности односно овластувања се утврдуваат со закон и со други прописи. Органите за цени: 1) го следат и анализираат движењето на цените, односно на понудата и побарувачката, дејството на мерките на економската политика и на мерките за непосредна контрола на цените врз цените и спроведувањето на утврдената економска политика во областа на цените, како и спроведувањето на законите и другите прописи со кои се уредуваат односите во областа на цените; 2) го следат и анализираат влијанието на цените врз односите во стекнувањето и распределбата на доходот во рамките на одделни области, гранки и групации и на стопанството во целост, влијанието на движењето на цените врз стабилноста на пазарот, врз трошоците на работењето на стопанството и на одделни негови делови, врз трошоците на животот и стандардот на работните луѓе и граѓаните, како и влијанието на цените врз остварувањето на основните правци на општествениот и економскиот развој утврдени со општествените планови; 3) го следат движењето на светските цени (увозните, извозните, берзанските и инодомицилните цени), вршат процена на нивното движење и го оценуваат влијанието на цените врз конкурентската способност на домашното стопанство на странскиот пазар; 4) вршат процена на движењето на цените за наредниот период, подготвуваат стручно-аналитичка основа за економската политика во областа на цените во планските акти и предлагаат донесување на мерки на економската политика и преземање на мерки и активности за нивно остварување; 5) му предлагаат мерки за непосредна контрола на цените на надлежниот орган, ги спроведуваат мерките за непосредна контрола на цените за чие спроведување се овластени и го следат нивното спроведување; 6) вршат и други аналитички, стручни и управни работи од областа на цените за потребите на надлежните органи во општествено-политичките заедници и за потребите на организациите на здружен труд и други самоуправни организации и заедници и издаваат публикации за односите и нивоата на цените и за движењето на цените на пазарот. Во вршењето на работите и задачите од став 2 на овој член, органите за цени тргнуваат особено од оцената на положбата на одделни области, гранки и групации и стопанството во целост во примарната распределба, од ефи- касноста на употребата на производствените фактори и од конкурентската способност на странскиот пазар. Член 15 Надлежниот орган за цени определува за кои производи и услуги организациите на здружен труд мораат да достават известување за цените заради следење и податоци што мора да ги содржи известувањето за цените, како и роковите и начинот на доставување на тие податоци. Сојузниот извршен совет може да пропише за кои производи и услуги организациите на здружен труд се должни да му достават на надлежниот орган за цени и на организациите на здружен труд - купувачи на тие производи односно корисници на тие услуги известување за цените пред почетокот на продажбата по тие цени и рокот во кој се должни да го достават тоа известување. Член 16 Во вршењето на работите и задачите утврдени со овој закон, органите за цени соработуваат меѓусебно, со други органи во општествено-политичките заедници, со самоуправните организации и заедници и со стопанските комори. Органите за цени ги известуваат организациите на здружен труд и други самоуправни организации и заедници, стопанските комори, органите во општествеко-политичките заедници, општествено-политичките организации и организираните потрошувачи за појавите во движењето на цените, за односите на цените и положбата на одделни дејности во примарната распределба што ги уочуваат во вршењето на работите и задачите од својата надлежност и можат да предлагаат преземање на мерки и активности во согласност со своите права и должности. Член 17. Организациите на здружен труд и другите самоуправни организации и заедници можат да поведуваат постапка во Стопанската комора на Југославија заради преиспитување и усогласување на односите и нивоата на цените на одделни производи односно услуги што се од интерес за целата земја. На барање од организациите на здружен труд и од други самоуправни организации и заедници - купувачи на повеќе од 1/3 од вредноста на производството на определен производ или услуга, во Стопанската комора на Југославија задолжително се спроведува постапка за преиспитување и усогласување на односите и нивоата на цените на тој производ односно услуга. Со општиот акт на Стопанската комора на Југославија се утврдува, во согласност со овој закон и со правата и должностите на Стопанската комора на Југославија, постапката за преиспитување и усогласување на односите и нивоата на цените на производите и услугите и се пропишуваат активностите, мерките и одлуките што можат да се донесат во таа постапка. Член 18 Мерките за непосредна контрола на цените се пропишуваат по исклучок, и тоа: 1) ако и покрај преземените мерки на економската политика настапат или можат да настапат поголеми растројства на пазарот и во движењето на цените или се доделува во прашање остварувањето на основните цели утврдени со општествениот план на Југославија и со други плански акти на ниво на федерацијата; 2) ако организациите на здружен труд не ги формираат цените на производите и услугите во согласност со утврдените заеднички елементи од член 6 на овој закон; 3) заради спречување на монополско формирање на цените; 4) заради утврдување на продажните цени на производите од увоз и од стоковните резерви, што се користат за интеревенции на пазарот. Надлежниот орган во општествено-политичката заедница е должен, истовремено со преземањето на мерки за непосрдна контрола на цените во смисла на точка 1 став 1 од овој член, да донесе односно предложи мерки на економската политика за отстранување на причините поради кои е преземена таа мерка.
Page 1: „СЛУЖБЕН ЛИСТ НА С
Page 5 and 6: Петок, 10 април 1987 СЛ

368. ЗАКОН - Службен весник на Република Македонија

Create successful ePaper yourself

Delete template?

Save as template?