e uiga ile Tui Puipuia ole Tifiteria, Tetanisi & Petusisi - NSW Health

Faamatalaga e uiga i faamai
O le Tifiteria (Diphtheria) ose faamai matautia e mafua ai le puni ole
mānāva, pe le fatu ma le faaleagaina o neura (nerve).
O le Tetanisi-Maalili(Tetanus) ose faamai tigaina, e masani ona
leaga lona afaina e mafua mai i siama e maua ile palapala. E
mafatia tele le tagata ile tiga o maso, soona fiti vale ole tino ma le le
gaoioi ole auvae. E oo lava i potu o tagata tigaina faaneionapo pe
tusa ma le 1 mai le 10 tagata e ono maliliu.
O le Petusisi (Pertussis – tale vivini) ose faamai e pipisi tele lona
siama e mafua ai le tale soo. E mafai ona oo atu ile 3 masina le
faafitauli tele ole tale i fanau matutua ma tagata matutua. O le tale
soo e mafai ona mafua ai le puai, gau o ivi asoaso, pā o alatoto laiti
poo le fifi pa’ū. Pe tusa ma le 1 mai le 200 pepe ei lalo ifo o le 6
masina le matutua ua pisia mai le tagata tale vivini e ono maliu ile
nimonia poo le faaleagaina ole mafaufau.
O aafiaga ole tui ole tifiteria, tetanisi ma le petusisi
O aafiaga tigaina tele (e pei ole enesefaliti) e seasea tupu. O auga
e tupu i lenei tui e tutusa ma auga e tutupu mai ile tui tuai ole Tulipe
Anetikeni (Triple Antigen).
O auga masani lava o le tui e masani ai lava e pei ole tiga, mumu
ma le fula le mea na tui.
O mea e fai pe a tupu mai ni auga
E ono fesoasoani le tuuina iai ose fasi ie susu/malulu i luga o le mea
o loo tiga e faatea ai le tiga. E ono ave iai se palasetimale
(paracetamol) mo le tiga. Faatele iai vai inu e inu ai.
Afai ua tigaina lou alo ise auga poo ua e popole foi, faamolemole
faafesootai lau fomai o lata ane.
Samoan
Tusi Faataga ole Tui ole Tifiteria,
Tetanisi ma le Petusisi (Tale Vivini)
Consent for Diphteria, Tetanus and Pertussis (Whooping Cough) Vaccination
Mo Matua/Tausitama,
O le a asiasi atu se vasega o tausimai pasi faapitoa ile aoga a
lou alo e ofo fuaina atu le tuiina ole Tifiteria, Tetanisi ma le
Petusisi.
E fautuaina le faamalosi o le tui ole Tifiteria, Tetanisi ma le
Petusisi mo fanau matutua.
O le a siakiina e tausimai lou alo ile aso ole tuiga. O tamaiti o
loo tigaina ise gasegase ma maua ile fiva o le a le tuiina.
Afai e iai ni fesili e uiga ile tui puipuia ole Tifiteria, Tetanisi ma
le Petusisi mo fanau matutua poo le faatumuina o lenei tusi
faamolemole faafesootai le Unite Soifua Maloloina (o loo
lisiina ile F&T ile ‘Tusi o Faamatalaga mo Matua’) o lata ane.
FAATONUGA:
Faamolemole faatumu uma vaega o lenei tusi ise peni lanu
moana/uliuli.
E le taliaina ni kopi o lenei tusi.
Afai ete finagalo e tuiina lou alo, faatumu UMA vaega o
lenei tusi ma faafoi ane ile aoga i totonu ole vaiaso e tasi.
Afai ete LE finagalo e tuiina lou alo, AUA le toe faafoia
lenei tusi.
February 2006